Björguðu vélsleðamanni

Björgunarsveit frá Hvammstanga var kölluð út á fjórða tímanum í dag þegar tilkynning barst um slasaðan vélsleðamann. Hafði hann ekið fram af snjóhengju í suðurhluta Vatnsnesfjalls fyrir ofan Hvammstanga.

Mugison í bandarískum sjónvarpsþætti

Tónlistarmaðurinn Mugison er nú staddur í Denver í Bandaríkjunum á vegum flugfélagsins Icelandair sem mun hefja áætlunarflug þangað frá og með 10. maí á þessu ári.

Tillagan dregin til baka

"Við féllum frá henni, það var í rauninni búið að ná fram tilgangnum að okkar mati,“ segir Andrés Jónsson, sem var einn af níu flutningsmönnum tillögu um að flýta landsfundi flokksins fram á vor. Flutningsmennirnir drógu tillöguna til baka síðdegis í dag.

Páll svarar Davíð fullum hálsi

Páll Magnússon, útvarpsstjóri, segir að skrif Davíðs Oddssonar, ritstjóra Morgunblaðsins, í Reykjavíkurbréfi blaðsins um síðustu helgi fela í sér svo mikla mannfyrirlitningu, forheimskun og heift að undrun sætir.

Níu þúsund Kínverjar ferðuðust til Íslands

Kínverskir ferðamenn sem heimsóttu Ísland á síðasta ári voru 8.784 talsins samkvæmt talningu Ferðamálastofu á erlendum ferðamönnum í Leifsstöð. Fjölgun frá fyrra ári nemur 69,1 prósenti.

Vatnsleki á Vesturgötu

Tilkynnt var um vatnsleka í íbúðarhúsi á Vesturgötu í Reykjavík í morgun en heitt vatn flæddi þar um gólf íbúðarinnar. Varðstjóri hjá slökkviliðinu segir í samtali við Vísi að töluvert tjón hafi orðið af lekanum en ekki er vitað nákvæmlega hvaðan lekinn kom.

Náði að forða sér út í tæka tíð

Slökkviliðinu á höfuðborgarsvæðinu var tilkynnt um eld í fólksbíl á Salavegi í Kópavogi um hádegisbilið í dag. Bíllinn brann til kaldra kola en eldurinn kom upp þegar bílstjórinn var að keyra í rólegheitum á götunni. Hann náði að forða sér út í tæka tíð og varð því ekki meint af. Eldsupptök eru óljós.

Íslenskir húðdropar slá í gegn í Frakklandi

Fjallað var íslensku húðdropana frá Sif Cosmetics á frönsku stöðinni France 2 í morgun. Þáttastjórnandinn lofaði vöruna í hástert og sagðist hafa séð greinileg áhrif hjá sér og vinum sínum. Umfjöllunin í morgun olli því að varan seldist strax upp í tískuvöruversluninni Colette í París og vefsíða dreifiaðilans í Frakklandi hrundi vegna álags. Í innslagi stöðvarinnar má sjá viðtal við forstjóra fyrirtækisins og forsetafrúnna, Dorrit Moussaieff.

Jóhanna: Þurfum ekki að kvíða kosningum á næsta ári

Jóhanna Sigurðardóttir, forsætisráðherra, sagði á flokksstjórnarfundi Samfylkingarinnar í morgun að Samfylkingin gæti óhrædd lagt verk sín í dóm kjósenda í næstu kosningum takist ríkisstjórninni að klára stór mál sem nú eru í farvatninu en níu flokksfélagar hennar krefjast þess að landsfundi verði flýtt og að kosið verði að nýju um forystu flokksins.

Hellisheiðin opin

Búið er að opna Hellisheiðina og Þrengslin, samkvæmt upplýsingum frá Vegagerðinni. Í uppsveitum á Suðurlandi er þó töluverð hálka en þungfært er á örfáum sveitavegum.

Mynd af snjóflóði í Skutulsfirði

Engan sakaði þegar snjófljóð féll í Skutulsfirði austan megin í Engidal við Kirkjubæ í nótt. Flóðið fór yfir veginn og er hann ófær. Þá hefur Höfði í Hnífsdal verið rýmdur vegna snjóflóðahættu. Töluverður snjór er í fjöllunum en hann er nú farinn að blotna með hlýnandi veðri. Þá hefur óvisstustigi verið lýst yfir á öllum norðanverðum Vestfjörðum.

