Níu marka tap gegn þjóðverjum

Íslenska kvennalandsliðið í handknattleik tapaði í kvöld 26-35 fyrir þjóðverjum í vináttulandsleik í Framheimilinu. Úrslitin voru ráðin í hálfleik en þá höfðu þjóðverjar yfir 11-21.

EM: Úrslit úr B-riðli

Þrír leikir fóru fram í kvöld í B-riðli í undankeppni fyrir EM. Færeyingar tóku á móti Skotum en biðu lægri hlut 0-2. Frakkar unnu nauman sigur á Georgíu á heimavelli, 1-0 og að lokum sigruðu Ítalir 0-2 í Litháen.

EM: Úrslit úr F-riðli

Þrír leikir fóru fram í F-riðli í undankeppni EM í kvöld. Ber þar helst að nefna stórtap Íslands gegn Svíum, 5-0. Danir unnu góðan 0-2 útisigur á Litháen og Spánn sigraði Liechtenstein einnig 0-2 á útivelli.

Skyldusigur hjá Englendingum

Steve McClaren landsliðsþjálfari Englendinga getur varpað öndinni léttar í kvöld eftir að hans menn lögðu Eista 3-0 í Tallin í kvöld í undankeppni EM. Joe Cole, Peter Crouch og Michael Owen skoruðu mörk enska liðsins og það var enginn annar en David Beckham sem var maðurinn á bak við þau tvö síðustu.

Auðveldur sigur á Lúxemburg

Íslenska landsliðið í körfuknattleik burstaði Lúxemburg 92-63 í öðrum leik sínum á smáþjóðaleikunum í Mónakó í dag. Þetta var annar stórsigur liðsins í röð á mótinu en það mætir heimamönnum á morgun. Íslenska liðið stakk af um miðjan fyrsta leikhlutann í leiknum í dag og eftir það var sigurinn aldrei í hættu.

Annar sigur á Tékkum

Íslenska A-landsliðið í handbolta lagði Tékka 26-25 í æfingaleik í Tékklandi í kvöld. Þetta var annar sigur íslenska liðsins á því tékkneska á tveimur dögum en fyrri leik liðanna lauk einnig með eins mark sigri í gærkvöld. Snorri Steinn Guðjónsson skoraði 6 mörk fyrir íslenska liðið í kvöld og Róbert Gunnarsson 5. Leikirnir voru liður í undirbúningi íslenska liðsins fyrir umspilsleikina við Serba síðar í þessum mánuði.

Óvænt úrslit í A-riðli

Það voru heldur betur óvænt úrslit í A-riðli í dag þar sem Pólland beið lægri hlut fyrir Armeníu á útivelli. Leikurinn endaði 0-1 og var það Mkhitaryan sem skoraði sigurmarkið á 66. mínútu.

Villeneuve: Hamilton er of ákafur

Fyrrum heimsmeistarinn í Formúlu 1, Jacques Villeneuve, gagnrýnir nýliðann Lewis Hamilton hjá McLaren harðlega og segir hann allt of ákafan. Hann segir Bretann unga vera farinn að minna sig óþægilega mikið á Michael Schumacher - og það á versta mögulega hátt.

Figo hefur ekki áhuga á Tottenham

Portúgalski vængmaðurinn Luis Figo hjá Inter Milan segist ekki vilja spila annarsstaðar í Evrópu og hafnar slúðri sem verið hefur á kreiki um að hann sé á leið til Tottenham á Englandi. "Ef ég held áfram að spila í Evrópu, verður það aðeins fyrir Inter og ég er ekki á leið til Portúgal eða Englands," sagði Figo, sem einnig hefur verið orðaður við lið í Saudi Arabíu.

Ísland mætir Þýskalandi í Framheimilinu

Íslenska kvennalandsliðið í handbolta mætir því þýska í kvöld í vináttuleik. Leikurinn fer fram klukkan 20:00 og verður leikinn í Framheimilinu. Leikurinn átti upprunalega að fara fram í Vestmannaeyjum en því var breytt.

James gæti misst af fæðingu sonar síns

Ofurstjarnan LeBron James hjá Cleveland Cavaliers í NBA deildinni hefur í nægu að snúast þessa dagana. Lið hans mætir San Antonio Spurs í fyrsta leik lokaúrslitanna annað kvöld, en þar að auki eiga hann og kona hans von á barni á þjóðhátíðardag Íslendinga.

England mætir Eistlandi í E-riðli

England mætir Eistlandi í Tallin í undankeppni EM klukkan 18:30 í kvöld. Mikil pressa er á enska liðinu um að ná úrslitum þar sem liðið hefur ekki riðið feitum hesti í keppninni. Liðið situr í 4 sæti riðilsins með 11 stig eftir 6 leiki.

