Fólksbíll og rúta skullu saman

Umferðarslys varð á Akureyri klukkan hálf átta í gærkvöld. Fólksbíll lenti þar framan á rútu sem kom úr gagnstæðri átt.

Opið í Bláfjöllum í dag

Í dag er opið í Bláfjöllum til klukkan fimm. Fyrir stundu var sex stiga frost á skíðasvæðinu, vindur var ekki mikill og á að draga úr honum þegar líður á daginn. Færið í brautum er sagt einstaklega gott og hvergi harðfenni.

Heildarkjörsókn liggur fyrir í hádeginu

Enn eru ekki komnar endanlegar tölur um kjörsókn í stjórnlagaþingskosningunum í gær, en búast má við að þær liggi fyrir um hádegisbilið.

Náðu ekki 30 prósent kjörsókn

Kjörsókn á Akureyri í kosningum til stjórnlagaþings í gær náði ekki 30 prósentum.

Stálu skiptimynt

Nokkur erill var hjá lögreglunni á höfuðborgarsvæðinu í nótt en flest málin snéru að skemmtahaldi en engin alvarleg mál komu þó upp. Þrír voru handteknir vegna gruns um ölvun við akstur í nótt. Tvö fíkniefnamál komu upp en þau tengdust skemmtahaldinu.

Vöfðu kúk inn í dagblöð og kveiktu í

Lögreglan á Selfossi þurfti að sinna heldur óvenjulegu útkalli um sjö leytið í kvöld. Einhverjir óprúttnir aðilar kveiktu í dagblöðum á tröppum íbúðarhúss hjá íbúa á Selfossi.

Fyrsti vinningur gekk ekki út

Enginn var með réttar lottótölurnar en fyrsti vinningur að þessu sinni var rúmlega fimm milljónir króna. Tveir fengu bónusvinning og fékk hvor um sig rúmlega 100 þúsund krónur.

Pakkajól í Smáralind

Árleg Pakkajól Bylgjunnar verða við jólatréð í Smáralind á aðventunni í ár eins og fjölmörg undanfarin ár.

Börn Gunnars í Krossinum: Telja ásakanirnar uppspuna

Börn Gunnars Þorsteinssonar í Krossinum hafa sent frá sér yfirlýsingu þar sem þau segja að vegið sé að æru og heiðri föður þeirra með óvægnum hætti. „Pabbi okkar er kærleiksríkur maður sem vill öllum vel." Þau segja jafnframt vita að faðir þeirra sé saklaus og biðla til fólks að fara varlega í sleggjudóma. „Þessi ásökun á pabba okkar er skelfileg því að bæði okkur og honum þykir það mesta viðurstyggð þegar brotið er á ungum stúlkum eða börnum.“

Lýst eftir Jakobi Inga

Lögreglan á höfuðborgarsvæðinu að lýsir eftir Jakobi Inga Ragnarssyni, fæddur 23.04.1995. En Jakobs er saknað síðan þann 24. Nóvember síðastliðinn.

Jóhanna: Mikilvægt að þátttakan verði góð

Jóhanna Sigurðardóttir forsætisráðherra kaus til stjórnlagaþings í Hagaskóla í dag. Hún gætti að jöfnu kynjahlutfalli í sinni kosningunni og sagði mikið úrval af góðu fólki í framboði.

18 prósent kosningaþátttaka í Reykjavík

Um átján prósent kjósenda í Reykjavík höfðu kosið í kosningum til Stjórnlagaþings klukkan fjögur.

Lést í umferðarslysi

Ekið var á gangandi konu í Borgarnesi um hádegisbilið í dag með þeim afleiðingum að hún lést.

Færri kjósa til stjórnlagaþings en um Icesave

Kjörsókn í Reykjavík er þó nokkru minni en á sama tíma í síðustu þjóðaratkvæðagreiðslu og sveitarstjórnarkosningum. Klukkan 14 í dag var kjörsóknin 13 prósent.

