Fimmtán ríki á athugunarlista S&P

Lánshæfismatsfyrirtækið Standard and Poor's hefur sett Þýskaland, Frakkland og þrettán önnur evruríki á athugunarlista vegna ótta um áhrif skuldakreppunnar í Evrópu á fjárhag landanna. Þessi ákvörðun S&P þýðir að 50% líkur eru á að lánshæfismatseinkunn ríkja með AAA einkunn verði lækkuð. Þessi ákvörðun kom fjárfestum í opna skjöldu og olli því að hlutabréf lækkuðu í dag. Þá féll gengi evrunnar einnig.

Þessir sóttu um starf forstjóra Bankasýslu ríkisins

Alls sóttu þrettán einstaklingar um starfs forstjóra Bankasýslu ríkisins en umsóknarfresturinn rann út 27. nóvember síðastliðinn. Fyrsta verk nýrrar stjórnar var að skipa nýjan forstjóra en Páll Magnússon sagði sig frá starfinu fyrir skemmstu og stjórnin í kjölfarið. Sérstök hæfnisnefnd mun fara yfir hæfi umsækjanda en það er svo stjórn Bankasýslunnar sem tekur endanlega ákvörðun um það hver verður ráðinn í starfið.

Jón ráðinn aðstoðarframkvæmdastjóri Viðskiptabankasviðs Íslandsbanka

Jón Finnbogason, fyrrverandi forstjóri Byrs hf., hefur verið ráðinn aðstoðarframkvæmdastjóri Viðskiptabankasviðs Íslandsbanka.

Íslandsbanki stærsti eigandi Íslenskra verðbréfa

Íslandsbanki verður eigandi að 28% prósenta hlut í Íslenskum Verðbréfum, eignastýringafyrirtækis sem er með höfuðstöðvar á Akureyri, með yfirtöku á Byr sparisjóði. Byr var áður stærsti einstaki hluthafi ÍV, með 28% hlut, en hann er nú á leið í hendur Íslandsbanka eftir að bankinn keypti Byr fyrir um 6,6 milljarða króna.

Ef ekkert verður gert gæti þurft að segja kjarasamningum upp

Verið er að breikka bilið á milli þeirra sem stóla á framfærslu frá ríkinu og annarra í samfélaginu með túlkun ríkisstjórnarinnar á viljayfirlýsingu sinni um hækkun bóta úr almannatryggingum sem undirrituð var ásamt kjarasamningum í vor segir formaður VR. Ef ekkert verður gert er erfitt að halda kjarasamningum í gegnum endurskoðun þeirra í janúar.

Vilja að FME verði rannsakað vegna aukins rekstrarkostnaðs

Fjárlaganefnd Alþingis vill að efnahags- og viðskiptaráðherra rannsaki starfsemi Fjármálaeftirlitsins vegna aukins rekstrarkostnaðar stofnunarinnar á undanförnum árum. Þingmaður Sjálfstæðisflokks segir að stofnunin hafi vaxið óeðlilega mikið.

Góður gangur í byggingu nýrrar kerverksmiðju Fjarðaráls

Framkvæmdum miðar vel áfram við byggingu nýrrar kersmiðju Alcoa Fjarðaáls á Reyðarfirði og fögnuðu starfsmenn byggingaverktakanna nýlega 100 þúsund slysalausum vinnustundum við framkvæmdirnar. Tæplega hundrað manns vinna við bygginguna. Kostnaður vegna framkvæmdanna er áætlaður nálægt fjórum milljörðum króna.

Níu starfsmönnum Byrs á Akureyri sagt upp

Níu starfsmönnum Byrs á Akureyri var sagt upp störfum í síðustu viku. Flestir þeirra hafa valið að starfa áfram fram í lok janúar og fresta starfslokum þangað til. Starfsmennirnir störfuðu allir í bakvinnslu. Þetta kemur fram á vefnum Vikudagur.

Arion banki íhugar alþjóðlegt skuldabréfaútboð

Arion banki er að íhuga fyrsta skuldabréfaútboð sitt á alþjóðamörkuðum. Þetta kemur fram í frétt á Bloomberg fréttaveitunni.

Skilanefnd hótar að hætta við söluna á Iceland Foods

Skilanefnd Landsbankans hefur hótað áhugasömum kaupendum að Iceland Foods verslsunarkeðjunni að hætta við söluna á keðjunni ef viðunandi tilboð berst ekki í hana.

Spáir óbreyttum stýrivöxtum

Greining Íslandsbanka spáir því að Peningastefnunefnd haldi stýrivöxtum Seðlabankans óbreyttum á næsta vaxtaákvörðunardegi bankans á miðvikudaginn kemur.

