Charlton lagði Middlesbrough

Charlton vann í dag góðan 2-1 sigur á Middlesbrough í leik liðanna í ensku úrvalsdeildinni. Darren Bent kom heimamönnum yfir á 73. mínútu og skoraði svo sigurmarkið fjórum mínútum fyrir leikslok, en áður hafði Mark Viduka jafnað metin fyrir Middlesbrough.

Tímabilið verður galopið í ár

Heimsmeistarinn Fernando Alonso hjá Renault segist eiga von á að keppnistímabilið í Formúlu 1 í ár verði mjög spennandi og opið, en hann vill meina að fjögur keppnislið muni berjast um sigurinn í hverri einustu keppni.

Henry kemur Arsenal yfir

Snillingurinn Thierry Henry er búinn að koma Arsenal í 1-0 gegn Liverpool í leik liðanna í Highbury. Markið skoraði Henry á 21. mínútu með glæsilegum hætti eftir góða sendingu frá Cesc Fabregas.

Ekki búið að ráða Curbishley

Enska knattspyrnusambandið hefur sent frá sér yfirlýsingu um að ekki sé búið að ráða Alan Curbishley stjóra Charlton sem næsta þjálfara enska landsliðsins, en myndir náðust af Curbishley ganga til fundar við sambandið í gær. Nú er verið að ræða við hugsanlega eftirmenn Sven-Göran Eriksson og er Curbishley einn þeirra sem koma til greina í því sambandi.

Markalaust á The Walley

Enn er markalaust í leik Charlton og Middlesbrough í ensku úrvalsdeildinni en nú hefur verið flautað til leikhlés á The Valley. Stórleikur Arsenal og Liverpool er um það bil að hefjast. Peter Crouch verður einn í framlínu Liverpool í dag og Frakkinn Djibril Cisse er ekki í leikmannahópi liðsins.

Rooney sökkti Newcastle

Wayne Rooney skoraði bæði mörk Manchester United í dag þegar liðið lagði Newcastle 2-0 á heimavelli sínum Old Trafford og styrkti þar með stöðu sína í öðru sæti deildarinnar. Mörk Rooney komu með aðeins 4 mínútna millibili á 8. og 12. mínútu leiksins.

Alonso sigraði í Barein

Heimsmeistarinn Fernando Alonso byrjaði keppnistímabilið í Formúlu 1 með stæl í dag þegar hann skaut fyrrum heimsmeistaranum Michael Schumacher ref fyrir rass og sigraði í fyrstu keppni ársins. Schumacher var á ráspól í dag, en varð að láta sér annað sætið duga að þessu sinni. Kimi Raikkonen var engu að síður hetja dagsins því hann vann sig úr síðasta sæti í það þriðja með frábærum akstri.

Nash sneri aftur með stórleik

Leikstjórnandinn Steve Nash sneri aftur eftir ökklameiðsli með liði sínu Phoenix Suns í nótt og ekki var að sjá að hann kenndi til í ökklanum í sigri á Minnesota 110-102. Nash skoraði 31 stig og gaf 11 stoðsendingar, Tim Thomas skoraði 19 stig og Boris Diaw skoraði 18 stig. Hjá Minnesota var Kevin Garnett atkvæðamestur með 28 stig og 10 fráköst og Trenton Hassell var með 21 stig.

Keflavík sigraði KR

Keflvíkingar unnu í dag góðan 3-1 sigur á KR-ingum í deildarbikar karla í knattspyrnu. Breiðablik og Fjölnir skyldu jöfn 2-2 og Fylkir vann Grindavík 2-1.

Le Guen tekur við Rangers

Úrvalsdeildarlið Glasgow Rangers gekk í dag frá þriggja ára samningi við knattspyrnustjóran Paul Le Guen og mun hann taka við liðinu í sumar þegar Alex McLeish lætur af störfum hjá félaginu. Le Guen stýrði áður frönsku meisturunum Lyon í Frakklandi.

Valur lagði Aftureldingu

Tveir leikir fóru fram nú síðdegis í DHL-deild karla í handbolta. Valsmenn skelltu Aftureldingu í Mosfellsbænum 27-25 og Víkingur/Fjölnir lagði Þór naumlega á heimavelli 29-28.

Haukar lögðu Stjörnuna

Haukar gerðu í dag góða ferð í Garðabæinn þar sem liðið skellti heimamönnum í Stjörnunni í DHL-deild kvenna í handbolta 29-26. Hanna G. Stefánsdóttir var markahæst í liði Hauka með 12 mörk og Ramune Pekarskite skoraði 7 mörk. Hjá Stjörnunni skoraði Rakel Dögg Bragadóttir 7 mörk og Sólveig Kjærnested 6 mörk.

