Ellefu þúsund mótmæla - fleyta friðarkertum við Ráðhúsið

Ellefu þúsund manns hafa mótmælt fyrirhuguðum sameiningum leikskóla, grunnskóla og frístundaheimila hjá Reykjavíkurborg. Undirskriftasöfnun stendur enn yfir á vefnum Born.is. Stefnt er að því að foreldrar sem eru andsnúnir sameiningunum fjölmenni í Ráðhús Reykjavíkur klukkan 16.30 í dag og hálftíma síðar verða undirskriftirnar afhentar fulltrúa borgarstjórnar. Þá munu foreldrafélög afhenda eintök af ályktunum sínum gegn sameiningunum og foreldraráð eintök af umsögnum þeirra.

Ögmundur og Kristján Möller styðja ekki stjórnlagaráð

Ögmundur Jónasson innanríkisráðherra og Kristján Möller, þingmaður Samfylkingarinnar og fyrrverandi ráðherra samgöngu- og sveitastjórnarmála ætla ekki að greiða atkvæði með því að Alþingi skipi stjórnlagaráð. Kristján rökstyður hjásetu sína með því að aðeins tveir fulltrúar landsbyggðarinnar séu á meðal þeirra 25 sem kjörnir voru í stjórnlagaþing í nóvember, og er gert ráð fyrir að verði skipaðir í ráðið samkvæmt þingsályktunartillögunni sem kosið er um. Eftir að Hæstiréttur ógildi kosninguna til stjórnlagaþing sagði Ögmundur að hann myndi ekki sætta sig við neina hjáleið að stjórnlagaþingi, og að hann myndi hlíta úrskurði Hæstaréttar. Hann sagðist líta svo á að skipan stjórnlagaráðs sé sannarlega hjáleið. Helgi Hjörvar, þingmaður Samfylkingarinnar, segist helgur ekki geta tekið þátt í því að alþingismenn virði dóm Hæstaréttar að vettugi. Birgir Ármannsson, þingmaður Sjálfstæðisflokksins, greiðir atkvæði gegn tillögunni, og sagði við það tilefni: "Við sjálfstæðismenn munum greiða atkvæði gegn tillögunni." Atkvæðagreiðslu er ekki lokið.

Jóhanna segist ekki ætla að segja af sér

Jóhanna Sigurðardóttir forsætisráðherra íhugar ekki afsögn í framhaldi af því að hún braut jafnréttislög samkvæmt úrskurði Kærunefndar jafnréttismála. Þetta sagði hún á Alþingi fyrir stundu. Bjarni Benediktsson, formaður Sjálfstæðisflokksins, tók til máls á Alþingi í óundurbúnum fyrirspurnatíma og sagðist ekki trúa öðru en að Jóhanna væri að íhuga afsögn vegna málsins. "Er hún ekki örugglega alvarlega að íhuga afsögn?" spurði Bjarni og sagði blasa við þjóðinni að það væri eina færa leiðin fyrir hana. Jóhanna tók þá til máls og svaraði Bjarna: "Ég tel ekki efni til að segja af mér" og vísaði til þess að faglega hefði verið staðið að ráðningu umrædds skrifstofustjóra hjá forsætisráðuneytinu. Tók Jóhanna fram að sú kona sem kærði ráðninguna til Kærunefndar jafnréttismála hafi verið metin fimmta hæfust í starfið hjá ráðuneytinu. Bent hefur verið á að ef umrædd kona hefði verið ráðin í starfið ætti Jóhanna mögulega yfir höfði sér ákúrur fyrir að ráða flokkssystur sína frekar en hæfari einstakling. Jóhanna sagði á Alþingi að þó hún íhugaði ekki afsögn þá hefði það vel komið til greina ef hún hefði gerst sek um pólitíska stöðuveitingu. Rifjaði hún í framhaldinu upp ráðningu Þorsteins Davíðssonar sem héraðsdómara í ráðherratíð Árna Mathiesen sem leit framhjá hæfnismati og skipaði þann sjöunda hæfasta í stöðuna.

