400 Urriðar á land í Laxá í köldu veðri

Opnunarhollin á urriðasvæðunum í Laxá í Mývatnssveit og Laxárdal gerðu ágæta veiði. Í Mývatnssveitinni komu 310 urriðar en um hundrað fiskar í Laxárdalnum. Veitt er á 24 stangir.

Laxarnir farnir að bylta sér í Blöndu og Norðurá

Laxarnir eru byrjaðir að bylta sér í Blöndu. Meira vatn er í Norðurá en á sama tíma í fyrra. Talsmenn Stangaveiðifélags Reykjavíkur og Lax-á eru bjartsýnir og Veiðimálastofnun býst við góðri laxveiði í sumar.

Van Persie: Leikmenn á Spáni og í Chelsea alltaf að betla gul spjöld

Arsenal-maðurinn Robin van Persie er allt annað en sáttur með hegðun leikmanna spænskra liða sem og leikmanna nágrannanna Arsenal í Chelsea. Hollenski framherjinn segir það óþolandi að leikmenn liða eins og Barcelona og Chelsea fái að setja svona mikla pressu á dómara sinna leikja með því að hópast að honum og heimta spjöld.

Lakers-menn ætla að hengja treyju Shaq upp í Staples Center

Shaquille O'Neal lagði óvænt skóna á hilluna í gær en hann setti tilkynninguna sína út í loftið á twitter-síðu sinni. O'Neal sem er orðinn 39 ára gamall reyndi fyrir sér hjá Boston Celtics á þessu tímabili en spilaði lítið vegna sífelldra meiðsla.

Aston Villa ætlar ekki að ráða Mark Hughes

Mark Hughes verður ekki næsti stjóri Aston Villa og er Hughes því atvinnulaus eftir að hann hætti sem stjóri Fulham fyrr í dag. Enskir miðlar höfðu skrifað mikið um að Hughes yrði eftirmaður Gérard Houllier hjá Villa en í kvöld varð ljóst að forráðamenn Aston Villa ætla að leita annað.

Skagamenn töpuðu fyrstu stigunum - HK eitt á botninum

Víkingar úr Ólafsvík urðu fyrstir til þess að taka stig af Skagamönnum í 1. deild karla í fótbolta en 4. umferðinni lauk með fjórum leikjum í kvöld. Hjörtur Júlíus Hjartarson tryggði ÍA-liðinu 1-1 jafntefli á móti Víkingi með sínu þriðja marki í sumar.

Messi: Verð alltaf í Barcelona

Lionel Messi á ekki von á því að hann muni spila með öðru félagsliði en Barcelona á ferlinum.

Rússneskur viðskiptajöfur keypti Portsmouth

Portsmouth hefur enn og aftur skipt um eigendur en rússneskur viðskiptamaður, Vladimir Antonov, hefur tekið yfir félagið fyrir sautján milljónir punda.

Ráku fyrst pabbann og réðu son hans síðan sem þjálfara

Halldór Jón Sigurðsson hefur verið ráðinn þjálfari Tindastóls/Hvatar í 2. deildinni en hann tekur við af Sigurði Halldórssyni föður sínum sem var sagt upp fyrr í vikunni. Þetta kemur fram á heimsíðu Tindastóls.

Ekkert tilboð komið í Neymar

Umboðsmaður Brasilíumannsins Neymar segir að það sé rangt sem hefur verið haldið fram í enskum fjölmiðlum að Chelsea hafi lagt fram nýtt tilboð í kappann.

Spænska undrabarnið Rubio spilar í NBA-deildinni á næsta tímabili

Spænski bakvörðurinn Ricky Rubio er bara tvítugur en það eru samt liðin tvö ár síðan að Minnesota Timberwolves valdi hann í nýliðavali NBA-deildarinnar. Rubio hefur ekki viljað koma til Bandaríkjanna fyrr en nú en hann hefur samþykkt að spila með Timberwolves-liðinu á næsta tímabili.

Palacios á leið til Ítalíu

Wilson Palacios segir að viðræður séu komnar langt á veg á milli Tottenham og Napoli um kaup síðarnefnda félagsins á sér.

Haukar áfram sterkir á útivelli - unnu 2-0 sigur á KA fyrir norðan

Haukar héldu áfram sigurgöngu sinni á útivelli í 1. deild karla í fótbolta þegar þeir sóttu þrjú stig norður á Akureyri. Haukar unnu 2-0 sigur á KA í Boganum í dag og hafa þar með unnið alla þrjá útileiki sína í sumar.

Park vill vera áfram hjá United

Enska dagblaðið The Telegraph segir að Ji-Sung Park muni hefja viðræður um nýjan samning við Manchester United áður en næsta keppnistímabil hefst.