Nadal í undanúrslit opna franska

Spænski tenniskappinn Rafael Nadal tryggði sér í dag sæti í undanúrslitum á opna franska meistaramótinu í tennis með því að vinna öruggan sigur á landa sínum Carlos Moya í 8-manna úrslitum í dag. Nadal á titil að verja á mótinu og sigraði 6-4, 6-3 og 6-0. Hann mætir Novak Djokovic í næstu umferð. Sjónvarpsstöðin Eurosport er með beina útsendingu frá mótinu í dag.

Nani stóðst læknisskoðun

Portúgalski leikmaðurinn Nani hefur staðist læknisskoðun hjá Manchester United og þar með ætti ekkert að koma í veg fyrir að hann skrifi undir samning við liðið á næstu dögum.

West Ham fær Parker

West Ham var rétt í þessu að ganga frá kaupum á Scott Parker frá Newcastle. Parker spilaði eitt tímabil með Newcastle, en var áður hjá Charlton þar Alan Curbishley var í brúnni.

Ribery á leið til Bayern fyrir metfé

Franski landsliðsmaðurinn, Franck Ribery, er á leið til Bayern Munchen fyrir metfé. Talið er að Ribery skrifi undir samning við félagið á fimmtudaginn. Kaupverðið er talið vera um 17 milljónir punda.

Fabregas hefur miklar áhyggjur af framtíðinni

Miðjumaðurinn Cesc Fabregas hjá Arsenal virðist vera farinn að sjá eftir því að hafa skrifað undir langtímasamning við félagið á árinu, því hann segist 90% viss um að fara frá félaginu ef Arsene Wenger knattspyrnustjóri hætti störfum.

Aragones hættir á næsta ári

Luis Aragones, landsliðsþjálfari Spánverja í knattspyrnu, tilkynnti í dag að hann ætlaði að hætta eftir að samningur hans rennur út eftir EM næsta sumar. Hann tók við liðinu árið 2004 og hefur raunar áður lofað að hætta, en stóð þá ekki við stóru orðin. Aragones hefur verið mjög umdeildur síðan Spánverjar þóttu ná óviðunandi árangri á HM í fyrra.

Milan staðfestir áhuga sinn á Eto´o

Forráðamenn AC Milan staðfestu í dag að þeir hefðu mikinn áhuga á að kaupa sóknarmanninn Samuel Eto´o frá Barcelona í sumar. Þeir vísa hinsvegar á bug fregnum um að kaupin séu komin langt á veg og taka fram að ekkert verði gert í málinu fyrr en eftir að deildarkeppninni lýkur á Spáni.

Ricky Hatton kominn með nýtt viðurnefni

Breski hnefaleikakappinn Ricky Hatton hefur tekið upp nýtt viðurnefni fyrir bardagann gegn Jose Luis Castillo í Las Vegas þann 23. júní nk. Hatton er venjulega kallaður The Hitman, en hann ætlar að kalla sig Mexíkóann frá Manchester þegar hann mætir Castillo. Hatton hefur einnig beðið vin sinn Wayne Rooney hjá Manchester United að taka þátt í viðburðum kvöldsins.

Foster þarf í uppskurð

Markvörðurinn Ben Foster hjá Manchester United getur ekki leikið með liði sínu í upphafi næstu leiktíðar í ensku úrvalsdeildinni eftir að ljóst varð að hann þarf í uppskurð vegna hnémeiðsla. Foster stóð sig vel þegar hann var í láni hjá Watford í vetur og er inni í enska landsliðshópnum.

Zlatan á bekknum hjá Svíum

Sænska blaðið Aftonbladet hefur birt byrjunarlið Svía sem tekur á móti Íslendingum í Stokkhólmi í kvöld. Þar hefur verið staðfest að framherjinn Zlatan Ibrahimovic verði á varamannabekk sænska liðsins, en hann hefur átt við meiðsli að stríða.

Fimm breytingar á íslenska landsliðinu

Eyjólfur Sverrisson landsliðsþjálfari hefur tilkynnt byrjunarliðið sem mætir Svíum í undankeppni EM í knattspyrnu í Svíþjóð í kvöld. Hann gertir fimm breytingar á liðinu frá leiknum við Liechtenstein um helgina.

Milljón fyrir miða á leik með Cleveland

Það er ekki tekið út með sældinni að vera stuðningsmaður Cleveland Cavaliers þessa dagana ef marka má fréttir af miðasölu fyrir heimaleiki liðsins gegn San Antonio í lokaúrslitum NBA sem hefjast annað kvöld. Dýrustu miðarnir á leikina í Cleveland kosta 940,000 krónur.

