FME og sérstakur saksóknari undirrita verklagsreglur

Sérstakur saksóknari og settur forstjóri Fjármálaeftirlitsins (FME) undirrituðu fyrir helgina verklagsreglur til grundvallar samstarfi sínu.

Erlendum ferðamönnum fækkaði um 10% í febrúar

Samkvæmt talningum Ferðamálastofu í Leifsstöð fóru um 18 þúsund erlendir gestir frá landinu um Leifsstöð í febrúarmánuði síðastliðnum en í febrúarmánuði árið 2008 voru þeir tvö þúsund fleiri eða um 20 þúsund. Erlendum gestum fækkar því um 10% milli ára.

Hlutir í SAS hækka gífurlega – greinendur eru gáttaðir

Hlutir í SAS á mörkuðum á Norðurlöndunum hafa hækkað gífurlega í dag eða á bilinu 30 til 50%. Greinendur eru gáttaðir á þessari þróun enda ekkert í kortunum sem styður þessar hækkanir.

Cherie Blair ráðin til að lögsækja RBS og sir Fred Goodwin

Cherie Blair, fyrrum forsætisráðherrafrú Bretlands, hefur verið ráðin til að stjórn lögsókn gegn Royal Bank of Scotland (RBS) og sir Fred „The Shred" Goodwin fyrrum forstjóra bankans.

Takmarkað hve ríkið getur hjálpað Sparisjóðabankanum

Steingrímur J. Sigfússon fjármálaráðherra segir að það sé takmarkað hve mikið ríkið geti lagt af mörkunum til aðstoðar Sparisjóðabankanum. Eins og kunnugt er af fréttum reynir bankinn nú í samvinnu við kröfuhafa að finna flöt á áframhaldandi rekstri bankans.

Þrír sparisjóðir óska eftir auknu eigin fé frá stjórnvöldum

Þrír sparisjóðir hafa óskað eftir því að nýta sér heimild í neyðarlögum um að ríkissjóður leggi þeim til 20% af bókfærðu eigin fé eins og það var í árslok 2007. Og fleiri munu vera á leiðinni með slíka ósk.

Sakaðir um að stinga undan 30 milljónum króna

Tveir karlmenn á sjötugsaldri hafa verið ákærðir fyrir meiriháttar brot gegn skattalögum sem framin voru í rekstri einkahlutafélagsins Slitur.

Krónan veikist um 2,5 prósent

Krónan hefur veikst um 2,5 prósent það sem af er dags. Gengisvísitalan stendur nú í 196,6 stigum og hefur ekki verið veikara síðan í byrjun febrúar. Jón Bjarki Bentsson, sérfræðingur Greiningar Íslandsbanka, segir skýringuna liggja í vaxtagjalddaga á ríkisbréfum á morgun.

ÍLS leitar að viðskiptavaka í stað Straums

Íbúðalánasjóður (ÍLS) leitar nú að viðskiptavaka í stað Straums sem gekk af skaftinu þegar Fjármálaeftirlitið yfirtók bankann í síðustu viku.

Deilt um verðbætur til verktaka hjá Faxaflóahöfnum

Deilt var um greiðslu á verðbótum til verktaka í hafnarstjórn Faxaflóahafna á fundi stjórnarinnar fyrir helgina. Stjórnin samþykkti svo að fela hafnarstjóra að ganga til samninga um greiðslu skertra verðbóta vegna þriggja verkefna á vegum hafnarinnar.

Heimsmarkaðsverð á olíu hríðfellur á mörkuðum í dag

Verð á hráolíu hríðféll á mörkuðum í kjölfar þess að OPEC, samtök olíuútflutningsríkja, ákváðu að fresta enn ákvörðun um að hægja á framleiðslu sinni.

Gera ráð fyrir 0,5% stýrivaxtalækkun

Greining Íslandsbanka telur að niðurstaða peningastefnunefndar verði sú að lækka vexti um 0,5 prósentustig og vextir verði í kjölfarið 17,5%, en stýrivaxtaákvörðunardagur verður næsta fimmtudag. Þessa niðurstaða var birt í nýrri gengis- og stýrivaxtaspá frá 11. mars síðastliðnum.

