Lítilsháttar auking á skjálftavirkninni í Ölfusi

Skjálftavirknin í Ölfusi hefur aukist lítillega síðustu klukkutímanna. Tveir skjálftar upp á 3 á richter hafa fundist. Annnar þeirra rétt fyrir klukkan 22 í gærkvöldi undir Ingólfsfjalli. Hinn varð rúmlega hálf tvö í nótt við enda Kross-sprungunnar.

Mótmæltu álverinu í Helguvík

Fyrsta skóflustungan að nýju álveri í Helguvík var tekin í dag. Þá voru samningar á milli Norðuráls og Íslenskra aðalverktaka um byggingarframkvæmdir undirritaðir. Nokkur mótmælu voru við athöfnina og þurfti lögregla að hafa afskipti af mótmælendum.

Fyrsta skóflustungan í Helguvík

í dag var tekin fyrsta skóflustungan að nýju álveri í Helguvík og undirritaðir samningar milli Norðuráls og Íslenskra aðalverktaka um að hefja byggingarframkvæmdir á þessu ári. Ekki liggja fyrir leyfi um raflínur vegna álversins og eigendur þess hafa ekki tryggt fullri starfsemi þess raforku.

Starfsmenn Sólfells segja eigendur ætla að keyra fyrirtækið í þrot

Starfsmenn verktakafyrirtækisins Sólfells í Borgarnesi saka móðurfyrirtæki þess um að ætla að sölsa undir sig eignir fyrirtæksins og keyra það í þrot. Öllum 35 starfsmönnum Sólfells var sagt upp störfum í síðustu viku og er mikil reiði meðal starfsmanna.

Óvirk umferðarljós á gatnamótum Kringlumýrar- og Miklubrautar

Töluvert umferðaröngþveiti myndaðist fyrir stundu á gatnamótum Kringlumýrarbrautar og Miklubrautar. Ljósin virtust óvirk og blikkað á gulu stanslaust. Bílar vissu ekki hvort þeir voru að koma eða fara að sögn sjónvarvottar.

Lofar fögrum Skólavörðustíg fyrir sumarlok

Jakob Frímann Magnússon, framkvæmdastjóri miðborgar Reykjavíkur, lofar borgarbúum að framkvæmdum við Skólavörðustíginn verði lokið fyrir sumarlok. Kaffihús við Skólavörðustíginn hafa neyðst til að loka vegna framkvæmdanna sem staðið hafa yfir í margar vikur.

Ingibjörg um Baugsmálið: Umfang rannsóknar ekki í samræmi við tilefnið

Ingibjörg Sólrún Gísladóttir formaður Samfylkingarinnar sendi frá sér yfirlýsingu í dag vegna málalykta Baugsmálsins í Hæstarétti í gær. Í henni segir hún að umfang rannsóknar málsins og ákæranna sem gefnar voru út upphaflega hafi ekki verið í samræmi við tilefnið.

Kókaínsmokkarnir koma ekki

Hollendingurinn sem situr í gæsluvarðhaldi lögreglunnar á Suðurnesjum hefur enn ekki skilað af sér öllum þeim pakkningum sem hann gleypti til þess að smygli kókaíni hingað til lands.

Sturla Jónsson: „Lífið er of stutt til þess að vera að standa í deilum“

Sturla Jónsson, vörubílstjóri, segir það ekki mikið vandamál þó að stjórnmálahreyfingin sem hann stofnaði í gær fái ekki að heita Lýðræðisflokkurinn en Ástþór Magnússon á nafnið.

Hætta á grjóthruni er talin hafa aukist eftir jarðskjálftanna

Almannavarnanefndir á jarðskjálftasvæðinu á Suðurlandi hafa látið meta hættu á grjóthruni í kjölfar jarðskjálftanna. Niðurstöður rannsókna eru þær að hætta á grjóthruni er talin hafa aukist á svæðinu kringum Hamarinn við Hveragerði, Reykjafjall og Ingólfsfjall.

Þorsteinn þvertekur fyrir brask og óreiðu

Þorsteinn Stephensen, eigandi Hr. Örlygs, umsjónarfyrirtækis Iceland Airwaves tónlistarhátíðarinnar, mun boða til blaðamannafundar í næstu viku samkvæmt spjalli sem blaðamaður Vísis átti við Þorstein.

Stal verkfærum af vinnuveitanda

Fyrrverandi starfsmaður Íslenskra aðalverktaka(ÍAV) var í Héraðsdómi Austurlands í dag dæmdur í þriggja mánaða skilorðsbundið fangelsi fyrir þjófnað.

Viðgerð lokið á ljósleiðara

Ástþór á Lýðræðisflokkinn – Leyfir Sturlu ekki að nota nafnið

„Ég og hópur fólks höfum verið að nota þetta nafn. Hann getur fundið sér eitthvað annað,“ segir Ástþór Magnússon þegar blaðamaður Vísis tjáði honum að Sturla Jónsson hefði í gær stofnað stjórnmálaflokk undir nafninu Lýðræðisflokkurinn.

