Skólastjóri Hraðbrautar segir eftirlit hafa skort

Ólafur H. Johnson, skólastjóri Menntaskólans Hraðbraut, tekur undir með Ríkisendurskoðun um að lánveitingar skólans til starfsemi sem tengdist ekki skólanum á nokkurn hátt „geti ekki talist æskileg." Í greinargerð Ríkisendurskoðunar eru lánveitingar Hraðbrautar harðlega gagnrýndar. Ólafur hefur sent frá sér yfirlýsingu þar sem hann fordæmir lánin einnig: „Þessi lánastarfsemi var birtingarmynd hugsunarháttar og hugmynda sem voru áberandi í samfélaginu og heyrir sögunni til."

Sveinn Rúnar kominn inn á Gasa

Sveinn Rúnar Hauksson læknir komst í morgun inn á Gasa svæðið en síðustu daga hefur hann ásamt stoðtækjasérfræðingum frá Össuri reynt að komast inn á svæðið með gerfifætur fyrir nauðstadda Palestínumenn. Þær áætlanir hafa engan árangur borið en Sveinn sendi í tölvuskeyti í dag fregnir af því að honum hefði verið hleypt inn á svæðið í morgun.

Heimspekileg hugvekja fyrir þingmenn

Siðmennt, félag siðrænna húmanista, býður alþingismönnum að eiga samverustund óháð trúarsetningum áður en þeir ganga til þingstarfa í dag.

Óeðlilegar lánveitingar Hraðbrautar

Í nýrri greinargerð Ríkisendurskoðunar kemur fram að á tímabilinu 2003-2009 hafi arðgreiðslur Menntaskólans Hraðbraut til eigenda hans numið samtals 82 milljónum króna. Ríkisendurskoðun telur að skólinn hafi í raun ekki haft fjárhagslegt bolmagn til að greiða þennan arð. Þá kemur fram að lán skólans til aðila tengdra eigendum hans hafi numið samtals 50 milljónum króna í árslok 2009. Að mati Ríkisendurskoðunar eru þessar lánveitingar óeðlilegar enda tengjast þær ekki rekstri skólans. Stofnunin telur óvíst að fjárhagslegar forsendur séu fyrir áframhaldandi rekstri hans.

Mótmælin á miðnætti: „Þetta er bara rugl" - myndband

Fjöldi fólks safnaðist fyrir utan Alþingishúsið á miðnætti í gær. Tjaldborg var sett upp á Austurvelli og mótmælaskiltum var komið fyrir. Það var greinilega mikill hiti í fólki og margir sem fundu fyrir mikilli reiði. Breki Logason fréttamaður hitti á nokkra og fór yfir stöðu mála líkt og hægt er að sjá í meðfylgjandi myndskeiði.

Um 25% barna fá sérkennsluúrræði

Um 25% grunnskólanemenda á Íslandi nutu sérkennslu eða stuðnings á síðasta skólaári. Þetta voru tæplega 10.700 nemendur, samkvæmt tölum

Alþingi sett í dag

Alþingi verður sett með guðsþjónustu í Dómkirkjunni klukkan hálftvö í dag. Forseti Íslands, biskupinn yfir Íslandi, forseti Alþingis, ráðherrar og flestir alþingismenn ganga fylktu liði til kirkjunnar úr Alþingishúsinu þegar klukkan er 25 mínútur gengin í tvö.

Lögreglumenn skora á Alþingismenn

Lögreglufélag Austurlands hvetur Alþingismenn til að nýta sér þekkingu annarra þjóða í þeirri erfiðu vinnu sem endurreisn efnahagskerfisins er, og minnast þess að það er hroki að halda að við vitum og kunnum alla hluti betur en aðrir.

Sódóma besta íslenska myndin

Sódóma Reykjavík, fyrsta kvikmynd leikstjórans Óskars Jónassonar frá árinu 1992, er besta íslenska kvikmyndin samkvæmt skoðanakönnun Fréttablaðsins sem gerð var í síðustu viku.

Mótmæltu við Alþingishúsið í nótt

Nokkrir mótmælendur sátu eða sváfu við Alþingishúsið í morgun og hópur fólks hafðist við í nokkrum tjöldum á Austurvelli, en fólkið er að mótmæla aðgerðarleysi stjórnvalda í við vanda almennings. Mun fleiri voru þar um miðnætti. Mótmælaspjöldum var raðað meðfram allri norður hlið Alþingishússins og kyndlar loguðu við styttu Jóns Sigurðssonar. Að sögn lögreglu hefur allt farið vel fram og ekki komið til afskipta lögreglu, en hún hafði ekki fasta vakt við húsið í nótt.

