Hagstætt verð á áli hefur áhrif á vöruskiptin

Aukning útflutnings í febrúar, þ.e. án skipa og flugvéla, frá sama tíma í fyrra skýrist einkum af auknum tekjum af útfluttum iðnaðarvörur og nam útflutningsverðmæti þeirra ríflega 26,1 milljörðum kr. í mánuðinum. Þetta er aukning upp á 77,2% á föstu gengi m.v. sama tíma í fyrra og má þakka það 60-70% verðhækkun á áli á tímabilinu.

Hagnaður norska olíusjóðsins 13.000 milljarðar

Hagnaður norska olíusjóðsins á síðasta ári nam 613 milljörðum norskra kr. eða rúmlega 13.000 milljörðum kr. Þetta er langmesti hagnaður á einu ári í sögu sjóðsins.

FME gerir samning við Bresku Jómfrúreyjar um upplýsingar

Fjármálaeftirlitið (FME) hefur gengið frá upplýsingaskiptasamningum við Fjármálaeftirlitið á Bresku Jómfrúareyjum (The British Virgin Islands Financial Services Commission) og Verðbréfaeftirlit Alberta (Alberta Securities Commission) í Kanada.

TM snéri miklu tapi í hagnað á síðasta ári

Hagnaður Tryggingamiðstöðvarinnar (TM) af reglulegri starfsemi á árinu 2009 var 237 milljónir kr. samanborið við 5.529 milljóna kr. tap 2008.

ÍLS kaupir tvö íbúðalánasöfn fyrir 16 milljarða

Stjórn Íbúðalánasjóðs (ÍLS) samþykkti á fundi sínum 4. mars 2010, kaup ÍLS á íbúðalánasafni Dróma hf. (áður SPRON) og Frjálsa fjárfestingarbankans hf. samkvæmt heimildum í lögum, að fjárhæð 16 milljarðar króna.

Þurfum að viðhalda þessari þróun með fjáfestingum

Vilhjálmur Egilsson framkvæmdastjóri Samtaka atvinnulífsins segir að það séu vissulega gleðifréttir að landsframleiðslan hafi vaxið um 3,3% á fjórða ársfjórðungi síðasta árs. „Nú er nauðsynlegt að viðhalda þessari þróun með fjárfestingum í minni og meðalstórum atvinnufyrirtækjum og stóriðjuframkvæmdum," segir Vilhjálmur.

Landsframleiðan óx um 3,3% í lok síðasta árs

Landsframleiðsla er talin hafa vaxið um 3,3% að raungildi frá 3. til 4. ársfjórðungs 2009. Á sama tíma jukust þjóðarútgjöld um 2,7% þar sem einkaneysla jókst um 1,4 % og fjárfesting um 16,6%.

Vöruskiptin í febrúar hagstæð um 13,9 milljarða

Samkvæmt bráðabirgðatölum fyrir febrúar 2010 var útflutningur 44,3 milljarðar króna og innflutningur 30,4 milljarðar króna.

Gjaldþrot fyrirtækja aldrei fleiri í Danmörku

Fjöldi gjaldþrota hjá fyrirtækjum í Danmörku fór í 581 í febrúar en þau voru 519 í janúar. Samkvæmt frétt á börsen.dk hafa gjaldþrot aldrei verið fleiri í einum mánuði í landinu frá árinu 1979 þegar byrjað var að taka saman upplýsingar um þau.

Moody´s lækkar lánshæfiseinkunn Deutsche Bank

Matsfyrirtækið Moody´s hefur lækkað lánshæfiseinkunn Deutsche Bank úr Aa1 og niður í Aa3. Þar fyrir utan hefur Moody´s lækkað matið á fjárhagslegum styrk bankans úr B og niður í C+.

Hafa heitið því að leggja 290 milljarða í tilboð i United

Sextíu vellauðugir fjárfestar hafa heitið því að leggja til samtals 1,5 milljarð sterlingspunda, eða tæpa 290 milljarða íslenskra króna, vegna fyrirhugaðs tilboðs í enska knattspyrnuliðið Manchester United. Þetta er fullyrt í breska blaðinu Times í dag.

