Reyndu að stinga lögregluna af - táragasbrúsi í bílnum

Ökumaður bifreiðar lét sér ekki segjast í nótt þegar lögregla reyndi að stöðva hann við venjubundið eftirlit. Bíllinn ók greitt í burtu og inn í íbúðarhverfi. Þar ók hann hinsvegar á kyrrstæða bifreið. Þrennt var í bílnum og reyndu þau að komast undan. Tveimur þeirra, pilti og stúlku, tókst það en sá þriðji, sem hafði verið farþegi í bílnum var handtekinn af lögreglu.

Mest 700 MW til ráðstöfunar á næstu árum

Verði þingsályktunartillaga um rammasamkomulag í orku- og umhverfismálum samþykkt verða að hámarki 700 MW til ráðstöfunar í iðnaðaruppbyggingu á næstu fjórum til sex árum.

Tilraun sem breytti litlu

„Þetta var tilraun og hefði engu breytt. Það var verið að reyna að tryggja hagsmuni ríkisins og þessar kröfur eins og hægt var,“ segir Steingrímur J. Sigfússon fjármálaráðherra.

Roskni ökuþórinn er alræmdur á götunum

Tæplega 67 ára maður sem slapp ótrúlega vel úr alvarlegu slysi eftir kappakstur á Hafnarfjarðarvegi á mánudag er umtalaður fyrir hegðun sína í umferðinni. Þeir sem fylgst hafa með aðförum hans eru ekki hissa á að hann hafi nánast orðið sér að aldurtila með glannaskap.

Aldrei fleiri ferðamenn

Aldrei hafa fleiri ferðamenn heimsótt Ísland í einum mánuði en í ágúst. Samkvæmt talningu Ferðamálastofu fór 101.841 ferðamaður frá landinu í mánuðinum en aldrei áður hafa fleiri en 100 þúsund ferðamenn sótt landið heim í einum mánuði.

Innbrot á Akureyri

Innbrot var framið í Giljahverfi á Akureyri í gærdag en húsráðendur uppgötvuðu það þó ekki fyrr en þeir komu heim í gærkvöldi. Óljóst er hvernig þjófarnir komust inn í íbúðina því þeir skyldu ekki eftir sig nein verksummerki eða skemmdir. Þeir komust hinsvegar á brott með sjónvarp heimilisins, fartölvu og eitthvað af skartgripum. Að sögn lögreglunnar á Akureyri eru innbrot af þessu tagi mjög fátíð í bænum og er málið í rannsókn. Þá var einn ökumaður tekinn á Akureyri í nótt, grunaður um akstur undir áhrifum fíkniefna.

Tapaði verðmætum í óþekktum leigubíl

„Það er alveg skelfilegt að lenda í þessu, sérstaklega vegna þess að maður býst við því að leigubílstjórar séu traustsins verðir,“ segir Ólafur Sigurðsson, sem varð fyrir því á dögunum að gleyma kassa af verðmætum í farangursgeymslu leigubíls. Þrátt fyrir mikla eftirgrennslan hefur hann ekki fundið viðkomandi leigubílstjóra og þar af leiðandi ekki fengið eigur sínar til baka. Ólafur hefur því kært málið til lögreglu.

Setja upp hver sína hreinsistöð fyrir skolp

„Okkur finnst kominn tími til að fara að gera eitthvað því það liggur við að hér flæði skolp beint út í árnar,“ segir Jón Jóhannsson í Mosskógum í Mosfellsdal. Jón og tveir nágrannar hans hafa keypt hver sína skolphreinsistöðina til að leysa af gagnslitlar rotþrær.

Forstjórinn segir uppgjörið vera traust

„Uppgjörið er mjög traust, í samræmi við áætlanir og stenst þær arðsemiskröfur sem eru gerðar,“ segir Höskuldur H. Ólafsson, forstjóri Arion banka.

Brýnt að losa höftin sem fyrst

Már Guðmundsson seðlabankastjóri segir brýnt að losa gjaldeyrishöftin sem fyrst, þar sem kostnaður við þau vaxi með tímanum. Ábatann af hröðu afnámi verði hins vegar að meta á móti skammtímakostnaði vegna óstöðugleika á gjaldeyrismarkaði sem losunin geti valdið.

