Fjallað um ákvörðun Íslands í WP

Það var sorgardagur þegar Alþingi Íslendinga veitti Bobby Fischer ríkisborgararrétt, segir í ritstjórnargrein <em>Washington Post</em> í dag.

Segja fjara undan andspyrnu

Það fjarar undan andspyrnuhreyfingunni í Írak samkvæmt skýrslum leyniþjónusta í Miðausturlöndum sem telja þó að ofbeldi setji mark sitt á lífið í landinu næsta áratug.

Líkið fundið í Kaupmannahöfn

Kaupmannahafnarbúi, sem var að viðra hundinn sinn í morgun, fann líkið af manninum sem fætur og hönd fundust af á götu í Kaupmannahöfn í fyrradag. Líkið er sagt vera af Dana en lögregla hefur birt mynd af manninum í þeirri von að geta borið kennsl á hann.

Frumvarp um þjóðaratkvæði fellt

Ísraelska þingið felldi í dag frumvarp um þjóðaratkvæðagreiðslu um áætlun Ariels Sharons um brotthvarf ísraelskra landnema frá Gasasvæðinu. Að frumvarpinu stóðu harðlínumenn sem eru mjög andsnúnir hugmyndum Sharons um að Ísralear hverfi frá öllum landnemabyggðum á Gasaströndinni, alls 21, og fjórum af 120 byggðum á Vesturbakkanum.

Páfi veitti ekki páskablessun

Jóhannes Páll páfi veitti ekki hefðbundna páskablessun í dag, annan dag páska. Nokkur þúsund pílagrímar biðu þess á Péturstorginu í Róm að sjá páfa og kölluðu nafn hans, en búist var við að myndi birtast út í glugga íbúðar sinnar sem snýr út að torginu. Það gerði hann hins vegar ekki.

Her- og lögreglumenn fyrir rétt

Yfirvöld í Súdan hafa handtekið fimmtán menn úr her og lögreglu í Darfur-héraði sem sakaðir eru um margvísleg brot gegn íbúum í héraðinu. Frá þessu greindi dómsmálaráðherra landsins í dag. Þetta eru fyrstu mennirnir sem handteknir eru í tengslum við grimmdarverk í héraðinu, en þeim er meðal annars gefið að sök að hafa nauðgað og drepið fólk og kveikt í þorpum í Darfur.

Bakijev skipaður forsætisráðherra

Þingið í Mið-Asíuríkinu Kirgisistan samþykkti í dag að skipa Kurmanbek Bakijev, sem fór fyrir uppreisninni í landinu í síðustu viku, forsætisráðherra landsins. Hann verður jafnframt forseti landsins þar sem Askar Akajev, réttkjörinn forseti, flýði til Rússlands í kjölfar uppreisnarinnar.

Hættuleg veira í Angóla

Nú hafa alls 122 látist af völdum svokallaðrar Marburg-veiru í Angóla í Afríku, sem svipar til ebola-veirunnar. Nú síðast lést lítið barn úr veirunni en hennar varð fyrst vart í Uige-héraði í norðurhluta landsins í október síðastliðnum og hefur hún breiðst út og m.a. greinst í höfuðborginni Lúanda.

Fjórðungur saknar Berlínarmúrsins

Fjórði hver íbúi í Vestur-Þýskalandi óskar þess að Berlínarmúrinn stæði enn þá, samkvæmt rannsókn sem gerð var í Þýskalandi. Rannsóknin sýnir eftir því sem segir í <em>Berliner Morgenpost</em> að það er nokkuð til í þeim klisjum að Vestur-Þjóðverjar sakni gömlu góðu daganna þegar múrinn skildi að austur og vestur því Austur-Þýskaland hefur að sumra mati sligað efnahag sameinaðs Þýskalands.

Öflugur skjálfti við Indónesíu

Jarðskjálfti upp á 8,2 á Richter varð úti fyrir ströndum Súmötru í Indónesíu fyrir stundu og er óttast að honum fylgi flóðbylgja. Upptök skjálftans voru á svipuðum slóðum og skjálftans sem reið yfir annan dag jóla með hörmuglegum afleiðingum, en þá létust á annað hundrað þúsund í Suðaustur-Asíu af völdum flóðbylgju sem fylgdi í kjölfarið. Stjórnvöld í löndum við Indlandshaf hafa verið hvött til að rýma byggðir nærri sjó vegna ótta við að flóðbylgja kunni að fylgja skjálftanum öfluga.</font />

Sakfelldur fyrir óhlýðni

Vélvirki í bandaríska hernum hefur verið sakfelldur í herrétti fyrir að óhlýðnast skipunum og neita að sinna skyldum. Blake Lemoine starfaði í Írak frá miðju ári 2003 þar til í maí í fyrra þegar hann hélt til herstöðvar Bandaríkjamanna í Darmstadt í Þýskalandi og sagðist vilja hætta í hernum vegna trúarskoðana, en framlengdur samningur hans við herinn átti að renna út í lok þessa árs.