Gott uppgjör hjá Royal Unibrew

Royal Unibrew næststærstu bruggverksmiðjur Danmerkur skiluðu góðu uppgjöri eftir árið í fyrra. Hagnaður upp á 77 milljónir danskra kr., eða um 1,8 milljarð kr. Til samanburðar má nefna að Royal Unibrew skilaði tapi upp á 453 milljónir danskra kr. árið 2008, hið stærsta í sögu verksmiðjanna.

Ísland er áfram í biðstöðu hjá AGS

Caroline Atkinson forstjóri samskiptasviðs Alþjóðagjaldeyrissjóðsins (AGS) segir að staða Íslands sé óbreytt hjá sjóðnum. Þannig að AGS mun bíða eftir niðurstöðu í Icesavesamningunum áður en næsta endurskoðun sjóðsins á áætlun hans fyrir Íslands fer fram.

VBS var í vanda vegna lausafjárskorts

„Það er tvennt í stöðunni þegar bankinn getur ekki staðið við skuldbindingar sínar: óska eftir greiðslustöðvun sem getur leitt til nauðasamninga eða fara í slitameðferð," segir Hróbjartur Jónatansson, formaður bráðabirgðastjórnar sem tók við VBS fjárfestingarbanka í fyrradag. Stjórnin er nú að skoða stöðu bankans, svo sem kanna möguleika á að stokka upp reksturinn.

Segir viðskipti Baugsfélags „fjárhættuspil“

Skiptastjóri þrotabús Sólarinnar skín, sem var dótturfélag Baugs, segir viðskipti félagsins við Glitni banka um hlutabréf í Marks & Spencer ekkert annað en fjárhættuspil. Þrotabúið er eignalaust en heildarkröfur í búið nema fimmtán milljörðum króna.

Nauðasamningar samþykktir hjá Bakkavör

Yfir 90 prósent kröfuhafa í Bakkavör Group samþykktu á fundi í dag að ganga að nauðasamningum fyrirtækisins. 60 prósent kröfuhafa þurftu að samþykkja samninginn til þess að hann gengi í gegn.

Seðlabanki Svíþjóðar: Engin áætlun til ef Icesave er fellt

Stefan Ingves seðlabankastjóri Svíþjóðar segir að engin áætlun sé til staðar ef Icesavesamningurinn verður felldur í þjóðaratkvæðagreiðslunni á laugardag. Þetta kemur fram í frétt á Reuters.

Viðræður um að koma Icesave í skjól hófust 2. júlí 2008

Vinna við dótturfélagavæðingu Landsbankans í Bretlandi hófst eftir fund með breska fjármálaeftirlitinu 2. júlí 2008. Þá var ítarleg umsókn um dótturfélagavæðingu Icesave innlána í Hollandi tilbúin nokkrum dögum áður en bankinn féll.

Gengi bréfa Atlantic Airways féll um 4,96 prósent

Gengi hlutabréfa í færeyska flugfélaginu Atlantic Airways féll um 4,96 prósent í Kauphöllinni í dag og gengi bréfa stoðtækjafyrirtækisins Össurar um 0,88 prósent.

Skuldabréfavísitölur lækkuðu í dag

Skuldabréfavísitalan GAMMA: GBI lækkaði um 0,2% í dag í 8,6 milljarða kr. viðskiptum. GAMMAi: Verðtryggt lækkaði um 0,2% í 1,3 milljarða kr. viðskiptum og GAMMAxi: Óverðtryggt lækkaði um 0,3% í 7,2 milljarða kr. viðskiptum.

Lukkulegir hjá Lego, annar methagnaður í höfn

Danski leikfangaframleiðandinn Lego hefur ástæðu til að fagna. Annað árið í röð varð methagnaður hjá Lego. Á síðasta ári varð hagnaðurinn tæpir 2,9 milljarðar danskra kr. eða um 66 milljarðar kr. fyrir skatta. Fyrra metár var 2008 þegar hagnaðurinn nam 1,85 milljörðum danskra kr.

Heimskreppa í nánd ef ekki tekst að hemja bankana

Ýmsir fjármálasérfræðingar, meðal annars Nóbelsverðlaunarhafar, segja aðra heimskreppu í nánd ef reglur um áhættufjárfestingar banka verði ekki hertar svo um munar.

