Skotárás á körfuboltaleik

Sex eru slasaðir eftir að byssumaður hóf skothríð á körfuboltaleik í Fíladelfíu í Bandaríkjunum í gærkvöldi. Maðurinn hóf skothríðina í hálfleik og eru fimm karlmenn og ein kona á meðal hinna slösuðu. Einn er í lífshættu en hinir minna slasaðir.

Bjargaði móður auðkýfings úr brennandi húsi

Auðkýfingurinn Sir Richard Branson hefur þakkað leikkonunni Kate Winslet fyrir að bjarga níutíu ára gamallri móður sinni út úr brennandi húsi sínu á Necker-eyju í Karabískahafinu í gær.

Valdatími Gaddafís er á enda runninn

Uppreisnarliðið í Líbíu hafði í gærkvöld náð höfuðborginni Trípolí að mestu á vald sitt en barðist áfram við dygga stuðningsmenn Múammars Gaddafí á ýmsum stöðum í borginni. Hvergi sást til Gaddafís sjálfs en augljóst mátti vera að valdatíð hans væri á enda. Uppreisnarliðið handtók í gær tvo af sonum Gaddafís, Saif al-Islam og Mohammed. Óstaðfestar fregnir bárust af því að þriðji sonurinn, Al-Saadi, hefði annað hvort verið handtekinn líka eða felldur.

Styðja nýju stjórnina

Þjóðarleiðtogar víða um heim lýstu því yfir í gær að stjórn Gaddafís væri fallin. Þeir hvöttu jafnframt einræðisherrann til þess að gefast upp og komast þannig hjá frekara blóðbaði.

Málið gegn Strauss-Kahn fellt niður

Ákæra á hendur Dominique Strauss-Kahn hefur verið felldar niður og er honum því frjálst að yfirgefa Bandaríkin. Strauss-Kahn var, eins og kunnugt er, ákærður fyrir að ráðast á og beita Nafissatou Diallo, kynferðislegu ofbeldi þar sem hún starfaði sem hótelþerna á hóteli sem Strauss-Kahn gisti á í maí síðastliðnum.

Tuttugu manns sluppu úr eldi

Tuttugu manns sluppu ómeiddir þegar eldur braust út á heimili Sir Richard Branson á Necker eyju í Karabíska hafinu í dag. Mikill hitabeltisstormur gengur nú yfir Karabíska hafið og er talið að eldingu hafi lostið niður í húsið og kveikt eldinn.

Eyðir 3.500 óbirtum leyniskjölum

Fyrrverandi starfsmaður Wikileaks, Daniel Domscheit-Berg, hefur eytt 3.500 leyniskjölum sem lekið var til síðunnar Wikileaks. Þetta sagði hann í samtali við þýska fjölmiðilinn Der Spiegel, en skjölin munu m. a. hafa innihaldið 5 gígabæt af upplýsingum um Bank of America.

Mannfall í Suður-Súdan

Sameinuðu Þjóðirnar segja að minnst 600 manns hafi látist í Suður Súdan síðastliðna viku. Þetta kemur fram á vefmiðli New York Times. Mannsfallið varð þegar átök brutust fram milli tveggja þjóðflokka í austurhluta landsins.

Líbía að sleppa úr klóm harðstjóra

Barack Obama, forseti Bandaríkjanna, sendi frá sér yfirlýsingu nú í morgun sem varðaði ástandið í Líbíu. Þar segir hann að Gaddafi verði að átta sig á að valdatíð hans er á enda, hann stjórni ekki lengur Líbíu. Hann lofar einnig að Bandaríkin muni áfram starfa með stjórn uppreisnarmanna og styðja hana í framtíðinni.

Sigur ekki í höfn fyrr en Gaddafí verður handsamaður

Fátt virðist nú geta komið í veg fyrir brotthvarf Múammars Gaddafís af valdastóli í Líbíu en stuðningsmenn hans berjast þó enn á nokkrum svæðum í höfuðborginni Trípólí. Það sem af er degi hefur verið hart barist, sérstaklega í kring um aðsetur Gaddafís.

