Greining: Nei þýðir líklega lækkað lánshæfismat

Þetta kemur fram í Morgunkorni greiningar Íslandsbanka þar sem fjallað er um Icesave og þjóðaratkvæðagreiðsluna. Þar segir að lánshæfismat ríkisjóðs sé nú á neikvæðum horfum hjá þremur af þeim fjórum matsfyrirtækjunum sem greina lánshæfi ríkissjóðs. Líklegt er að þau kveði upp dóm sinn fljótlega eftir að niðurstaða fyrirhugaðrar þjóðaratkvæðagreiðslu mun liggja fyrir.

Þá mun synjun og frekari seinagangur varðandi Icesave hafa þau áhrif að frekari seinkun verður á lánafyrirgreiðslum Norðurlandaþjóðanna sem og á efnahagsáætlun AGS og íslenskra stjórnvalda.