Menntun kvenna í forgrunni

Málstofa um menntun stúlkna og kvenna á 36. aðalráðstefnu Unesco, menningarmálastofnun Sameinuðu þjóðanna, í París hófst formlega í gær. Vigdís Finnbogadóttir opnaði málstofuna með fyrirlestri en hún er velgjörðarsendiherra Unesco og ráðgjafi framkvæmdastjóra Unesco, Irinu Bokovu.

Nagladekk óþörf

Samgöngustjóri Reykjavíkur segir nagladekk óþörf í Reykjavík. „Þegar götur eru ruddar að vetrarlagi, það er ís- og snjólausar, eru venjuleg vetrardekk öruggari en negld dekk ef eitthvað er. Þetta sýnir rannsókn á vegum sænsku Samgöngustofnunarinnar.

Farið fram á gæsluvarðhald yfir kókaínmönnum

Lögreglan á Selfossi hefur, í Héraðsdómi Suðurlands, lagt fram kröfu um gæsluvarðhald í fjórar vikur yfir þrem Litháum, sem handteknir voru síðastliðna nótt vegna gruns um fíkniefnamisferli.

Helmingur unglingsstúlkna notað skaðlegar aðferðir til þess að léttast

Um helmingur íslenskra stúlkna í 10. bekk sem eru yfir kjörþyngd hefur notað skaðlegar aðferðir til að reyna að hafa stjórn á þyngd sinni.

Mótmælendur óánægðir með endurreisnaráætlun ríkisstjórnarinnar

Ekki voru allir ánægðir með ráðstefnuna í Hörpu í dag en mótmælendur söfnuðust saman fyrir utan Hörpuna og tendruðu rauð blys til að sýna óánægju sína með endurreisnaráætlun ríkisstjórnarinnar.

Velferðarráðherra boðar þjóðarátak í heilsu

Í nýrri skýrslu velferðarráðuneytisins sem kemur út á næstu dögum og fréttastofa sagði frá á sunnudag kemur meðal annars fram að Íslendingar séu nú næstfeitasta þjóð á vesturlöndum á eftir Bandaríkjamönnum. Guðbjartur Hannesson, velferðarráðherra segir þetta áhyggjuefni sem finna þurfi lausnir á.

Hæstiréttur staðfestir kynferðisbrotadóm yfir farastjóra

Hæstiréttur Íslands staðfesti dóm Héraðsdóms Reykjavíkur yfir fararstjóra sem var dæmdur í hálfs árs fangelsi, skilorðsbundið til tveggja ára, fyrir kynferðislega áreitni gagnvart 16 ára íþróttastúlku.

Til hvers er stjórnarskrá?

Tillaga stjórnlagaráðs til nýrrar stjórnarskrár var meðal umfjöllunarefna á hátíðarmálþingi Úlfljóts sem haldið var í dag, en Úlfljótur er tímarit laganema við Háskóla Íslands. Þar fluttu erindi þeir Garðar Gíslason, hæstaréttardómari, Davíð Þór Björgvinsson, dómari við Mannréttindadómstól Evrópu og Hafsteinn Þór Hauksson, lektor við HÍ. Á málþinginu velti Hafsteinn upp spurningunni „Til hvers er stjórnarskrá?“ og fjallaði um tillögur stjórnlagaráðs af þeim sjónarhóli.

Sýknaður af sérstaklega hættulegri líkamsárás

Hæstiréttur staðfesti sýknudóm héraðsdóms yfir karlmanni sem var ákærður fyrir sérstaklega hættulega líkamsárás á veitingastaðnum Hressingarskálanum í miðborg Reykjavíkur í nóvember árið 2009.

Sóði dæmdur til að selja íbúðina sína

Héraðsdómur Reykjavíkur hefur gert konu skylt að selja hlut sinn í fjöleignarhúsi að Hverfisgötu 68a í Reykjavík. Um er að ræða ósamþykkta íbúð. Húsfélagið í húsinu stefndi konunni vegna óþrifnaðar í langs tíma. Málið teygir sig allt til ársins 1986, en þá kvörtuðu íbúar í húsinu fyrst til lögreglu undan óþrifnaði konunnar. Síðan þá hafa íbúar þráfaldelga kvartað yfir konunni vegna óþrifnaðar, skordýra og meindýra.

Rauði krossinn opnar fyrir söfnunarsíma vegna jarðskjálftans

Rauði kross Íslands hefur opnað fyrir söfnunarsíma sinn 904 1500 vegna jarðskjálftans sem reið yfir Tyrkland síðasta sunnudag. Þegar hringt er í númerið bætast 1.500 kr. við næsta símreikning.