Bókasafnið í Berlín skilar bókum sem nasistar stálu

Borgarbókasafnið í Berlín ætlar á næstu dögum að skila bókum sem nasistar stálu frá Sósíal Demókrötum í borginni á milli stríðsárunum. Þar á meðal er ensk útgáfa af kommúnistaávarpinu sem talið er að hafi verið í eigu Friedrich Engels, sem skrifaði bókina ásamt Karli Marx árið 1848. Stjórnmálaflokkurinn var bannaður þegar Hitler komst til valda í landinu og eignir hans gerðar upptækar. Alls er um sjötíu bækur að ræða.

Náttúruunnendur dæmdir í Danmörku

Ellefu félagar í Greenpeace samtökum Danmerkur fengu í morgun tveggja vikna skilorðsbundinn dóm fyrir að smygla sér óboðnir inn á hátíðarmatarboð leiðtoga heimsins í desember árið 2009. Félagarnir laumuðu sér inn í bílalest leiðtoganna á limósínu með fölsuðum lögregluljósum.

Þrír synir Gaddafís nú í haldi

Þrír synir Gaddafís hafa verið teknir höndum, þar á meðal Saíf, sem talinn var líklegastur til þess að taka við af föður sínum. Ekkert hefur þó frést af Gaddafí sjálfum en talsmaður uppreisnarmanna segist telja að hann fari annað hvort huldu höfði í höfuðborginni eða þá að hann hafi flúið til suðurhluta landsins og jafnvel yfir til nágrannaríkjanna Tsjad eða Alsír.

Kennarar þurfa að kunna á Facebook

Kennarar verða að læra að nota samfélagsmiðla annars geta þeir ekki skilið í hverslags heimi nemendur þeirra lifa í. Þetta segir Arne Krokan prófessor við Stofnun í félagsfræði og stjórnmálafræði í Noregi.

29.000 heimilislausir í Norður Kóreu

Rauði Krossinn tilkynnti í dag að yfir 29.000 manns í Norður Kóeru séu heimilislausir eftir storma og flóð síðustu þriggja mánaða. Rauði Krossinn vinnur nú að því að deila mat og vatni til 7.500 þurfandi fjölskyldna í landinu. Einnig er stefnt að því að koma upp viðunandi skjóli áður en veturinn skellur á í Norður Kóreu.

Irene orðin fellibylur

Hitabeltisstormurinn Irene náði nú fyrr í dag styrk fellibyls. Óveðrið fór í dag yfir Puerto Rico og stefnir í átt að Dóminíska lýðveldinu og Haiti.

Hamas og Ísrael semja um vopnahlé

Hamas-samtökin og Ísrael hafa samið um vopnahlé sem hefst í dag. Þetta kom fram á vef fréttaveitunnar Reuters í morgun. Eftir fimm daga af vopnuðum átökum ku hóparnir hafa náð samkomulagi um vopnahlé. Hamas-samtökin ætla sér að þvinga smáa herflokka í Palestínu, sem ábyrgir eru fyrir flestum sprengingum á landamærunum, til að virða samkomulagið.

Assad segir ekki af sér

Bashar al-Assad, forseti Sýrlands, kom fram í sjónvarpsviðtali í gærkvöldi. Þar varaði hann önnur ríki við því að skipta sér af ástandinu í Sýrlandi og sagði öll afskipti myndu hafa "stórfelldar afleiðingar". Einnig talaði hann um fyrirhugaðar endurbætur sínar á stjórnkerfi landsins, en fjallaði ekkert um stöðu sína sem forseti.

Bardagar við höfuðstöðvar Gaddafis

Mikil fagnaðarlæti brutust út í Trípoli, höfuðborg Líbíu, í gærkvöldi þegar að uppreisnarmenn náðu miðhlutaborgarinnar á sitt vald. Fjörutíu og tveggja ára einræðisstjórn Gaddafis virðist vera að ljúka.

Strauss-Kahn líklega laus allra mála

Ákæra á hendur Dominique Strauss-Kahn, fyrrum framkvæmdastjóra Alþjóðagjaldeyrissjóðsins, verður að öllum líkindum felld niður þegar réttað verður í málinu á morgun.