Um sex þúsund tonn af sælgæti

Í dag er laugardagur og þá bjóða margar verslanir upp á helmingsafslátt af nammi í sjálfsafgreiðslu. Almennt borðar hver íbúi að meðaltali um fjögur hundruð grömm af nammi á viku sem er mikið meira en önnur Norðurlönd samkvæmt upplýsingum frá landlækni. Heildarframboð sælgætis á ári hverju hér á landi er um 6000 tonn.

"Þetta er valdníðsla og einelti"

"Ég er búinn að borga um 10 milljónir í lögfræðikostnað á þremur árum til þess að halda uppi mannréttindum - og ég er ekki hættur," segir Margeir Margeirsson, eigandi veitingastaðanna Monte Carlo og Mónakó á Laugavegi. Í Fréttablaðinu í dag er sagt frá því að lögreglustjórinn á höfuðborgarsvæðinu ætli ekki að endurnýja rekstrarleyfi staðanna eftir að borgarráð lagðist gegn veitingu leyfanna.

Flokkstjórn fundar um landsfund í vor

Flokksstjórn Samfylkingarinnar fundar í dag kl. 10 á Hótel Nordica en fyrir fundinum liggur tillaga frá nokkrum flokksmönnum flokkurinn haldi að nýju landsfund í vor, en aðeins örfáir mánuðir eru frá síðasta landsfundi.

Farþegar eiga rétt á þjónustu

Flugfarþegar eiga rétt á ákveðinni þjónustu af hálfu flugfélaga ef flugi þeirra seinkar eða því er aflýst vegna veðurs.

Hellisheiðin lokuð

Hellisheiði er enn lokuð eins og hún hefur verið frá því klukkan sjö í gærmorgun og ekki er vitað hvenær hægt verður að opna hana á ný. Þoka og ágætis veður er á svæðinu en ástæða lokunarinnar er að ekki hefur tekist að ryðja veginn eftir óveðrið í gær vegna bíla sem voru yfirgefnir á heiðinni.

Monte Carlo og Mónakó lokað

Lögregustjóri höfuðborgarsvæðisins hafnar því að endurnýja rekstrarleyfi veitingastaðanna Monte Carlo og Mónakó sem báðir eru við Laugaveg í Reykjavík. Borgarráð lagðist gegn veitingu leyfanna og vísar lögreglustjórinn til þess að hann geti ekki gengið gegn neikvæðri niðurstöðu borgarinnar sem umsagnaraðila.

Bíða úrskurðar Persónuverndar

Lýtalæknar munu ekki senda landlækni persónugreinanlegar upplýsingar um konur sem farið hafa í brjóstastækkunaraðgerðir á meðan þeir eru ekki fullvissir um að það sé heimilt. Þetta kemur fram í yfirlýsingu frá Læknafélagi Íslands og Félagi íslenskra lýtalækna.

Rannsaka hvort kjör birgja standist lög

Samkeppniseftirlitið (SE) mun rannsaka hvort tiltekin viðskiptakjör sem birgjar bjóða dagvöruverslunum brjóti í bága við samkeppnislög. Búast má við því að eftirlitið hefji sérstök stjórnsýslumál til að meta hvort kjörin séu lögmæt. Þetta staðfestir Páll Gunnar Pálsson, forstjóri SE.

Borgin hjálpi skátum að kaupa Úlfljótsvatn

Skátasamband Reykjavíkur óskar eftir því að Reykjavíkurborg greiði fimm milljónir króna á ári næstu sex árin vegna láns sem sambandið fékk hjá Skógræktarfélagi Íslands til að greiða hlut sambandsins í Úlfljótsvatni.

Framsókn skuldar 215 milljónir

Framsóknarflokkurinn skuldar 215 milljónir króna, sem er 85 milljónir umfram eignir flokksins. Þetta kemur fram í ársreikningi fyrir árið 2010 sem flokkurinn skilaði til Ríkisendurskoðunar í síðustu viku, hálfum fjórða mánuði eftir að skilafrestur var liðinn. Flokkurinn tapaði tæpum 1.600 þúsund krónum á síðasta ári, sem er mikill viðsnúningur frá árinu 2009, þegar tapið nam tæpri 41 milljón króna.

Blint í fjúkinu þegar vind hreyfði

Veginum um Hellisheiði var í gær lokað vegna ófærðar í þriðja sinn í þessum mánuði. Lokunin tók gildi í gærmorgun, en heiðin hafði þá verið opnuð um nóttina eftir að hafa verið lokuð í nær sólarhring. Þar áður var henni lokað 10. janúar.

