Gunnar skoraði tvö fyrir Halmstad

Knattspyrnumaðurinn Gunnar Heiðar Þorvaldsson hjá Halmstad í Svíþjóð var á skotskónum í dag, þegar lið hans mætti neðrideildarliðinu Bodens BK í bikarkeppninni.

Birgir Leifur á einu yfir pari

Birgir Leifur Hafþórsson, kylfingur úr GKG, lauk keppni á einu höggi yfir pari á fyrsta hring á Evrópumótaröðinni á Ítalíu í dag. Birgir Leifur er í 85. sæti af 160 keppendum en ekki hafa allir lokið leik. Eftir fyrstu níu holurnar í dag var Birgir Leifur á tveimur höggum yfir pari en fékk fugl á tíundu holu og paraði eftir það.

Haraldur skoraði fyrir Aalesund

Haraldur Freyr Guðmundson skoraði mark beint úr aukaspyrnu fyrir lið sitt Aalesund í norska boltanum nú rétt áðan. Það blæs þó ekki byrlega fyrir lið hans, því það er undir 3-1 gegn Árna Gauti Arasyni og félögum í Valerenga, þegra um 20 mínútur eru til leiksloka.

Paul Robinson meiddur

Við nánari athugun hefur komið í ljós að enski landsliðsmarkvörðurinn Paul Robinson hjá Tottenham, er meiddur á hné og getur ekki leikið meira með liði sínu á leiktíðinni.

KR yfir gegn Þrótti

KR-ingar hafa yfir 1-0 gegn Þrótti í úrslitaleik deildarbikarsins í knattspyrnu, en leikurinn fer fram í Egilshöll.

KR vann deildarbikarinn

KR varð deildarbikarmeistari í kvöld þegar það lagði Þrótt að velli, 3-2, í fjörugum og æsispennandi leik í Egilshöll.

Robinson lýkur keppni

Paul Robinson markvörður Tottenham og enska landsliðisins verður ekki meira með á þessu tímabili. Robinson meiddist á hné í glæsilegum 4-0 sigurleik gegn Aston Villa um síðustu helgi og nú hefur röntgenmyndataka staðfest að liðbönd í hnénu sködduðust.

Henry með í bikarleiknum

Allt lítur út fyrir að Thierry Henry, framherji Arsenal, verði tilbúinn í slaginn þegar Arsenal og Manchester United mætast í úrslitum ensku bikarkeppninnar á Þúsaldarleikvanginum í Cardiff 21. maí.

Mourinho ætlar að bæta við

Jose Mourinho framkvæmdastjóri meistaraliðs Chelsea hefur lýst því yfir að hann hyggist næla í þrjá nýja leikmenn þegar félagsskiptaglugginn opnar í sumar. Roman Abramovich ætlar að opna budduna þannig að Mourinho geti fengið til liðsins vinstri bakvörð, miðjumann og sóknarmann.

Úrslitaleikur á Ítalíu

Á sunnudag fer fram einn af leikjum knattspyrnutímabilsins í Evrópu þegar AC Milan tekur á móti Juventus. Þegar fjórar umferðir eru eftir af leiktíðinni eru liðin eru jöfn að stigum á toppi ítölsku deildarinnar en ef annað hvort liðið nær að knýja fram sigur á það meistartitilinn vísan. AC Milan eru ríkjandi meistarar en Juventus er það lið sem oftast hefur hampað ítalska titlinum.

Áfall fyrir Liverpool

Enska knattspyrnusambandið gaf þá yfirlýsingu út í dag að Liverpool fái ekki sæti í Meistaradeild Evrópu þó svo að liðið ynni Meistaradeild Evrópu.

Verður Róbert danskur meistari?