Crouch og Owen verða í framlínu Englendinga

Breska sjónvarpið greinir frá því í morgun að það komi í hlut Peter Crouch að leika við hlið Michael Owen í framlínu enska landsliðsins í kvöld þegar það sækir Eista heim í Tallin í kvöld. Þá er reiknað með því að miðvörðurinn Ledley King komi inn í vörnina í stað Jamie Carragher og að Wayne Bridge leysi Nickey Shorey af hólmi í stöðu vinstri bakvarðar. Leikurinn verður sýndur á Sýn klukkan 20:30 í kvöld að loknum leik Svía og Íslendinga.

Roberto Carlos á leið til Fenerbahce

Brasilíski bakvörðurinn Roberto Carlos hjá Real Madrid hefur samþykkt að ganga í raðir tyrkneska liðsins Fenerbahce í sumar þegar hann verður með lausa samninga. Carlos hefur verið hjá Real í 11 ár og er einn besti og sigursælasti bakvörður knattspyrnunnar af þessari kynslóð. Carlos er 34 ára gamall og sagðist hafa neitað tilboðum frá Englandi og Ítalíu til að fara til Tyrklands.

250 öryggisverðir verða allt í kringum völlinn

Svíar ætla ekki að taka neina áhættu í kringum leik Svíþjóðar og Íslands í undankeppni EM 2008 á miðvikudaginn í kjölfar þess sem gerðist á Parken um helgina. Öryggisgæsla á leiknum hefur verið hert til mikilla muna og alls munu 250 manns vera á vaktinni í kringum leikvöllinn á meðan á leiknum stendur.

Englendingar yfir í hálfleik

Englendingar hafa yfir 1-0 þegar flautað hefur verið til hálfleiks í viðureign liðsins gegn Eistum í Tallin. Það var Joe Cole sem skoraði mark enska liðsins á 37. mínútu en enska liðið hefur aðeins einu sinni tapað leik þegar hann hefur verið í byrjunarliðinu. Það var gegn Portúgal á HM í fyrrasumar, en þá var Cole reyndar skipt af velli í síðari hálfleik.

5-0 í leik Svíþjóðar og Íslands

Markus Rosenberg skoraði strax á 48. mínútu kom Svíum í 4-0. Á 51. mínútu skoraði Marcus Allback mark sem verður að teljast hlægilegt þar sem Íslendingar héldu að búið væri að dæma inni í teig og Allback þurfti ekki annað að gera en að skjóta boltanum í netið.

Svíar komnir í 2-0

Ander Svensson var að bæta við öðru marki Svía gegn Íslandi. Íslendingarnir voru að komast vel inn í leikinn þegar þetta gerðist og átti Brynjar Björn m.a. gott skot sem markvörður Svía varði í horn. Markið kom á 40. mínútu.

Svíar búnir að skora

Svíar eru búnir að skora og eru komnir í 1-0. Það var Marcus Allback sem skoraði markið eftir 10 mínútna leik. Það er ljóst að það verður á brattann að sækja fyrir íslensku strákana í Svíþjóð.

Svíþjóð - Ísland í beinni á Sýn klukkan 18:15

Leikur Svía og Íslendinga í undankeppni EM í knattspyrnu hefst klukkan 18:15 og verður sýndur beint á Sýn. Þar er á dagskrá sérstakur upphitunarþáttur fyrir leikinn þar sem sérfræðingar Sýnar fara yfir stöðu mála. Hörður Magnússon lýsir leiknum svo beint frá Svíþjóð, en auk þess verður fylgst með gangi mála hér á Vísi.

Saunders verður áfram með Detroit Pistons

Flip Saunders verður áfram þjálfari Detroit Pistons í NBA deildinni á næsta keppnistímabili þrátt fyrir að liðið hafi fallið úr keppni fyrir Cleveland Cavaliers í úrslitum Austurdeildarinnar á dögunum. Margir höfðu spáð því að hlutirnir yrðu stokkaðir upp í herbúðum liðsins í sumar, en þjálfarinn segir framtíð sína aldrei hafa verið í vafa.

Ljungberg: Verðum að keyra upp hraðann gegn Íslendingum

Freddie Ljungberg, leikmaður Arsenal og sænska landsliðsins, segir að sænska liðið verði að keyra upp hraðann á móti Íslendingum þegar þjóðirnar mætast í undankeppni EM ytra annað kvöld. Leikurinn verður sýndur beint á Sýn og hér í fréttinni má sjá viðtal við Ljungberg og Zlatan Ibrahimovic, sem reiknar með að fá að spila í leiknum.