Straumur selur 50% hlut sinn í Wood & Company

Straumur hefur selt 50% hlut sinn í fjárfestingarbankanum Wood & Company. Söluverðið er 10 milljónir evra eða um 1,4 milljarðar kr. Auk þess fær Straumur 30% af hagnaði Wood næstu tvö árin.

Faxaflóahafnir skiluðu 230 milljónum í hagnað í fyrra

Ársreikningur Faxaflóahafna sf. var lagður fyrir stjórn félagsins fyrir helgina og samþykktur. Helstu niðurstöðutölur eru að reksturinn eftir fjármagnsliði skilaði hagnaði sem nemur 230.8 milljónum kr.

Cosser hefur enn áhuga á Íslandi

Steve Cosser fjárfestir, sem gerði tilboð í útgáfufélag Morgunblaðsins, er ekki hættur við að fjárfesta á Íslandi, samkvæmt upplýsingum frá Guðmundi Oddssyni lögmanni hans. Cosser var á meðal þriggja aðila sem gerðu tilboð í Árvakur, sem rekur Morgunblaðið og mbl.is. Tilboði var hins vegar tekið frá hóp sem Óskar Magnússon lögmaður fór fyrir.

Skuldir Manchester United seldar á tombóluverði

Skuldir enska fótboltafélagsins Manchester United eru nú seldar á tombóluverði þar sem lánadrottnar félagsins eru óttaslegnir yfir skuldastöðu félagsins. Forgangslán félagsins ganga nú kaupum og sölum á 70% af nafnvirði.

Færeyjabanki einn á uppleið

Gengi hlutabréfa í Færeyjabanka hefur hækkað um 0,96 prósent í dag. Þetta er jafnframt eina hækkun dagsins. Á sama tíma hefur gengi bréfa í Marel Food Systems lækkað um 0,71 prósent og í Össur um 0,41 prósent.

Fjárfestar í Debenhams styðja hlutafjáraukningu

Fjárfestar í Debenhams eru reiðubúnir til að styðja hlutafjáraukningu í verslunarkeðjunni verði hún tilkynnt samhliða ársuppgjöri keðjunnar í þessari viku.

Engin skerðing hjá Frjálsa lífeyrisjóðnum

Frjálsi lífeyrissjóðurinn þarf ekki að skerða réttindi og lífeyri sjóðfélaga í tryggingadeild sjóðsins þrátt fyrir þann ólgusjó sem ríkti á verðbréfamörkuðum árið 2008.

Reiknar með að stýrivextir lækki um 1-1,5 prósentustig

Hagfræðideild Landsbankans reiknar með því að Seðlabankinn muni lækka stýrivexti um 1 til 1,5 prósentustig á fimmtudaginn kemur en þá verður ákvörðun tekin um stýtivexti.

Töluverð aukning á aflaverðmæti milli ára

Aflaverðmæti íslenskra skipa nam 99 milljörðum króna á árinu 2008 samanborið við 80 milljarða yfir árið 2007. Aflaverðmæti hefur aukist um 18,8 milljarða eða 23,5% á milli ára. Aflaverðmæti í desember nam tæpum 8 milljörðum miðað við rúma 5 milljarða í desember 2007.

Verðbréfamiðlun Straums í London er til sölu

Teathers, verðbréfamiðlun Straums í London er til sölu og er vonast til að nýr eigandi taki við henni fyrir lok þessarar viku.

Asíubréf hækkuðu

Hlutabréf á Asíumörkuðum hækkuðu í verði í morgun og voru það bréf hátæknifyrirtækja og bílaframleiðenda sem hækkuðu mest. Japanski Mitsubishi-bankinn hækkaði um sex prósent og bréf bílaframleiðandans Mazda hækkuðu um tæplega 10 prósent en Japanar hafa nú á ný öðlast bjartsýni á að bílasala þeirra á erlendri grundu aukist.