Kosið um stjórnlagaráð

Kosið verður um hvort Alþingi skipar stjórnlagaráð, á Alþingi upp úr klukkan ellefu. Um er að ræða þingályktunartillögu sem gengur út á að fallið verði frá fyrirhuguðu stjórnlagaþingi en þess í stað skipi Alþingi 25 einstaklinga í ráðgefandi stjórnlagaráð. Gert er ráð fyrir að þetta verði sömu 25 einstaklingar og voru kjörnir til stjórnlagaþings í nóvember. Ef einhver þeirra vill ekki taka sætið verður leitað til þess sem er næstur á listanum. Búist er við því að tillagan verði samþykkt, þrátt fyrir að fyrir liggi andstaða sjálfstæðismanna sem og nokkurra stjórnarþingmanna, þeirra á meðal Ögmundar Jónassonar innanríkisráðherra. Flutningsmenn þingsályktunartillögunnar á Alþingi eru Álfheiður Ingadóttir, Birgitta Jónsdóttir og Valgerður Bjarnadóttir.

Gott færi í Hlíðarfjalli

Skíðasvæðið í Hlíðarfjalli verður opið í dag frá hádegi til klukkan sjö í kvöld. Þar er fjögurra gráðu frost, logn og gott færi. Athugað veður með opnun í Bláfjöllum klukkan ellefu.

Gullfoss á meðal fallegustu fossa heims

Gullfoss hefur verið valinn einn af tíu fallegustu fossum heims á ferðasíðu CNN fréttastofunnar. Fossinn er þar í hópi heimsfrægra ferðamannastaða á borð við Niagara fossana, Viktoríufossa í Afríku og Englafossa í Venesúela sem eru þeir hæstu í heimi. Gullfos er sagður einn óvenjulegasti foss heimsins. Bent er á að hann sé eiginlega á tveimur hæðum og þrátt fyrir að fossarnir tveir séu ekki sérstaklega háir eru þeir óviðjafnanleg sjón að mati blaðamannsins.

Slökkviliðið kallað út í Eyjum

Slökkviliðið í Vestmannaeyjum var kallað að fjölbýlishúsi við Foldahraun upp úr miðnætti, þar sem mikinn reyk lagði frá einni íbúð í húsinu. Nágrannar heyrðu í reykskynjara og komust inn í íbúðina þar sem húsráðandi var sofandi, og drifu hann út.

Sviðsetti rán til að stríða félögunum

Hópi sundfélaga, sem hafði sameiginlegan klefa í sundmiðstöðinni í Keflavík, brá heldur betur í brún að loknu sundinu í gærkvöldi, þegar í ljós kom að allir farsímar, iPpod tæki, úr, skór og fleiri verðmæti, voru horfin úr klefanum.

Rúmlega tíu þúsund hafa mótmælt skólatillögum

Tíu þúsund og fimm hundruð manns hafa tekið þátt í undirskriftasöfnun á vefnum börn.is. Þar er skorað á borgarstjórn Reykjavíkur að falla frá fyrirhuguðum breytingum á rekstri leik- og grunnskóla og frístundaheimila í borginni.

Þyrla sótti slasaðan vélsleðamann

Vélsleðamaður slasaðist þegar hann var á ferð í Vestdal á Fjarðarheiði, ofan við Seyðisfjörð í gærkvöldi. Björgunarsveitir voru kallaðar út og héldu ásamt lækni á vettvang og var kallað eftir þyrlu Landhelgisgæslunnar.

Skólagarðar aflagðir en leigðir fjölskyldum

Engir skólagarðar verða í boði fyrir reykvísk börn næsta sumar. Garðarnir verða hins vegar boðnir til leigu undir matjurtagarða fyrir fjölskyldur.

