Lýsing frá Landsdómi á nýjum Twitter reikningi

Sú nýbreytni að lýsa gangi mála í Landsdómi á Twitter hefur vakið mikla athygli síðustu daga. Twitter-reikningur Vísis er aðgengilegur efst á forsíðu vefsins en sökum þess að beinar útsendingar voru ekki verið leyfðar frá réttarhöldunum var ákveðið að greina frá gangi mála með þessum hætti. Þannig fá lesendur innsýn í það sem fram fer í réttarsalnum.

Bætist á vitnalistann

Nú eru þriðji dagur í Landsdómsmáli, réttarhöldum yfir Geir H. Haarde fyrrverandi forsætisráðherra. Málið hófst á skýrslutöku yfir Geir sjálfum á mánudag og á þriðjudag mættu þeir Björgvin G. Sigurðsson, Arnór Hannibalsson og Davíð Oddsson. Vitnalistinn telur nú um fimmtíu manns en hann getur þó tekið breytingum. Eins og staðan er nú er vitnalistinn sem hér segir.

Geir ekki beðinn um að beita sér í Icesave

Aldrei kom til greina hjá samráðshópi um fjármálastöðugleika að fá atbeina Geirs Haarde, fyrrverandi forsætisráðherra, til þess að hvetja Landsbankann til þess að flytja Icesave reikningana úr útibúi bankans yfir í dótturfélag hans í Bretlandi. Þetta sagði Baldur Guðlaugsson, fyrrverandi ráðuneytisstjóri fjármálaráðuneytisins, í vitnaleiðslum fyrir Landsdómi í dag.

Mál gegn Kaupþingsmönnum og Al-Thani þingfest í dag

Mál sérstaks saksóknara á hendur fyrrverandi stjórnendum Kaupþings Hreiðari Má Sigurðssyni, Sigurði Einarssyni og Magnúsi Guðmundssyni auk Ólafi Ólafssyni, kenndan við Samskip, verður þingfest í héraðsdómi Reykjavíkur í dag.

Kærður fyrir skemmdaverk - vildi mótmæla úthlutun byggðakvóta

Sjómaður hefur verið kærður til lögreglunnar á Húsavík eftir að hann á að hafa kastað 40 kílóa steinsteyptu blómakeri í bifreið í eigu Sveitarfélagsins í Norðurþingi. Rúða og vélarhlíf bifreiðarinnar, sem er af gerðinni Suzuki, skemmdust þegar kerið hafnaði á bílnum. Skemmdarverkið átti sér stað á Kópaskeri.

Verjandinn of seinn í skýrslutökur yfir Baldri

Vitnaleiðslur yfir Baldri Guðlaugssyni frestuðust um örstutta stund vegna þess að Andri Árnason, verjandi Geirs, var of seinn inn í réttarsalinn nú á ellefta tímanum.

Drógu lappirnar í dótturfélagavæðingu Icesave

Ingimundur Friðriksson, einn seðlabankastjóranna fyrrverandi, spurðist sérstaklega fyrir um það á fyrri hluta árs 2008 hvort þvinga mætti Landsbankann til að flytja Icesave í dótturfélag með lagabreytingu því Landsbankamenn höfðu lítið sem ekkert gert til að flýta fyrir flutningi reikningana úr íslenskri ábyrgð.

BBC greinir frá hnífaárásinni á Lagastoð

Breska ríkisútvarpið greinir frá því á vef sínum að Guðni Bergsson hafi verið stunginn í lærið þegar hann reyndi að koma samstarfsmanni sínum til varnar á lögfræðistofunni Lagastoð.

Landsbankamenn voru ósammála um flutning Icesave til Bretlands

Óeining var um það á meðal bankastjóra Landsbankans á árinu 2008 að flytja Icesave-reikningana inn í dótturfélag Landsbankans í Bretlandi. Þetta sagði Ingimundur Friðriksson, fyrrverandi seðlabankastjóri, í vitnaleiðslum í Landsdómi í morgun.

Samtök atvinnulífsins jafnar kynjamun í átta lífeyrissjóðum

Samtök atvinnulífsins hafa tilnefnt 14 stjórnarmenn til setu í stjórnum átta lífeyrissjóða til næstu tveggja ára. Af þeim eru 10 konur eða rúmlega 71%.

Allir sammála um að ógerlegt væri að minnka bankakerfið

Ingimundur Friðriksson, fyrrverandi seðlabankastjóri, segir að hugmynd um að minnka bankakerfið hafi verið algerlega óraunhæf þegar komið var fram á árið 2008. Þetta sagði hann þegar Andri Árnason, verjandi Geirs, spurði hann hvort miklar umræður hefðu verið um þetta á því ári.