Þriðji hver Dani kaupir jólagjafir á netinu

Þriðji hver Dani mun kaupa jólagjöf eða gjafir á netinu í ár en netverslun hefur stöðugt aukist í Danmörku á undanförnum árum.

Fyrirtæki á Forbes 500 listanum hafa áhuga á netþjónabúum á Íslandi

Fjöldi fyrirtæki á Forbes 500 listanum, yfir stærstu fyrirtæki heimsins, hafa nú þegar sýnt áhuga á að koma sér upp netþjónbúum eða gagnverum á Íslandi.

Forstjóri PepsiCo er valdamesta konan í einkageiranum

Indra Nooyi, forstjóri PepsiCo, móðurfélags Pepsi á heimsvísu, er álitinn valdamesta kona í einkageiranum á heimsvísu samkvæmt Forbes. Hún stýrir fyrirtæki sem veltir árlega meira en 60 milljörðum dollara og er stærsta matvælafyrirtæki Bandaríkjanna. Starfsmenn á heimsvíu eru yfir 300 þúsund.

Bjóða miða á starfsmannakjörum - 5000 krónur báðar leiðir auk skatta

Iceland Express hefur ákveðið að bjóða 4.576 flugmiða á svokölluðum starfsmannakjörum til almennings. Miðarnir fara í sölu á hádegi á morgun en um er að ræða ferðir nú í desember. Í tilkynningu frá félaginu segir að með tilkomu nýrra Airbus A320 flugvéla hafi sætaframboð félagsins aukist miðað við fyrri flugflota um tæplega fimm þúsund sæti í desembermánuði.

Pálmi Haralds: Ærleg jólahreingerning hjá Iceland Express

Iceland Express er vel í stakk búið til að mæta þörfum viðskiptavina sinna með nýjum flugvélakosti auk þess sem eigandi félagsins hefur lagt því til 1,3 milljarða króna í reiðufé á síðustu mánuðum til að mæta taprekstri þessa árs. Þetta kemur fram í tilkynningu frá félaginu sem í dag tilkynnti um sölu á tæplega fimm þúsund sætum sem almenningur getur keypt á starfsmannakjörum. „Félagið ber engar vaxtaberandi skuldir hjá bönkum og lánastofnunum og mætir endurnýjað aukinni samkeppni og verkefnum sínum á komandi árum með metnaðarfull markmið í farteskinu," segir ennfremur.

Eva Joly kallar eftir ákærum

Eva Joly, sem á sínum tíma var ráðgjafi sérstaks saksóknara í rannsóknum tengdum bankahruninu, segir að nú ættu ákærur að hafa litið dagsins ljós, og þær fleiri en ein. Rætt var við Joly í Silfri Egils á RÚV í dag og þar sagðist hún sýna því skilning að langan tíma taki að rannsaka mál af þessu tagi en bendir á að nú séu liðin þrjú ár og enn hafi engin ákæra verið gefin út á hendur helstu gerendum í hruninu.

Indverjar halda stóru keðjunum frá smásölunni

Indverjar hafa ákveðið að banna alþjóðlegum risafyrirtækjum á sviði smásölu að opna stórar verslunarmiðstöðvar, að því er segir í frétt breska ríkisútvarpsins BBC. Mörg fyrirtæki á sviði smásölu hafa reynt að feta sig inn á indverska markaðinn og stóðu líkur til þess að stjórnvöld myndu opna markaðinn upp á gátt fyrir lok árs með sérstakri lagasetningu. Nú er útlit fyrir að það gerist ekki, samkvæmt frétt BBC.

Merkel valdamesta kona heims

Angela Merkel, Kanslari Þýskalands, er valdamesta kona heims samkvæmt lista Forbes. Af tíu valdamestu konum heims koma sex konur úr stjórnmálum og fjórar úr einkageiranum. Valdamesta konan í viðskiptalífinu er Indra Nooyi, forstjóri Pepsi. Þrjár valdamestu konurnar koma úr stjórnmálum.

Róbert Wessman gaf skýrslu hjá sérstökum saksóknara

Yfirheyrslur hafa staðið yfir í allan dag hjá sérstökum saksóknara vegna rannsóknar á málefnum Glitnis. Á meðal þeirra sem gáfu skýrslu í dag var Róbert Wessman svo og núverandi og fyrrverandi starfsmenn Íslandsbanka.

Framleiðandi FarmVille á markað

Tölveikjaframleiðandinn Zynga, sem framleiðir m.a. leikinn vinsæla FarmVille, hafa kynnt áform um að skrá fyrirtækið á markað. Áætlanir félagsins gera ráð fyrir að selja 100 milljónir hluta í félaginu á markaði á verðgildi sem gerir félagið virði um 9 milljarða dollara, eða sem nemur ríflega 1.000 milljörðum.