Óvenjulítið um rifsber í haust

Rifsberjauppskera í görðum landsmanna hefur verið heldur dræm þetta haustið. Jón Kr. Arnarson garðyrkjufræðingur segir ástæðuna vera kalt vor með næturfrostum fram í júní og það hafi skaðað blómgun rifsberjarunnanna. Einnig var minna af skordýrum á sveimi til að frjóvga þau blóm sem höfðu frostin af.

Þingmenn hvetja stjórnvöld til samninga við Nubo

Skiptar skoðanir eru um fyrirhuguð kaup kínverska fjárfestisins Huang Nubo á Grímsstöðum á Fjöllum. Þingmenn þriggja flokka kölluðu eftir því, á Alþingi í gær, að stjórnvöld settust að samningaborðinu með Nubo og gengju frá málinu í nafni fjárfestinga, uppbyggingar og fjölbreytni í atvinnulífi.

Umhverfisráðuneytið veitir verðlaun

Dómnefnd á vegum umhverfisráðuneytisins hefur tilnefnt fjóra til fjölmiðlaverðlauna ráðuneytisins. Verðlaunin verða veitt í fyrsta sinn 16. september næstkomandi, á Degi íslenskrar náttúru. Dómnefndina skipa María Ellingsen, Jónatan Garðarsson og Valgerður A. Jóhannsdóttir.

CCP vinnur með frægum hönnuði

Nicola Formichetti, listrænn stjórnandi Mugler-tískuhússins, hefur unnið með tölvuleikjafyrirtækinu CCP að sýningu sem opnuð verður á tískuvikunni í New York í dag.

Konur fá aðeins brot styrkja

„Konur eru stundum ekki nógu duglegar við að stíga fram. Það er ekki nóg að þær hafi hugmynd á blaði, mikilvægt er að gera þær að veruleika og koma þeim í formi vöru á markað, segir Elinóra Inga Sigurðardóttir, formaður og stofnandi Samtaka frumkvöðlakvenna.

Tvö hundruð þúsund króna sekt í kveðjugjöf

Fjórir erlendir ferðamenn gengust í dag undir sektir vegna utanvegaksturs. Brotin voru framin í umdæmi lögreglustjórans á Húsavík.

Hallar á hlut kvenna í íslenskum kennslubókum

Námsgagnastofnun ætlar að endurskoða sögubækur fyrir grunnskólanema eftir að rannsókn Jafnréttisstofu leiddi í ljós að verulega hallar á hlut kvenna í bókunum. Dæmi eru um að engin kona sé nefnd í atriðisorðaskrá í kennslubókum.

Fræðilegur möguleiki að mönnunum hafi tekist að brjóta á börnum

Geir Jón Þórisson, yfirlögregluþjónn á höfuðborgarsvæðinu, segir að lögreglan sé að styðjast við eftirlitsmyndavélar, sem eru nálægt fyrirtækjum og skólum, til að reyna að finna meinta barnaníðinga sem hafa reynt að lokka börn upp í ökutæki sín á höfuðborgarsvæðinu undanfarið.

Óþekkur ökumaður handtekinn

Kona á fertugsaldri var handtekin í Kópavogi í fyrradag en sú var ekki sátt við afskipti lögreglu.

Neyðarljós sást á lofti

Um klukkan hálf fimm í dag barst stjórnstöð Landhelgisgæslunnar tilkynning í gegnum Neyðarlínuna um neyðarljós á lofti yfir Sundunum við Reykjavík. Björgunarskip og björgunarbátar voru kallaðir út til leitar auk þyrlu Landhelgisgæslunnar.

Formannsslagur í uppsiglingu?

Hanna Birna Kristjánsdóttir útilokar ekki að fara gegn Bjarna Benediktssyni í formannskjöri á Landsfundi Sjálfstæðisflokksins. Hún segist þó ekki hafa tekið neina ákvörðun enn. Mikill þrýstingur er innan flokksins á mótframboð.

Vann ferð til Flórída fyrir fjölskylduna

Dregið var í 25 ára afmælisleik Lottó og Bylgjunnar í þætti Simma og Jóa í sumarlok. Simmi og Jói hringdu í Maríu S. Jensdóttur og færðu henni þær fréttir að hún hefði unnið Flórída ferð fyrir fjölskylduna.