Enn vænkast hagur Reading

Íslendingalið Reading siglir nú lygnan sjó á toppi 1. deildarinnar á Englandi, þrátt fyrir markalaust jafntefli liðsins á heimavelli gegn Watford. Ívar Ingimarsson og Brynjar Björn Gunnarsson spiluðu allan leikinn með Watford í dag, en liðið hefur nú 15. stiga forskot á næsta lið á toppi deildarinnar og á úrvalsdeildarsætið nokkuð víst næsta haust.

Bolton burstaði West Ham

Bolton heldur sínu striki í baráttunni um Evrópusæti í ensku úrvalsdeildinni og í dag vann liðið stórsigur á West Ham 4-1 á heimavelli sínum. Stelios Giannakopoulos skoraði tvö marka Bolton, Gary Speed eitt og Henrik Pedersen eitt. Gamla brýnið Teddy Sheringham skoraði mark West Ham.

Raikkönen vongóður þrátt fyrir áföllin

Finnski ökuþórinn Kimi Raikkönen er staðráðinn í að láta ekki áföllin í byrjun tímabils hafa áhrif á sig, en eftir að lið hans McLaren lenti í vélarbilunum í gær, þarf hann að byrja síðastur á ráslínu í Barein á morgun eftir að hafa lent í óhappi í fyrsta hring í tímatökunum í dag.

Lemgo hafði betur í Íslendingaslagnum

Logi Geirsson og félagar í Lemgo unnu góðan sigur á Guðjóni Val Sigurðssyni og félögum í Gummersbach í þýsku úrvalsdeildinni í handbolta í dag 28-26. Logi skoraði 1 mark fyrir Lemgo og Ásgeir Örn komst ekki á blað, en Guðjón Valur skoraði 8 mörk fyrir Gummersbach og Róbert Gunnarsson var með 5 mörk.

ÍBV lagði KA/Þór

Kvennalið ÍBV gerði góða ferð norður á Akureyri í dag þegar það skellti heimamönnum í KA/Þór 25-19. Pavla Plaminkova skoraði 9 mörk fyrir Eyjastúlkur, en Guðrún Helga Tryggvadóttir skoraði 6 mörk fyrir heimaliðið.

Fylkir vann auðveldan sigur á ÍBV

Fylkir vann í dag auðveldan sigur á ÍBV í DHL-deild karla í handbolta 27-18 á heimavelli sínum. Ingólfur Axelsson skoraði 10 mörk fyrir Fylki og Hlynur Morthens varði 20 skot í markinu. Ólafur Víðir Ólafsson skoraði 5 mörk fyrir ÍBV.

Beattie með tvö mörk í hálfleik

Framherjinn James Beattie er í miklu stuði með liði sínu Everton gegn Heiðari Helgusyni og félögum í Fulham, en Everton hefur yfir 2-0 í hálfleik á Goodison Park. Bolton er að taka West Ham í bakaríið 3-0. Stelios Giannakopoulos hefur skorað tvívegis fyrir Bolton og Gary Speed einu sinni. Wigan hefur yfir gegn Sunderland 1-0 og markalaust er hjá Portsmouth og Manchester City.

Valsstúlkur í undanúrslit

Handknattleikslið Vals varð í dag annað íslenska liðið til að tryggja sér sæti í undanúrslitum Áskorendakeppni Evrópu í kvennaflokki þegar liðið skellti svissneska liðinu Bruhl í síðari viðureign liðanna í Laugardalshöllinni 32-27, en Valur vann fyrri leikinn 25-21 í gær.

Ég vissi strax að þetta yrði mark

Sigurmark William Gallas gegn Tottenham í leik liðanna í ensku úrvalsdeildinni í dag var einstaklega glæsilegt og ekki á hverjum degi sem varnarmaðurinn knái skorar svona mörk. John Terry fyrirliði Chelsea sagðist hafa séð strax að skot félaga síns myndi hafna í netinu.

Erfiðið er að borga sig

Michael Schumacher segir að þrotlausar æfingar og prófanir séu lykillinn á bak við góðan árangur Ferrari í tímatökunum í Barein í dag. "Það er orðið langt síðan maður var í þessari aðstöðu síðast og nú er allt erfiðið í vetur svo sannarlega að skila sér. Það er ekkert að marka þó hlutirnir líti vel út á æfingu, þú veist aldrei hvar þú stendur fyrr en á brautina er komið," sagði Þjóðverjinn.