Game Of Thrones tekið upp hér á landi í lok nóvember

Tökur á einum umtalaðasta þætti Bandaríkjanna um þessar mundir, Game of Thrones, munu fara fram að hluta til hér á landi, nánar tiltekið í Ríki Vatnajökuls, í lok nóvember næstkomandi.

Þór kominn til Reykjavíkur

Þór, nýtt varðskip Íslendinga er komið til Reykjavíkur. Skipið var smíðað í Chile og fyrsta höfn á Íslandi sem skipið hafði viðkomu í var Friðarhöfn í Vestmanneyjum en þangað kom Þór í gær.

Aðsóknarmet slegið í Seattle

Sýningin Looking Back to Find our Future á Norræna sögusafninu í Seattle hefur slegið aðsóknarmet. Hrafnhildur Arnardóttir, Shoplifter, er sýningarstjóri. Sýningin hefur fengið mikla umfjöllun erlendis.

Kveiktu á rauðum blysum fyrir utan Hörpu

Um tuttugu manns mótmæltu fyrir framan Hörpu tónlistarhús rétt fyrir klukkan hálf eitt í dag. Mótmælendur héldu á rauðum blysum en í fundarsal Hörpunnar fer fram ráðstefna íslenska ríkisins og Alþjóðagjaldeyrissjóðsins.

Í tveggja vikna gæsluvarðhald

Pólskur karlmaður var úrskurðaður í tveggja vikna gæsluvarðhald nú skömmu fyrir hádegi en hann er grunaður um að hafa eiga þátt í ráni á úra- og skartgripaverslun Frank Michelsen á Laugavegi. Samverkamenn hans voru farnir úr landi innan við sólarhring eftir ránið en maðurinn átti að sjá um að koma þýfinu úr landi.

Sérsveitin handtók þrjá menn með mikið af kókaíni í sumarbústað

Lögreglumenn frá Selfossi, með aðstoð liðsmanna úr sérsveit Ríkislögreglustjóra, handtóku í nótt þrjá erlenda ríkisborgara í orlofshúsi í Árnessýslu, en þeir höfðu mikið af meintu kókaíni í fórum sínum, að sögn lögreglu. Í framhaldi af þessu var einn erlendur ríkisborgari handtekinn í Reykjavík. Enn er verið að yfirheyra menninina og vill lögregla ekki tjá sig nánar um málsatvik að svo stöddu, vegna rannsóknarhangsmuna.

Meiri líkur á að Hanna Birna fari í formanninn

Veðmálasíðan Betsson hefur sett af stað veðmál á heimasíðu sinni varðandi hugsanlegt framboð Hönnu Birnu Kristjánssdóttur til formanns Sjálfstæðisflokksins á landsfundi flokksins 17. til 20. nóvember næstkomandi.

Ríkissaksóknari skoðar hvort málinu verði áfrýjað

"Það á bara eftir að skoða það hvort þessu verður áfrýjað,“ segir Hulda María Stefánsdóttir, settur saksóknari hjá embætti Ríkissaksóknara. Þrír menn voru dæmdir í fangelsi í Héraðsdómi Reykjavíkur í morgun fyrir svokallað Black-Pistons mál. Ríkharð Júlíus Ríkharðsson fékk þyngstan dóm, þriggja og hálfs árs fangelsi, Davíð Freyr Rúnarsson fékk þriggja ára dóm og sautján ára vitorðsmaður þeirra fékk hálfsársdóm.

Black Pistons-menn dæmdir í fangelsi

Héraðsdómur Reykjavíkur kvað upp dóm í Black Pistons-málinu svokallaða í morgun. Ríkharð Júlíus Ríkharðsson, forsprakki samtakanna, hlaut þyngsta dóminn en hann var dæmdur í þriggja og hálfs árs fangelsi. Davíð Freyr Rúnarsson var dæmdur í þriggja ára fangelsi og Brynjar Logi Barkarson fékk sex mánaða dóm. Þá þurfa einnig að greiða fórnarlambinu eina og hálfa milljón í miskabætur.

Átta bílar í þremur árekstrum

Enginn slasaðist þegar átta bílar samtals lentu í þremur árekstrum á sama svæðinu í Reykjavík upp úr klukkan níu í morgun. Fyrst varð fjögurra bíla árekstur á mótum Miklubrautar og Kringlumýrabrautar og fór umferð að tefjast á svæðinu. Vegna þess lentu tveir bílar til viðbótar saman, sem enn jók á tafir með þeim afleiðingum að tveir í viðbót lentu saman. Eftir öll ósköpin voru tveir bílanna alveg óökufærir en hinir náði að skrölta sjálfir af vettvangi.