Hræringar hugsanlega langtímaforboði eldgoss

Í dag var haldinn fundur í Vísindamannaráði almannavarna þar sem rætt var um atburði liðinna vikna undir Mýrdalsjökli.

Sprengdu jeppa

Sprengja sprakk inn í jeppabifreið yfir utan heimili í Reykjahlíð aðfaranótt þriðjudags. Samkvæmt upplýsingum frá lögreglunni brotnuðu rúður bílsins.

Harður árekstur í Kópavogi

Mög harður árekstur var nú fyrir skömmu á gatnamótum Nýbýlavegar og Dalvegar í Kópavogi.

Ekki talið að maðurinnn hafi farist með voveiflegum hætti

Ekki er talið að andlát mannsins, sem fannst látinn í fangaklefa sínum hjá lögreglunni á Suðurnesjum aðfaranótt þriðjudags, hafi borið að með óeðlilegum hætti.

Sýknuð af fíkniefnaakstri - gaf þvagsýni án hanska

Kona var sakfelld fyrir rangar sakargiftir og umferðalagabrot í Héraðsdómi Reykjavíkur í morgun. Konan var hinsvegar sýknuð af ákæru um að hafa ekið undir áhrifum ávana- og fíkniefna.

70 ára afmæli flugvallarins haldið á laugardag

Flugsýning verður haldin á Reykjavíkurflugvelli á laugardag þar sem minnst verður 70 ára afmælis flugvallarins. Breskur herflugmaður í síðari heimstyrjöld var fyrsti flugmaðurinn sem lenti á vellinum og kemur hann sérstaklega til landsins til að fagna tímamótunum.

Mikil óánægja með Jón Gnarr

Rétt tæplega 62 prósent eru óánægð með störf Jóns Gnarr, borgarstjóra Reykjavíkur, samkvæmt könnun MMR. Þar kemur fram að 38,3 prósent aðspurðra eru ánægð með störf borgarstjórans.

Stöðvuðu kannabisræktun í fjölbýlishúsi

Lögreglan á höfuðborgarsvæðinu stöðvaði kannabisræktun í fjölbýlishúsi í austurborginni í gær. Við húsleit á áðurnefndum stað var lagt hald á 10 kannabisplöntur, auk græðlinga samkvæmt upplýsingum frá lögreglunni.

Kostnaður vegna þunglyndislyfja lækkað um hálfan milljarð

Kostnaður Sjúkratrygginga Íslands vegna þunglyndislyfja hefur lækkað um tæpan hálfan milljarð á einu ári, frá 1. júní 2010 til 31. maí 2011 miðað við síðustu tólf mánuði þar á undan.

Heilbrigðisnefnd samþykkir staðgöngumæðrun í velgjörðaskyni

Meirhluti Heilbrigðisnefndar hefur afgreitt þingsályktunartillögu Ragnheiðar Elínar Árnadóttur þingmanns Sjálfstæðisflokksins um að heimila staðgöngumæðrun í velgjörðarskyni með breytingartillögu.

Dæmdur fyrir hnefahögg

Karlmaður var dæmdur í þriggja mánaða skilorðsbundið fangelsi fyrir líkamsárás í Héraðsdómi Reykjavíkur í morgun.

Læknir á bráðamóttöku: Það sem aldrei venst eru umferðaslysin

"Eftir nokkra áratuga starf á Slysa- og bráðamóttöku ætti maður að vera kominn með þykkan skráp,“ skrifar Vilhjálmur Ari Arason, læknir á Landspítalanum, um hraðakstur í Fréttablaðið í dag.

Segir forseta brigsla ráðamenn um landráð og líkir honum við Lady Ga Ga

Jón Baldvin Hannibalsson, fyrrverandi ráðherra, gagnrýnir forseta Íslands, Ólaf Ragnar Grímsson, harðlega í grein sem birtist í Fréttablaðinu og á Vísi í dag. Þar segir Jón Baldvin forsetann brigsla ríkisstjórnina um landráð, „með því að semja um Icesave – beygja sig fyrir fáránlegum kröfum og ofbeldi Breta og Hollendinga, eins og hann [Ólafur Ragnar innskt. blm.]kallar það – hafi ríkisstjórnin brugðist þjóðarhagsmunum,“ skrifar Jón Baldvin.