Heiðar í byrjunarliði Fulham

Fjórir leikir eru á dagskrá klukkan 15 í ensku úrvalsdeildinni. Heiðar Helguson er í byrjunarliði Fulham þegar liðið sækir Everton heim í leit að fyrsta útisigri sínum á leiktíðinni. Bolton mætir West Ham, Portsmouth tekur á móti Manchester City og Sunderland mætir Wigan.

Jafnt hjá Birmingham og West Brom

Nathan Ellington var hetja West Brom í dag þegar hann tryggði liði sínu dýrmæt stig í botnbaráttu úrvalsdeildarinnar gegn Birmingham, með marki tveimur mínútum eftir að hann kom inná sem varamaður. Mikael Forssel skoraði mark heimamanna úr vítaspyrnu í upphafi síðari hálfleiksins. Bæði lið eru eftir sem áður í bullandi fallbaráttu.

Draumamark Gallas tryggði Chelsea sigur

William Gallas tryggði Chelsea mikilvæg stig í titilbaráttunni í dag þegar hann skoraði glæsilegt mark með þrumuskoti þegar tvær mínútur voru komnar fram yfir venjulegan leiktíma gegn Tottenham. Chelsea vann því leikinn 2-1 og er komið með aðra hönd á Englandsbikarinn.

Lakers lagði San Antonio

Los Angeles Lakers vann í nótt óvæntan útisigur á San Antonio Spurs á útivelli 100-92. Meistararnir komust aldrei í gang í leiknum og virkuðu þreyttir eftir mikið leikjaálag síðustu daga og skoraði Tim Duncan t.a.m. aðeins 12 stig í leiknum. Kobe Bryant skoraði 29 stig fyrir Lakers.

Schumacher á ráspól

Ferrari gekk allra liða best í tímatökunum fyrir Barein kappaksturinn sem fram fer á morgun. Það var fyrrum heimsmeistarinn Michael Schumacher sem náði bestum tíma og verður því á ráspól í 65. skiptið á ferlinum á morgun. Hann jafnar þar með met Brasilíumannsins Ayrton Senna. Félagi Schumacher Felipe Massa varð í öðru sæti, Jenson Button í þriðja og heimsmeistarinn Fernando Alonso í fjórða.

Jafnt á Stamford Bridge í hálfleik

Staðan hjá Chelsea og Tottenham er jöfn 1-1 þegar blásið hefur verið til leikhlés í Stamford Bridge. Michael Essien kom heimamönnum yfir strax á 14. mínútu, en Jermaine Jenas jafnaði metin fyrir Tottenham rétt fyrir lok hálfleiksins. Staðan í leik Birmingham og West Brom er einnig 1-1, en þar er skammt til leiksloka.

Spilað undir nafni ÍBV/Selfoss?

Kvennalið ÍBV er í stökustu vandræðum með að finna stelpur til að spila fótbolta úti í Vestmannaeyjum. Svo gæti farið að ÍBV spili undir sameiginlegum merkjum liðsins og Selfoss undir nafninu ÍBV/Selfoss í Landsbankadeild kvenna í sumar.

Guðmundur með Malmö í undanúrslitin

Guðmundur Stephensen og félagar hans í sænska borðtennisliðinu Malmö komust í gær í undanúrslit í sænsku úrvalsdeildinni þegar liðið vann Söderhamn með 5 vinningum gegn 3 í síðari viðureign liðanna í úrslitakeppninni.

Vill fara frá Þrótti til Fylkis

Markmaðurinn knái Fjalar Þorgeirsson hefur mikinn hug á því að fara frá Þrótti og til Fylkis sem vill fá hann í sínar raðir. Fjalar verur samningslaus næsta haust og hefur ekki viljað skrifa undir nýjan samning sem Þróttarar hafa boðið honum.

Kominn aftur til heimalandsins

Rússneski miðjumaðurinn Alexei Smertin hefur gengið til liðs við Lokomitov Moskvu í heimalandi sínu. Kappinn kom til Chelsea frá Bordeaux í Frakklandi fyrir síðasta tímabil, aðallega þar sem Roman Abramovich vildi hafa landa sinn í liðinu sínu.

Að verða til í slaginn?

Miðjumaður Liverpool, Momo Sissoko, gæti óvænt komið inn í byrjunalið Liverpool eftir þrjár vikur en hann varð fyrir meiðslum á auga í fyrri leik liðsins gegn Benfica í Meistaradeildinni fyrir rífum tveimur vikum síðan.

Arsenal mætir Juventus

Nú er ljóst hvaða lið mætast í átta liða úrslitum Meistaradeildar Evrópu í knattspyrnu, en dregið var í París í Frakklandi nú rétt í þessu. Arsenal mætir ítölsku meisturunum Juventus, Englendingabanarnir Benfica mæta Barcelona, Lyon mætir AC Milan og Inter eða Ajax mætir spænska liðinu Villareal.

