Jóhann Berg fékk ekkert að spila í Moskvu

AZ Alkmaar tapaði 0-1 á móti rússneska liðnu Anzhi Makhachkala í forkeppni Evrópudeildarinnar í kvöld en leikurinn fór fram í Moskvu. AZ á inni seinni leikinn á heimavelli í næstu viku en í boði er sæti í riðlakeppni Evrópudeildarinnar.

Fulham kvartar formlega undan Liverpool

Fulham hefur sent enska knattspyrnusambandinu formlega kvörtun vegna ásóknar Liverpool í bandaríska landsliðsmanninn Clint Dempsey en forráðamenn Fulham eru ósáttir við yfirlýsingu Brendan Rodgers í sumar um að Liverpool væri búið að leggja inn fyrirspurn um kaup á leikmanninum.

Fiorentina reynir að kaupa Berbatov

Það er ekki enn útilokað að framherjinn Dimitar Berbatov hverfi á braut frá Man. Utd á næstunni. Ítalska félagið Fiorentina reynir nú að kaupa hann á 3 milljónir punda frá Man. Utd.

Inter til í að skipta á Maicon og De Jong

Ítalska félagið Inter leggur mikið upp úr því að fá hollenska miðjumanninn Nigel de Jong til félagsins og er tilbúið að senda bakvörðinn Maicon til Man. City í skiptum fyrir De Jong.

Markvörður Leeds sendi gróf sms til eiganda QPR

Forráðamenn QPR eru ekkert allt of sáttir við markvörðinn Paddy Kenny sem sendi gróf sms á eiganda félagsins í, að því er virðist, ölæði um síðustu helgi. Skilaboðin voru send aðfararnótt sunnudags.

Jarvis á leið til West Ham

West Ham hefur náð samkomulagi við Wolves um kaup á Matt Jarvis. Kaupverðið er tæpar 11 milljónir punda fyrir þennan 26 ára gamla leikmann.

Garðar ekki með gegn ÍA í kvöld | Slasaði sig í handbolta

Garðar Jóhannsson, framherjinn öflugi í liði Stjörnunnar, verður ekki með í leiknum gegn ÍA í Pepsideild karla í kvöld vegna afar sérstakra meiðsla.

Cruyff: Mourinho er bilaður

Hollenska goðsögnin Johan Cruyff er ekki þekktur fyrir að liggja á skoðunum sínum og einhverra hluta vegna virðist hann hafa allt á hornum sér þessa dagana.

Stjörnustúlkur á leið til Rússlands

Íslandsmeistarar Stjörnunnar drógust gegn rússneska liðinu Zorky Krasnogorsk í 32-liða úrslitum Meistaradeildar Evrópu en dregið var nú í hádeginu.

Poulsen nýr liðsfélagi Kolbeins hjá Ajax

Knattspyrnumaðurinn Christian Poulsen er genginn í raðir hollenska meistaraliðsins Ajax. Hinn 32 ára gamli leikmaður verður því liðsfélagi íslenska landsliðsframherjans Kolbeins Sigþórssonar næstu tvö árin í það minnsta. Frá þessu er greint á heimasíðu félagsins.

Rodgers útilokar að sleppa Agger og Carroll

Brendan Rodgers, stjóri Liverpool, býst ekki við því að missa þá Daniel Agger og Andy Carroll áður en félagaskiptaglugginn lokar.

Kvennalandsliðið spilar á Ullevaal

Norska knattspyrnusambandið hefur tekið þá ákvörðun að breyta leikstað viðureignar Noregs og Íslands í lokaleik 3. riðils í undankeppni Evrópumótsins 2013. Þetta kemur fram á heimasíðu KSÍ.

Guðjón Árni hefur skorað fimm mörk í síðustu þremur leikjum í Krikanum

FH tekur á móti KR í 16. umferð Pepsi-deildar karla í fótbolta í kvöld og getur með sigri náð átta stiga forskoti á KR á toppi deildarinnar auk þess að eiga leik inni á Íslands- og bikarmeistarana úr Vesturbænum.

Bara lán kemur til greina hjá Eggerti Gunnþóri

Ekki er útlit fyrir að Eggert Gunnþór Jónsson fái að spila mikið verði hann áfram hjá enska B-deildarliðinu Wolves. Núverandi stjóri liðsins, Ståle Solbakken, virðist ekki ætla að nota hann mikið.

Miðstöð Boltavaktarinnar | Báðir leikir í beinni á sama stað

Íþróttavefur Vísis býður lesendum sínum upp á að fylgjast með báðum leikjum kvöldsins í Pepsi-deild karla samtímis.

David Villa sektaður fyrir fjölskyldukveðjuna

David Villa skoraði sitt fyrsta mark eftir meiðslin þegar Barcelona vann 5-1 sigur á Real Sociedad í fyrstu umferð spænsku úrvalsdeildarinnar um síðustu helgi. Hann var þá að spila sinn fyrsta deildarleik í átta mánuði.

