Íslendingarnir öflugir hjá Emsdetten

Patrekur Jóhannesson er að gera góða hluti hjá TV Emsdetten í þýsku B-deildinni þrátt fyrir að hann sé á leið frá félaginu í sumar.

Birkir spilaði í jafnteflisleik

Birkir Már Sævarsson spilaði allan leikinn fyrir Brann sem gerði 3-3 jafntefli við Haugasund í norsku úrvalsdeildinni í kvöld.

Zlatan verður ekki seldur frá Milan

Þó svo Zlatan Ibrahimovic hafi verið til mikilla vandræða hjá AC Milan í vetur hefur félagið engan hug á því að losa sig við leikmanninn í sumar.

Kuyt framlengir við Liverpool

Hollendingurinn Dirk Kuyt framlengdi í dag samningi sínum við Liverpool um eitt ár. Hann verður því hjá félaginu til ársins 2013 hið minnsta.

Wenger: Yfirtaka Kroenke breytir engu fyrir mig

Arsene Wenger, stjóri Arsenal, segir að yfirvofandi yfirtaka Bandaríkjamannsins Stan Kroenke á félaginu muni ekki breyta neinu fyrir sig. Hann muni halda áfram að gera hlutina á sinn hátt.

Anton og Hlynur dæma undanúrslitleik í Evrópukeppni bikarhafa

Besta handboltadómarapar landsins, Anton Gylfi Pálsson og Hlynur Leifsson, hefur verið úthlutað spennandi verkefni í undanúrslitum Evrópukeppni bikarhafa.

Guðjón Valur: Ég fer til AGK ef Löwen sleppir mér

Landsliðsmaðurinn Guðjón Valur Sigurðsson segir það enn vera óljóst hvort hann gangi í raðir danska félagsins AGK í sumar eins og Jesper Nielsen, stjórnarformaður félagsins, hefur haldið fram. Nielsen hefur að minnsta kosti tvisvar lýst því yfir að Guðjón muni spila með AGK.

Frazier Campbell gæti líka misst af næsta tímabili

Frazier Campbell hefur ekki spilað með Sunderland síðan í ágúst á síðasta ári og nú segir Steve Bruce, stjóri liðsins, að hann muni mögulega missa einnig af stærstum hluta næsta tímabils.

Redknapp sagður ætla að losa sig við Gomes

Harry Redknapp, stjóri Tottenham, hefur endanlega misst þolinmæðina í garð brasilíska markvarðarins Heurelho Gomes. Klaufamarkið gegn Real Madrid er sagt hafa verið kornið sem fyllti mælinn hjá Redknapp.

Boateng verður áfram hjá Milan

Ferill Ganamannsins Kevin Prince-Boateng hefur verið afar sérstakur. Hann fór frá Portsmouth yfir til ítalska liðsins Genoa þar sem hann var lánaður til besta liðs Ítalíu, AC Milan.

Ferguson reyndi að fá Raul til Man. Utd

Cristoph Metzelder, félagi Spánverjans Raul hjá Schalke, segir að Man. Utd hafi reynt að fá Raul til sín frá Real Madrid síðasta sumar.

Ancelotti: Mér er alveg sama þó Roman reki mig

Carlo Ancelotti, stjóri Chelsea, segir að það sé í fínu lagi ef Roman Abramovich, eigandi félagsins, ákveði að sparka sér út starfi í lok tímabils.

Vieira: Arsenal ekki með sama drápseðli og Man. Utd

Patrick Vieira, fyrrum fyrirliði Arsenal og núverandi leikmaður Man. City, hugsar enn hlýlega til Arsenal en sér liðið ekki vinna neina titla á meðan það vanti drápseðliðið í liðið sem einkennir Man. Utd.

Mancini: Heimskulegt ef leikmenn styðja mig ekki

Roberto Mancini, stjóri Man. City, segist njóta fulls stuðnings leikmanna liðsins. Það sem meira er þá segir hann að það væri heimskulegt af leikmönnum að styðja hann ekki.

Hargreaves fer líklega frá Man. Utd í sumar

Ferill miðjumannsins Owen Hargreaves hefur verið ein samfelld sorgarsaga frá því hann gekk í raðir Man. Utd frá FC Bayern. Nú er ljóst að hann spilar ekki meira á þessari leiktíð.

Nielsen staðfestir að Guðjón Valur fari til AGK í sumar

Skartgripajöfurinn danski, Jesper Nielsen, hefur staðfest að íslenski landsliðsmaðurinn Guðjón Valur Sigurðsson muni spila með danska liðinu AGK á næstu leiktíð.

Ronaldo dreymir um að mæta Man. Utd í Meistaradeildinni

Cristiano Ronaldo, leikmaður Real Madrid, dreymir um að mæta sínu gamla félagi, Man. Utd, í úrslitaleik Meistaradeildar Evrópu.

