Vilja auka framlög til kvikmynda

Menntamálaráðuneytið er að ljúka við drög að nýjum samningi í samstarfi við kvikmyndaráð. Hann felur í sér aukin fjárframlög til Kvikmyndamiðstöðvar Íslands næstu fimm árin. Vinna við samninginn á að klárast síðar í þessum mánuði og tekur hann gildi á næsta ári ef hann verður samþykktur á Alþingi. Elías Jón Guðjónsson, aðstoðarmaður Katrínar Jakobsdóttur, mennta- og menningarmálaráðherra, staðfesti þetta en kvað ekki tímabært að ráðherra tjáði sig um málið.

Nate Dogg látinn

Bandaríski söngvarinn Nate Dogg lést að heimili sínu í Kaliforníu í gær, 41 árs að aldri. Frægðarsól Nate Dogg reis á níunda áratugnum þegar hann söng í nokkrum metsölulögum með röppurunum Dr. Dre, Snoop Dogg, Eminem, Warren G og Tupac.

Dauðarokkhljómsveit með jöfnum kynjahlutföllum

"Okkur langaði að gera eitthvað öðruvísi en allir eru að gera á Íslandi,“ segir Gyða Hrund Þorvaldsdóttir, gítarleikari dauðarokkhljómsveitarinnar Angistar.

Halda tónleika fyrir bágstadda

"Þetta er málefni sem snertir okkur öll,“ segir MR-ingurinn Ragnheiður Björk Halldórsdóttir.

Justin Bieber er þetta eitthvað grín?

Söngvarinn Justin Bieber, 17 ára, er langt frá því að vera líkur vaxmyndinni af sér, sem var afhjúpuð á Madame Tussauds vaxmyndasafninu í London í gær. Vaxmyndina má skoða í meðfylgjandi myndasafni og þar má einnig sjá mömmu Justin stilla sér upp hjá syni sínum og vaxmyndinni.

Carine Roitfeld í samkeppni við franska Vogue

Goðsögnin Carine Roitfeld, fyrrverandi ritstjóri franska Vogue, sagðist ætla að sigla á ný mið eftir starf sitt hjá tímaritinu. Samkvæmt heimildum gæti þó vel verið að Roitfeld haldi sig við það sem hún gerir best og stofni franska Harper‘s Bazaar.

Helga Lilja á tískuvikunni í New York

Fatahönnuðurinn Helga Lilja Magnúsdóttir tók þátt í sölusýningu í tengslum við tískuvikuna í New York sem fram fór í febrúarlok. Þar frumsýndi hún nýja haust- og vetrarlínu sína en Helga Lilja hannar undir heitinu Helicopter.

Hart barist í Eurovision

Búið er að velja lögin 43 sem keppa í Eurovision í Düsseldorf í vor. Búast má við harðri keppni enda taka mörg frambærileg lög þátt í þetta sinn.

Valdís með nýja mynd á teikniborðinu

Valdís Óskarsdóttir er að skrifa handrit að nýrri gamanmynd sem nefnist Þrír menn, tvær konur, eitt lík og lögga.

Íslenskt drama á Austurlandi

Kvikmyndin Glæpur og samviska verður frumsýnd í Valaskjálf á Egilsstöðum 25. mars. Myndin hefur verið í vinnslu í fjögur ár og var alfarið tekin upp á Austurlandi með áhugaleikurum.

Gríðarleg pressa að taka við Stundinni okkar

"Við ætlum að gera það sem okkur finnst skemmtilegt og sjá hvort það virkar,“ segir leikkonan Margrét Sverrisdóttir. Margrét hefur tekið við Stundinni okkar ásamt eiginmanni sínum, leikstjóranum Oddi Bjarna Þorkelssyni. Ný þáttaröð af ástsælasta barnaþætti Íslandssögunnar hefst í haust, en Margrét og Oddur eru þegar byrjuð að leggja drög að þáttunum.

Hermann seldur til Þýskalands

Þýska forlagið Litteraturverlag hefur tryggt sér útgáfuréttinn á skáldsögu Hermanns Stefánssonar, Algleymi, sem út kom hjá Bjarti haustið 2008.

Ensk útgáfa Eurovision-textans vekur lukku

Ensk útgáfa íslenska Eurovision-lagsins Aftur heim eftir Sigurjón Brink var frumflutt í kvöld. Enskur titill lagsins er Coming Home en það var ekkja Sigurjóns, Þórunn Clausen, sem samdi hann líkt og þann íslenska.

Eilífðarprinsessa hressir upp á sálarlífið

Sara Vilbergsdóttir myndlistarkona kann að fara með pensil. Hún segir liti hafa áhrif á sálarlífið og hressti duglega upp á heimili sitt með krassandi litum.