Yfirheyrslur í fullum gangi

Yfirheyrslur hófust í morgun í Glitnismálinu svokallaða. Ólafur Þór Hauksson sérstakur saksóknari segir að það skýrist í dag hvort yfirheyrslum verði fram haldið á morgun einnig. Að hans sögn er ekkert gefið upp um hvort einhverjir nýir hafi verið kallaðir til yfirheyrslu en þrír eru í gæsluvarðhaldi vegna málsins.

Evrusamstarfið gallað frá upphafi

Jacques Delors, einn af hönnuðum evrusvæðisins segir að evru-kerfið hafi verið gallað frá byrjun og tilraunir til þess að bjarga því nú komi of seint og séu og máttlausar. Delors, sem er fyrrverandi forseti framkvæmdastjórnar Evrópusambandsins segir að galli á framkvæmd evrópska myntbandalagsins hafi steypt kerfinu í glötun.

Orka til stóriðju lítt arðbær

Lægri arðsemi heildarfjármagns er af virkjunum fyrir stóriðju hérlendis en þekkist í sambærilegri starfsemi erlendis. Þetta kemur fram í skýrslu um arðsemi orkusölu sem Ásgeir Jónsson og Sigurður Jóhannesson unnu fyrir fjármálaráðuneytið. Arðsemin á Íslandi nam fimm prósentum á árunum 1966 til 2010.

YouTube fær nýtt útlit

Google kynnti í dag nýtt útlit vefsíðunnar YouTube. Tölvurisinn vill bjóða upp á meiri tengimöguleika við samskiptasíður og bæta notendaviðmót síðunnar.

Hrikalegar atvinnuleysistölur á Spáni

Atvinnuleysi á Spáni er á aukast, samkvæmt nýjustu mælingum atvinnuvegaráðuneytisins á Spáni. Frá þessu er greint á vefsíðu Wall Street Journal.

Ríkisskattstjóri skilað tillögum vegna uppgjörs á virðisaukaskatti

Ríkisskattstjóri hefur skilað tillögum til fjármálaráðuneytisins vegna uppgjörs á virðisaukaskatti vegna ólöglegra fjármögnunarleigusamninga. Skattgreiðslurnar, sem nema milljörðum króna, koma út á núlli fyrir ríkissjóð og því ekki talin ástæða til bakfærslu.

Sæstrengurinn verður sá hraðvirkasti

Sæstrengurinn sem Emerald Networks ætlar að leggja frá Írlandi til Bandaríkjanna, með tengingu við Ísland mun hjálpa Íslendingum við að byggja upp skapandi störf og fleiri stoðir í atvinnulífinu sem eru umhverfisvænar. Þetta segir Þorvaldur Sigurðsson, starfsmaður fyrirtækisins á Íslandi. Reuters fréttastofan greindi frá því fyrstur miðla í morgun að til stæði að leggja strenginn á næsta ári. Fjárfestingin nemur 36 milljörðum króna.

Mælaborð frá Datamarket aðgengilegt á Vísi

Ýmsar hagtölur eru nú aðgengilegar á Vísir.is í samstarfi við Datamarket. Mælaborði með upplýsingum er skipt upp í fimm undirflokka; verðlagsþróun, framleiðslu og eftirspurn, utanríkisviðskipti, vinnumarkað og opinber fjármál. Ítarlegar upplýsingar er síðan hægt að nálgast með því að smella á hnapp sem merktur er "Opna á Datamarket“, þar sem færa má upplýsingarnar í víðara samhengi og bera saman hinar ýmsu stærðir sem aðgengilegar eru.

Um 30 yfirheyrðir

Um þrjátíu manns hafa verið yfirheyrðir af embætti sérstaks saksóknara í tengslum við rannsókn á málefnum Glitnis. Hæstiréttur staðfesti í dag gæsluvarðhaldsúrskurði yfir þremur fyrrverandi starfsmönnum bankans.

Atvinnuleysi í Bandaríkjunum mælist 8,6%

Atvinnuleysi í Bandaríkjunum er að dragast saman, samkvæmt nýjustu tölum, en það mælist nú 8,6%, miðað 9% mánuðinn á undan. Þetta þykja vera skýr merki um að bandaríska hagkerfið sé að rétta úr kútnum, að því er fram kemur á vef breska ríkisútvarpsins BBC.

Hlutabréfamarkaðir á uppleið

Hlutabréfamarkaðir í Evrópu hækkuðu í morgun og er ástæðan rakin til þess að leiðtogar helstu ríkja í Evrópu kalla nú eftir meira samstarfi til þess að fást við skuldakreppuna. Helstu hlutabréfavísitölur í Frakklandi, Þýskalandi og Bretlandi hækkuðu um 1,5% til 2% í viðskiptum í morgun. Í ræðu sem Angela Merkel, kanslari Þýskalands, hélt fyrir þýska þingið sagði hún að Evrópuríkin væru að vinna sig í áttina að fjárhagslegu bandalagi. Fjárfestar búast líka við því að atvinnuleysistölur í Bandaríkjunum sem birtar verða í dag líti vel út.