Vilja kjósa um forystu

Hávær krafa er innan Samfylkingarinnar um að kosið verði um forystu flokksins á aukalandsfundi. Tillaga liggur fyrir flokksstjórnarfundi um landsfund í vor en reynt er að ná sátt um fund í haust. Landsdómsmálið verður rætt á flokksstjórnarfundi sem hefst í dag.

Afar jákvæðar fréttir fyrir þjóðarbúið allt

Steingrímur J. Sigfússon, ráðherra sjávarútvegsmála, hefur undirritað reglugerð þar sem endanlegt útgefið aflamark í loðnu er ákveðið í samræmi við ráðgjöf Hafrannsóknarstofnunar.

Fleiri makrílfundir boðaðir

Ísland, ESB, Noregur og Færeyjar munu funda á ný um veiðar úr makrílstofninum í Norður-Atlantshafi í Reykjavík um miðjan næsta mánuð.

Hæstiréttur vítir lögreglu og dómara

Saksóknari í máli gegn grunuðum fíkniefnasmyglara lagði fyrir héraðsdóm upptöku af trúnaðarsamtali sakborningsins við verjanda sinn án þess að dómarar gerðu nokkra athugasemd við það.

Forystuhlutverk í skugga efasemda

Þróun almenningsviðhorfs í Þýskalandi er með þeim hætti að nánari samvinna og samruni Evrópuríkja þykir þar ekki lengur jafnsjálfsagt mál og verið hefur frá lokum seinna stríðs. Þetta kom fram í fyrirlestri Simons Bulmer, prófessors í Evrópufræðum við Sheffield-háskóla, í erindi hans á fundi Alþjóðamálastofnunar Háskóla Íslands í gær.

Ræða sölu við Borgarbyggð

Jóni Gnarr borgarstjóra hefur verið falið af borgarráði að ræða við forsvarsmenn Borgarbyggðar vegna óska þeirra um að selja af hlut sveitarfélagsins í Faxaflóahöfnum.

Þrengslin opnuð - Hellisheiðin enn lokuð

Þrengslin hafa verið opnuð, en Hellisheiðin er enn lokuð samkvæmt upplýsingum frá Vegagerðinni.

Flick My Life vefsíða ársins - almannatengill tók við verðlaununum

Tæplega sautján þúsund manns tóku þátt í atkvæðagreiðslu á Vísir.is vegna Nexpo-verðlaunanna. Flick My Life var kjörinn vefur ársins með 37 prósentum greiddra atkvæða. Leikur ársins var EVE-online og til gamans má geta að Moogies, nýr íslensku tölvuleikur, var kjörið App ársins.

Rýmt vegna snjóflóðahættu á Ísafirði

Lögreglustjórinn á Ísafirði í samráði við Veðurstofu Íslands hefur ákveðið að láta rýma svæði undir Seljalandshlíð á Ísafirði (reitur 9) vegna snjóflóðahættu.

Leoncie mælir með að gestir komi með lausafé á tónleikana

Uppselt er á tónleika Leoncie á Gauk og Stöng annað kvöld og hefur aukatónleikum verið bætt við sem verða haldnir fyrr um kvöldið. Icey Spicey, eins og hún kallar sig, lofar sprengju.

Bein útsending frá Nexpo-vefverðlaununum

Bein útsending frá Nexpo-vefverðlaununum á efri hæð Sólon við Bankastræti hefst hér á Vísi klukkan 20. Mikil eftirvænting ríkir fyrir afhendingunni en síðustu vikur hefur farið fram kosning meðal almennings hér á Vísi þar sem bárust ríflega 16 þúsund atkvæði.

Þrekvirki að lifa af fjögurra tíma vist í Noregshafi

Eiríkur Ingi Jóhannsson vann mikið þrekvirki þegar hann komst lífs af frá sjóslysinu í Noregi. Hann var í þrjá og hálfan klukkutíma í sjónum í miklum öldugangi. Skólastjóri Slysavarnarskóla sjómanna segir þjálfun íslenskra sjómanna vera ómetanlega í slíkum aðstæðum.

Um 80 björgunarsveitarmenn aðstoðuðu ökumenn í dag

Björgunarsveitarmenn hafa hjálpað tugum ökumanna sem fest hafa bíla sína á Hellisheiðinni og í Þrengslunum í vitlausu veðri í dag. Heiðin er enn lokuð.