Varað við flóðbylgju í Taílandi

Yfirvöld í Taílandi hafa gefið út viðvörun um flóðbylgju vegna skjálftans sem varð út fyrir ströndum Súmötru í Indónesíu klukkan rúmlega fjögur í dag. Skjálftinn mældist 8,2 á Richter. Viðvörunin nær til héraða við Andaman-strandlengjuna, en skjálftans var vart í höfuðborginni Bangkok. Yfirmaður hjá flóðbylgjuvörnum Taílands segir miklar líkur á að flóðbylgja skelli á landinu og hefur hvatt fólk í strandhéruðunum til að leita upp á hóla og hæðir.

Frekari viðvaranir gefnar út

Yfirvöld á hinum afskekktu, indversku Andaman- og Níkóbareyjum hafa líkt og taílensk stjórnvöld gefið út viðvörun um flóðbylgju í kjölfar skjálftans úti fyrir Súmötru í dag. Hins vegar hafa stjónvöld þar ekki hafið flutning á fólki frá ströndum eyjanna. Óttast er að skjálftinn geti komið af stað öflugri flóðbylgju sem getur valdið tjóni í allt að 1000 kílómetra radíus frá upptökum skjálftans.

Mikill ótti í Suðaustur-Asíu

Tugir þúsunda flýðu út af heimilum sínum á mörgum stöðum á Súmötru, í Singapúr og Malasíu í kjölfar skjálftans sem varð við Indónesíu fyrr í dag. Engar fregnir hafa borist af því hvort einhver hafi látist eða slasast í sjálftanum en mikill ótti greip um sig meðal fólksins. Í Banda Aceh, bænum sem varð verst úti í flóðbygljunni annan dag jóla, flýðu einnig þúsundir heimili sín og leituðu upp á hæðir.

Segja miklar skemmdir í skjálfta

Öflugur jarðskjálfti sem mældist 8,2 á Richterskvarða varð skammt undan strönd Súmötru síðdegis. Fregnir berast af miklum skemmdum en sérfræðingar segja minni líkur á flóðbylgju þeirri sem reið yfir annan dag jóla á sama svæði.

Segir fólk hafa orðið mjög hrætt

Birna Halldórsdóttir, sem er á vegum Rauða krossins í Banda Aceh á Súmötru, segir fólk hafa orðið mjög hrætt þegar skjálftinn reið yfir eyjuna fyrr í dag enda séu flestir minnugir flóðbylgjunnar á annan dag jóla.

Hefur engar vísbendingar um lík

Danska lögreglan hefur engar vísbendingar fengið um lík sem fannst í Kaupmannahöfn í morgun, en myndir af því voru birtar í dönskum fjölmiðlum í dag. Gengið var fram á sundurhlutað líkið nokkur hundruð metra frá þeim stað, sem fætur og hendur af því fundust á laugardag.

Sleppti páskamessu í fyrsta sinn

Fjarvera páfa varpaði skugga á páskahátíðarhöldin í Páfagarði. Í fyrsta sinn á ferli sínum flutti hann ekki hefðbundna páskamessu sína í dag.

Gagnrýnir Íslendinga í leiðara

Íslendingar eru gagnrýndir í leiðara bandaríska stórblaðsins <em>Washington Post</em> í dag. „Skömm Íslands“ er fyrirsögn greinarinnar þar sem segir að það hafi verið sorgardagur þegar Alþingi veitti Bobby Fischer ríkisborgararrétt.

Annan gagnrýndur

Í nýrri rannsóknarskýrslu sem birt verður í dag er Kofi Annan, framkvæmdastjóri Sameinuðu þjóðanna, gagnrýndur fyrir að taka ekki sem skyldi á máli sonar síns í tengslum við olíusöluáætlun samtakanna í Írak.