Nýtt frumvarp um RÚV lagt fram á vormánuðum

Stjórnvöld hafa farið fram á frest til aprílloka til að gera þær úrbætur á rekstar- og lagaumhverfi Ríkisútvarpsins (RÚV) sem ESA, eftirlitsstofnun EFTA fór fram á í síðasta mánuði. Beiðni stjórnvalda og skýringar á stöðu málsins voru sendar ESA í gær.

Saksóknarinn löglega kjörinn

Saksóknari Alþingis er löglega kjörinn þrátt fyrir að hann hafi ekki verið kjörinn á Alþingi á sama þingi og ákvað að ákæra skyldi Geir H. Haarde, fyrrverandi forsætisráðherra, fyrir landsdómi.

Sitja hvort í sinni nefndinni

Lilja Mósesdóttir og Atli Gíslason sitja hvort í sinni fastanefnd þingsins eftir nefndakosningar í gær.

Fróaði sér fyrir framan þrjár skólastúlkur

Þrjár stúlkur úr tíunda bekk í Engjaskóla urðu fyrir því á heimleið úr skólanum á þriðjudagsmorgun að ungur maður sem þeir mættu á göngustíg hafði í frammi kynferðislega tilburði við þær.

Jóhanna flytur skýrslu um úrskurð kærunefndar

Jóhanna Sigurðardóttir forsætisráðhera ætlar að gefa Alþingi munnlega skýrslu um úrskurð Kærunefndar jafnréttismála varðandi ráðningu skrifstofustjóra við deild í forsætisráðuneytinu, sem kærð var til nefndarinnar.

Láta allt vera nema verðmæta skartgripi

Innbrotsþjófar, sem einkum eru á höttunum eftir dýrum skartgripum, hafa á undanförnum vikum herjað á tiltekin hverfi á höfuðborgarsvæðinu. Lögregla segir um faraldur að ræða. Meðal annars var dýrmætum ættagripum stolið frá konu sem Fréttablaðið ræddi við í gær.

Ekki á að þrengja að fjölmiðlum

Menntamálanefnd Alþingis hefur lokið fyrstu yfirferð frumvarps að heildarlögum um fjölmiðla. Önnur umræða fer fram á næstunni.

Slítur viðskiptum við Arion

Sveitarstjórn Eyjafjarðarsveitar hefur samþykkt að hætta í bankaviðskiptum við Arion banka. Sveitin hefur átt í viðskiptum við Arion banka frá upphafi, en fregnir af launakjörum bankastjóra hafa orðið til þess að sveitarstjórnin vill ekki skipta lengur við bankann.

Eldgleypir skemmti í brunagildru

Eigandi skemmtistaðarins Sjallans á Akureyri, karlmaður nær sextugu, hefur verið dæmdur í Héraðsdómi Norðurlands eystra til að greiða 400 þúsunda króna sekt í ríkissjóð fyrir brot gegn lögum um brunavarnir á staðnum.

Kaupmáttur launa minnkar

Launavísitalan hækkaði um 0,2 prósent milli mánaða í febrúar um leið og kaupmáttur dróst saman um 1,0 prósent. Hagstofa Íslands birti í fyrrdag vístölur launa og kaupmáttar.

Heildarfjárþörfin allt að 48 milljarðar

Það skýrist ekki fyrr en síðar á árinu hve mikið fé ríkið mun að leggja fram til að auka við eigið fé Íbúðalánasjóðs, sagði Guðbjartur Hannesson velferðarráðherra á Alþingi í gær.

Tók myndir af nöktum ungliða í hægriflokki

Einn af forsvarsmönnum Framfaraflokksins í Noregi er í haldi lögreglu, grunaður um að hafa með falinni myndavél á baðherbergi tekið nektarmyndir af ungum manni sem er í ungliðahreyfingu flokksins, sem er yst til hægri í norskum stjórnmálum.

Ók á dráttarvél á fjölfarinni umferðargötu

Lögreglan stöðvaði karl á miðjum aldri á fjölfarinni umferðargötu í Reykjavík klukkan hálf níu í morgun en hann ók dráttarvél og fór eðlilega hægt yfir.