Skuldabréfaútboð Grikkja lofar góðu

Í morgun tilkynnti gríska ríkisstjórnin um skuldabréfaútboð sem ætlað er að safna 5 milljörðum evra. Gangi það eftir á Grikkland engu að síður enn eftir að fjármagna 48 milljarða evra halla til viðbótar.

Telja kaupin á IAV styrkja byggingu tónlistarhússins

„Það er skoðun okkar að kaup svissneska verktakafyrirtækisins Marti Holding á IAV sé jákvæð fyrir byggingu tónlistar- og ráðstefnuhússins Hörpu,“ segja Stefán Pétur Eggertsson og Pétur J. Eiríksson, stjórnarformenn Austurhafnar og Portusar í yfirlýsingu til fjölmiðla.

SI: Helgi Magnússon endurkjörinn formaður

Helgi Magnússon var endurkjörinn formaður Samtaka iðnaðarinn (SI) á aðalfundi samtakanna í morgun.

SI: Skapa þarf 35.000 störf á næstu 10 árum

Í ályktun aðalfundar Samtaka iðnaðarins (SI) segir að stjórnvöld, atvinnurekendur og launþegasamtök verða að leggjast á eitt til að tryggja verðmætasköpun og störf. Á næstu 10 árum þurfi að skapa störf fyrir 35.000 manns. Til þess að svo megi verða þurfa að verða umskipti í efnahags- og atvinnumálum sem leiða til verulegs hagvaxtar. Hér þarf einbeittan vilja og dug til verka.

Átján tilboð hafa borist í Securitas

Átján óskuldbindandi tilboð hafa borist í Securitas. Farið verður yfir tilboðin og síðan ákveðið hverjir fá að senda inn skuldbindandi tilboð.

Greining: Nei þýðir líklega lækkað lánshæfismat

Verði niðurstaðan „nei" á laugardag muni lánshæfismat ríkisjóðs að öllum líkindum lækka en matsfyrirtækin hafa undanfarnar vikur ítrekað hversu mikilvæg lausn Icesave málsins sé fyrir lánshæfismat ríkisjóðs.

Arnór segir fjárfestum að halda ró sinni vegna Icesave

Arnór Sighvatsson aðstoðarseðlabankastjóri segir að erlendir fjárfestar eigi að halda ró sinni þótt Icesave samkomulaginu verði hafnað í þjóðaratkvæðagreiðslunni á laugardaginn kemur.

Alþjóðamarkaðir bjartsýnir á lausn Icesavedeilunnar

Ört lækkandi skuldatryggingaálag á ríkissjóð undanfarið er merki um að alþjóðamarkaðir séu bjartsýnir á að lausn muni finnast í Icesavedeilunni á næstunni.

Atvinnulausum fækkar óvænt í Danmörku

Atvinnlausum fækkaði óvænt í Danmörku í janúar og voru þá 118.000 á atvinnuleysisskrá í landinu. Þetta er 4,2% atvinnuleysi en fimm sérfræðingar sem spáðu fyrir um atvinnuleysið á börsen.dk höfðu reiknað með atvinnuleysi upp á 4,5%.

Svissneskt fjölskyldufyrirtæki tryggir 400 störf

Með yfirtökunni á Íslenskum aðalverktökum eru tryggð um 400 störf hjá ÍAV, en starfsmannafjöldi ræðst þó af verkefnastöðu á hverjum tíma. Eigendaskipti á ÍAV skapa einnig ný tækifæri fyrir fyrirtækið og starfsmenn þess, m.a. með þátttöku í verkefnum erlendis. ÍAV mun áfram verða rekið í sömu mynd en nú sem íslenskt dótturfélag Marti og mun njóta styrks Marti samstæðunnar.

Kauphöllin lokar á aðgang VBS að viðskiptakerfi sínu

Kauphöllin hefur tekið þá ákvörðun að loka tímabundið fyrir aðgang VBS Fjárfestingarbanka hf. (kauphallarauðkenni: STO) að viðskiptakerfi Kauphallarinnar.

Erlendum gestum fjölgaði um 2.000 í febrúar

Um 20 þúsund erlendir gestir fóru frá landinu um Leifsstöð í febrúarmánuði síðastliðnum, tvö þúsund fleiri en í febrúar árið 2008. Þannig komu álíka margir í febrúar í ár og árið 2007 sem var þá fjölmennasti febrúarmánuður frá upphafi talninga í Leifsstöð.