Halldór túlkar Landsdómsmálið á sinn einstaka hátt

Halldór Baldursson, skopteiknari Fréttablaðsins hefur tekið sér stöðu í Landsdómi þar sem hann ætlar að varpa ljósi á málið með sínu einstaka hætti. Halldór er fyrir löngu orðinn ástsælasti skopmyndateiknari þjóðarinnar og hafa myndir hans verið fastur liður á síðum Fréttablaðsins síðustu ár. Þannig hefur Halldór sennilega teiknað flestar þær persónur sem hafa verið kallaðar fyrir Landsdóm áður. Gert er ráð fyrir að afraksturinn birtist á síðum blaðsins á næstu dögum.

Telur vinnu samráðshópsins hafa verið gagnlega

Ingimundur Friðriksson, fyrrverandi seðlabankastjóri, segir að hann hafi talið vinnu samráðshóps um fjármálastöðugleika vera mjög gagnleg. Hann geri ekki athugasemdir við það hvernig hópnum hafi verið stýrt. Þetta kom fram í máli Ingimundar í vitnaleiðslum fyrir landsdómi í morgun.

Týnda vitnið fundið

Aðalvitnið í skotárásarmálinu svokallaða mætti í Héraðsdóm Reykjavíkur í morgun og bar vitni. Hann mætti ekki í dómsal þegar hann var boðaður til þess að bera vitni og varð það til þess að aðalmeðferðinni var frestað.

Ingimundur mættur í dóminn

Vitnaleiðslur í landsdómsmálinu hófust að nýju nú strax klukkan níu. Ingimundur Friðriksson, fyrrverandi seðlabankastjóri, er mættur í vitnastúku. Hann sat í bankastjórn með Davíð Oddssyni og Eiríki Guðnasyni heitnum. Ingimundur býr í Osló en er kominn í Þjóðmenningarhúsið til að bera vitni. Upphaflega var þó gert ráð fyrir að hann myndi gefa dómnum skýrslu í gegnum síma.

Gjöld á vatnsréttindi styggja Landsvirkjun

Innanríkisráðuneytið staðfestir að vatnsréttindi Jökulsár á Dal eigi að taka til fasteignamats. Fljótsdalshérað vill að matinu sé hraðað svo hægt verði að leggja fasteignagjöld á vatnsréttindin. Úrskurðurinn hefur fordæmisgildi um allt land.

Talið að lóan á Eyrarbakka hafi verið starri

Nú er talið að lóan, sem sagt var frá að heyrst hafi til á Eyrarbakka um helgina, hafi hreint ekki verið lóa.

Baldur Guðlaugsson og Bolli Þór fyrir Landsdóm í dag

Réttarhöldum verður haldið áfram fyrir Landsdómi í dag og munu þá Baldur Guðlaugsson og Bolli Þór Bollason fyrrverandi ráðuneytastjórar, Jón Sigurðsson fyrrverandi stjórnarformaður Fjármálaeftirlitsins og Jón Þ. Sigurgeirsson framkvæmdastjóri skrifstofu bankastjórnar Seðlabankans, bera vitni meðal annarra. Um það bil 50 manns hafa verið boðaðir í skýrslutöku fyrir dómnum.

Fá skip á sjó vegna óveðurs

Sára fá fiskiskip eru á sjó vegna óveðurs á miðunum nema hvað hópur loðnuskipa er út af norðanverðu Snæfellsnesi.

Tíu umferðaróhöpp vegna hálku og slæms skyggnis

Tíu umferðaróhöpp urðu á höfuðborgarsvæðinu í gærkvöldi sem flest eru rakin til hálku og slæms skyggnis.

Lykilvitni mætti ekki fyrir dóm

Fresta varð til dagsins í dag aðalmeðferð í máli þriggja manna sem ákærðir eru fyrir manndrápstilraun í Bryggjuhverfinu í Reykjavík síðasta haust þegar lykilvitni í málinu mætti ekki fyrir dóm í gær. Málið er flutt fyrir Héraðsdómi Reykjavíkur.

Fólskuleg líkamsárás í miðbænum - traðkaði á höfði liggjandi manns

Hæstiréttur staðfesti í dag gæsluvarðhald yfir manni sem vísaði öðrum út úr samkvæmi við Laugaveg í lok febrúar og er sakaður um að hafa hrint honum niður stiga og meðal annars sparkað í höfuð hans með þeim afleiðingum að hann missti meðvitund og slasaðist lífshættulega. Maðurinn var úrskurðaður í gæsluvarðhald til 30. mars næstkomandi.

Tvær bílveltur á Reykjanesbraut

Tveir bílar fóru út af Reykjanesbrautinni á áttunda tímanum í kvöld. Samkvæmt upplýsingum frá lögreglunni á Suðurnesjum slasaðist enginn en bílarnir eru mikið skemmdir. Fljúgandi hálka er nú á Brautinni en starfsmenn Vegagerðarinnar eru að salta. Ökumenn eru hvattir til að aka varlega en mikil hálka er víðast hvar á höfuðborgarsvæðinu.