Róbert Gunnarsson og félagar í Aarhus munu spila til úrslita um danska meistaratitilinn í handbolta. Það varð ljóst þegar Aarhus sigraði meistara síðasta árs, GOG, í gær, 38-35, og vann því einvígi liðanna 2-0. Róbert fór hamförum í leiknum og skoraði 11 mörk en Aarhus mætir hinu geysisterka liði Kolding í úrslitum. Það var glatt á hjalla í rútunni hjá leikmönnum Aarhus sem voru á leið heim þegar Fréttablaðið náði tali af Róberti.

KR stal sigrinum

Ekki er hægt að segja annað en að Þróttarar hafi verið miklir klaufar að tapa leiknum því þeir komust í 2-1 þegar 20 mínútur voru eftir af leiknum. En KR-ingar, sem tefldu fram hálfgerðu varaliði í gær, náði með mikilli eljusemi að vinna sig inn í leikinn á ný og sem eins og fyrr segir var það þrumufleygur Sigmundar sem skildi liðin af að lokum.

Boston 2 - Indiana 3

Indiana Pacers fengu óvænta hjálp í nótt þegar þeir gerðu sér lítið fyrir og sigruðu Boston Celtics á þeirra heimavelli, 90-85 og geta nú komist áfram í átta liða úrslitin með sigri í Indiana í næsta leik.

Detroit 4 - Philadelphia 1

Þegar mest liggur við, eru NBA meistararnir bestir. Sú varð að minnsta kosti raunin í nótt, þegar Detroit sló Philadelphia út úr úrslitakeppninni. Eftir að hafa leikið illa í þriðja leikfjórðungi í gær, stigu þeir á bensínið í lokaleikhlutanum og kláruðu dæmið. Pistons mæta annað hvort Indiana eða Boston í næstu umferð.

Seattle 4 - Sacramento 1

Ray Allen hjá Seattle vildi ekki þurfa að fara aftur til Sacramento og leika fyrir framan óða áhorfendur þeirra. Það sást á leik hans og félaga hans í gær, þegar þeir slógu Sacramento úr keppni með 122-118 sigri, þrátt fyrir hetjulega baráttu gestanna frá Kaliforníu.

Hammarby og Malmö skildu jöfn

Einn leikur var í sænsku úrvalsdeildinni í knattspyrnu í gær. Hammarby og Malmö skildu jöfn 1-1. Pétur Hafliði Marteinsson lék allan leikinn með Hammarby. Kalmar er í efsta sæti í sænsku úrvalsdeildinni með 10 stig en Helsingborg er í öðru sæti með 9.

Svissnesk lið sýna Björgvin áhuga

Zürich og Stans frá Sviss hafa sýnt áhuga á að fá Björgvin Pál Gústafsson markvörð HK í handboltanum í sínar raðir fyrir næsta keppnistímabil, en Björgvin er einn efnilegasti markvörður landsins. <em>Morgunblaðið</em> greinir frá þessu í morgun. Einnig munu þýsk félög vera áhugasöm að sögn Björgvins.

Okafor nýliði ársins

Samkvæmt áreiðanlegum heimildum úr NBA deildinni, hefur framherjinn Emeka Okafor verið valinn nýliði ársins í deildinni, eftir harða keppni við besta vin sinn Ben Gordon hjá Chicago Bulls.

Kwame Brown settur í bann

Framherjinn Kwame Brown hjá Washington Wizards, hefur verið settur í bann út úrslitakeppnina af forráðamönnum liðsins, eftir að sló í brýnu milli hans og þjálfara liðsins.

BAR Honda í vondum málum

Lið BAR Honda í formúlu eitt, gæti verið í afar vondum málum, eftir að forráðamenn formúlunnar hafa farið fram á það að liðinu verði vikið úr keppni eftir að liðið varð uppvíst af því að vera með of léttan bíl í keppni á dögunum.

Stuðningsmenn Man Utd mótmæla

Stuðningsmannasamtök Manchester United hafa í huga að mótmæla hugsanlegum kaupum ameríska auðkýfingsins Malcom Glazer á félaginu, með því að mæta ekki á heimaleik liðsins við West Brom um helgina.