Fellibylur nálgast Púertó Ríkó

Talið er að hitabeltisstormurinn Irene sem gengið hefur yfir sunnan við Puerto Rico síðustu vikur geti breyst í kraftmikinn fellibyl.

Keyrði á níu ára gamlan strák og stakk af

Ökumaður bíls stakk af vettvangi eftir að hafa keyrt á níu ára gamlan strák í norðurhluta Lundúna í gærkvöldi. Pilturinn fannst stuttu síðar meðvitundarlaus og með alvarlega höfuðáverka í götunni og var fluttur umsvifalaust á sjúkrahús.

Fogh segir að stjórn Gaddafis sé að falli komin

Forsvarsmenn Atlantshafsbandalagsins segja að ríkisstjórn Moammars Gaddafis, leiðtoga Líbíu, sé að falli komin. Nú sé kominn tími til þess að mynda nýja lýðræðislega stjórn í Líbíu.

Segjast hafa handtekið syni Gaddafís

Uppreisnarmenn í Líbíu segjast hafa handtekið þrjá syni Muammars Gaddafí Líbíuleiðtoga. Leiðtogi upppreisnarmannanna, Mustafa Abdel Jalil, segir að þeim sé haldið á öruggum stað og verði ekki gert mein.

Sex látnir í tveimur flugslysum

Sex eru látnir eftir að tvær smáar flugvélar brotlentu á innan við hálftíma í óskyldum atvikum í suðurhluta Póllands í kvöld.

Hundruðir látnir í blóðugum bardögum í Líbíu

376 manns hafa látist í átökum í Tripoli, höfuðborg Líbíu, og um eitt þúsund hafa slasast. Leiðtogi landsins, Muhammar Gaddafi, hyggst ekki yfirgefa borgina.

12 látnir eftir flugslys í Kanada

Tólf manns fórust þegar Boing 737 flugvél hrapaði skammt frá flugvelli við bæinn Resolute, nyrst í Kanada í gær. Þoka og slæmt skyggni var á þessum slóðum þegar vélin hrapaði.

Segir að Bandaríkin muni aldrei fara í greiðsluþrot

Joe Biden, varaforseti Bandaríkjanna, segir að Bandaríkin muni aldrei fara í greiðsluþrot. Þetta sagði hann í ræðu sem hann hélt í Kína í nótt, þar sem hann er staddur í heimsókn.

Sjö látnir eftir loftárás Tyrkja

Sjö almennir borgarar létu lífið í loftárásum Tyrkja í Norður-Írak í dag, en Tyrkir hafa staðið fyrir loftárásum gegn uppreisnarmönnum síðan á miðvikudaginn.

Noregskonungur klökknaði við minningarathöfn

Haraldur Noregskonungur var klökkur þegar hann talaði á minningarathöfn í Osló um þá sem fórust í Útey þann 22. júlí síðastliðinn. Athöfnin fer fram í dag og eru um sex þúsund manns viðstaddir. Þeirra á meðal eru þjóðarleiðtogar allra Norðurlandanna, eftir því sem Jyllands Posten greindi frá.

Hatturinn fauk af páfanum

Hirðingjahattur Benedikts sextánda páfa fauk af honum í gær þegar mikill stormur skall á þar sem hann predikaði af krafti utandyra á Spáni á lokaathöfn dags unga fólksins í gærkvöld.

Stór jarðskjálfti nálægt Vanuatu

Jarðskjálfti sem mældist 7,5 á richter varð nálægt kyrrahafseyjunni Vanuatu rétt fyrir klukkan fimm í dag. Ekki er talið að jarðskjálftinn hafi sett af stað stóra flóðbylgju, en staðbundnari flóðbygljur kynnu að valda skaða nærri upptökum skjálftans.

Snúa aftur til Úteyjar

Ungmenni sem komust lifandi frá hryðjuverkaárásinni í Útey þann 22. júlí síðastliðinn fóru í dag aftur út í eyjuna og minntust vina sinna sem ekki komust lífs af.

