Skilyrði Bandaríkjamanna óásættanlega

Yfirmaður viðskiptamála hjá Evrópusambandinu segir Bandaríkjamenn ábyrga fyrir því að Doha-samningaviðræðurnar skuli hafa runnið út í sandinn enn á ný. Hann segir skilyrði sem Bandaríkjamenn settu fyrir því að lækka innflutningstolla á landbúnaðarafurðum vera algjörlega óásættanleg. Framkvæmdastjóri Alþjóðaviðskiptastofnunarinnar segir nú fullvíst að samningalotan muni ekki klárast í ár eins og flestir höfðu vonast til.

Hitabylgja veldur dauða

Tuttugu og tveir hafa látist í hitabylgju í Frakklandi. Fólk hefur einnig látist af völdum hita í öðrum Evrópulöndum síðustu daga en flestir í Frakklandi.

Sómalar mótmæla veru Eþíópíumanna

Yfir 5000 manns söfnuðust saman í Mogadishu, höfuðborg Sómalíu í dag til að mótmæla veru eþíópísks herliðs í landinu.

Óvænt heimsókn

Condoleezza Rice, utanríkisráðherra Bandaríkjanna, hóf ferð sína um Mið-Austurlönd óvænt í Beirút, höfuðborg Líbanons, í dag. Þar ræddi hún við ráðamenn. Rice heldur síðan til Ísraels. Óvíst er hver árangurinn af ferð hennar verður en ljóst er að stjórnvöld í Washington gera ekki kröfu um vopnahlé strax.

Líðan Sharon fer versnandi

Ariel Sharon, fyrrverandi forsætisráðherra Ísraels, var fluttur í skyndi á sjúkrahús í Tel Aviv í morgun en líðan hans hefur farið stöðugt versnandi um liðna helgi.

Búið að ráða um 100 starfsmenn

Undirbúningur gengur vel fyrir útkomu Nyhedsavisen í Danmörku. Svenn Dam, forstjóri 365 media Scandinavia, segir að fyrsta blaðið muni koma út þegar keppninautar blaðsins eiga síst von á því.

Rice fundar með ráðamönnum Ísraels í dag

Ísraelsher telur sig þurfa minnst viku í viðbót til að ljúka sókn sinni gegn skæruliðum Hizbollah áður en komist verði að samkomulagi til að binda enda á átök í Líbanon. Condoleezza Rice, utanríkisráðherra Bandaríkjanna, hélt til átakasvæðisins í dag til fundar með ráðamönnum í Ísrael.

Doha samningalotunni frestað

Svokallaðri Doha-samningalotu helstu viðskiptaríkja heims var frestað um óákveðinn tíma í dag. Viðræðurnar hafa farið fram á vettvangi Alþjóðaviðskiptastofnunarinnar. Samningalotunni var ýtt úr vör í borginni Doha í Katar í nóvember 2001 og ætlað að taka sérstakt mið af hagsmunum þróunarríkja. Stefnt var að því að bæta aðkomu þeirra að alþjóðaviðskiptasamfélaginu. Áætlað var að nýr samningur gæti tekið gildi í byrjun þessa árs en svo var ekki.

Schwartzenegger styður Ísraela

Arnold Schwarzenegger, kvikmyndaleikari og ríkisstjóri í Kaliforníu, var meðal þeirra þúsunda sem komu saman á götum Los Angeles í Bandaríkjunum í gær til að sýna Ísraelsmönnum stuðning. Schwarzenegger sagði það rétt Ísraelsmanna að verja sig og sagðist biðja fyrir frið í Líbanon. Talið er að um tvö til þrjú þúsund manns hafi komið saman í Los Angeles til að styðja árásir Ísraela á Líbanon og innrásina á Gaza-svæðið. Ekki kom til átaka þó fámennur hópur andstæðinga Ísraela hafi komið saman skammt frá.

Ungfrú Puerto Rico valin Miss Universe

18 ára stúlka frá Puerto Rico, Zuleyka Rivera Mendoza, var í gær valin keppninni Ungfrú alheimur sem fór fram í Los Angeles. Ungfrú Japan varð í öðru sæti og ungfrú Sviss varð í þriðja sæti. Sif Aradóttir, ungfrú Ísland 2006 var meðal keppenda, en hún komst ekki í verðlaunasæti. Þetta er í fimmtugasta og fimmta sinn sem keppnin er haldin en enginn íslenskur keppandi hefur verið sendur í hana síðan árið 2003 þegar Manúela Ósk Harðardóttir fór utan en þurfti að hætta keppni vegna veikinda.