Viðtalið við Davíð Oddsson í heild sinni

"Það var kannski þægilegra að gera það, það var í samræmi við óskhyggjuna. Við erum þannig gerð að við viljum heyra góðar fréttir frekar en slæmar,“ sagði Davíð Oddsson, fyrrum formaður bankastjórna Seðlabankans, eftir að hann hafði gefið skýrslu fyrir Landsdómi í dag. Hann var spurður að því afhverju forsvarsmenn ríkisstjórnarinnar hefðu trúað bankamönnum um stöðu bankanna fyrir hrun frekar en aðvörunarorðum.

Allur ágóði af Eldhafi rennur til UNwoman

Eldhaf í Borgarleikhúsinu hefur verið sýnd fyrir fullu húsi um nokkurt skeið. Í tilefni af alþjóðabaráttudegi kvenna 8.mars næstkomandi hefur verið ákveðið að styrkja UNwoman með sýningu á morgun 7.mars og allur ágóði hennar rennur til hjálparsamtakanna.

Dýrfiskur hleypir fjöri í Flateyri

Dýrfiskur er að tífalda eldi regnbogasilungs í Dýrafirði, sem kallar á fleiri störf á Vestfjörðum, mest við fiskvinnslu á Flateyri. Eftir langvarandi erfiðleika í atvinnumálum á Flateyri sjást nú merki um að farið sé að rofa til.

Alltaf rólegur nema þegar hann talar um lögmenn

Maðurinn sem réðist inn á lögmannsstofuna Lagastoð í gær og veitti framkvæmdastjóra stofunnar lífshættulega áverka var í dag úrskurðaður í gæsluvarðhald fram á föstudag. Hann er sagður hafa óbeit á lögmönnum.

Dýrmætar heimildir að myndast í Landsdómsmálinu

Hafi einhvern tímann verið ástæða til að nýta undanþágur til að senda beint úr dómssal þá er það í Landsdómsmálinu. Þetta segir sagnfræðingur en dýrmætar heimildir eru að myndast sem öruggara er að geta stuðst við milliliðalaust.

Þessi eiga eftir að bera vitni í Landsdómi

Nú eru tveir dagar liðnir af réttarhöldum yfir Geir H. Haarde fyrir Landsdómi. Málið hófst á skýrslutöku yfir Geir sjálfum í gær en í dag mættu þeir Björgvin G. Sigurðsson, Arnór Hannibalsson og Davíð Oddsson.

Nýrnasjúklingar þurfa að flytja

Fjórir nýrnasjúklingar hafa flutt búferlum því engin blóðskilunarvél er á landsbyggðinni. Aðrir eru langdvölum fjarri ástvinum sínum vegna blóðskilunar.

Mikil fjölgun í hótunum í garð fjármálafyrirtækja og lögmannastofa

Mikil fjölgun hefur verið á hótunum og ógnunum í garð starfsmanna fjármálafyrirtækja og lögmannsstofa undanfarið og hafa mörg fyrirtæki í kjölfarið endurskoðað öryggismál sín.

Vitnaleiðslum lokið í dag

Vitnaleiðslum er lokið í dag í Landsdómi sem fram fer í Þjóðmenningarhúsinu . Það hefst aftur klukkan níu í fyrramálið. Þá mun Ingimundur Friðriksson, fyrrverandi seðlabankastjóri bera vitni.

Landsdómur: Annar dagur - Sjötta samantekt

Breki Logason og Þorbjörn Þórðarson fréttamenn fara yfir stöðu mála í Landsdómsmálinu og hvernig málin hafa gengið fyrir sig í Þjóðmenningarhúsinu í dag.

Taldi Fjármálaeftirlitið allt of veikt

Davíð Oddsson, fyrrverandi seðlabankastjóri, segist ekki hafa komið áhyggjum sínum af því hve veikt Fjármálaeftirlitið á Íslandi var fyrir hrun formlega á framfæri við stjórnvöld. En hann hafi samt ekki legið á þessari skoðun sinni. Hann hafi óhikað gert Fjármálaeftirlitinu sjálfu grein fyrir þessari skoðun sinni.

Tekinn tvisvar fyrir fíkniefnaakstur

Karl um þrítugt var tekinn í tvígang fyrir fíkniefnaakstur á innan við sólarhring í Reykjavík um helgina. Ellefu aðrir ökumenn voru teknir fyrir ölvunar- og fíkniefnaakstur á höfuðborgarsvæðinu á sama tímabili en þetta voru tíu karlar á aldrinum 17-50 ára og ein kona, 28 ára. Tveir þessara ökumanna voru á stolnum bíl, tveir höfðu þegar verið sviptir ökuleyfi og einn hefur aldrei öðlast ökuréttindi.

