Vilja að íslensk stjórnvöld dragi lærdóm af hryðjuverkunum í Noregi

Aðalfundur Lögreglufélags Austurlands, samþykkti á aðalfundi sínum, sem haldinn var á Seyðisfirði í gær, að skorar á stjórnvöld að bregðast ekki þeirri frumskyldu sinni að vernda og þjóna þegnum landsins, eins og það er orðað í áskoruninni.

Björgunarsveitin á forsíðu símaskrárinnar

Í dag var skrifað undir samkomulag þess efnis að næsta bindi Símaskrárinnar verði helgað sjálfboðaliðum Slysavarnafélagsins Landsbjargar. Forsíðan hefur á stundum verið heldur umdeild, meðal annars prýddi Egill Gilzenegger Einarsson forsíðuna í eitt skiptið. Þá myndskreytti Hugleikur Dagson forsíðuna um árið.

Er Stangaveiðifélagið að missa Norðurá?

Veiðifélag Norðurár hefur hafnað ósk Stangaveiðifélags Reykjavíkur um lækkun á leiguverði. Þar með er ljóst að 66 ára samstarfi þessara aðila lýkur næsta sumar. Vefsíða Skessuhorns greinir frá þessu.

Gylfi Arnbjörnsson endurkjörinn forseti - Kosið um varaforseta

Gylfi Arnbjörnsson var endurkjörinn forseti ASÍ nú í hádeginu. Hann fékk mótframboð frá Ragnari Þór Ingólfssyni, stjórnarmanni í VR, Gylfi fékk um 69% atkvæða en Ragnar fékk 31% atkvæða.

Grásleppukarlar í vanda vegna evrukreppunnar

Kreppa er orðin á hrognamarkaði í heiminum og er fjórðungur allra grásleppuhrogna af síðustu vertíð hérlendis óseldur. Grásleppusjómenn vilja dregið verði úr veiðunum um þirðjung á næsta ári til að bregðast við ástandinu.

Greiðir atkvæði gegn tillögum stjórnlagaráðs

Jón Bjarnason, þingmaður Vinstri grænna og fyrrverandi ráðherra, ætlar að greiða atkvæði gegn frumvarpi stjórnlagaráðs á morgun. Hann er ósáttur við ákvæði í frumvarpinu um þjóðaratkvæðagreiðslur og takmarkanir á heimildum til útlendinga um kaup á fasteignum og atvinnufyrirtækjum.

Jan Mayen-áform Noregs spennandi fyrir Íslendinga

Áform Norðmanna um að opna sinn hluta Jan Mayen-svæðisins til olíuleitar gætu haft verulega þýðingu fyrir Íslendinga, bæði vegna samningsákvæðis um fjórðungshlut Íslands, en einnig vegna nálægðar við Drekasvæðið. Norsk stjórnvöld hófu í vikunni opið umsagnarferli vegna umhverfismats við Jan Mayen en þetta er liður í þeirri stefnumörkun þeirra að opna svæðið til olíuvinnslu. Olíu- og orkumálaráðherra Noregs, Ola Borten Moe, fylgdi þessari ákvörðun úr hlaði með yfirlýsingu um að við Jan Mayen gætu verið verulegar olíu- og gaslindir. Frestur er veittur fram í janúar til að skila inn athugasemdum en þegar umhverfismatinu lýkur hyggst ríkisstjórn Noregs leggja áætlun fyrir norska stórþingið þar sem nánar verður mælt fyrir um olíuleitina. Íslendingar hafa sérstaka ástæðu til að fylgjast grannt með hvaða stefnu Norðmenn taka því ákveði þeir að hefja olíuleit sín megin á Jan Mayen-hryggnum má telja líklegt að athygli olíuiðnaðarins muni jafnframt beinast að Drekasvæðinu, þeim hluta sem er Íslandsmegin. Þá hafa Íslendingar einnig beinna hagsmuna að gæta, hefji Norðmenn olíuleit þarna, því Jan Mayen-samkomulag þjóðanna veitir Íslendingum rétt til 25 prósenta hlutdeildar í olíuleit og vinnslu á stóru svæði Noregsmegin miðlínunnar.