Vélsleðamaðurinn fer með sjúkraflugvél til Akureyrar eða Reykjavíkur

Vélsleðamaðurinn sem slasaðist fyrir ofan Vestdal á Fjarðarheiði í kvöld er kominn um borð í þyrlu Landhelgisgæslunnar og er á leið til Egilsstaða. Þaðan fer hann í sjúkraflugvél annað hvort til Akureyrar eða til Reykjavíkur, samkvæmt upplýsingum hjá svæðisstjórn björgunarsveita á Austurlandi.

Vopnfirðingar fá malbikið í sumar

Tímamót verða í samgöngumálum Vopnfirðinga í sumar þegar héraðið tengist öðrum landshlutum með bundnu slitlagi í fyrsta sinn. Lagning nýja vegarins í Vopnafjörð er langt komin en hún er stærsta verkefnið sem unnið er að í vegagerð hérlendis um þessar mundir.

Slasaður vélsleðamaður á Fjarðarheiði

Björgunarsveitn Hérað frá Egilsstöðum og Ísólfur frá Seyðisfirði voru kallaðar út á sjötta tímanum í kvöld þegar tilkynnt var um slasaðan vélsleðamann fyrir ofan Vestdal á Fjarðarheiði.

Jóhanna: Ég er með hreina samvisku

Jóhanna Sigurðardóttir segist vera með hreina samvisku vegna úrskurðar kærunefndar jafnréttismála sem komst að því að jafnréttislög hefðu verið brotin þegar karl var tekinn fram yfir konu við ráðningu skrifstofustjóra hjá forsætisráðuneitinu.

Lögreglumenn fengu kleinur

Lögreglan var kölluð að húsi í Kópavogi um hádegisbil í gær en þar hafði reykskynjari farið í gang og nágranni gert viðvart. Þegar á vettvang var komið reyndist enginn eldur í húsinu en hinsvegar voru húsráðendur í óða önn að steikja kleinur.

Fundu 700 grömm af grasi

Lögreglan á höfuðborgarsvæðinu stöðvaði kannabisræktun í íbúð í Norðlingaholti í Reykjavík í fyrradag. Við húsleit á áðurnefndum stað fundust um 70 kannabisplöntur og 700 grömm af marijúana.

Tuttugu þúsund miðar seldir í Hörpuna

Tuttugu þúsund manns hafa nú þegar tryggt sér miða á listviðburði í Hörpu. Miðar á suma viðburði seldust upp á innan við klukkutíma. Aðeins sex vikur eru þar til að húsið opnar.

15 metra reglunni frestað meðal annars vegna snjókomu

Sorpílát við heimili sem eru meira en 15 metra frá sorphirðubíl verða ekki sótt eftir 1. maí nema ráðstafanir hafi verið gerðar samkvæmt tilkynningu frá borgaryfirvöldum.

Jafnréttisstofa: Óskandi að forsætisráðherra lúti úrskurðinum

"Það er auðvitað slæmt að svona gerist,“ segir Kristín Ástgeirsdóttir, framkvæmdastýra Jafnréttisstofu sem annast stjórnsýslu á sviði jafnréttismála á Íslandi í samræmi við lög um jafna stöðu og jafnan rétt kvenna og karla. Stofan heyrir undir félagsmálaráðherra.