Tvífari ungfrú Reykjavík

"Nei mér hefur aldrei verið líkt við Diane Kruger. Við erum svo sem ekkert svo ólíkar," segir Sigríður ungfrú Reykjavík á léttu nótunum þegar við spyrjum hana út í tvífarann hennar, Diönu Kruger, og hvort fólk hafi ekki nefnt það við hana. Ertu á fullu að undirbúa þig fyrir Ungfrú Ísland keppnina? "Ég er mikið að einbeita mér að náminu og er byrjuð að skoða kjóla fyrir keppnina og hlakka bara til að fara að æfa á Broadway með stelpunum," segir Sigríður.

Viðkvæmir foreldrar

Leikarinn Ryan Phillippe var gestur Ellen DeGeneres og viðurkenndi þar að móðir hans taki það mjög nærri sér þegar slúðursíður fjalla um hann.

Natalie og balletdansarinn ósammála um búsetu

Natalie Portman og unnusti hennar, balletdansarinn Benjamin Millepied, eru ekki sammála um hvar eigi að ala upp ófætt barn þeirra. Að sögn In Touch Weekly vill Portman ala barnið upp í París, heimaborg Millepied, en hann vill búa í New York.

Kid Rock lætur Steven Tyler heyra það

Tónlistarmaðurinn Kid Rock hefur gagnrýnt Steven Tyler fyrir þátttöku hans í sjónvarpsþáttunum vinsælu American Idol. Kid Rock telur að þetta hafi verið óviturleg ákvörðun hjá rokkgoðinu Tyler.

Karlakvöld Players

Karlakvöld Players var haldið á föstudag. Fjölmargir herramenn mættu til leiks og stemningin var góð.

Komin í sambandsráðgjöf

Samband Halle Berry og Olivier Martinez er í vanda ef marka má nýjar heimildir. Forræðisdeila Berry og barnsföður hennar, fyrirsætunnar Gabriel Aubry, hefur tekið sinn toll af sambandi hennar og Martinez og því hafa þau ákveðið að sækja sér aðstoð.

Full á djamminu

Unglingastjarnan Miley Cyrus yfirgaf skemmtistaðinn Chateau Marmont í Hollywood haugadrukkin um helgina eins og myndirnar sýna. Þetta er ekki í fyrsta skipti sem söngkonan yfirgefur skemmtistað í þessu ástandi. Þá má einnig sjá Miley, væntanleg edrú, í sjónvarpsþættinum Late Night with Jimmy Fallon fyrr í mánuðinum.

Baka brauð af mikilli ástríðu

Hjónin Guðrún Margrét Jóhannsdóttir og David Nelson reka saman þrjú lífræn bakarí í Barcelona undir nafninu BarcelonaReykjavík Bakery. Fyrsta bakaríið opnuðu þau árið 2006 og fyrstu þrjár vikurnar gáfu þau hvert einasta brauð sem þau bökuðu.

Gunni vígði bifreiðaskoðun

Bifreiðaskoðunin Tékkland opnaði nýtt útibú í síðustu viku. Útibúið er staðsett í Borgartúni. Af þessu tilefni var hóað í fjölmiðlamanninn Dr. Gunna s

Gjafmildur eiginmaður

Kelsey Grammer giftist nýverið unnustu sinni, hinni 25 ára gömlu Kayte Walsh, og að sögn vina á hann að hafa lagt eina milljón dollara inn á reikning hennar í tilefni dagsins. Grammer stórgræddi á leik sínum í hinum vinsælu sjónvarpsþáttum Frasier og að sögn vina vildi hann gleðja hina ungu brúði sína með svolítilli peningagjöf. „Hann vildi gera eitthvað stórkostlegt fyrir Kayte. Hann er forríkur og þessi upphæð er aðeins sem dropi í hafið fyrir honum," var haft eftir vini parsins.

Mikið rétt ljóskurnar voru í dúndur stuði

Meðfylgjandi myndir voru teknar í 90's partý á vegum Superman.is á skemmtistaðnum Spot í Kópavogi um helgina. Ef myndirnar eru skoðaðar gaumgæfilega má sjá að ljóskurnar voru í þrusustuði þetta umrædda kvöld. Sveinbi ljósmyndari hjá Superman.is tók myndirnar.

Fuglar trufla Tarantino

Leikstjórinn og handritshöfundurinn Quentin Tarantino hefur kært nágranna sinn vegna óhljóða í fuglum. Tarantino segist upplifa hræðileg öskur í fuglunum sem trufla hann við vinnu heima hjá sér.