Kim Jong Il kominn til Rússlands

Leiðtogi Norður Kóreu, Kim Jong-il, kom til Rússlands í dag og mun þar funda með forseta landsins, Dimitry Medvedev. Þetta er fyrsta rússlandsheimsókn kóreska leiðtogans í níu ár, og er talið að heimsóknin sýni viðleitni Norður-Kóreu til að sækja sér aukna velvild í alheimssamfélaginu, auk efnahagslegs stuðnings.

Sefaði áhyggjur Kínverja af BNA

Kínverjar segjast bera fullt traust til bandarísks efnahagslífs og óttast ekki um fjárfestingu sína í ríkisskuldabréfum þótt stífir vindar hafi geisað.

Milljarðarnir að verða sjö

Mannkyninu hefur fjölgað hratt síðustu áratugina. Síðar á þessu ári er reiknað með því að við verðum sjö milljarðar alls, samkvæmt nýrri spá franskra fræðimanna sem nota tölur frá Sameinuðu þjóðunum.

Ráðist á breskar skrifstofur

Breskar skrifstofur í Kabúl, Afghanistan, urðu fyrir árás nú í morgun. Minnst 9 manns létu lífið, þar af einn útlendingur. Í dag er helgidagur í Afghanistan, haldið er upp á sjálfstæði landsins undan breskri stjórn.

Ísrael svarar fyrir sig

Ísraelsmenn sendu í nótt loftárásir yfir Gazasvæðið. Sex Palestínumenn létu lífið, þeirra á meðal ungur drengur. Sautján aðrir eru illa særðir. Loftárásirnar eru svar við árásum sem urðu í suður Ísrael í gær.

Aung San Suu Kyi hittir forseta Búrma

Þjóðarhetja Búrma, Aung San Suu Kyi, var í dag boðin á fund með forseta landsins. Fundurinn er einstakur og gæti verið „fyrsta skrefið í átt að þjóðarsátt" þar í landi. Upplýsingar um hvað fram fór á fundinum liggja ekki fyrir.

Rússland styður ekki kröfu um afsögn

Rússar taka ekki undir kröfu vestrænna ríkja um að Sýrlandsforseti, Bashar al-Assad, leggi niður völd. Talsmaður rússneska utanríkisráðuneytisins segir nauðsynlegt að gefa Assad lengri tíma til að vinna að umbótum í landinu.

Fimm látnir á Pukkelpop

Á belgísku tónlistarhátíðinni Pukkelpop gerði gríðarlegan storm í gærkvöldi. Fimm manns létu lífið og yfir 75 slösuðust þegar tjöld féllu saman. Aðstandendur hátíðarinnar hafa ákveðið að aflýsa þeim tónleikum sem eftir eru af virðingu við fórnarlömbin. Enn bíða einhverjir 40.000 gestir eftir að vera fluttir á brott af svæðinu.

Sprenging í Pakistan

Minnst 30 manns létust þegar sprengja sprakk í mosku í Pakistan þar sem hundruðir manna lágu á bæn. Unglingsstrákur sprengdi sjálfan sig í loft upp í aðalsal moskunnar nú fyrr í dag. Embættismaður á svæðinu býst við að allt að 40 manns hafi látist.

E-töflur nýtt krabbameinslyf

Fíkniefnið alsæla, eða e-töflur, virðist vænlegt vopn í baráttunni við blóðkrabbamein. Það kemur fram í rannsókn sem birt var í Investigational New Drugs journal. Þó engin meðferð sé væntanleg næstu tugi ára eru uppgötvanirnar „merkilegt skref í rétta átt".

Stoltenberg-áhrif í Noregi

NoregurKosningaþátttaka verður meiri í Noregi nú en síðustu ár. Þetta segir kosningasérfræðingurinn Frank Aarebrot hjá Háskólanum í Bergen.

Breivik mættur í réttinn

Fjöldamorðinginn Anders Behring Breivik kom í dómshúsið í Osló rétt fyrir klukkan níu í morgun. Réttarhöld yfir honum eiga að hefjast klukkan ellefu. Hann mun nú staddur í biðherbergi dómstólsins.