Í Adidas-skó eða úr liðinu

Jürgen Klinsmann, þjálfari þýska karlalandsliðsins í knattspyrnu, hefur sagt leikmönnum að ef þeir geti ekki sætt sig við að leika í skóm frá Adidas-íþróttavöruframleiðandanum, sem er meginstyrktaraðili liðsins, þá fái þeir ekki að spila með. Sumir leikmannanna eru á persónulegum samningi hjá öðrum framleiðendum og hafa reynt að malda í móinn.

Benitez sama hverjum hann mætir

Rafa Benitez, knattspyrnustjóri Liverpool, segir að sér sé alveg sama hvaða liði sitt lið mæti í úrslitaleik meistaradeildarinnar, sínir menn séu staðráðnir í að vinna.

Liverpool gæti fengið sekt

Lið Liverpool gæti átt yfir höfði sér sekt vegna brjálæðinganna tveggja sem sluppu inn á völlinn hjá liðinu í leiknum við Chelsea í meistaradeildinni í gærkvöldi.

PSV í framherjavandræðum

Hollensku meistararnir í PSV Eindhoven eiga í vandræðum með meiðsli framherja sinna og óvíst er með það hverjir verða í fremstu víglínu í leiknum við AC Milan í meistaradeildinni í kvöld.

Montoya verður með á Spáni

Kólumbíski ökuþórinn Juan Pablo Montoya hefur staðfest að hann verði með liði sínu McLaren í Spánarkappakstrinum um helgina, eftir að hafa misst úr tvö mót vegna meiðsla.

Stóru nöfnin verða með á Wachovia

Sjö af tíu efstu mönnum á heimslista kylfinga munu taka þátt á Wachovia mótinu í Norður-Karólínufylki í Bandaríkjunum, sem hefst á morgun.

Mourinho framlengir samning sinn

Jose Mourinho sat ekki auðum höndum eftir tapið gegn Liverpool í meistaradeildinni í gær og hefur nú framlengt samning sinn við Chelsea um fimm ár, eða til ársins 2010.

Bergkamp vill nýjan samning

Hollenski framherjinn Dennis Bergkamp hjá Arsenal hefur látið í ljós áform sín um að leggja skóna á hilluna í lok þessa tímabils ef liðið býður honum ekki ásættanlegan eins árs samning fljótlega.

Tunglmarkið réði úrslitum

Jose Mourinho, knattspyrnustjóri Chelsea, er á þeirri skoðun að markið sem skildi lið hans og Liverpool að í meistaradeildinni í gær, hefði aldrei átt að standa.

PSV komið með forystu gegn Milan

PSV Eindhoven frá Hollandi hefur náð 1-0 forystu gegn AC Milan í síðari leik liðanna í undanúrslitum meistaradeildar Evrópu.

Newcastle yfir gegn Fulham

Newcastle er komið yfir á útivelli gegn Fulham, 0-1 í ensku úrvalsdeildinni í knattspyrnu en þetta er eini leini leikurinn á dagskrá deildarinnar í kvöld. Darren Ambrose skoraði mark gestanna á 18. mínútu. Leikurinn sem hófst kl. 18.45 er í 36. umferð og eru liðin í 14. og 15. sæti, Newcastle með 40 stig og Fulham með 38 stig.

PSV komið í 2-0 gegn Milan

PSV Eindhoven frá Hollandi var rétt í þessu að komast í 2-0 gegn AC Milan í síðari undanúrslitaleik liðanna í meistaradeildinni, en leikurinn fer fram í Hollandi.

5 leikja bannið stendur hjá Totti

Aganefnd ítalska knattspyrnusmbandsins hefur synjað áfrýjun Francesco Totti gegn 5 leikja banni sem sóknarmaðurinn skapbráði var úrskurðarður í á dögunum. Ítalski landsliðsfyrirliðinn var rekinn af leikvelli í annað sinn á skömmum tíma eftir að hafa lent í ryskingum við Francesco Colonnese þegar Roma mætti Siena á dögunum.

