Störfum fjölgar í Bandaríkjunum

Störfum í Bandaríkjunum fjölgaði um 200 þúsund í desembermánuði sem var að líða, samkvæmt opinberum tölum. Þetta er sjötti mánuðurinn í röð þar sem störfum fjölgar á milli mánaða og varð nokkru meiri fjölgun en búist hafði verið við. Atvinnuleysið í landinu mældist 8,5 prósent í desember sem er nokkru betri árangur en í mánuðinum á undan þegar það var 8,7 prósent. Mest fjölgaði störfum í verslun, framleiðslu og í samgöngum.

Sparisjóður Svarfdæla seldur Landsbankanum

Stjórn Sparisjóðs Svarfdæla og Landsbankinn hf. hafa náð samkomulagi um að Landsbankinn kaupi allar eignir og rekstur Sparisjóðsins og haldi áfram fjármálastarfsemi í Dalvíkurbyggð.

Síðustu forvöð að tilnefna til vefverðlauna SVEF

Samtök vefiðnaðarins veita árleg vefverðlaun sín í Tjarnarbíói þann 3. febrúar. Síðustu forvöð til að tilnefna vefi eru á morgun, 7. janúar, og eru þeir sem hyggjast tilnefna vefi sína hvattir að bregðast skjótt við.

Eiginkona Hildebrand viðurkennir gjaldeyrisbraskið

Eiginkona Phillip Hilderbrand formanns bankastjórnar Seðlabanka Sviss hefur viðurkennt að það var hún sem stóð að viðamiklu gjaldeyrisbraski s.l. haust og notaði til þess sameiginlegan reikning þeirra hjóna hjá Bank Sarasin.

Vöruskiptin hagstæð um 14,5 milljarða í desember

Samkvæmt bráðabirgðatölum fyrir desember síðastliðinn var útflutningur tæpir 59,6 milljarðar króna og innflutningur 45,0 milljarðar króna. Vöruskiptin í desember voru því hagstæð um 14,5 milljarða króna samkvæmt bráðabirgðatölum.

Gistinóttum fjölgaði um 13% milli ára í nóvember

Gistinætur á hótelum í nóvember voru 79.500 samanborið við 70.400 í nóvember 2010. Gistinætur erlendra gesta voru um 73% af heildarfjölda gistinátta í nóvember en gistinóttum þeirra fjölgaði um 19% samanborið við nóvember 2010 á meðan fjöldi gistinátta Íslendinga var svipaður á milli ára.

Landaður afli í Faxaflóahöfnum jókst um tæp 13% milli ára

Aukning á lönduðum afla hjá Faxaflóahöfnum milli áranna 2010 og 2011 nam um 16.800 tonnum eða um 12,8%. Aukningin var að mestu í Reykjavík en á Akranesi barst svipaður afli á land í fyrra og árið 2010. Heildaraflinn í fyrra nam 148.200 tonnum, að því er segir á heimasíðu hafnanna.

Ísland áfram á leið niður listan um skuldatryggingaálög þjóða

Ísland heldur áfram að falla niður lista CMA gagnaveitunnar um skuldatryggingaálag þjóða heimsins, sem er jákvæð þróun.

Lítið greitt af erlendum skuldum fyrirtækja frá hruninu

Greining Arion banka telur að lítið hafi verið greitt niður af erlendum skuldum fyrirtækja frá hruninu haustið 2008.

Tölvuormur herjar á Facebook notendur

Öryggisþjónustur á netinu hafa gefið út viðvörun um að tölvuormur hafi náð að stela 45.000 lykilorðum af samskiptavefnum Facebook. Upplýsingunum hefur aðallega verið stolið af Facebook síðum í Bretlandi og Frakklandi.

Eignir lífeyrissjóða halda áfram að aukast

Eignir lífeyrissjóðanna halda áfram að aukast en samkvæmt nýjum tölum Seðlabanka Íslands nam hrein eign lífeyrissjóða 2.078 milljarða kr. í lok nóvember síðast liðins.

Skuldir Víkingaheima afskrifaðar að mestu

Skuldir tveggja félaga sem halda utan um Víkingaheima í Reykjanesbæ munu lækka um 60-70% samkvæmt uppgjörssamkomulagi þeirra við stærsta eiganda sinn, Reykjanesbæ, og lánardrottinn, Landsbankann. Félögin tvö, sem heita Íslendingur ehf. og Útlendingur ehf., skulduðu samtals um 620 milljónir króna í lok árs 2010.

Minna úrval vegna merkinga matvara

Hagar hafa að mestu leyti skipt út matvælum sem þarf að merkja vegna reglugerðar um merkingar á erfðabreyttum matvælum sem tók gildi um áramótin, að sögn Finns Árnasonar forstjóra.

Reyna enn að fá kyrrsetningu aflétt

Athafnamaðurinn Jón Ásgeir Jóhannesson og Lárus Welding, fyrrverandi forstjóri Glitnis, reyna enn að fá kyrrsetningu eigna sinna aflétt fyrir dómstólum. Málflutningur vegna þess fer fram í Hæstarétti í næstu viku.