Fjórða plata Arctic í júní

Fjórða plata bresku strákanna í Arctic Monkeys nefnist Suck It and See. Hún er væntanleg í byrjun júní í gegnum útgáfufyrirtækið Domino. Upptökustjóri var James Ford sem er hluti af upptökuteyminu Simian Mobile Disco. Á meðal laga á nýju plötunni verða Brick By Brick, Library Pictures og All My Own Stunts. Síðasta plata Arctic Monkeys hét Humbug þar sem upptökustjóri var Josh Homme úr rokksveitinni Queens of the Stone Age.

Sætu strákarnir voru á Sódómu um helgina

Meðfylgjandi myndir voru teknar á föstudaginn í tónlistarveislu, sem bar yfirskriftina Mars Attack, sem haldin var á vegum X-977 og Tuborg á Sódómu Reykjavík. Á myndunum má sjá hljómsveitirnar Benny Crespo's Gang, Jónas Sigurðsson og Ritvélar Framtíðarinnar, Legend og Cliff Clavin.

Greinilegt að þessu liði leiddist ekki um helgina

Meðfylgjandi myndir voru teknar á árshátíð 365 miðla í gærkvöldi sem fram fór á heilli hæð á Hótel Hilton við Suðurlandsbraut. Fjöldi tónlistarmanna hélt uppi stuðinu og sá til þess að engum leiddist þetta kvöld.

Hitti heimsfrægan kynskipting í New York

"New York var alveg æðisleg.“ segir förðunarfræðingurinn Ísak Freyr Helgason, en Fréttablaðið sagði frá því fyrir áramót að Ísak hefði í hyggju að flytja af landi brott og reyna fyrir sér í tískubransanum erlendis.

Synda Guðlaugssund í Köben

„Þetta leggst mjög vel í mig,“ segir Eyjamaðurinn Magnús Berg Magnússon. Hann og nokkrir félagar hans sem eru búsettir í Kaupmannahöfn ætla í dag að minnast afreksins þegar Guðlaugur Friðþjófsson synti sex kílómetra í land eftir að Hellisey fórst skammt undan Vestmannaeyjum.

Líkist Ripley í Alien lítið

Noomi Rapace, sem lék Lisbeth Salander í Millenium-myndunum, segir að persóna sín í myndinni Prometheus sé mjög ólík Ripley í Alien-myndunum. Myndin átti upphaflega að fjalla um það sem gerðist á undan Alien-myndunum en þau áform breyttust. Engu að síður verður tengingin við Alien áfram til staðar. „Þetta er sjálfstæð persóna. Hún er vísindamaður og mjög gáfuð,“ sagði Rapace. „Ég held að fólk muni ekki bera hana saman við Ripley þegar það sér myndina.“ Leikstjóri Promotheus er Ridley Scott, sem gerði einnig fyrstu Alien-myndina.

Gleði á frumsýningu Heddu Gabler

Leikritið Hedda Gabler var frumsýnt í Þjóðleikhúsinu á fimmtudagskvöld. Ljósmyndari Fréttablaðsins tók púlsinn á frumsýningargestum fyrir sýninguna. Það var góð stemning meðal frumsýningargesta í Kassanum í Þjóðleikhúsinu á fimmtudagskvöld þegar leikritið Hedda Gabler eftir Henrik Ibsen var frumsýnt. Kristín Eysteinsdóttir leikstýrir verkinu en með aðalhlutverkið fer Ilmur Kristjánsdóttir. Með önnur hlutverk fara Brynhildur Guðjónsdóttir, Eggert Þorleifsson, Harpa Arnardóttir, Kristbjörg Kjeld, Stefán Hallur Stefánsson og Valur Freyr Einarsson.

Endurgerir sígild íslensk jakkaföt

Hönnunarfyrirtækið Andersen & Lauth hefur ákveðið að endurgera gömul jakkaföt frá klæðskeraverkstæðinu A&L sem starfrækt var frá árunum 1908 til 1975.

Gúglaðu betur - fyrir þá sem gefast upp á Gettu betur

Þeir sem eru að springa með rétt svör við öllum spurningum þegar Gettu betur er í sjónvarpinu geta fengið útrás fyrir visku sinni á Facebook. Náman stendur öll laugardagskvöld fyrir leik sem heitir Gúglaðu betur og eru 10 þúsund krónur í verðlaun.

Ferðin umhverfis jörðina farin að taka á

Sighvatur Bjarnason lagði af stað í ferðalag til styrktar Umhyggju fyrir tveimur vikum og ætlar umhverfis jörðina á 80 dögum. Lesendur Vísis hafa fylgst grannt með ferðalaginu enda sendir Sighvatur myndbönd af gangi mála þrisvar í viku. Sighvatur skrifar einnig reglulega á Facebook-síðu verkefnisins en í síðasta hluta ferðalagsins, þar sem hann heldur áfram frá Kenýa, lenti hann í miklum vandræðum.