Olíuríkin draga ekki úr framleiðslu

Samtök olíuframleiðsluríkja, OPEC, ætla ekki að minnka olíubirgðir og ná þannig fram hækkun á heimsmarkaði. Þess í stað verður lögð áhersla á að koma í veg fyrir að aðildarríki samtakanna framleiði olíu umfram kvóta.

AIG dregur úr bónusgreiðslum

Bandaríska trygginga- og fjárfestingafélagið AIG Investments hefur ákveðið að draga úr bónusgreiðslum til starfsmanna. Greiðslur til lykilstjórnenda verða lækkaðar um 30%. Þetta kemur fram í bréfi sem Edward Liddy, stjórnarformaður AIG, skrifaði Timothy Geithner, fjármálaráðherra Bandaríkjanna.

Arðgreiðslur HB Granda afar hófsamar

Stjórnarformaður og forstjóri HB Granda segja arðgreiðslur félagsins afar hófsamar. Þeir fagna að félagið hafi tekist að halda uppi fullri starfsemi.

Jón Ásgeir selur einkaflugvél og snekkju

Jón Ásgeir Jóhannesson athafnamaður hefur selt einkaþotu sína og 50 metra langa snekkju. ,,Það er ágætt að eiga þessa hluti en það er pottþétt hægt að lifa án þeirra," segir Jón í viðtali við Sunday Times.

Fjöldi atvinnulausra nálgast 17 þúsund

Atvinnuleysi heldur áfram að aukast hröðum skrefum og nú eru 16.878 manns atvinnulausir á landinu öllu. Vinnumálastofnun gerir ráð fyrir að skráð atvinnuleysi í vor verði komið upp í 10% en nú eru líkur á að það hlutfall komi jafnvel fyrr á árinu.

Leita leiða til að hækka olíuverð

Samtök olíuríkja koma saman til fundar nú um helgina til þess að leita leiða til að minnka olíubirgðir og hækka þannig verðið á heimsmarkaði. Mikil andstaða er við það hjá neysluríkjunum.

Íranir vilja minni olíu

Olíumálaráðherra Írans lagði til á fundi OPEC, samtaka olíuframleiðsluríkja, að olíuríkin dragi enn frekar úr framleiðslu sinni. ,,Það er alltof mikil olía á markaðnum," sagði Gholam Hossein Nozari, olíumálaráðherra Írans, við blaðmenn í Vín í Austurríki þar sem fundurinn fer fram.

Stærstu iðnveldin funda um efnahagsmál

Nú um helgina funda fjármálaráðherrar og seðlabankastjórar 20 helstu iðnvelda í Bretlandi. Ríkin endurspegla rúmlega 80% af efnahag heimsins.

Byr mun lifa af með hjálp ríkisins

„Byr mun standa af sér óveðrið sem verið hefur í efnahagslífinu að undanförnu," segir Ragnar Z. Guðjónsson sparisjóðsstjóri. Hann segir að árið 2008 hafi vissulega verið erfitt en samkvæmt ársuppgjöri tapaði Byr tæpum 29 milljörðum.

Útrásarvíkingar þurfa að svara fyrir greiðslukortanotkun

Hinir svokölluðu útrásarvíkingar eru meðal þeirra sem fá sent bréf frá Ríkisskattstjóra í næstu viku þar sem þeir eru beðnir um að gera grein fyrir notkun á erlendum kreditkortum hér á landi.

Byr tapaði tæpum 29 milljörðum króna

Byr sparisjóður tapaði um 28.881 milljónum króna eftir skatta á árinu 2008. Í fréttatilkynningu frá Byr segir að þar sé um verulegan viðsnúning að ræða frá fyrra ári, þegar hagnaður eftir skatta nam 7.929 milljónum króna Virðisrýrnun útlána, krafna og óefnislegra eigna nam 29.202 milljónum króna.

Siv spyr utanríkisráðherra um lán til Icelandic Glacial

Siv Friðleifsdóttur þingmaður Framsóknarflokksins hefur beint skriflegri fyrirspurn á alþingi til utanríkisráðherra um hvort hann hafi haft áhrif á að fyrirtækið Icelandic Glacial fékk 450 milljón kr. lán í lok síðasta árs eða síðar.