Olíuævintýri í uppsiglingu við strendur Grænlands

Vera má að mikið olíuævintýri sé í uppsiglingu fyrir Grænlendinga. Nýjar rannsóknir við hafbotni vesturstrandar Grænlands benda til að þar gæti verið að finna álíka mikla olíu og á olíusvæðum Noregs, Danmerkur og Bretlands í Norðursjónum til samans, samkvæmt frétt Jyllands-Posten. Nú standa yfir heimastjórnarviðæður milli danskra stjórnvalda og grænlensku heimastjórnarinnar en nýting olíusvæðisins skipar veigamikinn sess í viðræðunum.

Mikið um neyslu áfengis meðal ófrískra kvenna

Talið er að á hverju ári fæðast tæplega 400 börn í Danmörku með skaðleg einkenni sem rakin eru til áfengisneyslu móður á meðgöngu. Þar af fæðast um 70-100 börn með alvarleg einkenni sem munu há þeim alla ævi samkvæmt umfjöllun Politiken. Heilbrigðisyfirvöld í Danmörku íhuga átak gegn drykkju ófrískra kvenna en um 80% danskra kvenna drekka áfengi einhvern tíman á meðgöngu og er tíðnin sú hæsta innan Evrópusambandsins.

Íbúar í Queens orðnir langþreyttir á rafmagnsleysi

Um 6.000 íbúar í Queens í New York hafa nú verið í viku án rafmagns. Eftir að rafmagnið fór af í hitabylgju sem gengið hefur yfir. Raforkufyrirtækið á svæðinu hefur unnið hörðum höndum að viðgerðum en 19.000 af 25.000 heimilum hafa nú fengið rafmagn. Íbúarnir sem enn hafa ekkert rafmagn eru orðnir þreyttir og pirraðir og hafa beðið fylkisstjóra New York ríkis að grípa inn í og sjá til þess að viðgerðir gangi hraðar.

Fastur í vatnsstokk í fimmtíu tíma

Ungur indverskur drengur átti heldur eftirminnilegan afmælisdag í gær þegar honum var bjargað úr vatnsveitustokk, eftir um fimmtíu tíma dvöl í prísundinni. Drengurinn átti sex ára afmæli og var að leik í heimabæ sínum Aldeharhi, þegar hann féll niður í stokkinn.

Flóttamönnum fjölgar í Damaskus

Fjöldi flóttamanna sem streymir til Sýrlands frá Líbanon heldur áfram að aukast. Flóttafólkið dvelur í búðum sem settar hafa verið upp í kringum höfuðborgina, Damaskus. Ráðmenn í Ísrael sögðu í gær að ríkisstjórn Ísraels vildi að alþjóðlegt friðargæslulið hefði eftirlit með því að skæruliðar Hizbollah verði fluttir frá suðurhluta Líbanon.

Fljúgandi listaverk drepur tvo

Tveir létust og tólf manns slösuðust þegar risastórt uppblásið listaverk losnaði úr festingum sínum á sunnudag. Slysið varð í Durham-sýslu í Englandi samkvæmt fréttavef BBC.

Árásir Ísraela fordæmdar

Yfirmaður Neyðarhjálpar SÞ fordæmir loftárásir Ísraelsmanna sem mannréttindabrot. Um 600.000 Líbanir hafa flosnað upp frá heimilum sínum. Skotið var á líbanska flóttamenn í suðurhluta landsins í gær.

Bjargað eftir fimmtíu tíma

Litlum dreng var bjargað úr átján metra djúpri holu á Indlandi í gær. Drengurinn hafði mátt dúsa í holunni í tæpar fimmtíu klukkustundir eða síðan á föstudaginn.

Nútímaþrælabúðir starfræktar á Ítalíu

Pólskir og ítalskir lögreglumenn frelsuðu um eitt hundrað Pólverja úr þrælahaldi á Ítalíu í mánuðinum. Tuttugu og fimm voru handteknir í lögregluaðgerðinni, en hún var árangur hálfs árs langrar rannsóknar.

Ísraelar á sjálfseyðingarbraut

Mahmoud Ahmadinejad, forseti Írans, lýsti því yfir í gær að Ísraelsmenn hefðu „þrýst á sjálfseyðingarhnapp“ með aðgerðum sínum í Líbanon. Hann útskýrði orð sín ekki nánar, en gaf til kynna að múslimaríki og önnur gætu einangrað Ísraelsríki á einhvern hátt. Yfirmaður herráðs Írana hafði tilkynnt daginn áður að Íranar mundu alls ekki blanda sér í stríðið í Mið-Austurlöndum.