Þrif á glerhjúp Hörpunnar: 8 milljónir

Áætlaður kostnaður við árleg þrif á glerhjúp tónlistar- og ráðstefnuhússins Hörpu er um 8 milljónir króna. Gert er ráð fyrir að hjúpurinn verði hreinsaður nokkrum sinnum á ári, og að sú hlið sem snýr að umferðargötum verði þrifin oftar en aðrar. Þetta kemur fram í svari Katrínar Jakobsdóttur, mennta- og menningarmálaráðherra, við fyrirspurn Marðar Árnasonar, þingmanns Samfylkingarinnar. "Reynslan af vinnubúðum á lóðinni sem standa sjávarmegin við umferðargötur er sú að salt festist ekki á glugga og óhreinindi frá umferð eru engin á þeirri hlið sem snýr að sjó og varla merkjanleg á öðrum hliðum. Virðist rigna af jafnharðan. Á glerhjúp hússins sjálfs hefur fallið gosaska í vissum veðrum og óhreinindi frá ófrágenginni lóð eru áberandi svo ekki er unnt að dæma þetta með sama hætti," segir í svarinu. Mörður lagði fram ítarlega fyrirspurn á Alþingi um miðjan febrúarmánuð þar sem hann vildi fá svör við fjölda spurninga um Hörpuna, þar á meðal um kostnað við þrif á glerhjúpnum.

Múslí innkallað - inniheldur heslihnetur

Yggdrasill heildsala hefur ákveðið að innkalla úr verslunum matvöruna Múslí frá Yggdrasil sem framleitt er í Þýskalandi, þar sem ófnæmis- og óþolsvaldar eru ekki merktir á einstaka umbúðunum. Um er að ræða heslihnetur sem tilgreindar eru á umbúðunum en strikað hefur verið yfir heslihneturnar vegna rangra innihaldsupplýsinga frá framleiðanda. Innkölluð vara er í 750 gramma pakkningu í glærum plastpoka merkt "Múslí" og hefur fengist í verslunum Yggdrasils, Maður Lifandi, Fjarðarkaupum, Samkaupum, Nettó, Nóatúni og Krónunni. Þeir neytendur sem eiga umræddar vörur eru beðnir um að skila þeim til Yggdrasils heildsölu, Suðurhrauni 12b í Garðabæ, gegn endurgreiðslu. Vakin er athygli á því að varan er skaðlaus fyrir þá sem ekki eru viðkvæmir fyrir heslihnetum.

Sextán ára dæmdur fyrir kynferðisbrot gegn börnum

Piltur á tvítugsaldri var dæmdur í dag fyrir kynferðisbrot gegn tveimur stúlkum sem voru sjö og átta ára gamlar þegar brotin voru framin. Pilturinn játaði brot sín skýlaust fyrir Héraðsdómi Norðurlands eystra en hann káfaði meðal annars á stúlkunum og bað þær um að snerta kynfæri sín.

Þorgerður Katrín: Hrokafull og aumingjaleg yfirlýsing

„Hvað verður gert annað en að senda frá sér hrokafulla og aumingjalega yfirlýsingu?," spyr Þorgerður Katrín Gunnarsdóttir, þingmaður Sjálfstæðisflokksins, í framhaldi af því að Kærunefnd jafnréttismála komst að þeirri niðurstöðu að Jóhanna Sigurðardóttir forsætisráðherra væru sek um brot gegn jafnréttislögum. Forsætisráðuneytið sendi frá sér yfirlýsingu vegna málsins í dag þar sem því var vísað á bug að jafnréttislög hefðu verið brotin og sagt að fagmannalega hafi verið staðið að ráðningu skrifstofustjóra á skrifstofu stjórnsýslu- og samfélagsþróunar í forsætisráðuneytinu. Þorgerður Katrín tók málið upp í umræðum á Alþingi í dag um störf þingsins. Ragnheiður E. Árnadóttir, þingmaður Sjálfstæðisflokks, fordæmdi einnig brot forsætisráðherra og vakti athygli á því að Jóhanna er ekki aðeins ráðherra jafnréttismála heldur mælti hún fyrir jafnréttislögunum á þingi á sínum tíma. Þá vildi Ragnheiður meina að Jóhanna hefði ekki axlað ábyrgð og að hún benti á alla aðra en sjálfa sig í málinu. Þórunn Sveinbjarnardóttir, þingmaður Samfylkingarinnar, sagðist líta brot á jafnréttislögum jafn alvarlegum augum og brot á öðrum lögum. Hún sagði málið grafalvarlegt og bindur hún vonir við að því verði fylgt eftir innan ráðuneytisins og stjórnsýslunnar „með tilhlýðlegum hætti," hvort sem það er með lagabreytingum eða öðrum. Hið minnsta sé nauðsynlegt að farið verði að úrskurðinum, sem að hennar mati er vel rökstuddur og afdráttarlaus