Hlutabréfaverð hækkar í vikulokin

Gengi hlutabréfa í Century Aluminum, móðurfélagi Norðuráls, rauk upp um 12,39 prósent í Kauphöllinni í dag. Á eftir fylgdi gengi bréfa í Össuri, sem hækkaði um 3,43 prósent, Færeyjabanka, sem hækkaði um 0,97 prósent, og Marel Food Systems, sem hækkaði um 0,61 prósent.

HS Orka tapaði 11,7 milljörðum í fyrra

Tap HS Orku (Hitaveitu Suðurnesja) á síðasta ári nam tæplega 11,7 milljörðum kr. Árið áður nam hagnaður af rekstri félagsins tæpum 3,5 milljörðum kr.

Íslensku bankarnir bjarga All Saints frá þroti

Tískuvörukeðjan All Saints hefur verið bjargað frá þroti eftir að íslensku bankarnir Kaupþing og Landsbankinn, aðallánadrottnar All Saints, féllust á fjárhagslega endurskipulagingu keðjunnar.

Whelan ræðir við JJB Sports um kaup á líkamsræktarstöðvum

Íþróttavörukeðjan JJB Sports á nú í viðræðum við Dave Whelan, stofnanda keðjunnar og núverandi eigenda Wigan Athletic um sölu á líkamsræktarstöðvum JJB Sports.

Segir Kaupþing hafa brotið gegn lögum um neytendalán

Neytendastofa hefur tekið þá ákvörðun að Kaupþing banki hf. hafi brotið gegn ákvæðum laga um neytendalán, vegna skilmála bankans á lánum í erlendri mynt með því að tilgreina ekki í skilmálum myntkörfulánssamnings með hvaða hætti vextirnir eru breytilegir og við hvaða aðstæður þeir breytist.

Kaupþing fær leyfi dómstóls til að kanna ákvörðun Breta

Dómstóll í Bretlandi (High Court) hefur heimilað Kaupþingi banka hf. að fylgja eftir kröfu sinni um að fram fari lögfræðileg endurskoðun á réttmæti ákvörðunar breskra stjórnvalda um að framselja til þriðja aðila, án bóta, innstæður á Kaupthing Edge reikningum hjá dótturfélagi bankans í Bretlandi, Kaupthing Singer & Friedlander, þann 8. október 2008.

Fréttaskýring: Stýrivaxtalækkun og afnám gjaldeyrishafta

Tveir mjög jákvæðir punktar komu fram í máli fulltrúa Alþjóðagjaldeyrissjóðsins (AGS) nú fyrir hádegið á blaðamannafundi í Seðlabankanum. Annarsvegar var um að ræða að svigrúm hefur myndast fyrir stýrivaxtalækkun og hinsvegar að fyrstu skrefin í afnámi gjaldeyrishaftanna eru í sjónmáli.

Fallið frá ákæru á Baug vegna gjaldþrots

Ákveðið var að falla frá ákærum á hendur Baugi Group í ljósi þess að félagið hefur verið tekið til gjaldþrotaskipta.

Hansa í greiðslustöðvun til 8. júní

Hansa ehf. hefur verið veitt áframhaldandi greiðslustöðvun til 8. júní næstkomandi. Hansa er í eigu Björgólfs Guðmundssonar og er helsta eign þess breska knattspyrnuliðið West Ham United. MP banki, sem er á meðal kröfuhafa í félagið lagðist hart gegn því að Hansa fengi framlengingu á greiðslustöðvun, féll frá þeim kröfum í síðustu viku.

Baugsmenn stofna nýtt félag í Bretlandi

Forstjórar Baugs í Bretlandi, þeir Gunnar Sigurðsson og Don McCarthy, hafa stofnað nýtt félag í Bretlandi undir nafninu Tecamol. Jón Ásgeir Jóhannesson er sagður tengjast félaginu.