Átta þúsund Reykvíkingar kosið

Klukkan 13 í dag höfðu 9,4 prósent kjósenda kosið til stjórnlagaþings í Reykjavík, eða samtals um 8 þúsund manns. Í Kópavogi var kjörsókn svipuð, þar höfðu 9,2 prósent kjósenda kosið á sama tíma.

Jónína Ben stendur með eiginmanni sínum

Jónína Benediktsdóttir, eiginkona Gunnars Þorsteinssonar í Krossinum, styður við bakið á eiginmanni sínum. Í gær sendi hún Gunnari kveðju á Facebook: „Gunnar minn, ég dáist að æðruleysi þínu. Ég elska þig."

Starfshópur fer yfir málefni svínaræktar

Afskipti fjármálastofnana af svínabúum á landinu hafa verið hroðaleg og haft mjög slæm áhrif á greinina. Þetta segir Jón Bjarnason landbúnaðarráðherra. Hann hefur skipað starfshóp sem á að fara yfir málefni svínaræktar svo sem út frá dýravernd.

Öll yfirheyrsluherbergi full

Öll yfirheyrsluherbergi sérstaks saksóknara voru í notkun í vikunni. Jón Ásgeir Jóhannesson er einn þeirra sem mætti til skýrslutöku.

Tæplega 3700 hafa kosið í Reykjavík

Tæplega 3700 voru búnir að kjósa í Reykjavík klukkan ellefu í morgun, sem er um 4,4% af heildarfjölda á kjörskrá. Tölur frá landskjörstjórn liggja ekki fyrir fyrr en í kvöld. Fólk er hvatt til að mæta vel undirbúið á kjörstað.

Gleymdu hjálparkjörseðlum heima

Í Reykjavík suður og norður höfðu 1443 kosið til stjórnlagaþings klukkan tíu í morgun en kjörstaðir opnuðu klukkan níu. Litlar sem engar biðraðir mynduðust og var fólk yfirhöfuð fljótt að kjósa.

Heiðskírt og logn í Bláfjöllum

Í dag er opið í Bláfjöllum kl. 10-17. Núna kl. 8:20 er blankalogn og heiðskýrt og -7°. Búast má við frábæru veðri í dag, segir í tilkynningu.

Níu óku fullir og fjórir dópaðir

Nokkuð rólegt var hjá lögreglu víðast hvar á landinu í gærkvöld og nótt. Þó voru 9 handteknir í umdæmi lögreglunnar á höfuðborgarsvæðinu vegna gruns um ölvunarakstur og fjórir til viðbótar vegna gruns um að hafa ekið undir áhrifum fíkniefna, flest þessara mála komu upp eftir miðnætti. Einnig komu upp fjögur minniháttar fíkniefnamál í gærkvöld.

Stjórn Krossins mun funda um ásakanir

Stjórn trúfélagsins Krossins mun koma saman um helgina til að ræða ásakanir um kynferðisbrot sem fimm konur hafa borið á Gunnar Þorsteinsson, forstöðumann trúfélagsins. Þetta staðfestir Björn Ingi Stefánsson, stjórnarmaður og fyrrverandi framkvæmdastjóri Krossins. Hann vill að öðru leyti ekki tjá sig um ásakanirnar á þessu stigi.

Snjóflóðavarnir skapa störf

Tvö stór og mannaflsfrek verkefni við uppbyggingu snjóflóðavarnagarða í Neskaupstað og á Ísafirði fara án tafar í útboð. Ríkisstjórnin samþykkti á fundi í gær að veita 350 milljónir króna úr Ofanflóðasjóði sem sérstaklega eru eyrnamerkt framkvæmdunum.

ESB vill að ríki séu undirbúin fyrir aðild

Það er misskilningur sem heyrist á Íslandi að fara þurfi í grundvallarbreytingar í stjórnsýslu áður en gengið er í ESB, að sögn Grahams Avery, heiðursframkvæmdastjóra ESB.