Lægir suðvestan- og vestanlands undir kvöld

Lægir suðvestan- og vestanlands undir kvöldið og dregur um leið mikið úr úrkomu. Almennt fer hlýnandi og hlánar á láglendi um suðvestan- og vestanvert landið og í kvöld og nótt einnig norðan og norðaustantil. Um leið og blotnar verða vegir víða flughálir.

Líklega handleggsbrotinn á báðum höndum eftir árekstur

Umferðarslys varð á Malarhöfða skömmu fyrir klukkan eitt í dag. Tvær bifreiðar skullu saman. Alls voru fimm einstaklingar í báðum bílunum. Einn farþegi slasaðist nokkuð, líklega er hann brotinn á báðum höndum.

Harður árekstur á Öxnadalsheiði

Tveir bílar rákust saman á Öxnadalsheiði um þrjúleytið í dag. Fimm manns voru í öðrum bílnum, sem er pallbill, en fjórir í hinum bílnum. Það er fólksbíll. Fólkið í fólksbílnum var flutt með sjúkrabíl á sjúkrahús til skoðunar og aðhlynningar, en lögreglan telur að meiðsli séu ekki alvarleg. Þeir sem voru í pallbílnum sluppu ómeiddir. Samkvæmt upplýsingum frá lögreglunni er fólksbíllinn mikið skemmdur.

Þrengslin opnuð en Hellisheiðin enn lokuð

Þrengslin hafa nú verið opnuð en Hellisheiði er enn lokuð og mjög slæmt veður er á svæðinu. Að sögn Vegagerðarinnar er ekki gert ráð fyrir að veður taki að lagast fyrr en undir kvöld. Flestar aðrar leiðir á Suðurlandi eru færar en þæfingsfærð er þó á Mosfellsheiði og skafrenningur og sumsstaðar er þungfært á fáfarnari sveitavegum.

Krúttlegir krakkar úr Hofsstaðaskóla ræddu um réttindi sín

Barnaheill - Save the Children á íslandi fékk krúttlega krakka úr Hofsstaðaskóla í Garðabæ til að tala um réttindi sín samkvæmt 2. grein barnasáttmála Sameinuðu þjóðanna og var afraksturinn sýndur í Íslandi í dag í gær.

Vara við þungum snjó og grýlukertum

Reykjavikurborg varar við því að hætta geti verið á ferðum þegar blautur og þungur snjór rennur af þökum húsa. Einnig er hætta af grýlukertum sem hanga í þakbrúnum. Falli snjór og grýlukerti á fólk getur það valdið slysum einkum ef fallhæðin er mikil. Húseigendur eru beðnir um að gæta að þessum málum og gera ráðstafanir til að vara vegfarendur við ef aðstæður kalla á slíkt. Einnig eru húsráðendur hvattir til að huga niðurföllum og gera ráðstafanir til að forða sér frá mögulegu vatnstjóni. Hlýnað hefur í borginni og er spáð áframhaldandi hlýindum um helgina.

Fundu fíkniefni og stærðar slöngu við húsleit

Slanga fannst við húsleit í Reykjavík í gærkvöldi. Á sama stað var einnig lagt hald á fíkniefni að sögn lögreglu. Húsráðandi, karl á þrítugsaldri, viðurkenndi aðild sína að málinu. Eins og tíðkast í tilfellum sem þessum var slangan flutt að Keldum þar sem gerðar voru "viðeigandi ráðstafanir“ eins og lögregla orðar það.

Nemendur Listaháskólans að baki H&M gjörningnum

Það voru annars árs nemendur í Listaháskóla Íslands sem settu auglýsingar á rúður í húsum á Laugaveginum þar sem tekið var fram að H&M og fleiri verslanir myndu opna innan skamms á Íslandi. Hjálmar Ragnarsson, rektor skólans, staðfestir þetta í samtali við Vísi.

Barnalán á Alþingi

Birkir J. Jónsson, varaformaður Framsóknarflokksins, á von á tvíburum. Aðspurður staðfesti hann þetta í samtali við Vísi en vildi að öðru leyti ekkert tjá sig um málið. Vísir hefur ekki fengið upplýsingar um það hvaða kona það er sem gengur með börn Birkis.

Enn lokað á heiðinni

Hellisheiðin og Þrengslin eru enn lokuð og ekki útlit fyrir að veður taki að lagast þar að ráði fyrr en vindur gengur niður undir kvöld, samkvæmt upplýsingum frá Vegagerðinni.