Ragnar Þór býður sig fram gegn Gylfa

Ragnar Þór Ingólfsson, Stjórnarmaður VR, hefur tilkynnt kjörstjórn ASÍ að hann hyggist bjóða sig fram gegn Gylfa Arnbjörnssyni, forseta sambandsins, á fjölmennu þingi sem stendur nú yfir. Kosningin mun fara fram á milli 11:00 og 12:00 en hún verður leynileg. Um 300 fulltrúar 51. stéttarfélags eru á þinginu, þar af eru VR með flesta fulltrúa.

Um 600 manns á fundi Landsbjargar

Slysavarnafélagið Landsbjörg býst við að um 600 manns verði viðstaddir alþjóðlegu ráðstefnuna Björgun á Grand hóteli Reykjavík um helgina, en þetta er ein af stærstu ráðstefnunum í björgunargeiranum í heiminum. Í tilkynningu sem barst frá Landsbjörg í morgun segir að hátt í 60 fyrirlestrar verði fluttir á ráðstefnunni. Víðir Reynisson, deildarstjóri almannavarnadeildar Ríkislögreglustjóra, flytur opnunarfyrirlesturinn. Í honum mun Víðir fjalla um hvort Íslendingar eru undirbúnir undir hamfarir sem geta orðið og hvort hægt sé að nýta þá reynslu sem þegar hefur safnast, t.d. í eldgosum síðustu áratuga og stórum jarðskjálftum.

Efnahags- og viðskiptanefnd fundar klukkan eitt

Efnahags- og viðskiptanefnd mun funda klukkan eitt í dag til þess að fara yfir vaxtadóm Hæstaréttar í máli Borgarbyggðar gegn Arion banka. Dómurinn kveður á um að bankarnir megi ekki reikna vexti afturvirkt. Um leið og hann var kveðinn upp kallað Helgi Hjörvar, formaður efnahags- og viðskiptanefndar, til fundar í henni. Þangað munu mæta fulltrúar frá Samtökum fjármálafyrirtækja og viðskiptabönkunum þremur, Umboðsmanni skuldara, Hagsmunasamtökum heimilanna, Samtökum lánþega og Borgarbyggðar. Þá mun Ása Ólafsdóttir lektor einnig verða á fundinum.

Leggjast gegn stofnun atvinnumáladeildar

Borgarstjórnarflokkur Sjálfstæðisflokksins leggst gegn tillögu borgarstjórans, Jóns Gnarr, um að stofna sameiginlega atvinnumáladeild hjá borginni. Í bókun Sjálfstæðisflokksins, sem lögð var fram á borgarráðsfundi í gær, kom fram að að borgarfulltrúar Sjálfstæðisflokksins, geti ekki fallist á að það sé gert með þeim hætti sem borgarstjórinn leggur tillöguna fram.

Leyfa rækjuveiðar í Skjálfanda og Arnarfirði

Hafrannsóknarstofnun hefur lagt til að leyfilegt verði að veiða 400 tonn af rækju í Skjálfanda á þessu fiskveiðiári og 450 tonn í Arnarfirði. Hinsvegar verði áfram bann við rækjuveiðum í Ísafjarðardjúpi og Axarfirði.

Um 30 lömb drápust þegar flutningabíll valt á hliðina

Um það bil 30 lömb drápust þegar stór fjárflutningabíll valt á hliðina út af Hróarstunguvegi, milli Lagarfljóts og Jökulsár á Dal á Austurlandi í gærkvöldi, en hátt í 300 lömb voru í tengivagninum.

Saksóknari Alþingis kostaði tæplega 67 milljónir

Kostnaður vegna saksóknara Alþingis í landsdómsmálinu gegn Geir Haarde nam tæplega 67 milljónum króna frá árinu 2010 og þar til í mars í ár.

Tveimur erlendum stúlkum bjargað úr hlíðum Kistufells

Björgunarsveitarmenn frá Bolungarvík komu í gærkvöldi tveimur erlendum stúlkum til bjargar, sem voru í vandræðum í hlíðum Kistufells í botni Súgandafjarðar.

Lögreglan handtók hælisleitenda í Sundahöfn

Lögreglan á höfuðborgarsvæðinu handtók erlendan hælisleitenda á athafnasvæði Eimskips í Sundahöfn á sjötta tímanum í morgun og er hann nú vistaður í fangageymslu.