Vatn er lítið í ám og lækjum nærri Heklu

Samdráttur í vatnsbúskap í ám, lækjum og vatnsbólum í grennd við eldfjallið Heklu er meiri en svo að skýrist einvörðungu af þurrkatíð og snjóaleysi til fjalla. Þetta er mat Drífu Hjartardóttur, fyrrverandi alþingismanns, sem býr að Keldum á Rangárvöllum.

Jón Ásgeir yfirheyrður

Jón Ásgeir Jóhannesson mætti í skýrslutöku hjá sérstökum saksóknara í vikunni vegna rannsóknar embættisins á málefnum Glitnis. Hann mætti án Gests Jónssonar, lögmanns síns, samkvæmt heimildum Fréttablaðsins. Jón vildi ekki tjá sig um málið við blaðið í gær.

Stal úlpum fyrir fíkniefnum

Lögreglan handsamaði í gær stúlku sem hafði stolið úlpum í fatahengi Valhúsaskóla. Það voru skólabörn í Valhúsaskóla á Seltjarnarnesi sem hlupu stúlkuna uppi og síðan var lögregla kölluð til. Stúlkan var þá að fara í skólann í annað sinn í vikunni til þess að stela úlpum. Á mánudag sást í öryggismyndavél skólans hvar stúlkan tók fimm úlpur úr fatahenginu. Þegar hún kom aftur í skólann í gær þekktu nemendur hana aftur.

Eftirsóknarvert að halda hér jól

Bandaríska fréttastöðin CNN telur að Reykjavík sé einn af tíu bestu stöðum í heiminum til að verja jólunum á. Frá þessu er greint á vef Ferðamálastofu.

Þriðji geirinn er mikils virði fyrir samfélagið í heild sinni

Fræðasetur þriðja geirans svokallaða tók formlega til starfa í Háskóla Íslands (HÍ) í gær. Um er að ræða stofnun sem mun fjalla um þau félagasamtök eða stofnanir sem ekki eru reknar af opinberum aðilum og ekki í hagnaðarskyni. Að setrinu standa Félagsráðgjafardeild og Stjórnmálafræðideild HÍ ásamt samtökunum Almannaheill.

Karl og kona hafa kært kynferðisbrot

Karlmanni á fimmtugsaldri, sem grunaður er um kynferðisbrot gegn að minnsta kosti tveimur einstaklingum, þegar þeir voru börn, var sleppt úr gæsluvarðhaldi í fyrradag.

Leita að svigrúmi í lögunum

Farið verður vandlega yfir nýjan dóm Hæstaréttar í máli þar sem banka var heimilað að ganga á ábyrgðarmenn lántaka sem fengið hafði greiðsluaðlögun, segir Árni Páll Árnason, efnahags- og viðskiptaráðherra.

Kosið til stjórnlagaþings í dag

Fulltrúar verða kosnir á stjórnlagaþing um allt land í dag. Kjörfundur hefst klukkan 9.00 en lýkur klukkan 22. Alls eru 522 einstaklingar í framboði en stjórnlagaþingið verður skipað minnst 25 og mest 31 þjóðkjörnum fulltrúa. Þeir verða kosnir persónukosningu og er landið eitt kjördæmi við kosninguna.

Auðlindarentan renni til þjóðarinnar

Að þjóðin eigi náttúruauðlindir landsins er yfirmarkmið heildstæðrar stefnu stjórnvalda í orku- og auðlindamálum sem unnið er að. Þetta kom fram í máli Steingríms J. Sigfússonar fjármálaráðherra á málþingi um eignarhald orkufyrirtækja í gær.

Dorrit tendrar jólatréð í dag

Dorrit Moussaieff forsetafrú mun tendra ljósin á jólatré Kringlunnar við hátíðlega áthöfn í dag klukkan 15. Á sama tíma hefst góðgerðasöfnun á jólapökkum undir jólatréð.