Allt verð lækkað í verslunum Byko

Byggingavöruverslunin Byko hefur kynnt nýja verðlagningarstefnu og hefur allt verð til almennra neytenda verið lækkað.

Ofurálag á starfsfólk Framtakssjóðsins

"Þetta er búið að vera ofurálag á síðasta ári og bæði hafa verkefnin verið erfið og fjölmiðlaumræðan framan af ári var erfið,“ segir Finnbogi Jónsson, en tilkynnt var í dag að hann myndi láta af störfum sem framkvæmdastóri Framtakssjóðs Íslands. Hann segir þó að umræðan hafi gjörbreyst til batnaðar.

Skýrslutökur hafnar hjá rannsóknarnefnd Íbúðalánasjóðs

Vinna rannsóknarnefndar sparisjóðanna og rannsóknarnefndar Íbúðalánasjóðs er komin á fullan skrið og eru skýrslutökur hafnar hjá rannsóknarnefnd Íbúðalánasjóðs.

Finnbogi hættur hjá Framtakssjóðnum

Finnbogi Jónsson hefur ákveðið að láta af störfum sem framkvæmdastjóri Framtakssjóðs Íslands. Hann hefur verið framkvæmdastjóri frá því að sjóðurinn var stofnaður fyrir um tveimur árum. Finnbogi mun taka að sér að sinna ákveðnum stjórnarstörfum fyrir félög sem eru í eigu Framtakssjóðsins.

Ingólfur var hæfur til þess að gegna framkvæmdastjórastöðu

Héraðsdómur Reykjavíkur felldi úrskurð Fjármálaeftirlitsins gegn Ingólfi Guðmundssyni úr gildi í dag.

Formaður bankastjórnar seðlabanka sakaður um gjaldeyrisbrask

Philipp Hildebrand formaður bankastjórnar Seðlabanka Sviss hefur verið ásakaður um að hafa hagnast töluvert á gjaldeyrisbraski.

Færri skipakomur til Faxaflóahafna

Í fyrra komu 1454 skip, stærri en 100 brúttótonn, til hafna Faxaflóahafna eða samanlagt rétt tæpar 7 milljónir brúttótonna.

Heimsmarkaðsverð á olíu ekki hærra í átta mánuði

Heimsmarkaðsverð á olíu heldur áfram að hækka og hefur verðið ekki verið hærra í átta mánuði.

Vöruskiptin 8 milljörðum lakari í fyrra en 2010

Fyrstu ellefu mánuðina í fyrra voru fluttar út vörur fyrir 566,0 milljarða króna en inn fyrir 468,6 milljarða króna. Afgangur var því á vöruskiptunum við útlönd sem nam 97,5 milljörðum en á sama tíma árið áður voru þau hagstæð um 105,5 milljarða á sama gengi. Vöruskiptajöfnuðurinn var því 8 milljörðum króna lakari en á sama tíma árið áður.

Arion banki býður Pennann til sölu

Ákveðið hefur verið að bjóða til sölu allt hlutafé í Pennanum á Íslandi ehf. sem er í eigu Eignabjargs ehf., dótturfélags Arion banka hf.

Evrópa á barmi hruns?

Í stuttri fréttaskýringarmynd ritstjórnar Wall Street Journal, Europe on the Brink, er dregin upp nöturleg mynd af stöðu mála í Evrópu. Skuldavandinn er djúpstæður og erfiður viðureignar. Myndin var birt á vef Wall Street Journal í gær.

Tölvuþrjótar stálu 100 milljónum lykilorða í Kína

Tölvuþrjótum hefur tekist að stela um 100 milljónum af lykilorðum frá mörgum stórum og vinsælum netþjónustum í Kína.

Aflaverðmæti HB Granda 18 milljarðar í fyrra

Heildaraflaverðmæti skipa HB Granda á síðasta ári nam alls um 18 milljörðum króna.

Töluvert dró úr veltu á gjaldeyrismarkaðinum

Töluvert dró úr veltunni á millibankamarkaði með gjaldeyri í desember síðast liðnum. Alls nam veltan 10,8 milljörðum kr. sem er 28,7% minni velta en í fyrra mánuði.

Gott gengi hjá verslunum Kaupþings á Bretlandseyjum

Rekstur breskra tískuverslanakeðja í eigu þrotabús Kaupþings gekk mjög vel í jólaösinni í síðasta mánuði.

Vilja selja þriðjung í HS Veitum sem fyrst

Reykjanesbær er að skoða að selja 15% hlut í HS Veitum til að greiða niður skuldir sínar. Sveitarfélagið á í dag 66,7% hlut í fyrirtækinu. Áætlað er að sala hlutarins fari fram á fyrstu mánuðum ársins. Þetta kemur fram í fjárhagsáætlun Reykjanesbæjar sem var samþykkt í bæjarstjórn 3. janúar síðastliðinn. Þá hefur Orkuveita Reykjavíkur (OR) hug á því að selja 16,6% eignarhlut sinn í HS Veitum í samstarfi við Reykjanesbæ. Íslandsbanki vinnur nú að verkefninu fyrir hönd sveitarfélagsins og OR. Því er samtals tæplega þriðjungshlutur í fyrirtækinu til sölu.