Hvort skulfu fæturnir eða jörðin

"Ég vissi ekki hvort fæturnir á mér skulfu svona eða hvort öll jörðin lék á reiðiskjálfi," segir Birna Halldórsdóttir, sendifulltrúi Rauða Krossins í Banda Aceh í Indónesíu. Birna sat við skriftir þegar jörði </font />

Hundruð farast við Indlandshaf

Skelfing greip um sig í strandríkjum Indlandshafs í gær er fréttist af sterkum jarðskjálfta vestur af Indónesíu. Skjálftinn mældist 8,7 á Richter. Engin flóðbylgja fylgdi í þetta sinn en hundruð manna fórst er hús hrundu á eynni Nias, sem næst er skjálftamiðjunni. </font /></b />

Eftirspenna leyst úr læðingi

Ragnar Stefánsson jarðskjálftafræðingur segir jarðskjálftann sem varð nærri ströndum Súmötru í gær vera stiginu minni en þann stóra sem reið yfir á sömu slóðum á annan í jólum. Hann segir brotalínuna í fyrri skjálftanum hafa verið nálægt 1.000 kílómetra langt, en lengdin á brotalínu nýja skjálftans sé ekki nema brot af því, sennilega 100-200 km. 

Færeyingar í utanríkismál

Per Stig Møller, utanríkisráðherra Danmerkur, og Jóannes Eidesgaard, lögmaður Færeyja, undirrita í dag samkomulag sem kveður á um aukna aðkomu færeysku landstjórnarinnar að utanríkis- og varnarmálum eyjanna. Frá þessu er greint á fréttavef færeyska útvarpsins.

Bakijev viðurkennir nýtt þing

Í tilraun til að slá á spennu í landinu lýsti nýr bráðabirgðaleiðtogi Kirgisistans, Kurmanbek Bakijev, því yfir í gær að hann viðurkenndi þjóðþingið. Áður hafði hann sagt þingið skorta lýðræðislegt umboð þar sem ekki væri að marka opinberar niðurstöður kosninga sem fram fóru í valdatíð fyrirrennara hans.

Gagnrýna Íslendinga vegna Fischers

Þær móttökur sem Íslendingar hafa veitt Bobby Fischer hafa verið erlendum fjölmiðlum umfjöllunarefni síðustu daga. Bandaríska stórblaðið The Washington Post birti á sunnudag leiðara þar sem Íslendingar eru skammaðir fyrir að ganga svo langt í greiðasemi sinni við þennan fræga - og alræmda - mann sem raun ber vitni með veitingu ríkisborgararéttar. </font /></b />

Líkfundur í Kaupmannahöfn

Danska lögreglan birti í gær ljósmynd af látnum manni sem fannst í miðborg Kaupmannahafnar um helgina. Myndin birtist í dönskum fjölmiðlum og var fólk beðið að láta fólk vita ef það kannaðist við manninn.

Líkamshlutar fundust úti á götu

Mannsfótur og handleggur fundust á götu í miðborg Kaupmannahafnar í gær. Líkamshlutarnir eru af hvítum karlmanni en fyrst í stað var talið að þeim hefði verið stolið í líkhúsi. Eftirgrennslan leiddi í ljós að svo er ekki.

Heilsa Mónakófursta stöðug

Heilsa Rainiers Mónakófursta er nú „stöðug“ að sögn lækna og fer honum ekki lengur versnandi. Hann er með meðvitund en undir áhrifum sterkra deyfilyfja. Af ummælum lækna hans má ráða að hinn 81 árs gamli fursti eigi skammt eftir ólifað.

Fuglaflensu vart í N-Kóreu

Yfirvöld í Norður-Kóreu hafa staðfest að fuglaflensu hafi orðið vart á kjúklingabúum í Pjongjang. Hundruðum þúsunda kjúklinga hefur verið slátrað. Enginn starfsmanna á kjúklingabúunum virðist hafa sýkst.

Fyrsta sinn sem páfi messar ekki

Jóhannes Páll páfi reyndi árangurslaust að ávarpa fjöldann við Vatíkanið í morgun. Í fyrsta sinn í 26 ár í embætti messaði páfi ekki á páskadag.

Sprenging í kristnum hluta Beirút

Sprengja sprakk í morgun í kristnum hluta Beirút, höfuðborgar Líbanons, með þeim afleiðingum að a.m.k. sex særðust. Mikil ólga hefur verið í landinu síðan fyrrverandi forsætisráðherra, Rafik Hariri, var myrtur í febrúar.

Eiturlyfjakafbátur haldlagður

Eiturlyfjasmyglarar eru þekktir fyrir að nota hinar ýmsu leiðir til að koma varning sínum á milli staða. Lögreglan í Kólumbíu hefur nú lagt hald á nokkurs konar neðansjávarfarartæki, sem að sögn megi líkja við lítinn kafbát, sem þarlendir smyglarar hugðust nota til að flytja fíkniefni á milli landa.