Milan í úrslit meistaradeildar

Lokamínútur viðureignar PSV og AC Milan voru æsilegar og dramatískar, en AC Milan hefur tryggt sér farseðilinn í úrslitaleikinn við Liverpool, þrátt fyrir 3-1 tap í kvöld. Massimo Ambrosini minnkaði muninn fyrir AC Milan á lokamínútu venjulegs leiktíma.

Loks sigur hjá Newcastle

Newcastle lagði Fulham 1-3 á útivelli í eina leik kvöldsins í ensku úrvalsdeildinni í knattspyrnu. Darren Ambrose, Patrick Kluivert og Shola Ameobi skoruðu mörk Newcastle sem náði að lyfta sér upp í 12. sæti með sigrinum.

Mark Webber í Smáralind

Ástralska Formúlu 1 kappaksturshetjan, Mark Webber er væntanlegur hingað til Íslands nú í maímánuði en það er í tengslum við styrktaraðila BMW Williams liðsins sem er Baugur. Ein bifreið liðsins verður sérstaklega flutt til Íslands og sýnd í Smáralind á annan í hvítasunnu.

Treyja Eiðs komin í hálfa milljón

Treyjan sem Eiður Smári Guðjohnsen hefur gefið til Neistans, styrktarfélags krabbameinssjúkra barna er komin upp í hálfa milljón króna á uppboðsvefnum uppbod.is. Hæsta uppboðið kom á máunudaginn kl. 16.23 en á hverjum degi koma reglulega ný tilboð í treyjuna.

Stam þakkar heppninni

Jaap Stam varnarmaður AC Milan segir lið sitt hafa verið heppið að komast í úrslitaleik Meistaradeildar Evrópu. Milan sló út hollenska liðið PSV Eindhoven í undanúrslitunum þrátt fyrir 3-1 tap í Hollandi í kvöld. "...Við lékum lékum ekkert sérstaklega vel ..."  Mark van Bommel miðjumaður PSV gat ekki leynt vonbrigðum sínum. "<em>Við áttum skilið að vinna.."</em>

Ísland leikur við Færeyjar

Undirbúningur handboltalandsliðsins fyrir umspilsleikina gegn Hvít-Rússum um sæti á EM í Sviss á næsta ári fer að hefjast enda verður leikið við Rússana í næsta mánuði. Fyrsti liður í undirbúningnum eru tveir landsleikir við Færeyinga ytra 21. og 22. maí.

Með tilboð frá Sviss

ÍR-ingarnir Ingimundur Ingimundarson og Ólafur Haukur Gíslason koma heim frá Sviss í dag en þeir hafa verið við æfingar hjá Winterthur síðan í upphafi vikunnar. Báðum gekk þeim vel á æfingum með félaginu og voru þeir leystir út með samningstilboði í gær.

Hreiðar til KA?

Svo getur farið að landsliðsmarkvörðurinn Hreiðar Levy Guðmundsson gangi í raðir KA-manna en Akureyrarliðið hefur sett sig í samband við hann. Reynir Stefánsson, nýráðinn þjálfari KA, staðfesti þetta við Fréttablaðið í gær

Grindvíkingar stórhuga

Grindvíkingar hafa ekki útilokað að fá fleiri leikmenn áður en Landsbankadeildin hefst 16. maí. Þetta staðfesti Ingvar Guðjónsson, framkvæmdastjóri Grindavíkur.

Argentínumönnunum seinkar

Einhver bið verður á því að Fylkismenn fái til reynslu tvo Argentínumenn frá Indipendiente en von var á þeim í síðustu viku. Leikmennirnir sem um ræðir eru Hernan Gabriel Perez og Carlos Raúl Sciucatti. Báðir eru þeir ungir að árum en Perez er 20 ára og Sciucatti 19 ára.