Reynir Traustason: Ekki sérstaklega undir það búinn að verja gögnin

DV ætlar ekki að fallast á kröfu sýslumanns um að skila gögnum um dótturfélag Landsbankans. Ritstjóri blaðsins segir að um svívirðilega aðför að heimildarmönnum sé að ræða og ekki sé hægt að sjá að Landsbankinn ætli að iðka gegnsærri vinnubrögðum en fyrir hrun.

Fjármögnun RÚV brýtur gegn EES samningnum

Eftirlitsstofnun EFTA hefur úrskurðað að opinber fjármögnun RÚV brjóti gegn EES samningnum. Þá er íslenskum stjórnvöldum gert að tilkynna EFTA um nýtt rekstrarfyrirkomulag eigi síðar en í dag.

Svartsýnin er enn ríkjandi

Áttatíu prósent stjórnenda fyrirtækja telja aðstæður í atvinnulífinu vera slæmar, samkvæmt niðurstöðu könnunar Capacent. Könnunin náði til fjögur hundruð stærstu fyrirtækja landsins.

Jóhanna vísar á bug að hafa brotið jafnréttislög

Forsætisráðuneytið telur að faglega hafi verið staðið að undirbúningi og skipun Arnars Þórs Mássonar sem skrifstofustjóra á nýrri skrifstofu stjórnsýslu- og samfélagsþróunar í ráðuneytinu. Þetta kemur fram í tilkynningu sem ráðuneytið hefur sent frá sér. Kærunefnd jafnréttismála komst hins vegar að þeirri niðurstöðu að Jóhanna Sigurðardóttir, forsætisráðherra, hafi brotið gegn ákvæðum laga um jafna stöðu og jafnan rétt karla og kvenna þegar hún skipaði Arnar í stöðuna.

Landlæknir varar við fegrunaraðgerðum í heimahúsum

Landlæknir hvetur almenning til að vera á varðbergi gagnvart einstaklingum sem bjóða þjónustu sem augljóst má vera að stenst ekki þær lágmarkskröfur sem fólk að öllu jöfnu gerir til heilbrigðiskerfisins og starfsfólks hennar í frétt sem birtist á heimasíðu Landlæknaembættisins um fegrunaraðgerðir á heimili konu í Kópavogi.

VG í Árborg væntir góðs samstarfs við Atla þrátt fyrir úrsögn

Stjórn Vinstrihreyfingarinnar-græns framboðs í Árborg væntir góðs samstarfs við þingmann sinn, Atla Gíslason, samkvæmt ályktun sem stjórnin samþykkti á stjórnarfundi í gær.

Valtýr svarar Jóhönnu og sakar hana um árásir

Valtýr Sigurðsson, ríkissaksóknari hefur á vefsíðu embættisins svarað Jóhönnu Sigurðardóttur forsætisráðherra sem sagði hann fara með rakalausar dylgjur í sinn garð og hvatti hann til að skýra mál sitt. Forsaga málsins er sú að Valtýr gaf í skyn á dögunum í ræðu að forsætisráðherra hefði skipt sér með óeðlilegum hætti af störfum ákæruvaldsins með ýmsum ummælum sem hann taldi óábyrg. Að hans mati réðst Jóhanna á hann með óviðeigandi og tilefnislausum hætti.

Fjölskylduhjálp biður um fisk

Fjölskylduhjálp Íslands biðlar til sjávarútvegs og fiskverkunarfyrirtækja í landinu um að gefa sér fisk. Í tilkynningu frá Fjölskylduhjálp kemur fram að stöðugt fjölgi þeim sem sækja sér mataraðstoð til Fjölskylduhjálpar Íslands í viku hverri.