Barist gegn félagslegu misrétti

Fríverslunarsamtök rómönsku Ameríku, Mercosur, bættu Venesúela formlega í sinn hóp á fundi í Argentínu í síðustu viku. Þetta er ein mesta stækkun samtakanna frá stofnun þeirra árið 1991 og eru nú þrjú stærstu hagkerfi Suður-Ameríku; Brasilía, Argentína og Venesúela, saman komin í þeim.

Skógareldar æ algengari

Loftslagshlýnun hefur valdið því að skógareldum, kjarreldum og fleiri brunum úti í náttúrunni fjölgar. Vísbendingum um þetta fjölgar stöðugt, hvort sem litið er til Bandaríkjanna, Síberíu eða Ástralíu.

Saddam neyddur til að borða

Sextán daga löngu hungurverkfalli Saddams Hussein, fyrrverandi forseta Íraks, lauk í dag þegar Bandaríkjamenn sem hafa hann í haldi tóku að neyða ofan í hann mat. Aðallögfræðingur Saddams er æfur yfir framgöngu þeirra og sagði hann í samtali við Reuters-fréttastofuna að ætlun þeirra væri að brjóta niður vilja hans.

Á sjötta tug Íraka féll í morgun

Á sjötta tug Íraka liggur í valnum eftir að tvær bílsprengjuárásir voru gerðar í borgunum Bagdad og Kirkuk í morgun. Fyrri sprengjan sprakk í Sadr-hverfinu í höfuðborginni þar sem sjíar eru þorri íbúanna.

Jarðskjálfti skekur Sulawesi

Jarðskjálfti af stærðinni 6,6 reið yfir indónesísku eynna Sulawesi nú á tíunda tímanum. Að svo stöddu er ekki vitað um manntjón eða hvort flóðbylgja hafi myndast í kjölfar skjálftans.

Hætta árásum á Ísrael

Uppreisnarmenn á Gaza hafa fallist á að hætta flugskeytaárásum á Ísrael og tók einhliða vopnahléð gildi aðfaranótt sunnudags, að sögn palestínsks embættismanns.

Saur á samkynhneigða

Saur og eggjum var kastað að hópi samkynhneigðra og stuðningsmanna þeirra í Ríga í Lettlandi þegar fólkið var að koma úr guðsþjónustu í gær. Réttur í Ríga úrskurðaði á föstudag að ekki skyldi leyfa skrúðgöngu samkynhneigðra í borginni og hafði fjöldi baráttufólks um réttindi samkynhneigðra safnast saman í kirkjunni.

Rafmagnslaust sex daga í röð

Uppreisnarmenn á Gaza hafa fallist á að hætta flugskeytaárásum á Ísrael og tók einhliða vopnahléð gildi aðfaranótt sunnudags, að sögn palestínsks embættismanns.

Helmingur barnakláms hýstur á bandarískum vefsvæðum

Rétt rúmlega helmingur barnaklámmynda á netinu kemur frá Bandaríkjunum, að því er fram kemur í nýrri skýrslu frá bresku eftirlitsstofnuninni Internet Watch Foundation

Dýrt að fæða fyrir tímann

Meira en hálf milljón barna fæðist fyrir tímann í Bandaríkjunum á ári hverju. Kostnaðurinn við að sinna veikburða börnum sem fæðast fyrir tímann er um 2.000 milljarðar króna á ári hverju þar í landi.

Rússar ógna samstöðu stórveldanna

Andstaða Rússa við orðalag í uppkasti að ályktun Öryggisráðs Sameinuðu þjóðanna um kjarnorkumál Írans ógnar samstöðu stórveldanna sex um hvernig skuli bregðast við mótþróa Írans við að stöðva auðgun úrans. Bandaríkin, Kína, Bretland, Frakkland, Þýskaland og Rússland ákváðu hinn 12. júlí að hefja viðræður á ný um aðgerðir Sameinuðu þjóðanna, í kjölfar þess að Íranar neituðu að svara hvort þeir myndu verða við vilja stórveldanna sex og fá í staðinn ýmis vilyrði.

Vill að refsingu verði frestað

Michael Lenz, rúmlega fertugur ásatrúarmaður og fangi á dauðadeild í Virginíuríki í Bandaríkjunum, hefur farið fram á það við Hæstarétt Bandaríkjanna að dauðarefsingu hans verði frestað vegna þess að kviðdómendur í máli hans flettu upp í Biblíunni meðan réttarhöldin stóðu yfir.