Almannavarnir: Varað við stormi á Suðausturlandi

Almannavarnadeild Ríkislögreglustjóra vill vekja athygli á því að Veðurstofan varar við stormi (meðalvindi yfir 20 m/s) á Suðausturlandi, Austfjörðum og á Miðhálendinu í kvöld og nótt. Einnig er spáð verulegri samfelldri úrkomu í kvöld og fram á nóttina.

Á annað hundrað manns gáfu blóð í dag

Blóðbankinn þakkar öllum þeim sem hafa gefið blóð síðan í gær. Rúmlega 200 manns hafa leitað til Blóðbankans og boðist til að gefa blóð eftir að Blóðbankinn lýsti yfir neyðarástandi vegna blóðskorts í Blóðbankanum í gær.

"Þú talar ekki svona við mig drengur"

Davíð Oddsson segir að í ljós hafi komið við bankahrunið að Fjármálaeftirlitið væri mjög veikt. Þá hafi komið í ljós daginn eftir Glitnir var þjóðnýttur að viðmið Fjármálaeftirlitsins um það hvað var talið tengdir aðilar var orðið mjög frjálslegt

Segja eignir Orkuveitunnar seldar án auglýsinga

Málefni Orkuveitu Reykjavíkur voru rædd á borgarstjórnarfundi í dag. Tilefni umræðunnar eru upplýsingar um að OR hafa selt eignarhluta sinn í Enex Kína og Envent Holding án auglýsingar.

Segir Ingibjörgu hafa viljað 40 milljarða evra lán fyrir bankana

Ingibjörg Sólrún Gísladóttir utanríkisráðherra lagði til að bönkunum yrði bjargað með því að útvega 30 til 40 milljarða evra. Þetta sagði Davíð Oddsson, fyrrverandi seðlabankastjóri, fyrir landsdómi á fjórða tímanum í dag. Hann sagði að það hefði verið dauði fyrir ríkið að fara þá leið.

Fimm fyrirtæki sektuð fyrir að blekkja neytendur með bókatilboðum

Neytendastofa hefur lagt fimm hundruð þúsund króna stjórnvaldssekt á rekstraraðila fyrirtækjanna Eymundsson, Krónuna, Nettó, Office 1 og Hagkaup vegna tilboða á bókum.

Björn ætlar að áfrýja meiðyrðadómi

Björn Bjarnason ætlar að áfrýja niðurstöðu Héraðsdóms Reykjavíkur til Hæstaréttar. Tvenn ummæli Björns, sem finna mátti í bók hans, Rosabaugur yfir Íslandi, voru dæmd dauð og ómerk í morgun. Héraðsdómur dæmdi Björn að auki til þess að greiða Jóni Ásgeir Jóhannessyni alls fjögur hundruð þúsund krónur vegna ummælanna. Annars vegar tvöhundruð þúsund krónur í miskabætur og svo 200 þúsund krónur til þess að standa straum af birtingu dómsins í opinberum fjölmiðli.

Davíð segist hafa fengið áhyggjur löngu fyrir fall bankanna

Davíð Oddsson, fyrrverandi seðlabankastjóri, segist hafa haft áhyggjur af stöðu bankanna löngu áður en komið var fram á árið 2008. Ekki hafi allir verið sammála honum í fyrstu. Hann sagði að það sem hefði meðal annars valdið áhyggjum hans hafi verið hvernig fyrirtæki hafi verið keypt upp á ógnarhraða, fyrirtæki rekin ár eftir ár án þess að nokkur sýnilegur hagnaður væri af starfsemi þeirra og of mikið gert úr viðskiptavild þegar eignarstaða fyrirtækja var bókfærð.

Össur fundaði með Wammen

Össur Skarphéðinsson, utanríkisráðherra, fundaði í gærkvöldi með Nicolai Wammen, Evrópumálaráðherra Danmerkur. Utanríkisráðherra gerði grein fyrir stöðu aðildarviðræðna Íslands og ESB sem hleypt var af stokkunum um mitt síðasta ár, og lýsti þeim vilja íslenskra stjórnvalda að helstu hagsmunamál Íslands, sjávarútvegur, landbúnaður, byggðamál og myntsamstarf, yrðu tekin fyrir sem fyrst. Evrópumálaráðherrann ítrekaði stuðning Danmerkur við aðild Íslands að ESB

Hefði verið tilgangslaust að hafa Icesave í dótturfélagi

"Icesave reikningarnir hefðu aldrei haft neinn tilgang fyrir bankana ef þeir hefðu verið í dótturfélagi,” sagði Arnór Sighvatsson, fyrrverandi aðalhagfræðingur Seðlabankans, fyrir Landsdómi í dag.