Hótaði að skjóta þingmann í hnakkann

Björn Valur Gíslason, þingmaður Vinstri grænna, fékk líftlátshótun frá framkvæmdastjóra í stóru fyrirtæki hér á landi nýlega. Hann hótaði að skjóta hann, og fleiri þingmenn, í hnakkann.

Yfirgnæfandi meirihluti treystir Steingrími sem formanni VG

Yfirgnæfandi meirihluti, eða rösklega 67 prósent kjósenda Vinstri grænna treysta Steingrími J. Sigfússyni formanni flokksins best til að gegna embætti formanns flokksins, samkvæmt nýrri könnun MMR og birt er í Viðskiptablaðinu.

Ungt par tekið dópað á stolnum bíl

Ungt par var stöðvað á stolnum bíl í Reykjavík upp úr miðnætti. Þau reyndust bæði í annarlegu ástandi og voru vistuð í fangageymslu.

Eldur í fjölbýlishúsi í Kópavogi

Eldur kviknaði í potti á eldavél í íbúð á annarri hæð í fjölbýlishúsi í Kópavogi í nótt.

Ökumaður slapp ómeiddur þegar flutningabíll valt

Ökumaður slapp ómeiddur þegar stór flutningabíll valt út af þjóðveginum í Bitrufirði, skammt frá Hólmavík á Ströndum, um miðnæturbil.

Furðuljós sáust á lofti á nokkrum stöðum

Furðuljós sáust á lofti á nokkurm stöðum í gær. Fyrst sá kona furðuljós, þegar hún var á ferð undir Hafnarfjalli snemma í gærmorgun.

Álitamál hvort skoða má símreikning

Fram kemur í lögbannskröfu Iceland Express að starfsmenn félagsins hafi komist á snoðir um fyrirætlanir Matthíasar með því að skoða yfirlit yfir notkun hans á farsíma sem hann fékk að taka með sér frá félaginu en það greiddi fyrir út sex mánaða uppsagnarfrestinn. Þar hafi komið í ljós að hann hafi átt í samskiptum við viðskiptavini og starfsmenn Iceland Express eftir starfslok sín og reynt að lokka þá til liðs við nýtt flugfélag.

Fá tæpar 4 milljónir í bætur frá olíufélögum

Búið er að ganga frá samkomulagi á milli þriggja olíufélaga og hátt í hundrað einstaklinga sem lögðu fram kvartanir til Neytendasamtakanna (NS) þegar samkeppnisyfirvöld afhjúpuðu níu ára langt verðsamráð fyrirtækjanna árið 2005. Samkvæmt heimildum Fréttablaðsins er upphæðin tæpar fjórar milljónir króna og skiptist jafnt á milli olíufélaganna Olís, Skeljungs og gamla Esso.

Ágætis byrjun fyrir sex vikna

Svandís Svavarsdóttir umhverfisráðherra mætti í gær á heilsugæsluna í Miðbæ í Reykjavík til að kynna norræna umhverfismerkið Svaninn fyrir nýbökuðum foreldrum sem þangað komu með börn sín í sex vikna skoðun.

Bíll á breskum númerum tilbúinn til smygls á úrum

Allt þýfið úr vopnuðu ráni í Michelsen úrsmiðum 17. október síðastliðinn fannst í bíl á breskum númeraplötum í gær. Búið var að búa bílinn undir að smygla þýfinu úr landi, en það var vel falið víðs vegar um bílinn. 49 úrum var stolið og er virði þeirra talið á bilinu 50 til 70 milljónir króna.

120.000 króna rafmagnsreikningur

Íbúar á Bíldudal eru ósáttir vegna svimandi hárra rafmagnsreikninga sem þeim er gert að greiða um næstu mánaðamót. Jón Hákon Ágústsson, íbúi á Bíldudal, er vanur að borga um 55 þúsund krónur mánaðarlega fyrir hita og rafmagn en fékk aflestrarreikning upp á 120 þúsund krónur fyrir næstu mánaðamót.

Veiðar með ljósvörpu að hefjast

Frumgerð togvörpu þar sem laserljós kemur í stað áþreifanlegs garns er tilbúin. Tilraunaveiðar hefjast áður en langt um líður og lofi þær góðu verður athugað hvort hægt verði að fara í framleiðslu, eða hvort frekari tilraunaveiðar séu nauðsynlegar.