Retro skrifaði undir í Berlín

Meðlimir hljómsveitarinnar Retro Stefson voru fyrr í vikunni staddir í Berlín þar sem þeir skrifuðu undir útgáfusamning við Vertigo sem risinn Universal er með á sínum snærum. Fréttablaðið hefur áður greint frá því að samningur við Universal væri í bígerð og hann hefur nú verið undirritaður af hljómsveitarmeðlimum.

Semja lag í beinni útsendingu

Bandaríska hljómsveitin Maroon 5 ætlar að koma sér fyrir í hljóðveri 22. mars og semja frá grunni nýtt lag á einum sólarhring. Viðburðurinn verður í beinni útsendingu á netinu og getur fólk um allan heim því fylgst með lagasmíðinni.

Ekki neðstir í Eurovision

Meðlimir breska strákabandsins Blue eru sannfærðir um að lagið þeirra, I Can, lendi ekki í neðsta sæti í Eurovision í maí líkt og gerðist í fyrra með lagið That Sounds Good To Me. Þeir eru virkilega spenntir fyrir keppninni og telja ekki að hún eigi eftir að skemma fyrir ferli þeirra. "Við teljum ekki að við séum að eyðileggja feril okkar með því að taka þátt þrátt fyrir að margir séu á þeirri skoðun,“ sagði Simon Webbe úr Blue. "Þetta er frábært tækifæri til að sýna að við erum tónleikasveit og erum mættir aftur eftir tíu ára hlé.“

FM957 gegn einelti

Umræðan um einelti er mikil í þjóðfélaginu og ekki að óþörfu. Útvarpsstöðin FM957 vill leggja sitt af mörkum til málefnisins og um leið skapa umræðunni grundvöll á stöðinni. Í eina viku frá föstudeginum 11 mars til föstudagsins 18.mars þá mun FM957 vekja sína hlustendur og vonandi sem flesta til umhugsunar um einelti og hversu alverlegt vandamál það er í skólum, á vinnustöðum og þar sem að fólk kemur saman almennt. FM957 leggst gegn einelti og stöðin er búin að fá með sér í lið marga af þekktustu einstaklingum þjóðarinnar til þess að vekja athygli á málstaðnum. Átaksvikan gegn einelti byrjar á því að FM957, Gokart.is og Hamborgarafabrikkan ætla að færa Þorvaldi Breiðfjörð Berglindarsyni fórnarlambi eineltis í Hveragerði Go-Kart námskeið að gjöf og fjölskylduveislu á Hamborgarafabrikkunni. Þorvaldur er mikill áhugamaður um Go-Kart og er þetta gert í samráði við fjölskylduna. FM957 er fyrst og fremst að leggja í átak gegn einelti til að vekja athygli á málstaðnum vegna þess að stöðin nær einna best til þess hóps sem tekur þátt í einelti, bæði gerenda og þolenda.

Greinilegt að lýtalæknar hafa tjaslað upp á suma

Í meðfylgjandi myndskeiði má greinilega sjá að lýtalæknar hafa komið við sögu þegar útlitsbreytingar Hollywoodstjarna eins og Paris Hilton, Jennifer Aniston, Kim Kardashian, Angelina Jolie og fleiri eru annars vegar.

Drekkur ótæpilega

Söngkonan Christina Aguilera er að sögn vina mjög þung í sinni eftir skilnaðinn við eiginmann sinn, Jordan Bratman, og drekkur ótæpilega til að komast hjá því að takast á við vandann.

Charlies syngja um sambandsslit Steinunnar

Alma, Klara og Steinunn í stúlknahljómsveitinni The Charlies birtu nýlega brot úr nýju lagi á Facebook-síðu sinni. Stúlkurnar syngja lagið, sem heitir Game Over, á lestarstöð í New York og fjallar það um ónafngreindan fyrrverandi kærasta Steinunnar.

Sú besta í bransanum

Rachel Zoe þykir besti stílistinn í Hollywood um þessar mundir. Hún segir að ástæða velgengninnar sé að hún sé heltekin af starfinu.

Olsen á lausu

Leikkonan og tískumógúllinn Ashley Olsen er hætt með kærasta sínum til tveggja ára, Hangover-leikaranum Justin Bartha. Tímaritið People greinir frá því að parið hafi ákveðið að slíta sambandi sínu og halda hvort sína leið. Olsen hefur lítið viljað ræða sambandið við fjölmiðla en viðurkenndi eitt sinn að hún flygi til Los Angeles einu sinni í mánuði til þess að geta eytt tíma með Bartha og gæti þessi mikla vegalengd hafa verið það sem reið sambandinu til fulls.