Skuldabréf VBS á athugunarlista

Skuldabréf útgefin af VBS Fjárfestingarbanka hf. (VBS 06 1 og VBS 08 1) hafa verið færð á athugunarlista vegna óvissu um fjárhagslega stöðu útgefanda með vísan til tilkynningar frá félaginu, dags. 3. mars 2010.

Eigendur Manchester United kvarta við forstjóra Goldman Sachs

Glazerfjölskyldan, sem á knattspyrnufélagið Manchester United, hefur kvartað við Lloyd Blankfein, forstjóra Goldman Sachs, vegna hegðunar Jims O´Niell, aðalhagfræðings bankans.

Örlög Bakkavarar ráðast í dag

Kosið verður um nauðasamning Bakkavarar Group í dag. Alls þurfa 60 prósent af höfðatölu allra kröfuhafa og 60 prósent af fjárhæð krafna þeirra að samþykkja samninginn til að hann öðlist gildi. Takist það ekki mun Bakkavör Group verða tekið til gjaldþrotaskipta. Þetta kemur fram í Viðskiptablaðinu í dag.

Fyrsta tap í sögu Mærsk skipafélagsins í Danmörku

A.P. Möller-Mærsk skipafélagið skilaði gífurlegu tapi á síðasta ári eins og væntingar voru um. Þetta er fyrsta árið í sögu félagsins sem það skilar tapi en félagið á rætur sínar að rekja til upphafs síðustu aldar.

Ísland mun gegna lykilhlutverki á Norðurskautsleiðinni

Íslandsvinurinn og prófessorinn Robert H. Wade segir að Ísland muni gegna lykilhlutverki þegar Norðurskautsleiðin svokallaða opnast fyrir skipaumferð í náinni framtíð. Þetta kemur fram í lesendabréfi prófessorsins sem birt er í Financial Times í dag.

Íslenskum aðalverktökum skipt upp

Íslenskum aðalverktökum, sem á sínum tíma önnuðust allar framkvæmdir fyrir herinn hér á landi og var eitt ríkasta verktakafyrirtæki landsins, verður skipt upp á milli Arion banka og verktakafyrirtækis frá Sviss, að þvi er Viðskiptablaðið greinir frá.

Fjármálaeftirlitið tekur yfir stjórn VBS fjárfestingabankans

Fjármálaeftirlitið hefur orðið við beiðni VBS fjárfestingarbanka hf. um að skipa bankanum bráðabirgðastjórn samkvæmt tilkynningu sem finna má á heimasíðu FME.

Litlar breytingar á vísitölum skuldabréfa

Mjög litlar breytingar voru á skuldabréfamarkaði í dag í tæplega 10 milljarða kr. viðskiptum. Voru allar skuldabréfavísitölur GAMMA nánast óbreyttar. Heildarvelta með verðtryggð bréf var um 2 milljarðar kr. og óverðtryggð bréf tæplega 8 milljarða kr.

Enn hækka skuldabréf Landsbankans

Skuldabréf Landsbankans halda áfram að hækka og eru í dag skráð á 8,25% af nafnverði á viðskiptavefnum Keldan.is. Þau hafa því ríflega tvöfaldast í verði frá því að forseti Íslands ákvað að vísa Icesave málinu í þjóðaratkvæðagreiðslu í upphafi janúar.

Fastus kaupir eignir þrotabús A. Karlssonar

Heildverslunin Fastus ehf. hefur keypt lager og aðrar eignir þrotabús A. Karlssonar ehf. Samhliða kaupunum hefur verið samið við flesta birgja um áframhaldandi þjónustu við viðskiptavini A. Karlssonar, undir merkjum Fastus.

Hægt að tryggja 860 milljónir í lottóvinning í kvöld

Ef þig dreymir um að fá stóra vinninginn í Víkingalottói kvöldisins upp á tæpa 2 milljarða kr. er til skotheld uppskrift að því. Það kostar að vísu rúman 1,1 milljarð kr. en á móti kemur að það er gulltryggt að þú haldir eftir 860 milljónum kr., þ.e. svo framarlega sem ofurtalan verði dregin út.