Ber ekki kala til nokkurs manns

„Mér þykir niðurstaðan dapurleg,“ segir Björgvin G. Sigurðsson, þingmaður Samfylkingarinnar og fyrrverandi viðskiptaráðherra, um niðurstöður atkvæðagreiðslu Alþingis um landsdómsmálið. Þingið samþykkti að ákæra Geir H. Haarde, fyrrverandi forsætisráðherra, en felldi tillögu um kærur á hendur Björgvini, Árna M. Mathiesen og Ingibjörgu Sólrúnu Gísladóttur.

Segja umferðarþunga rekast á náttúruvernd

Stjórn Vatnajökulsþjóðgarðs leggur til í verndaráætlun fyrir þjóðgarðinn að ýmsum slóðum og vegum verði lokað fyrir umferð.

ESB er sterkasti leikur íslenskrar tungu

„Það er alveg klárt að sterkasti leikurinn fyrir íslenska tungu væri aðild að Evrópusambandinu. Þetta myndi auðga og styrkja íslenska tungu meira en nokkur dagur íslenskrar tungu eða málnefnd." Þetta sagði Gauti Kristmannsson, dósent í þýðingafræðum, í fyrirlestri hjá Alþjóðamálastofnun fyrir skömmu. Ekkert komi nálægt því að geta styrkt íslenskuna jafn mikið og þetta.

Sex landsdómsmenn hyggjast taka sæti

Sex af þeim átta aðalmönnum sem Alþingi kaus árið 2005 til setu í landsdómi hafa staðfest við Fréttablaðið að þeir sjái ekkert því til fyrirstöðu að taka sæti í dóminum, verði hann kallaður saman. Einn dómenda má ekki taka sæti sökum aldurs.

Norðmenn takast á um ESB-aðild Íslands

Norsk samtök, sem berjast með og á móti inngöngu Noregs í Evrópusambandið, styðja systursamtök sín á Íslandi á ýmsan hátt og stendur meðal annars yfir fjársöfnun fyrir Heimssýn, íslensku nei-samtökin.

Þingmaður VG vill kosningar án tafar

„Ég vil kosningar. Þó margir efist um að þjóðin geti staðið í kosningum núna vil ég að þær fari fram strax í kjölfar niðurstöðu atkvæðagreiðslu Alþingis,“ segir Lilja Mósesdóttir, þingmaður VG. Að hennar mati er niðurstaða landsdómsmálsins á þriðjudag merki um að meirihluti þingsins sé ekki tilbúinn að gera bankahrunið upp.

Bjargaði og hýsti fálka

Vestmannaeyjar fengu heimsókn frá Evrópu fyrr í mánuðinum þegar turnfálki fannst þar illa til reika og máttfarinn. Ruth Barbara Zohlen náttúruunnandi fann fuglinn þar sem hún var á göngu og ákvað að taka hann inn á sitt heimili og hlúa að honum. Ruth ól fálkann á kjöti í þrjár vikur og sleppti honum síðan lausum.

Orkuöflun til Helguvíkur enn óleyst

Tafir á álversframkvæmdum í Helguvík má helst rekja til vandræða við orkuöflun. HS Orka bíður virkjunarleyfis á Reykjanesi og OR hefur enn ekki lokið fjármögnun í Hverahlíð. Forstjóri Norðuráls gagnrýnir seinagang umhverfisráðherra.

Meintum mannræningjum sleppt úr haldi

Konunum tveimur sem voru handteknar fyrir meinta frelsissviptingu í dag hefur verið sleppt úr haldi lögreglunnar.

Geir á forsíðu Wikipedia-alfræðiritsins

Ákvörðun Alþingis um að ákæra Geir H. Haarde, fyrrverandi forsætisráðherra, hefur vakið heimsathygli. Meðal annars má finna mynd af Geir og greinarstúf á alfræðisíðunni Wikipedia.org í dag.

Tvær konur handteknar fyrir mannrán í Kópavogi

Tvær konur á þrítugsaldrinum voru handteknar í dag grunaðar um að hafa svipt rúmlega tvítugri konu frelsi sínu. Þá eru þær einnig grunaðar um að hafa beitt hana líkamlegu ofbeldi.