Kobe nálægt því að fara til Dallas árið 2007

Mark Cuban, eigandi Dallas Mavericks, hefur greint frá því að Kobe Bryant hafi verið nálægt því að ganga til liðs við félagið fyrir fimm árum síðan.

Di Matteo: Mjög skemmtilegur leikur fyrir áhorfendur

Roberto Di Matteo er búinn að stýra Cheleea til sigurs í tveimur fyrstu leikjum sínum í ensku úrvalsdeildinni en lið hans lenti þó í kröppum dansi í 4-2 sigri á nýliðum Reading í kvöld.

McDermott: Línuvörðurinn verður svekktur út í sjálfan sig

Brian McDermott, stjóri Reading, var svekktur eftir 2-4 tap á móti Chelsea á Brúnni í ensku úrvalsdeildinni í kvöld. Reading komst yfir í 2-1 en fékk síðan á sig þrjú mörk í seinni hálfleik, þar af eitt rangstöðumark og lokamarkið þegar allt liðið var komið fram til að freista þess að jafna.

Guidetti eftirsóttur þrátt fyrir veikindi

John Guidetti er eftirsóttur víða um Evrópu þrátt fyrir slæm veikindi sem bundu næstum enda á knattspyrnuferil hans fyrir aðeins örfáum mánuðum síðan.

Úrslit og markaskorarar kvöldsins í Meistaradeildinni

Fimm leikir fóru fram í forkeppni Meistaradeildarinnar í kvöld og eru lið BATE Borisov frá Hvíta-Rússlandi og Málaga frá Spáni í bestum málunum eftir 2-0 sigra á heimavelli. Anderlecht og Maribor töpuðu bæði en skoruðu dýrmætt mark á útivelli og ítalska liðið Udinese náði 1-1 jafntefli við Braga í Portúgal.

Er Azpilicueta á leið til Chelsea?

Samkvæmt frönskum fjölmiðlum eru taldar miklar líkur á því að spænski bakvörðurinn Cesar Azpilicueta sé á leið til Chelsea á næstu dögum.

Guðjón og Kristinn skoruðu báðir í sigri Halmstad - Guðjón lagði upp tvö

Guðjón Baldvinsson og Kristinn Steindórsson voru báðir á skotskónum með Halmstad í sænsku b-deildinni í kvöld. Halmstad vann þá 3-0 heimasigur á Umeå og er enn með í baráttunni um annað sætið í deildinni sem hefur beint sæti í sænsku úrvalsdeildinni. Guðjón átti stórleik og kom að öllum þremur mörkunum en hann var með eitt mark og tvær stoðsendingar í leiknum.

McShane um Guðjón Þórðar: Versti þjálfarinn sem ég hef haft á ferlinum

Paul McShane úthúðar Guðjóni Þórðarsyni, þjálfara Grindavíkur, í færslu á fésbókarsíðu sinni í dag en Mcshane var ekki verið í náðinni hjá Guðjóni í sumar og fór til Aftureldingar í síðasta mánuði. Mcshane segir að Guðjón sé versti þjálfarinn sem hann hafi spilað fyrir á 18 ára ferli sínum en Víkurfréttir birti fésbókarfærslu McShane í dag.

Hazard lagði upp þrjú í 4-2 sigri Chelsea á Reading

Spánverjinn Fernando Torres opnaði markareikning sinn í ensku úrvalsdeildinni á þessu tímabili og Eden Hazard lagði upp þrjú mörk Chelsea vann 4-2 sigur á nýliðum Reading á Stamford Bridge í kvöld. Reading komst yfir með tveimur mörkum á fjögurra mínútna kafla í fyrri hálfleik en varð á endanum að sætta sig við tap.

Fletcher á leið til Sunderland

Sóknarmaðurinn Steven Fletcher er á leið frá Wolves eftir að félagið samþykkti loks tilboð Sunderland í kappann.

Mourinho vill lána Sahin til Englands

Jose Mourinho, stjóri Real Madrid, segir að það komi vel til greina að lána Nuri Sahin til liðs í ensku úrvalsdeildinni svo hann geti fengið að spila meira.

Agüero frá í mánuð

Sergio Agüero verður frá í um mánuð vegna hnémeiðsla sem hann varð fyrir í leik Manchester City gegn Southampton um helgina.

Norðmenn búnir að færa Íslandsleikinn yfir á Ulleval

Íslenska kvennalandsliðið í fótbolta mun berjast við Belgíu og Noreg um sæti í úrslitakeppni EM í Svíþjóð í haust og einn af mikilvægustu leikjunum er lokaleikur Noregs og Íslands 19. september næstkomandi. Norðmenn eru nú búnir að færa Íslandsleikinn yfir á Ulleval en það kemur fram í frétt inn á heimasíðu Knattspyrnusambandsins.