19 hið minnsta látnir eftir jarpskjálfta í Kína

Að minnsta kosti nítján manns eru sagðir hafa farist í jarðskjálfta í Kína í morgun. Skjálftinn var af stærðinni 5,1 á Richter og átti upptök í Yunnan-héraði í suðvesturhluta landsins.

Kona lést þegar fíll stappaði á henni

Kvenkyns dýrahirðir við fílaverndarsvæði í Tennessee í Bandaríkjunum lést þegar tæplega fjögurra tonna fíll gekk berserksgang og stappaði á honum. Félagi konunnar fékk einnig að kenna á fótum fílsins og slasaðist alvarlega.

Votta leiðtoga rauðu kmeranna virðingu sína

Hundruð Kambódíumanna hafa í dag vottað Ta Mok, einum af leiðtogum hinna illræmdu rauðu kmera, virðingu sína en hann andaðist í gær. Hann er sakaður að hafa í stjórnartíð rauðu kmeranna á áttunda áratug síðustu aldar stýrt einhverjum umfangsmestu þjóðarmorðum sögunnar en 1,7 milljónir Kambódíumanna dóu á valdatíma þeirra.

Liðsflutningar til landamæranna halda áfram

Liðsflutningar Ísraela til líbönsku landamæranna halda áfram en ekki er þó gert ráð fyrir allsherjarinnrás í Líbanon að svo stöddu. Bandaríkjamenn hafa hraðað vopnasendingum til Ísraels undanfarna daga.

Neyðarástand í Líbanon

Rauði krossinn hefur lýst yfir neyðarástandi í Líbanon. Þetta er ekki lengur árás á Hizbollah-samtökin, þetta er árás á líbönsku þjóðina, segir forseti landsins. Börn eru nærri þriðjungur fórnarlambanna.

Tuttugu látnir í Evrópu

Hitabylgjan í Evrópu hefur að öllum líkindum orðið um tuttugu manns að bana, þar á meðal 15 mánaða gömlu barni og 94 ára konu. Fjórir hinna látnu dóu á vinnustað, tveir við íþróttaiðkun og tveir voru heimilislausir á götum úti.

Segir vopnahlé tilgangslaust

Condoleezza Rice, utanríkisráðherra Bandaríkjanna, segir engan tilgang í því að Ísraelar hætti strax árásum á Líbanon. Vopnahlé núna væri falskt loforð, sagði hún á blaðamannafundi í Washington í gær.

Saddam í hungurverkfalli

Verjendur Saddams Hussein í Írak vara við því að heilsu hans muni hraka, haldi hann áfram í hungurverkfalli sínu í fangelsinu. Þeir segja bandaríska hernámsliðið bera alla ábyrgð bíði heilsa hans tjón af.

Allsherjarárás yfirvofandi

Allsherjarinnrás Ísraela í Líbanon vofir yfir og íbúum við landamærin hefur verið skipað að yfirgefa heimili sín strax. Líbanski herinn mun svara árásum Ísraela, sem hafa komið þúsundum hermanna fyrir við landamærin. Hishbollah-samtökin hafa látið sprengjum rigna yfir Haifa og aðrar ísraelskar landamæraborgir í dag.

Þrír handteknir vegna hryðjuverkaárásanna á Indlandi

Lögreglan á Indlandi tilkynnti í dag að þrír menn hafi verið handteknir í tengslum við hryðjuverkaárásirnar í borginni Mumbai á dögunum. Þetta eru fyrstu handtökurnar í tengslum við rannsókn málsins.

100 liðsmenn Hizbollah drepnir í átökunum

Ísraelskar herþotur létu sprengjum rigna yfir hafnarborgina Tyre í suðurhluta Líbanons í dag, þar sem ættingjar fallinna jörðuðu ástvini í bráðabirgðafjöldagröf. Ísraelar tilkynntu í dag að nálægt hundrað liðsmenn Hizbollah hafi verið drepnir í átökunum sem hafa nú staðið í tíu daga.

Leiðtogi Rauðu Kmerana látinn

Helsti hugmyndafræðingur Rauðu kmeranna í Kambódíu lést í morgun. Nærri tvær milljónir manna létust úr hungri og vosbúð á meðan ógnarstjórn kmeranna stóð yfir.

Ísraelar herða aðgerðir við landamærin.

Ísraelar eru að undirbúa innrás inn í Líbanon af jörðu niðri. Hermönnum við landamærin hefur verið fjölgað til muna og talsmenn hersins segja að til standi að bæta í aðgerðirnar við landamærin.