Jarðhitinn sparaði 67 milljarða króna í fyrra

Nýting jarðvarma til húshitunar sparar íslenska þjóðarbúinu 50 til 80 milljarða króna á ári, sem annars færu til olíukaupa. Þetta kemur fram í nýrri skýrslu Orkustofnunar.

Konur lemja karla líka

Þó nokkur fjöldi karla á Íslandi býr við líkamlegt ofbeldi að hálfu eiginkvenna sinna. Heimilsofbeldi gegn körlum er hins vegar falið vandamál sem verður að rannsaka betur. Þetta segir dósent í félagsfræði.

Skiptar skoðanir um endurkomu Björgvins

Skiptar skoðanir eru innan þingflokks Samfylkingarinnar um endurkomu Björgvin G. Sigurðsson á þing. Þrír þingmenn flokksins greiddu atkvæði með ákæru á hendur þessum flokksbróður sínum.

Myndir sýna nýja öskurák við gíginn

Myndir af toppgíg Eyjafjallajökuls, sem virðast sýna að ný aska hafi komið úr gígnum og fallið á jökulinn, hafa vakið forvitni jarðvísindamanna. Þeir vilja þó ekki skýra fyrirbærið með því að eldvirkni sé enn í gangi.

AGS telur að það verði ekkert mál fyrir Ísland að borga 600 milljarða

Alþjóðagjaldeyrissjóðurinn lagði á það ríka áherslu að frystingu nauðungaruppboða yrði aflétt í lok októbermánaðar. Þetta staðfestir yfirmaður sendinefndar sjóðsins. Þá hefur hann engar áhyggjur af því að íslenska ríkið muni eiga í erfiðleikum með að greiða niður 600 milljarða króna lán á næstu árum.

Lyfjaverð frumlyfja á Íslandi undir meðaltali Norðurlandanna

Samkvæmt nýjustu verðkönnun Lyfjagreiðslunefndar sem birt var í dag 30. september, kemur fram að meðalverð 40 veltuhæstu lyfjanna (miðað við sömu lyf og voru veltuhæst í síðustu lyfjakönnun) er lægra á Íslandi en meðaltal á Finnlandi, Noregi, Svíþjóð og Danmörku.

Dæmdur fyrir kynferðisbrot gegn ungum skátum

Ungur karlmaður var dæmdur í síðustu viku fyrir kynferðisbrot gegn tveimur drengjum í skátunum. Sjálfur var maðurinn, sem var sautján ára þegar hann framdi brotin, leiðeinandi á námskeiði í skátunum.

Eik banki fallinn

Danski tryggingasjóðurinn Finansiel Stabilitet hefur tekið yfir starfssemi færeyska bankans Eik. Dönsk yfirvöld neituðu bankanum um lengri frest til þess að afla hlutafjár og því ljóst að bankinn er fallinn.

Pólverji framseldur þrátt fyrir að eiga konu og barn hér á landi

Hæstiréttur staðfesti framsal pólsks manns til Póllands en hann er eftirlýstur þar fyrir fjársvik.

Nýr formaður SUF leggur áherslu á atvinnumál

Það þarf hugarfarsbreytingu í þá átt að fengist verði við atvinnuvanda ungs fólks með sértækum lausnum, segir Sigurjón Norberg Kjærnested, sem var kjörinn formaður Sambands ungra framsóknarmanna, um helgina. Sigurjón segir að til að fást við vandann þurfi að setja meira fjármagn í nýsköpun.

Ætla að selja 50 þúsund slaufur til 15. október

Krabbameinsfélag Íslands ætlar að selja 50 þúsund bleikar slaufur fram til 15. október næstkomandi.

Umfangsmikil kannabisræktun stöðvuð í Kópavogi

Lögreglan á höfuðborgarsvæðinu stöðvaði kannabisræktun í húsi í Kópavogi fyrr í vikunni. Við húsleit á áðurnefndum stað fundust tæplega 250 kannabisplöntur á ýmsum stigum ræktunar.

Jóhanna bauð Obama til Íslands

Jóhanna Sigurðardóttir forsætisráðherra hefur með formlegum hætti boðið forseta Bandaríkjanna, Barack Obama að sækja Ísland heim til að efla enn frekar góð samskipti landanna.