Fundað um Árbót í þingnefndum

Bæði félagsmálanefnd Alþingis og fjárlaganefnd hyggjast funda um málefni meðferðarheimilisins Árbótar í kjölfar umfjöllunar Fréttablaðsins undanfarna viku.

Grunur um fjárdrátt í fangelsi

Forstöðumaður Kvíabryggju hefur verið leystur frá störfum vegna gruns um að hann hafi misnotað aðstöðu sína með því að taka út varning í nafni fangelsisins til eigin nota. Grunur leikur á að meint misferli hafi átt sér stað um nokkurra mánaða skeið, eftir því sem Fréttablaðið kemst næst, og að um umtalsverðar upphæðir gæti verið að ræða.

Ekki ráðlegt að ganga gegn þjóðinni

Ólafur Ragnar Grímsson, forseti Íslands, vill ekkert segja um hvort hann telji að nýr samningur í Icesave-deilunni eigi að fara í þjóðaratkvæðagreiðslu, en varar við því að gengið verði gegn vilja þjóðarinnar.

Fjársvikamaður áfram inni

Gæsluvarðhald Steingríms Þórs Ólafssonar var í gær framlengt í héraðsdómi til 10. desember. Steingrímur var handtekinn í Venesúela í Suður-Ameríku í síðasta mánuði. Hann var afhentur íslenskum lögregluyfirvöldum fyrr í mánuðinum. Steingrímur er grunaður um aðild að umfangsmiklu fjársvikamáli sem er til rannsóknar hjá lögreglu. Um er að ræða svik á virðisaukaskatti upp á um 270 milljónir króna.

Allir stöðvaðir

Líkt undanfarin ár stendur lögreglan á höfuðborgarsvæðinu fyrir sérstöku átaki gegn ölvunarakstri nú í aðdraganda aðventunnar. Í kvöld stöðvaði lögreglan allar bifreiðar sem ekið var um Hringbraut skammt frá gatnamótunum við Snorrabraut. Jólunum fylgja mannfagnaðir og skemmtanir af ýmsu tagi svo sem tónleikar, jólaglögg og jólahlaðborð.

Gunnar í Krossinum: Ég misnotaði ekki þessa konu

„Ég hef aldrei misnotað þessa konu en iðulega átti ég, líkt og margir aðrir menn og unglingar jafnvel, fótum mínum fjör að launa,“ segir Gunnar Þorsteinsson í Krossinum um ásakanir fyrrverandi mágkonu hans.

Samstarfið gott

Söngvarinn Friðrik Dór og sjónvarpsmaðurinn Steindi gáfu nýverið út nýtt lag saman. Þeir segja að samstarfið hafi gengið vel. Rætt var við þá í þættinum Ísland í dag að loknum fréttum í kvöld.

Fjalli um geldingar á svínum

Jón Bjarnason, sjávarútvegs- og landbúnaðarráðherra, hefur skipað starfshóp til að leysa úr þeim vanda sem steðjar að svínarækt í landinu. Hópnum er m.a. ætlað að fjalla um aðbúnað og meðferð svína.

Þurfti að þola kynferðislegt káf Gunnars í Krossinum

„Ég ætla ekki lengur að bera þessa skömm, því hún er ekki mín“, segir ein þeirra kvenna sem sakar Gunnar Þorsteinsson í Krossinum um að hafa brotið gegn sér kynferðislega. Hún segir að brotin hafi byrjað þegar hún var 14 ára og að þau hafi staðið yfir í meira en tíu ár.

Öflugir íþróttamenn á Seltjarnarnesi

Nokkrir nemendur úr 10. bekk Valhúsaskóla gómuðu í dag skæðan úlpuþjóf sem hefur stundað það að koma í skólann og stela úlpum af nemendum. „Það eru miklir íþróttamenn á Seltjarnarnesi. Þeir stökkva bara af stað og fara létt með þetta,“ segir Guðlaug Sturlaugsdóttir, skólastjóri Valhúsaskóla.