Ekkert vesen á milli leikmanna Barca og Real í landsliðinu

Barcelona-maðurinn Andres Iniesta hefur engar áhyggjur af því að mórallinn í spænska landsliðinu verði slæmur eftir allar rimmur Barcelona and Real Madrid á síðustu vikum. Það fór nefnilega allt fór upp í háaloft á milli leikmenna spænsku stórliðanna þegar þau mættust í undanúrslitum Meistaradeildarinnar.

Mark Hughes hættur sem stjóri Fulham

Mark Hughes hefur sagt upp störfum hjá Fulham eftir aðeins ellefu mánuði í starfi á Craven Cottage. Hughes hefur verið sterklega orðaður við Aston Villa og þessar fréttir ýta undir þær sögusagnir að hann sé að taka við starfi Gérard Houllier á Villa Park.

Nistelrooy samdi við Malaga

Ruud van Nistelrooy snýr aftur í spænsku úrvalsdeildina á næsta keppnistímabili en hann hefur gengið frá samningi við Malaga.

Kristján Finnboga hélt hreinu á móti lærisveinum Gaua Þórðar

Kristján Finnbogason, fertugur markvörður Gróttu, hélt hreinu á móti lærisveinum Guðjóns Þórðarsonar í BÍ/Bolungarvík í leik liðanna í 1. deild karla í dag. Grótta vann leikinn 1-0 og fagnaði þar með fyrsta sigri sínum í deildinni í sumar.

Pau Gasol vill spila með spænska landsliðinu á EM

Pau Gasol, framherji Los Angeles Lakers, er fullur af orku og tilbúinn í slaginn á ný með spænska landsliðinu enda var úrslitakeppnin óvenjustutt hjá Lakers-mönnum í vor. Gasol hefur því ákveðið að bjóða fram krafta sína í spænska landsliðinu sem spilar á EM í Litháen í september.

Sunderland hafnaði Liverpool

Samkvæmt enskum fjölmiðlum hefur Sunderland hafnað beiðni Liverpool um viðræður vegna Jordan Henderson sem átti frábæra leiktíð með Sunderland í vetur.

Viktor Unnar meiddist á æfingu

Viktor Unnar Illugason var fluttur á sjúkrahús eftir að hafa lent í samstuði á æfingu með Breiðabliki í gær.

Víetnam greiddi óvart atkvæði með tillögu Englands

Fulltrúar Knattspyrnusambands Víetnam greiddu atkvæði með frestunartillögu Englendinga á ársþingi FIFA í gær en fyrir slysni.

Björgólfur: Hefur verið hræðilegt tímabil

Björgólfur Takefusa segir ekki vita hversu alvarleg hnémeiðsli sín eru en að það sé góðs viti að krossbönd og önnur liðbönd virðast vera heil.

Drillo: Portúgal með besta landslið heims

Egil „Drillo“ Olsen, landsliðsþjálfari Noregs, telur að sínir menn eigi möguleika í leiknum gegn Noregi um helgina en telur að Portúgal sé engu að síður með besta landslið heims um þessar mundir.

Hughes sterklega orðaður við Aston Villa

Enskir fjölmiðlar halda því fram að Mark Hughes sé reiðubúin að hætta störfum hjá Fulham til að taka við stjórastöðunni hjá Aston Villa.

Rúrik: Verð 100 prósent klár fyrir EM

Rúrik Gíslason er ekki hræddur við að hann muni missa af Evrópumeistaramóti U-21 liða í Danmörku síðar í mánuðinum.

Puyol frá í 2-3 mánuði

Óvíst er hvort að Carles Puyol, fyrirliði Barcelona, verði klár í slaginn þegar nýtt tímabil hefst á Spáni en hann gekkst undir aðgerð á hné í gær.

Neuer samdi loksins við Bayern

Bayern München og Schalke hafa loksins náð saman um félagaskiptin á markverðinum Manuel Neuer. Hann mun formlega ganga til liðs við Bayern þann 1. júlí næstkomandi.

Ívar fer frá Reading en Brynjar fékk samningstilboð

Ívar Ingimarsson hefur leikið sinn síðasta leik með enska B-deildarfélaginu Reading en hann mun ekki gera nýjan samning við félagið. Brynjar Björn Gunnarsson er hins vegar að skoða samningstilboð frá Reading.

Blatter er ekki fúll út í Englendinga

Sepp Blatter, forseti FIFA, segist ekki ætla að hefna sín á enska knattspyrnusambandinu fyrir að reyna að fresta forsetakosningunum á ársþingi FIFA í gær.

Shaq leggur skóna á hilluna

Hinn 39 ára gamli Shaquille O´Neal tilkynnti í kvöld að hann hefði ákveðið að leggja skóna á hilluna eftir glæstan feril.