Stjörnulögmaður og ritstjóri rífast á Facebook

Reynir Traustason, ritstjóri DV, sagði Svein Andra Sveinsson hæstaréttarlögmann vera endaþarm íslenskrar lögmennsku á facebook síðu hans í dag. Snörp orðaskipti urðu á milli þeirra tveggja eftir að Sveinn Andri Sveinsson gagnrýndi leiðara sem birtist í DV í gær eftir Ingibjörgu Dögg Kjartansdóttur.

Ætla að sniðganga guðsþjónustu við þingsetningu

Þingmenn Hreyfingarinnar ætla ekki að vera viðstödd guðsþjónustu þegar að Alþingi verður sett á morgun. Birgitta Jónsdóttir, þingmaður Hreyfingarinnar, segist í samtali við Vísi, gera ráð fyrir að hún, Þór Saari og Margrét Tryggvadóttir muni verða fyrir utan Alþingishúsið á meðan að guðsþjónustan fer fram. Hún vonast til að fleiri þingmenn sláist í hóp þeirra.

Stjórnsýsluskóli stjórnarráðsins settur

Jóhanna Sigurðardóttir forsætisráðherra setti Stjórnsýsluskóla stjórnarráðsins í morgun í ráðherrabústaðnum við Tjarnargötu. Á fyrsta námskeiðið voru mættir um 50 nýliðar úr 10 ráðuneytum. Þegar forsætisráðherra hafði ávarpað nýja starfsmenn í stjórnarráðinu var haldið upp á Bifröst þar sem við tók fræðsla um ýmsa þætti í starfi ráðuneytanna.

Saksóknari í máli Geirs ekki fundinn

Ásta Ragnheiður Jóhannesdóttir, forseti Alþingis, hefur enn ekki fengið fréttir af því hvern Atlanefndin svokallaða hyggst tilnefna sem saksóknara í máli Alþingis gegn Geir H. Haarde fyrrverandi forsætisráðherra.

Segja aðstæður kvenna í fangelsum mun verri en karla

Aðstæður kvenfanga hér á landi eru mun lakari en karlfanga, að því er Kvenréttindafélag Íslands og Vernd - fangahjálp telja. Í sameiginlegri ályktun frá þeim segja þau að fyrir það fyrsta sé einungis eitt fangelsi í boði fyrir kvenfanga, Kvennafangelsið í Kópavogi, þar sem þrengsli séu mikil.

Samstarfi Íslands við AGS lýkur í ágúst

Stefnt er að því að samstarfi Íslands við Alþjóðagjaldeyrissjóðinn ljúki á réttum tíma í ágúst á næsta ári þrátt fyrir tafir á endurskoðun efnahagsáætlana.

Hefur ekki tekið ákvörðun um áfrýjun

Ellert Sævarsson hefur enn ekki ákveðið hvort að hann muni áfrýja sextán ára fangelsisdómi sem hann hlaut á dögunum. Ellert var fundinn sekur um að hafa orðið manni að bana í Reykjanesbæ í vor. Samkvæmt lögum um meðferð sakamála hefur hann um það bil fjórar vikur til að áfrýja dómnum.

Fjárlagafrumvarpi dreift eftir þingsetningu á morgun

Alþingi verður sett með guðsþjónustu í Dómkirkjunni klukkan hálftvö á morgun. Forseti Íslands, biskupinn yfir Íslandi, forseti Alþingis, ráðherrar og alþingismenn ganga fylktu liði til kirkjunnar úr Alþingishúsinu þegar klukkan er 25 mínútur gengin í tvö.

Úthafsrækjustofninn enn lítill

Úthafsrækjustofninn mælist enn lítill og er veiðistofnsvísitalan svipuð og hún hefur verið síðustu fjögur ár, að sögn Hafrannsóknarstofnunnar sem nýlega lauk árlegri stofnmælingu sinni á rækjunni.

Krefjast allir frávísunar í máli sérstaks saksóknara

Lögmenn allra sakborninganna þriggja í Exeter málinu svokallaða kröfðust frávísunar á málinu við fyrirtöku þess í Héraðsdómi Reykjavíkur í morgun.

Vél Iceland Express lenti í Portúgal með veikan farþega

Flugvél Iceland Express, sem var á leið til Tenerife varð að lenda í Lissabon í Portúgal skömmu eftir miðnætti í nótt með veikan farþega. Hann veiktist á leiðinni og ákvað flugstjórinn að taka enga áhættu og koma manninum sem fyrst undir læknis hendur. Vegna tafa af þessu verður einvher röskun á flugi félagsins fram eftir degi.