Schröder gagnrýnir viðskiptamenn

Gerhard Schröder, kanslari Þýskalands, réðst að viðskipta- og athafnamönnum þar í landi í dag þegar hann gagnrýndi þá harðlega fyrir að stuðla að hinu slæma atvinnuástandi sem nú er í Þýskalandi.

Ísrael: Fresta afhendingu yfirráða

Ísraelsmenn munu ekki afhenda Palestínumönnum yfirráð yfir þriðja bænum á Vesturbakkanum í þessari viku, eins og ákveðið hafði verið. Samkvæmt samkomulagi sem náðist á milli ísraelskra og palestínskra stjórnvalda í byrjun febrúar eiga Palestínumenn að fá yfirráð yfir fimm borgum og bæjum á Vesturbakkanum á næstu vikum og mánuðum.

Söguleg stund á ferli páfa

Í fyrsta sinn á aldarfjórðungs embættisferli messaði Jóhannes Páll páfi ekki á páskadag. Hann kom ekki upp skiljanlegu hljóði þegar hann reyndi að ávarpa fjöldann við Vatíkanið í morgun.

Hengdi listaverk upp í laumi

Breskur listamaður hefur í laumi hengt upp myndverk sín í sumum virtustu listasöfnum heims. Myndir hans fundist meðal annars á Louvre-safninu í París, Tate-galleríinu í London og Metropolitan-safninu í New York. Margar myndanna fela í sér gagnrýni á stríðsrekstur.

Danska lögreglan engu nær

Lögreglan í Kaupmannahöfn er engu nær um af hverjum líkamshlutarnir eru sem fundust við hliðina á ruslagámi í gærmorgun, þrátt fyrir fjölda vísbendinga frá íbúum á svæðinu. Talið er að líkamshlutarnir séu af karlmanni en beðið er niðurstöðu réttarmeinafræðinga.

Ástandið rólegra í Kirgistan

Ástandið í Bishkek, höfuðborg Kirgistans, er nú sagt vera rólegra en síðustu sólarhringa. Glæpagengi hafa nýtt sér upplausnarástandið og gengið um ruplandi og rænandi. Sjálfboðaliðar, vopnaðir bareflum, aðstoðuðu lögreglu við að gæta verslana í nótt.

Rainier fursti berst fyrir lífinu

Rainier fursti í Mónakó berst fyrir lífi sínu. Fyrr í mánuðinum var hann fluttur á sjúkrahús vegna sýkingar í lungum. Í gær var hann svo tengdur við öndunarvél vegna vandkvæða í hjarta og nýrum.

Þrír mánuðir frá hamförunum

Í dag eru þrír mánuðir liðnir frá því flóðbylgjan reið yfir í Suðaustur-Asíu og banaði 280 þúsund manns. Fjórum sinnum fleiri konur en karlar létust í þeim ellefu löndum sem hún skall yfir. Til dæmis voru konur 80 prósent þeirra sem létust í þorpi í Ache-héraði sem verst varð úti í hörmungunum.

Kosningar í Kirgistan í júní

Efnt verður til nýrra forsetakosninga í Kirgistan þann 26. júní að ákvörðun þingsins. Rússar hafa ákveðið að starfa með nýjum valdhöfum en verði úrslit kosninga á þann veg að stjórnarandstaðan fari með sigur er ekki búist við að miklar breytingar verði á stjórnarskipan eða stjórnarháttum í landinu.

Morðtilræði við Bakiev

Reyna á að ráða Kurmanbek Bakiev, sitjandi forseta Kirgistans, af dögum. Þessu hélt talsmaður hinna nýju stjórnvalda í landinu fram fyrir stundu. Fyrirhugaður blaðamannafundur með Bakiev, sem fram átti að fara í byggingu stjórnarinnar í dag, hefur verið flautaður af í bili.

Nokkur tonn sprengiefna haldlögð

131 meintur skæruliði var handtekinn í skyndiárás bandarískra og írakskra hermanna nærri borginni Kerbala í dag. Lagt var hald á gríðarlegt magn sprengiefnis og tækja og tóla til sprengjugerðar og að sögn yfirmanns innan bandaríkjahers er um að ræða nokkur tonn af sprengiefni.

Heilsa Rainiers fursta versnar enn

Heilsu Rainiers fursta af Mónakó hefur enn farið hrakandi í dag. Jóhannes Páll páfi, sem sjálfur hefur ekki varið varhluta af heilsubresti undanfarin misseri, er á meðal þeirra sem sent hafa furstanum baráttukveðjur í dag.