Scholes: City er ekki einn af okkar aðalkeppinautum

Það telst til nokkurra tíðinda þegar hinn hlédrægi Paul Scholes gefur viðtal. Hann hefur nú gert það fyrir bikarleik Man. Utd og Man. City um helgina og hefur eflaust kveikt reiði stuðningsmanna City með orðum sínum.

Redknapp: Mourinho mun taka við af Sir Alex

Harry Redknapp, stjóri Tottenham, býst við þvi að José Mourinho muni snúa aftur í enska boltann til þess að taka við Man. Utd er Sir Alex Ferguson hættir að þjálfa liðið.

Hiddink fær ekki að fara til Chelsea

Tyrkneska knattspyrnusambandið hefur sent Chelsea skýr skilaboð þess efnis að þjálfarinn Guus Hiddink sé ekki á lausu og félagið sé ekki klárt í neinar viðræður við félagið.

Keppinautarnir þokast nær Vettel

Sebastian Vettel á Red Bull náði aftur besta tíma á seinni æfingu Formúlu 1 liða í Kína snemma morguns, á Sjanghæ brautinni. En Lewis Hamilton og Jenson Button á McLaren komu honum næstir. Þá voru Mercedes bílar Nico Rosberg og Michael Schumacher skammt undan.

Stjörnumenn jöfnuðu metin

Stjarnan jafnaðií gær metin í úrslitarimmunni um Íslandsmeistaratitilinn í körfubolta með sigri á KR á heimavelli, 107-105.

Teitur og félagar mæta City í sumar

Vancouver Whitecaps mun mæta Manchester City í sýningarleik í sumar en það var tilkynnt í dag. Teitur Þórðarson er þjálfari Whitecaps sem leikur í MLS-deildinni.

Vettel fljótastur á fyrstu æfingunni í Kína

Sebastian Vettel stimplaði sig rækilega inn á fyrstu æfingu keppnisliða á Sjanghæ brautinni í nótt. Hann varð 0.615 sekúndum á undan Mark Webber. Báðir aka Red Bull og Lewis Hamilton var 2.106 sekúndum á eftir Vettel. Vettel hefur unnið tvö fyrstu mót ársins og verið fremstur í tímatökum í báðum mótum ársins.

Daily Mail fullyrðir að De Gea fari til United

Enska dagblaðið Daily Mail fullyrðir á vefsíðu sinni í kvöld að Manchester United hafi komist að samkomulagi við Atletico Madrid um kaup á markverðinum David De Gea fyrir 17,8 milljónir punda.

Iniesta var næstum því búinn að rota Guardiola

Pep Guardiola, þjálfari Barcelona, lenti óvænt í háska í leik Barcelona og Almeria um síðustu helgi. Þá var hans eigin leikmaður næstum búinn að rota hann.

Reynir: Sérstaklega hægir sóknarlega

„Þeir voru töluvert sterkari en við í þessum leik,“ sagði Reynir Þór Reynisson, þjálfari Fram, eftir leikinn í kvöld. Fram tapaði örugglega fyrir FH í Kaplakrikanum í fyrsta leik liðanna í undanúrslitum Íslandsmótsins.

Þrjú lið frá Portúgal í undanúrslit Evrópudeildarinnar

Fjórðungsúrslitum Evrópudeildar UEFA lauk í kvöld en þá tryggðu þrjú lið frá Portúgal sér sæti í undanúrslitunum. Það fjórða er frá Spáni.

Fannar: Mættum allir klárir í kvöld

„Þetta var virkilega flottur leikur þar sem tvö góð lið mættust,“ sagði Fannar Helgason, leikmaður Stjörnunnar, eftir sigurinn í kvöld.

Marvin: Vildum sýna okkar rétta andlit

„Við vildum sýna fólki í kvöld að við værum ekki svona lélegir eins og í síðasta leik,“ sagði Marvin Valdimarsson, leikmaður Stjörnunnar, eftir dýrmætan sigur gegn KR-ingum í úrslitaeinvíginu um Íslandsmeistaratitilinn.

Hrafn: Maður er hundsvekktur eftir svona tap

„Ég er bara hundsvekktur eftir þetta tap,“ sagði Hrafn Kristjánsson, þjálfari KR, eftir að lið hans hafði tapað fyrir Stjörnunni, 107-105, í öðrum leik liðanna um Íslandsmeistaratitilinn. Staðan í einvíginu er því 1-1 og liðin eigast aftur við á sunnudaginn í DHL-höllinni. „Ég er bara hundsvekktur eftir þetta tap,“ sagði Hrafn Kristjánsson, þjálfari KR, eftir að lið hans hafði tapað fyrir Stjörnunni, 107-105, í öðrum leik liðanna um Íslandsmeistaratitilinn. Staðan í einvíginu er því 1-1 og liðin eigast aftur við á sunnudaginn í DHL-höllinni.