Varðskipi fagnað með fallbyssuskoti

Þór, nýtt varðskip Landhelgisgæslunnar, lagði í gær í fyrsta sinn að íslenskri bryggju í höfninni í Vestmannaeyjum. Var skipinu vel fagnað af heimamönnum.

Fækkað um allt að 25 störfum

Störfum við Sjúkrahúsið á Akureyri mun fækka um 20 til 25 á komandi ári sökum niðurskurðar.

Blóðugur niðurskurður á Akureyri

Sjúkrahúsið á Akureyri þarf að fækka störfum um tuttugu og fimm á næsta ári og skera niður í þjónustu á nokkrum deildum miðað við fjárlagafrumvarpið. Bæjarstjórinn vonast til þess að þingmenn endurskoði fjárlögin.

Þór er kominn til Vestmannaeyja

Varðskipið Þór kom til Vestmannaeyja eftir hádegi í dag. Samkvæmt áætlun verður það í Friðarhöfn til sýnis, allt þar til klukkan átta í kvöld. Eftir það siglir skipið frá Vestmannaeyjum og er gert ráð fyrir að það komi að Miðbakka Reykjavíkurhafnar klukkan tvö á morgun. Varðskipið verður til sýnis á Miðbakka á föstudag, laugardag og sunnudag frá klukkan eitt til fimm.

Bæjarstjórnin harmar umræðu um Pál

Bæjarstjórn Kópavogs harmar þá umræðu sem hefur átt sér stað í kjölfar ráðningar Páls Magnússonar í starf forstjóra Bankasýslu ríkisins. Páll var sem kunnugt er ráðinn til Bankasýslunnar, en tilkynnti í gær að hann hygðist ekki taka að sér starfið eftir að stjórn Bankasýslunnar sagði af sér.

Sjúkrahúsið þarf að fækka starfsfólki um 25

Sjúkrahúsið á Akureyri þarf að fækka starfsmönnum sínum um tuttugu og fimm á næsta ári. Stjórnendur vinna nú að því að breyta endurhæfingar- og barnadeild í fimm dagadeild yfir sumartímann, draga úr skurðþjónustu, fækka rúmum á handlækningasviði og minnka aðra þjónustu eins og á bókasafninu. Forstjóri sjúkrahússins segir biðlista kunna að lengjast.

Samfélagið er í uppnámi

Kolbrún Björt Sigfúsdóttir hélt til Taílands í ágúst í ævintýraleit en hamfarirnar þarhafa breytt hversdeginum. Um þriðjungur af Taílandi er nú undir vatni eftir mestu flóð í landinu á síðustu 50 árum.

Dýraverndarsinnar safna liði til að hreinsa víraflækjur

Hreindýrstarfarnir tveir sem voru fastir saman með vírhönk á hornunum eru lausir hvor frá öðrum eftir að annar þeirra felldi hornin. Vírinn er enn fastur á hinum tarfinum. Dýraverndarsinnar hyggjast fylkja liði á svæðið og fjarlægja víraflækjur.

Lögreglan nýtur mest trausts

Lögreglan nýtur mikils trausts á meðal almennings, samkvæmt niðurstöðum könnunar MMR sem gerð var dagana 6-10 október.

Krefst gæsluvarðhalds yfir þremur meintum búðaþjófum

Lögreglan á höfuðborgarsvæðinu ætlar að krefjast gæsluvarðhaldsúrskurðar yfir þremur útlendingum, sem eru búsettir hér á landi, vegna mjög umfangsmikils búðaþjófnaðar að undanförnu.

Ákærður fyrir að kýla lögreglumann

Þrjátíu og sex ára gamall karlmaður hefur verið ákærður fyrir að hafa kýlt lögreglumann í andlitið í lögreglubifreið þann 27. desember 2009. Lögreglumaðurinn hlaut eymsli í andliti vegna árásarinnar. Málið gegn manninum var þingfest í Héraðsdómi Reykjavíkur í morgun. Þar var sakborningi gefinn kostur á að lýsa yfir afstöðu til ákærunnar. Hann tók sér hins vegar frest og mun ráðfæra sig um það við verjanda sinn.

Viðbúnaðarstig á Reykjavíkurflugvelli

Slökkviliðið á höfuðborgarsvæðinu lýsti yfir viðbúnaðarstigi þegar tilkynnt var um vélarbilun í lítilli einkaþotu sem óskaði eftir viðbúnaðarlendingu um klukkan níu í morgun. Lögreglan lokaði Suðurgötu við Vesturenda Reykjavíkurflugvallar þegar vélin kom inn til lendingar.