Ekki boðið upp á iðjuleysi í Skálholti

Verkefni nýs vígslubiskups í Skálholti, séra Kristjáns Vals Ingólfssonar, verða í meiri tengslum við samfélagið heldur en störf vígslubiskupa hafa verið hingað til.

Lést í varðhaldi lögreglunnar

Karlmaður af pólskum uppruna lést í fangaklefa sínum á Suðurnesjum aðfaranótt þriðjudags. Lögreglan á Suðurnesjum staðfestir í samtali við fréttastofu maðurinn hafi látist í þeirra umsjá, en ekki er vitað dró manninn til dauða. Krufning mun leiða það í ljós.

Með fimm vélum til Heidelberg

„Það hefur ekki gengið illa hjá okkur,“ segir Þorvarður Gunnarsson, forstjóri endurskoðunarfyrirtækisins Deloitte, nýkominn heim frá Heidelberg í Þýskalandi þar sem hann fagnaði um helgina árshátíð ásamt starfsmönnum sínum og mökum þeirra.

Gæti hafa verið blekktur með staðdeyfilyfi

Sautján ára piltur sem tekinn var með 30 þúsund e-töflur í farangri sínum í Leifsstöð fyrir tæpum tveimur vikum reyndist einnig hafa í fórum sínum tvö kíló af staðdeyfilyfinu líkódíni. Þetta hefur efnagreining leitt í ljós.

Þyrlan fann tvo villta pilta

Víðtæk leit var gerð í nótt að tveimur nítján ára gömlum piltum sem villtust á Reykjanesi. Þeir höfðu verið á fjórhjólum og hringdu í föður annars þeirra um miðnættið og sögðust vera rammvilltir í nágrenni við Fagradalsfjalla norður af Grindavík. Lögreglan á Suðurnesjum hóf strax leit og síðan voru björgunarsveitir kallaðar út ásamt þyrlu Landhelgisgæslunnar. Þyrlan fann svo drengina heila á húfi skömmu eftir að leit hófst og flutti til Grindavíkur.

Sex konur til viðbótar ásaka Ólaf Skúlason

Að minnsta kosti sex konur til viðbótar segja að Ólafur Skúlason heitinn, fyrrum biskup, hafi brotið gegn sér kynferðislega. Einhverjar af konunum hafa látið fagráð þjóðkirkjunnar vita af málinu.

Hröð atburðarás þegar fíklar smitast af HIV

Hlutfall HIV-smitaðra sprautufíkla hefur hækkað gífurlega á síðustu árum. Nauðsynlegt er að lágmarka skaðann með vakningu, betra aðgengi að smokkum og hreinum nálum. Þegar fíklar fá fréttir af jákvæðum niðurstöðum búast þeir oft á tíðum við þeim.

Áfallahjálp í Office 1 vegna verslunarstjóra

„Þetta er hálfpartinn eins og að takast á við dauðsfall í fjölskyldunni,“ lýsir Kjartan Örn Sigurðsson, forstjóri Office 1, áhrifum þess að samstarfsmaður til margra ára var rekinn vegna stórfellds þjófnaðar.

Ró yfir Kötlu í nótt

Lítið var um jarðskjálfta í Mýrdalsjökli í nótt eftir óróa síðustu daga. Um sjö smáskjálftar sjást á mælum veðurstofunnar en í gær voru þeir á þriðja tug. Magnús Tumi Guðmundsson, jarðeðlisfræðingur, flaug yfir Kötlu í gærkvöldi ásamt vísindamönnum, sérfræðingum frá Veðurstofu Íslands og fulltrúa frá Almannavörnum.

ESB er enn vandræðamál

Enn einu sinni þurftu stjórnarliðar að svara fyrir málsmeðferð sína varðandi aðildarumsókn að Evrópusambandinu á Alþingi í gær. Málið ætlar að reynast stjórninni til ómældra vandræða, enda virðast ekki allir líta svo á að samþykkt Alþingis í málinu hafi úrslitavald.