Teitur: Sviðsskrekkurinn er núna farinn

„Núna mætti þessi sterka liðsheild okkar sem var búin að koma okkur þetta langt í mótinu,“ sagði Teitur Örlygsson, þjálfari Stjörnunnar, eftir sigurinn á KR í úrslitaeinvíginu um Íslandsmeistaratitilinn. Stjarnan vann KR 107-15 í hörku spennandi leik og jafnaði því einvígið 1-1.

Einar Andri: Líklega okkar besti varnarleikur í vetur

Einar Andri Einarsson, annar af þjálfurum FH, býst við jafnari leik þegar liðið mætir Fram öðru sinni á laugardag í undanúrslitunum um Íslandsmeistaratitilinn í handbolta.

Akureyringar komnir í 1-0 gegn HK

Deildarmeistarar Akureyringar unnu í kvöld þriggja marka sigur á HK í fyrsta leik liðanna í undanúrslitum N1-deildar karla, 26-23

Öruggur sigur FH gegn Fram

Fyrsti leikur FH og Fram í undanúrslitum Íslandsmótsins í handbolta endaði með öruggum heimasigri í Kaplakrika 29-22.

Umfjöllun: Dramatískur sigur hjá Stjörnunni

Það verður ekkert af því að KR sópi Stjörnunni í úrslitaeinvígi Iceland Express-deildar karla. Stjörnumenn svöruðu fyrir sig á heimavelli í kvöld, unnu leikinn, 107-105, og jöfnuðu þar með einvígið í 1-1.

Giggs: Chicharito dregur í sundur varnir mótherjanna

Ryan Giggs er ánægður með Mexíkóbúann Javier Hernandez sem hefur slegið í gegn hjá Manchester United á þessu tímabili. Hernandez skoraði fyrra mark United í 2-1 sigri á Chelsea í seinni leik liðanna í átta liða úrslitum Meistaradeildarinnar og kom það eftir glæsilega stoðsendingu frá Giggs. Það var 18 mark Hernandez á leiktíðinni.

Hlynur og Jakob spila um sænska meistaratitilinn

Sundsvall Dragons tryggði sér í kvöld sæti í lokaúrslitunum í úrslitakeppni sænsku úrvalsdeildarinnar með því að sópa Södertälje Kings úr undanúrslitunum, 3-0.

Miðinn á enska bikarúrslitaleikinn hækkar um 22 prósent

Enska knattspyrnusambandið hefur ákveðið að hækka miðaverðið á úrslitaleik enska bikarsins sem fer fram á Wembley 14. maí síðastliðinn. Dýrasti miðinn á leikinn kostar nú 115 pund eða rúmlega 21 þúsund íslenskar krónur.

Fjögur af átta liðum hafa komið til baka eftir skell í fyrsta leik

Fjögur af átta liðum sem hafa fengið skell í fyrsta leik í úrslitaeinvígi karla (+20 stiga tap) hafa svarað því með því að jafna einvígið í næsta leik. Stjarnan tekur á móti KR í Ásgarði í kvöld en KR-ingar unnu fyrsta leikinn með 30 stiga mun í DHL-höllinni. Leikurinn hefst klukkan 19.15 og verður í beinni útsendingu á Stöð 2 Sport.

Brynjar: Stefnum á að klára einvígið í þrem leikjum

KR-ingurinn Brynjar Þór Björnsson segir að það sé stefna KR-liðsins að klára Stjörnuna 3-0 í úrslitaeinvíginu um körfubolta og lyfta bikarnum á heimavelli á sunnudag.

Logi verður með FH í kvöld

Úrslitakeppni N1-deildar karla hefst í kvöld og er búist við afar hörðum slag á milli FH og Fram í Kaplakrika. FH-ingar hafa styrkst fyrir leikinn því Logi Geirsson verður á skýrslu hjá FH-ingum.

Fram fær landsliðskonu frá Fylki - Sunna semur til tveggja ára

Landsliðskonan Sunna Jónsdóttir hefur ákveðið að ganga til liðs við bikarmeistara Fram og er þar með önnur Fylkiskonan sem fer yfir í Safamýrina því áður hafði markvörðurinn Guðrún Ósk Maríasdóttir samið við Fram.

Japanir verða með í Suður-Ameríkukeppninni eftir allt saman

Japanska fótboltalandsliðið verður með í Suður-Ameríkukeppninni sem fram fer í Argentínu í sumar en Japanir höfðu áður hætt við þátttöku vegna jarðskjálftans og flóðbylgjunnar heima fyrir sem kostuðu þúsundir manns lífið í síðasta mánuði.

Sautján ára kvennalandslið Íslands: Sex leikir, sex sigrar og 37 mörk

Íslenska 17 ára landsliðið í fótbolta hélt sigurgöngu sinni áfram í undankeppni EM með því að vinna 4-1 sigur á Svíum í lokaleik sínum í millirliði sínum í Póllandi í dag. Stelpurnar höfðu áður tryggt sér sæti úrslitakeppninni með sigri á Englandi og Póllandi í fyrstu tveimur leikjunum.