Framlengir við Fulham

Bandaríski sóknarmaðurinn Brian McBride hefur framlengt samning sinn við enska úrvalsdeildarfélagið Fulham um eitt ár. McBride hefði orðið samningslaus eftir tímabilið en honum hefur verið umbunað fyrir frábæra frammistöðu á tímabilinu.

HK lagði ÍR

HK er komið í sjötta sæti í DHL-deild karla í handknattleik eftir sigur á ÍR á heimavelli sínum í Digranesi í kvöld 29-27. HK hefur hlotið 20 stig, en ÍR er í áttunda sæti deildarinnar með 19 stig.

Valur vann fyrri leikinn við Bruhl

Kvennalið Vals vann sigur á svissneska liðinu Bruhl í kvöld í fyrri leik liðanna í 16-liða úrslitum Áskorendakeppni Evrópu í handbolta 25-21. Leikurinn fór fram í Laugardalshöll og sá síðari verður leikinn á morgun á sama stað, þar sem svissneska liðið seldi heimaleik sinn.

Nolan leikmaður febrúarmánaðar

Miðjumaðurinn Kevin Nolan hjá Bolton var í dag kjörinn leikmaður mánaðarins í ensku úrvalsdeildinni. Nolan er 23 ára gamall og hefur skorað 10 mörk í deildinni á tímabilinu, sem verður að teljast gott af miðjumanni að vera. Sam Allardyce stjóri Bolton segist alveg eins búast við að sjá Nolan í enska landsliðinu fljótlega.

Pardew stjóri mánaðarins

Alan Pardew, stjóri West Ham United var í dag kjörinn knattspyrnustjóri mánaðarins í ensku úrvalsdeildinni, eftir að hann leiddi lið sitt taplaust í gegn um mánuðinn. West Ham lagði meðal annars granna sína í Arsenal á útivelli og vann örugga sigra á Sunderland og Birmingham á heimavellin sínum.

Það voru örlög mín að mæta Arsenal

Patrick Vieira segist hlakka mikið til að mæta með nýja liði sínu Juventus á Highbury í Meistaradeildinni, þar sem hann spilaði með Arsenal í níu ár. Kaldhæðni örlaganna er nú sú að Vieira fór sumpart frá Arsenal til að reyna að vinna Evrópumeistaratitilinn annarsstaðar, en nú þarf hann einmitt að slá sína gömlu félaga sínu úr keppni til að ná því takmarki.

Blæs á gagnrýni Pardew

Arsene Wenger, stjóri Arsenal, gefur lítið út á gagnrýni kollega síns Alan Pardew hjá West Ham sem fetti fingri út í það að fyrirsagnir enskra blaða töluðu um að Arsenal væri fulltrúi Englands í Meistaradeildinni. Pardew átti þar við þá staðreynd að fleiri enskir leikmenn hefðu verið í spænska liðinu Real Madrid en í Arsenal í viðureign liðanna í vikunni.

HK tekur á móti ÍR

Einn leikur er á dagskrá í DHL-deild karla í handknattleik í kvöld þegar HK tekur á móti ÍR í Digranesi. HK er í áttunda sæti deildarinnar með 18 stig, en ÍR-ingar sitja í sætinu fyrir ofan með einu stigi meira. Leikurinn hefst klukkan 20.

Vandræði hjá McLaren

Forráðamönnum McLaren til mikillar skelfingar virðist þetta keppnistímabil ætla að byrja á sömu nótum og hið síðasta endaði, því bíll Kimi Raikkönen bilaði strax á 12. hring á æfingum í dag og félagi hans Juan Pablo Montoya kvartaði einnig undan því að vélin hefði verið að stríða sér.

Þjóðverjar geta orðið heimsmeistarar

"Keisarinn" Franz Beckenbauer hefur nú skipt um skoðun og segir að Þjóðverjar hafi alla burði til að verða heimsmeistarar, þrátt fyrir að liðið hafi alls ekki verið sannfærandi að undanförnu. Beckenbauer er einn þeirra sem tók undir harða gagnrýin á liðið þegar það steinlá fyrir Ítölum á dögunum.

Rangers á yfir höfði sér refsingu

Skoska liðið Glasgow Rangers á yfir höfði sér refsingu frá evrópska knattspyrnusambandinu vegna hegðunar stuðningsmanna liðsins í leikjunum við Villareal í Meistaradeildinni á dögunum. Stuðningsmennirnir veittust að rútu spænska liðið og grýttu hana, auk þess sem þeir hrópuðu fúkyrðum að mótherjunum á meðan á báðum leikjunum stóð.