Rússar vilja líka leggja sæstreng

Össur Skarphéðinsson utanríkisráðherra fékk í dag skriflegt svar frá rússneskum stjórnvöldum um að Rússar vilja láta kanna hvort unnt sé að leggja sæstreng frá Murmansk til Íslands. Fyrr í morgun var greint frá því að til stendur að leggja sæstreng frá Bandaríkjunum til Írlands, í gegnum Ísland, á næsta ári. Sú fjárfesting nemur 36 milljörðum króna.

Salt fagnar rannsókn á viðskiptum með Glitnisbréf

Salt Investment, sem er að mestu leyti í eigu Róberts Wessman, fagnar skoðun sérstaks saksóknara á viðskiptum með bréf Glitnis Talsmenn Salts saka stjórnendur Glitnis um að hafa beitt blekkingum.

Afkoma Strætó jákvæð um 219 milljónir

Afkoma Strætó bs. á fyrstu níu mánuðum þessa árs var jákvæð um tæpar 219 milljónir króna.

Kauphöllin samþykkir viðskipti með hluti í Högum

Kauphöllin hefur samþykkt umsókn stjórnar Haga hf. um töku hlutabréfa félagsins til viðskipa á Aðalmarkaði Kauphallarinnar.

FT: Ísland á leið að verða alþjóðleg miðstöð fyrir netþjónabú

Viðskiptablaðið Financial Times segir að með nýjum sæstreng frá Bandaríkjunum um Ísland og til Írlands hafa vonir Íslands um að verða alþjóðleg miðstöð fyrir netþjónbú færst skrefinu nær raunveruleikanum.

Spáir hægfara styrkingu á krónunni á næstunni

Greining Íslandsbanka spáir því að gengi krónunnar muni styrkjast hægt eftir að árstíðabundin niðursveifla þess í vetur er yfirstaðin.

Gistinóttum fjölgaði um 11% í október

Gistinóttum á hótelum í október síðastliðnum fjölgaði um 11% frá sama mánuði í fyrra. Þær voru 117 þúsund í október síðastliðnum en 105 þúsund í október í fyrra. Erlendir gestir gistu langflestar nætur, 74% af öllum gistinóttum, og fjölgaði um 13% frá október í fyrra. Gistinóttum Íslendinga fjölgaði um 6%.

Actavis kaupir hollenskt fyrirtæki

Actavis, hefur eignast allt hlutafé í hollenska fyrirtækinu PharmaPack International B.V. Kaupverðið er trúnaðarmál. PharmaPack hefur aðsetur í Zoetermeer í Hollandi og sérhæfir sig í pökkun á hefðbundnum lyfjum og líftæknilyfjum.

Nýr sæstrengur lagður milli Íslands og Írlands

Ísland og Írland ætla í sameiningu að standa á bakvið lagningu á nýjum sæstreng milli landanna. Sæstrengur þessi mun kosta um 36 milljarða króna og á hann að komast í gagnið árið 2013.

Danir munu eiga nóg af olíu og gasi fram til 2050

Danski olíusérfræðingurinn Peter Helmer Steen segir að Danmörk muni verða sjálfri sér næg um olíu og gas fram til ársins 2050.

Staða þjóðarbúsins neikvæð um 833 milljarða

Að frátöldum innlánsstofnunum í slitameðferð námu eignir þjóðarbúsins á þriðja ársfjórðungi ársins 2.529 milljörðum kr. og skuldir 3.361 milljarði kr. Var hrein staða þjóðarbúsins því neikvæð um 833 milljarða kr. eða sem nemur rúmum helmingi af landsframleiðslunni.

Spáir óbreyttum stýrivöxtum

Greining Arion banka spáir því að stýrivöxtum Seðlabankans verði haldið óbreyttum en næsta vaxtaákvörðun bankans er á miðvikudag í næstu viku.

Fokheldar Skuggablokkir eftirsóttar

Mikill áhugi er fyrir kaupum á fasteignum í Skuggahverfinu eftir söluauglýsingu 101 Skuggahverfis og Landeyjar, fasteignafélags Arion banka, sem birt var í vikunni. Um er að ræða tvær íbúðablokkir, Lindargötu 37 og Vatnsstíg 16 til 18. Engin tilboð hafa enn borist í eignirnar, en heimilt er að gera tilboð í aðra þeirra eða báðar saman.