Björgólfur fluttur burt í sjúkrabíl eftir æfingu

Víkingar urðu fyrir miklu áfalli í kvöld þegar framherjinn Björgólfur Takefusa meiddi sig illa á æfingu liðsins. Björgólfur meiddist á hné á æfingunni og var fluttur á brott í sjúkrabíl.

Eiður Smári: Bull í Tony Pulis

Eiður Smári Guðjohnsen segir lítið hafa verið að marka ummæli Tony Pulis, knattspyrnustjóra Stoke, um hversu fá tækifæri Eiður fékk frá honum.

Veiðimessa um helgina hjá Veiðiflugum

Verslunin Veiðiflugur fagnar veiðisumrinu 2011 og býður til veiðisýningar í verslun Veiðiflugna á Langholtsvegi 111 4 og 5 Júní. Húsið opnar kl 10.00 á laugard og verðum til kl. 18.00 og á sunnudginn opnum við kl. 11.00 og verðum til kl. 17.00

Sóknarmaður Monaco orðaður við Liverpool

Enskir fjölmiðlar greina frá því að Liverpool sé nú að fylgjast vel með Benjamin Moukandjo, sóknarmanni Monaco sem féll úr frönsku úrvalsdeildinni á dögunum.

Reina: Ég vildi aldrei fara frá Liverpool

Pepe Reina, markvörður Liverpool, segir að hann hafi aldrei íhugað að fara frá félaginu eins og margoft hefur verið gefið í skyn í enskum fjölmiðlum.

Jón Ólafur: Ofboðslega stoltur af ungu stelpunum í liðinu

Jón Ólafur Daníelsson, þjálfari nýliða ÍBV, var að vonum kátur eftir 2-0 sigur á Breiðabliki í Kópavoginum í kvöld. Stelpurnar hans hafa unnið þrjá fyrstu leiki sína með markatölunni 12-0 og sitja einar í toppsætinu í Pepsi-deild kvenna eftir þrjár umferðir.

Allardyce býst við að missa sterkustu leikmennina

Sam Allardyce, nýr knattspyrnustjóri West Ham, á von á því að félagið muni í sumar missa sína sterkustu leikmenn frá félaginu.

Jóhannes Karl: Eitt stig er engan veginn nógu gott

Jóhannes Karl Sigursteinsson, þjálfari Breiðabliks, þurfti að sætta sig við 2-0 tap síns liðs á heimavelli á móti nýliðum ÍBV í Pepsi-deild kvenna í kvöld. Blikakonur hafa þar með aðeins náð í eitt stig af níu mögulegum í fyrstu þremur umferðunum.

Birna Berg: Það þýðir ekkert að hætta núna

Birna Berg Haraldsdóttir og félagar hennar í ÍBV-liðinu hafa byrjað frábærlega í sumar en nýliðarnir í Pepsi-deild kvenna eru með fullt hús eftir fyrstu þrjár umferðirnar. ÍBV vann 2-0 sigur á Breiðabliki í Kópavoginum í kvöld en hafði unnið tvo 5-0 sigra í fyrstu tveimur umferðunum.

Greta Mjöll: Þurfum bara að spila eins og við getum

Greta Mjöll Samúelsdóttir og félagar hennar í Breiðablik náðu ekki að nýta sér gott spil út á velli á móti nýliðum ÍBV á heimavelli sínum í kvöld. ÍBV vann leikinn 2-0 og eru Blikakonur því aðeins með eitt stig af níu mögulegum en nýliðarnir eru einir á toppnum með fullt hús.

Þórhildur: Ekkert leiðinlegt að skoða töfluna núna

Þórhildur Ólafsdóttir, fyrirliði ÍBV, var að sjálfsögðu mjög sátt eftir 2-0 sigur á Breiðabliki í Kópavogi í kvöld en eftir leikinn eru nýliðarnir með fullt hús á toppnum eftir þrjár umferðir.

Houllier hættur með Villa

Aston Villa staðfesti í kvöld að Frakkinn Gerard Houllier væri hættur sem stjóri liðsins. Houllier hættir af heilsufarsástæðum.

Guðjón Valur sjóðheitur í stórsigri

Guðjón Valur Sigurðsson fór á kostum með liði sínu, Rhein-Neckar Löwen, í kvöld er það valtaði yfir Friesenheim, 38-26, í þýsku úrvalsdeildinni í handknattleik.

Góð opnun í Laxárdalnum

Opnunardagarnir voru góðir í Laxárdalnum, og í raun merkilegt hvað veiddist miðað við aðstæður. Mál manna er að mun meira sé af fiski en síðustu sumur.