Krefjast 200 milljóna í skaðabætur

Danski áhorfandinn sem réðist að dómaranum í leik Dana og Svía á Parken á laugardaginn hefur verið krafinn um 200 milljónir íslenskra króna í skaðabætur af danska knattspyrnusambandinu. Smelltu á spila til að sjá frétt stöðvar 2 um atvikið fræga frá því á laugardaginn.

McClaren hefur ekki áhyggjur af starfi sínu

Steve McClaren, landsliðsþjálfari Englendinga, segist ekki vera að hugsa um að bjarga starfi sínu þegar enska liðið mætir Eistum í Tallin í undankeppni EM annað kvöld. Enska liðið er í fjórða sæti E-riðilsins, fimm stigum á eftir efsta liðinu Króatíu, og fullyrt er að McClaren verði rekinn ef lið hans vinnur ekki sigur í leiknum.

Eins marks sigur á Tékkum

Íslenska karlalandsliðið í handknattleik vann í dag sigur á Tékkum 29-28 í fyrri æfingaleik þjóðanna á tveimur dögum en leikið var í Tékklandi. Leikirnir eru liður í undirbúningi íslenska liðsins fyrir umspilsleikina gegn Serbum síðar í þessum mánuði. Guðjón Valur Sigurðsson var markahæstur í íslenska liðinu með 8 mörk.

Totti lokar ekki á landsliðið

Framherjinn Francesco Totti hjá Roma segist ekki vera búinn að útiloka frekari þáttöku með ítalska landsliðinu í knattspyrnu, en hann lagði landsliðsskóna á hilluna eftir HM í sumar. Ítalir mörðu 2-1 sigur á Færeyingum í undankeppni EM um helgina og virtist liðið sakna Totti í sókninni.

Slúðrið á Englandi í dag

Bresku slúðurblöðin eru full af safaríkum sögum í dag eins og venjulega, en mikið hefur verið um að vera á leikmannamarkaðnum undanfarna daga. Að venju eru stórliðin á Englandi orðuð við fjölda leikmanna.

Aston Villa býður 7 milljónir punda í Reo-Coker

Enska úrvalsdeildarfélagið Aston Villa gerði í dag 7 milljón punda kauptilboð í miðjumanninn Nigel Reo-Coker hjá West Ham. Leikmaðurinn hafði fyrir nokkrum dögum farið fram á að verða seldur frá félaginu og var í kjölfarið settur á hann 8 milljóna punda verðmiði. Hann hefur einnig verið orðaður við Tottenham, Arsenal og Newcastle.

Gildardino er falur hjá AC Milan

Adriano Galliani, varaforseti AC Milan, segir að framherjinn Alberto Gilardino sé falur fyrir 24 milljónir evra eða 2 milljarða króna. Gilardino skoraði 12 mörk fyrir Milan í A-deildinni í vetur en er ósáttur við hlutskipti sitt hjá liðinu og vill gjarnan breyta til.

Fabregas óttast að missa Henry

Spænski miðjumaðurinn Cesc Fabregas hjá Arsenal segist óttast að félagi hans Thierry Henry muni ganga í raðir Barcelona í sumar. Vitað er af áhuga Katalóníuliðsins á framherjanum skæða og Fabregas segir að það gæti reynst félaga sínum of freistandi að reyna fyrir sér á Spáni.

Viduka á leið til Newcastle

Framherjinn Mark Viduka hjá Middlesbrough er nú sagður vera við það að ganga í raðir Newcastle í ensku úrvalsdeildinni. Hinn 31 árs gamli Ástrali hefur enn ekki framlengt samning sinn við Boro og hefur neitað öllum tilboðum félagsins til þessa. Fjöldi liða á Englandi hafa verið orðuð við framherjann, þar á meðal Birmingham, Portsmouth og West Ham. Viduka skoraði 19 mörk fyrir Boro á síðustu leiktíð.

Ísland burstaði Andorra

Íslenska karlalandsliðið í körfubolta byrjar vel á smáþjóðaleikunum í Mónakó. Liðið burstaði Andorra 94-65 í dag eftir að hafa verið aðeins 5 stigum yfir í hálfleik 47-42 í hálfleik. Brenton Birmingham skoraði 17 stig fyrir Íslenska liðið og þeir Páll Axel Vilbergsson og Helgi Már Magnússon 15 hvor.

Nadal leggur vináttuna til hliðar

Rafael Nadal hefur sagt að hann muni leggja vináttuna til hliðar þegar hann mætir Carlos Moya í fjórðungsúrslitum Opna Franska Meistaramótsins í tennis á morgun. Nadal er núverandi handhafi titilsins.