Hreppsnefnd skorar á Strax að lækka verðið

„Verðlagið er svakalegt,“ segir Ragnar Magnússon, oddviti í hreppsnefnd Hrunamannahrepps, sem skorað hefur á verslunina Strax að lækka vöruverð og hafa lengur opið á veturna.

Þak sett á innheimtukostnað

Reglugerð um þann kostnað sem lögmenn mega innheimta af skuldurum er nú til umsagnar hjá Lögmannafélagi Íslands. Ögmundur Jónasson innanríkisráðherra sagði á Alþingi í gær að samkvæmt lögum yrði hlustað á sjónarmið félagsins, en ráðuneytið væri ekki skuldbundið til að fara eftir þeim.

Reyna greiningu á kúaveiru á Keldum

Sýni sem tekin voru á 40 kúabúum á Austurlandi vegna smitandi barkabólgu voru öll neikvæð að undanskildu endurteknu sýni á Egilsstaðabúinu, þar sem sýkingin greindist upphaflega, og úr einum grip á bænum Fljótsbakka sem einnig er á Fljótsdalshéraði. Gripurinn var gefinn frá Egilsstaðabúinu í febrúar. Eðli sýkingarinnar, eða stofn veirunnar, liggur ekki fyrir enn en á Tilraunastöð Háskóla Íslands á Keldum er unnið að því að rækta veiruna til greiningar.

Skjalasafnið fyllir 8.000 öskjur

Samband íslenskra samvinnufélaga (SÍS) afhendir Þjóðskjalasafni Íslands skjalasafn sitt til varðveislu í dag. Safnið er gríðarmikið vöxtum og geymir frumheimildir um merkilegan kafla í sögu 20. aldar á Íslandi.

Þriðji aðili fær aldrei upplýsingar

Kínverska fjarskiptatæknifyrirtækið Huawei tekur öryggismál afar alvarlega, að því er fram kemur í yfirlýsingu Kenneths Fredriksen, aðstoðarsvæðisforstjóra Huawei í Mið- og Austur-Evrópu auk Norðurlanda.

Skoða mismunun í dönskum háskóla

Íslenskir námsmenn hafa lent í stappi við danskan háskóla vegna krafna um dönskukunnáttu. Mögulega brot á samningi milli Norðurlandanna. María Ósk Bender flutti út með fjölskylduna en var synjað þegar þangað var komið.

Erlendar stúlkur í vanda

Tvær erlendar stúlkur hringdu kaldar og hræddar í Neyðarlínuna í kvöld. Þær gengu upp úr Hnífsdal fyrr í dag en týndust þegar rökkva tók.

„Erfitt að kjósa um sameiningu þegar upplýsingarnar eru hlutdrægar

Um helgina verður kosið um sameiningu Garðabæjar og Álftaness. Ólafur Örn Nielsen, Garðbæingur, hefur nú kvartað undan einhliða áróðri bæjarfélaganna í aðdraganda kosninganna.

Verulegar olíulindir gætu verið við Jan Mayen

Olíu- og orkumálaráðherra Noregs, Ola Borten Moe, segir að á Jan Mayen-svæðinu gætu verið verulegar olíu- og gaslindir. Þetta kemur fram í yfirlýsingu ráðherrans í tilefni þess að umhverfismat vegna olíuleitar í lögsögu Noregs á svæðinu er nú komið í opið umsagnarferli. Næstu þrjá mánuði, til 16. janúar 2013, býðst almenningi, félögum og stofnunum að senda inn athugasemdir, en umhverfismatið er liður í þeirri stefnumörkun norskra stjórnvalda að opna svæðið til olíuvinnslu.

Reyndi að svipta sig lífi eftir brot gegn systurdóttur

Hæstiréttur staðfesti í dag sex mánaða skilorðsbundið fangelsi yfir 24 karlmanni en hafði verið verið sakfelldur fyrir að hafa brotið kynferðislega gegn fjögurra ára gamalli telpu árið 2010.