Dótturfyrirtæki Actavis greiðir tugi milljarða króna

Dótturfyrirtæki Actavis Group hefur samþykkt að greiða tæplega 119 milljónir bandaríkjadala, tæplega 15 milljarða íslenskra króna, vegna ásakana af hálfu bandarískra stjórnvalda og fjögurra fylkisstjórna í Bandaríkjunum um að hafa ofrukkað fyrrgreinda aðila vegna lyfja.

Nýtt vaxtaskeið í farþegaflugi - eldgosi og ferðaátaki að þakka

Flugfarþegum á Keflavíkurflugvelli fjölgaði um 17,9% á árinu 2011 miðað við árið 2010. Alls lögðu 2.112.017 farþegar leið sína um flugvöllinn á árinu, þar af tæplega 1,7 milljón á leið til og frá landinu sem er um 16,3% aukning.

Nýr forstjóri Yahoo!

Yahoo! réð í dag Scott Thompson sem nýjan forstjóra fyrirtækisins, en hann var áður framkvæmdastjóri PayPal, sem er undir ebay.

Málsókn gegn sjömenningum lokið í NY - hugsanlega stefnt á Íslandi

Skilanefnd Glitnis hefur fallið frá stefnu gegn sjömenningunum svokölluðu fyrir dómstólum í New York. Lögmenn skilanefndarinnar skilaði ekki inn gögnum til áfrýjunarréttar eftir frávísun þess í lok árs 2010 og lauk því málarekstri opinberlega um áramótin.

Samfylkingin vill losna við Víkingaheima og Íslending

Samfylkingin í Reykjanesbæ vill selja Víkingaheima í stað þess að selja hlut í HS veitum að því er greinir frá í bókun frá flokknum og Víkurfréttir greina frá.

Þrír framkvæmdastjórar ráðnir til FME

Þrír nýjir starfsmenn hafa verið ráðnir í stöður framkvæmdastjóra nýrra eftirlitssviða Fjármálaeftirlitsins.Stöður framkvæmdastjóra eftirlitssviðanna þriggja voru auglýstar í nóvember síðastliðnum og hefur Fjármálaeftirlitið nú gengið frá ráðningu framkvæmdastjóra þeirra.

Alls voru 373 fasteignir seldar í borginni í desember

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í desember s.l. var 373. Heildarvelta nam 12,4 milljörðum króna og meðalupphæð á hvern kaupsamning var 33,2 milljónir króna.

Tvöfalt meira fer í skattinn

Gjaldabreytingar embættis ríkisskattstjóra á félög og fyrirtæki námu sex milljörðum króna á árinu 2011.

Metár í fjölda gjaldþrota

Ljóst er að nýtt met verður slegið í fjölda gjaldþrota á árinu 2011, en fyrstu 11 mánuði ársins höfðu 1.426 fyrirtæki lagt upp laupanna. Þar með er fyrra met frá árinu 2010 slegið út, þegar gjaldþrot voru samtals 982 talsins.

Aldrei hafa fleiri veðjað á að evran falli í verði

Aldrei í sögunni hafa fleiri fjárfestar veðjað á að evran falli í verði með því að skortselja hana.

Áætla 452 milljóna halla hjá Reykjanesbæ í ár

Fjárhagsáætlun Reykjanesbæjar fyrir þetta ár gerir ráð fyrir að 452 milljón króna halli verði á bæjarsjóði, það er A og B hluta.

Vísitala framleiðsluverðs lækkar

Vísitala framleiðsluverðs í nóvember síðastliðnum var 211,1 stig og lækkaði um 0,9% frá október. Þetta kemur fram á vefsíðu Hagstofunnar.

Gjaldþrotum fjölgar um 63% milli ára

Fyrstu 11 mánuði ársins 2011 er fjöldi gjaldþrota 1.432 sem er um 63% aukning frá sama tímabili árið 2010 þegar 877 fyrirtæki voru tekin til gjaldþrotaskipta.

Heimsmarkaðsverð á olíu hækkar áfram

Heimsmarkaðsverð á olíu heldur áfram að hækka en það rauk upp um yfir 3% í gærdag. Tunnan af bandarísku léttolíunni er komin í tæpa 103 dollara og tunnan af Brent olíunni er í tæpum 112 dollurum.

Bankamenn ákærðir fyrir 150 milljarða skattsvik

Saksóknari á Manhattan í New York hefur ákært þrjá svissneska bankamenn fyrir að hafa aðstoðað Bandaríkjamenn við skattsvik sem nema um 1,2 milljörðum dollara eða tæplega 150 milljarða króna.