Gerrard og Suarez hvíldir gegn Hearts

Steven Gerrard, Luis Suarez, Martin Skrtel og Glen Johnson ferðuðust ekki með liði Liverpool til Skotlands. Liverpool mætir Hearts í fyrri leik liðanna í umspili um sæti í riðlakeppni Evrópudeildar í Edinborg annað kvöld.

Welbeck fékk nýjan samning

Danny Welbeck hefur skrifað undir nýjan fjögurra ára samning við Manchester United. Þessi 21 árs gamli sóknarmaður hefur verið á mála hjá United allan sinn feril.

Forseti Inter: Cassano getur gert gæfumuninn

Massimo Moratti, forseti Inter, er afar spenntur fyrir því að fá Antonio Cassano til félagsins en hann er við það færa sig um set í Mílanóborg í skiptum fyrir Giampaolo Pazzini sem fer til AC Milan.

Carvalho á leið til QPR

Enska úrvalsdeildarfélagið QPR er heldur betur að stoppa í götin í vörninni hjá sér. Í morgun var greint frá því að félagið væri að kaupa Michael Dawson frá Tottenham og nú er greint frá því að félagið sé að fá Ricardo Carvalho frá Real Madrid.

Grétar spilar í Tyrklandi í vetur

Landsliðsmaðurinn Grétar Rafn Steinsson er búinn að finna sér nýtt félag en hann skrifaði í morgun undir tveggja ára samning við tyrkneska félagið Kayserispor.

Antonio Conte úrskurðaður í 10 mánaða keppnisbann

Antonio Conte, þjálfari ítalska meistaraliðsins Juventus, var í dag úrskurðaður í 10 mánaða keppnisbann. Conte áfrýjaði dómi sem féll fyrr í þessum mánuði þar sem hann var fundinn sekur um að hafa vitað um tvö tilvik þar sem leikmenn ætluðu að hafa áhrif á úrslit leikja hjá Siena sem hann þjálfaði 2010-2011.

Damiao verður ekki ódýr

Forseti Internacional, Giovanni Luigi, segir að það muni þurfa risatilboð til þess að Leandro Damiao verði seldur frá félaginu.

Hazard getur orðið listamaður eins og Zola

Roberto di Matteo, stjóri Chelsea, segist sjá margt sameiginlegt með Eden Hazard og Gianfranco Zola sem var stjarna hjá Chelsea á árum áður.

Dawson á leið til QPR

Samkvæmt heimildum Sky Sports þá er Tottenham búið að samþykkja 9 milljón punda tilboð frá QPR í varnarmanninn Michael Dawson.

Kom með grís á völlinn

Það er allt leyfilegt á knattspyrnuvöllunum í Brasilíu. Það var endanlega staðfest er eldri kona mætti með grís á völlinn.

Aron og Heiðar byrjuðu í markalausum leik

Aron Gunnarsson og Heiðar Helguson voru báðir í byrjunarliði Cardiff City á útivelli gegn Brighton & Hove Albion í ensku B-deildinni í kvöld en þrátt fyrir það var ekki skoraði í leiknum.

Ragnar í liðinu í sigri á Lille

Ragnar Sigurðsson lék allan leikinn fyrir FC Kaupmannahöfn sem sigraði Lille 1-0 í fyrri leik liðanna í forkeppni Meistaradeildar Evrópu. Kaupmannahöfn stendur því vel að vígi fyrir seinni leikinn í Frakklandi en liðið sem sigrar í leikjunum tveimur kemst í riðlakeppni Meistaradeildarinnar.

Þór/KA færist nær titlinum

Þór/KA steig enn eitt skrefið í átt að Íslandsmeistaratitlinum með 1-0 sigri á Aftureldingu í Pepsi-deild kvenna í kvöld. Þór/KA er þar með komið með 38 stig verður með minnst sex stiga forystu á toppnum þegar þrjár umferðir eru eftir.

Þór og Víkingur Ó. færast nær Pepsí deildinni

Topplið fyrstu deildar karla í fótbolta, Þór og Víkingur frá Ólafsvík unnu bæði leiki sína í kvöld þegar 17. umferð deildarinnar lauk með fimm leikjum. Þór sigraði ÍR á útivelli 2-1 og Víkingur Ó. sigraði Hauka á heimavelli sínum 2-0. Fjölnir sem er í þriðja sæti sigraði einnig sinn leik.

BÍ/Bolungarvík slökkti í vonum Þróttar

BÍ/Bolungarvík sigraði Þrótt á heimavelli sínum í kvöld 2-0 í 1. deild karla í fótbolta. Með sigrinum er sæti BÍ/Bolungarvíkur í 1. deildinni svo gott sem tryggt en Þróttur á nú litla möguleika á að komast upp í Pepsí deildina.

Öruggt hjá ÍBV á Selfossi

ÍBV gerði góða ferð á Selfoss í Pepsí deild kvenna í kvöld þar sem liðið vann öruggan 6-0 sigur. ÍBV komst þar með upp í 31 stig og tímabundið a.m.k. í annað sæti deildarinnar. Selfoss er sem fyrr í 7. sæti með 13 stig.