Fyrrverandi starfsmaður Kaupþings þarf að greiða 641 milljón

Hæstiréttur staðfesti í dag að Helga Þór Bergs, fyrrverandi framkvæmdastjóra fyrirtækjaráðgjafar Kaupþings, ber að greiða þrotabúi Kaupþings 641 milljón króna vegna láns sem Helgi tók hjá bankanum til kaupa á hlutabréfum í honum. Auk Helga tóku tugir aðrir starfsmanna Kaupþings lán fyrir hlutabréfakaupunum með persónulegri ábyrgð. Um hálfum mánuði fyrir fall bankans var ábyrgðunum hins vegar aflétt. Slitastjórn Kaupþings höfðaði mál gegn Helga og öðrum starfsmönnum og krafðist þess að afléttingu ábyrgðanna yrði rift og hafa nú bæði Héraðsdómur Reykjavíkur og Hæstiréttur staðfest riftunina í tilfelli Helga.

Fær ekki bætur fyrir "smekklaus ummæli“

Hæstiréttur hafnaði í dag kröfum Heiðars Más Guðjónssonar um ómerkingu ummæla og miskabætur vegna fréttaflutnings í DV. Ummælin sem um ræddi þóttu mikilvæg í þjóðfélagsumræðu og þó þau hefðu að einhverju leyti verið sett fram af smekkleysi hefðu þau átt brýnt erindi til almennings.

Meintur brennuvargur í mánaðarlangt gæsluvarðhald

Karlmaður sem grunaður eru um að hafa borið eld að ýmsum stöðum í Árborg að undanförnu var í dag úrskurðaður í gæsluvarðhald til 15. nóvember næstkomandi. Nú síðast er maðurinn grunaður um að hafa kveikt í ruslakassa við veitingastaðinn KFC. Maðurinn var nýverið úrskurðaður í mánaðar gæsluvarðhald fyrir íkveikjur, að kröfu lögreglunnar á Selfossi, en Hæstiréttur ómerkti þann úrskurð, þannig að honum var sleppt úr haldi. Ekki liggur fyrir hvort maðurinn hyggst áfrýja hinum nýja úrskurði.

Var óheimilt að reikna vexti á láni Borgarbyggðar aftur í tímann

Arion banka var óheimilt að endurreikna vexti gengisláns Borgarbyggðar aftur í tímann samkvæmt vöxtum Seðlabankans. Þetta er niðurstaða Hæstaréttar Íslands, sem var kveðinn upp núna klukkan fjögur.

Persónukjör og þjóðkirkjuákvæði

Búið að kæra framkvæmd þjóðaratkvæðagreiðslunnar

Framkvæmd þjóðaratkvæðagreiðslunnar um tillögur stjórnlagaráðs hefur verið kærð til landskjörstjórnar. Kærandi fer ekki fram á ógildingu kosninganna en vonast til þess að framkvæmdinni á atkvæðagreiðslu utan kjörfundar verði breytt.

Smyglari tekinn með dóp undir tungunni

Íslenskur karlmaður var í fyrradag stöðvaður í Flugstöð Leifs Eiríkssonar við hefðbundið eftirlit tollgæslunnar vegna gruns um að hann væri með fíkniefni í fórum sínum. Maðurinn ,sem er um fertugt, reyndist hafa falið fíkniefnin í umbúðum undir tungunni. Talið er að um kókaín sé að ræða. Lögreglan á Suðurnesjum gerði vettvangsskýrslu í málinu, haldlagði fíkniefnin og að því búnu var maðurinn frjáls ferða sinna. Hann á yfir höfði sér refsingu fyrir brot sitt.

Jóhanna hvetur fólk til að styðja tillögur stjórnlagaráðs

Þótt niðurstaða í þjóðaratkvæðagreiðslunni um tillögur stjórnlagaráðs verði neikvæð, breytir það ekki því að þörfin fyrir heildarendurskoðun stjórnarsrkárinnar verður söm og áður. Þetta sagði Jóhanna Sigurðardóttir forsætisráðherra á Alþingi í dag. Sérstök umræða um þjóðaratkvæðagreiðsluna hófst á Alþingi klukkan tvö í dag, en málshefjandi var Bjarni Benediktsson, formaður Sjálfstæðisflokksins. Bæði Bjarni Benediktsson og Ólöf Nordal, varaformaður Sjálfstæðisflokksins, hafa eindregið hvatt kjósendur til þess að segja nei í atkvæðagreiðslunni.

Dæmigerða maríubjallan gerir sig heimakomna

Það er eitt og annað sem hlýnandi veðrátta hérlendis hefur í för með sér og nú bendir ýmislegt til þess að sjödeplan svonefnda, sem flestir þekkja sem klassísku maríubjölluna, sé að festa sig í sessi á landinu. Hingað til hefur hún reglulega borist til landsins með erlendum varningi en aldrei náð fótfestu.

Enn leitað að Rebekku

Lögregla leitar enn að Rebekku Rut Baldvinsdóttur. Rebekka Rut er 15 ára stúlka, ca. 156 sm.á hæð með sítt skollitað hár og grannvaxin. Rebekka var klædd í dökkbláa úlpu, hvítar náttbuxur með bleikum teinum og í svarta uppháa skó með hvítum botni síðast þegar til hennar spurðist.

Íhuga gæsluvarðhaldskröfu á hendur brunamanni

Lögreglan á Selfossi íhugar að krefjast enn á ný gæsluvarðhaldsúrskurðar yfir manni, sem ítrekað hefur borið eld að húsum í bænum að undanförnu, eftir að hann reyndi enn einu sinni að kveikja í húsi í gærkvöldi.

Lottóvinningshafinn ekki stigið fram

Íslendingurinn stálheppni sem vann rúmar hundrað og þrjár milljónir króna í Víkingalottói í gær hefur ekki gefið sig fram en vinningsmiðann keypti hann hjá N1 í Stórahjalla í Kópavogi.

Saksóknari Alþingis kostaði 66,8 milljónir

Heildarkostnaður við embætti saksóknara Alþingis vegna landsdómsmálaferlanna gegn Geir H. Haarde var 66,8 milljónir króna. Í fjárlögum var gert ráð fyrir 36,4 milljóna króna fjárheimildum og því var keyrt fram úr áætlunum um 30,4 milljónir króna.

Vilja gamla trillu á leikskólann

Landssamband smábátaeigenda fékk skemmtilega fyrirspurn á dögunum þegar starfsfólk á leikskólanum á Sæborg í Reykjavík óskaði eftir lítilli, gamalli trillu til að setja á leikskólalóðina.

Hætta við að hljóðrita ríkisstjórnarfundi

Ríkisstjórnarfundir verða ekki hljóðritaðir, en kröfur um ritun funda verða skýrari, samkvæmt nýju frumvarpi sem meirihluti stjórnskipunar og eftirlitsnefndar hefur lagt fram. Valgerður Bjarnadóttir, formaður nefndarinnar, mælti fyrir frumvarpinu í dag.

Tónleikar Rusty Anderson í Austurbæ hefjast klukkan 21 en ekki 22

Tónleikar Rusty Anderson, aðalgítarleikara Bítilsins Sir Paul McCartney, í Austurbæ í kvöld hefjast klukkan 21 en ekki klukkan 22 eins og kom fram í viðburðaupptalningu í Fréttablaðinu í dag. Upplýsingarnar sem þar komu fram áttu við tónleika gítarleikarans á Græna hattinum á Akureyri á föstudagskvöldið. Miðaverð á tónleikana í Austurbæ er 3.900 krónur.

Hafragrautsmaður veldur lögreglunni hugarangri

Ökumaður sem ók á gatnamótum Miklubrautar og Kringlumýrarbrautar í morgun sá hvar í bílnum við hliðina var karl um þrítugt og í aftursæti bifreiðarinnar var barn. Maðurinn var að borða graut undir stýri að sögn þess sem tilkynnti málið til lögreglu, en fullyrt var að um hafragraut hafi verið að ræða.

Trúir ekki að ríkisstjórnin ætli að svíkja loforðin

Skólameistari Fjölbrautaskóla Suðurnesja trúir ekki að ríkisstjórnin ætli að svíkja loforð sem gefin voru fyrir um tveimur árum um að tryggja rekstur menntastofnana á Suðurnesjum.

Borgin þurfi flugvöll til að sinna skyldum sínum

Greiðar flugsamgöngur landsbyggðarinnar til Reykjavíkur eru forsenda þess að borgin geti gegnt hlutverki sínu sem höfuðborg landsins alls. Þetta segir í bókun sem bæjarstjórn Akureyrar samþykkti á fundi sínum í gær þar sem rædd var nýútkomin skýrsla KPMG um áhrif þess að færa flugvöllinn úr Vatnsmýri.