Listanemi fær bætur

Héraðsdómur Reykjavíkur hefur dæmt fyrrverandi nema í Listaháskóla Íslands bætur vegan tjóns sem hún varð fyrir við meðhöndlun eiturefna innan skólans.

Sendinefndin farin til Íraks að hitta flóttafólk

Íslensk sendinefnd lagði í dag af stað til Íraks til að taka viðtöl við flóttafólk sem boðið verður hæli hér á landi nú í haust. Sendinefndin verður í Írak í viku og sagðist Sólveig Ólafsdóttir hjá Rauða kross Íslands í ljósi þess að reynslan sýni að það hafi reynst börnum úr hópi flóttafólks erfitt að byrja nám sitt eftir að skólaárið er hafið ,,vonast til þess að hópurinn komi til landsins í ágúst."

Stjórnmálamaðurinn Sturla heldur ræðu (myndband)

Vörubílstjórinn Sturla Jónsson ætlar að skella sér í pólitík. Hann sagði á Vísi í dag að hann væri búinn að stofna stjórnmálaflokk, Íslenska lýðræðisflokkinn, sem myndi bjóða fram í næstu alþingiskosningum.

Háskólakennarinn játar: Vill biðja konu og börn afsökunar

Háskólakennarinn sem situr í gæsluvarðhaldi grunaður um gróf kynferðisbrot gegn alls níu börnum hefur játað hluta brotanna. Hann segist iðrast gjörða sinna og vonast til að geta beðið konu sína og dætur afsökunar.

Æfðu umgengni og móttöku á þyrlum

Í gærkvöld hélt áhöfn TF-GNA, þyrlu Landhelgisgæslunnar, æfingu fyrir viðbragðsaðila í Rangárvallasýslu varðandi umgengni og móttöku á þyrlum. Námskeiðið var haldið í húsi björgunarsveitarinnar Dagrenningar á Hvolsvelli.

Telur að ráðið verði tímabundið í embætti borgarritara

Þorleifur Gunnlaugsson borgarfulltrúi Vinstri grænna telur að ,,ráðið verði tímabundið í embætti borgarritara fram að áramótum og á meðan verði staðan auglýst." Nái tillagan fram að ganga er það í annað sinn á þremur árum sem embættið er stofnað. Stutt er síðan að Jakob Frímann Magnússon var ráðinn tímabundið sem framkvæmdastjóri miðborgarmála og olli ráðning hans umtalsverðu fjaðrafoki.

Sturla stofnar Lýðræðisflokkinn

Sturla Jónsson, vörubílstjóri, hefur ákveðið að stofna nýtt stjórnmálaafl, Lýðræðisflokkinn.

Frosið brauð sagt bakað á staðnum

Stórmarkaðurinn Krónan auglýsir brauð sem sé "bakað á staðnum". Deigið er hins vegar flutt til landsins frosið og forbakað og aðeins hitað upp í stórmörkuðunum. Framkvæmdastjóri Bakarameistarans segir bakstur lögverndaða iðn.

Ríkisstjórnin leggur fram frumvarp um réttindi líffæragjafa

Ríkisstjórnin samþykkti í morgun að leggja fram frumvarp á haustþingi um réttindi líffæragjafa.

Bilun í ljósleiðara á Vesturlandi

Um klukkan 10.30 í morgun slitnaði ljósleiðarastrengur Mílu milli Grundarfjarðar og Stykkishólms.

Kennaraháskólinn stendur á tímamótum

Haldið verður upp á hundrað ára afmæli setningu fyrstu fræðilaga og stofnun Kennaraskóla Íslands, fyrirrennara Kennaraháskólans, í Borgarleikhúsinu á morgun.

Samþykktu nýgerðan kjarasamning við ríkið

Félagsmenn í Starfsmannafélagi Suðurnesja samþykktu samhljóða nýgerðan kjarasamning við ríkið. Þetta kemur fram á heimasíðu BSRB. Þar segir einnig að Félag starfsmanna stjórnarráðsins hafi einnig samþykkt samninginn.

Ekki illdeilur heldur smásmugulegt skítkast

Bæjarfulltrúar E-listans í Vogum saka Ingu Sigrúnu Atladóttir, bæjarfulltrúa H-listans, um ósannsögli. Í viðtali á visi.is í gær sakaði Inga Sigrúnu forseta bæjarstjórnar Voga um að hygla mágkonu sinni í E-listanum. Mágkonan segir ástandið í bæjarstjórn Voga ekki illdeilur heldur smásmugulegt skítkast.

Árás Jóns Trausta á Pólverja ekki kærð

Fáfnismaðurinn Jón Trausti Lúthersson var ekki ákærður fyrir að ráðast á pólverja á veitingastað í Reykjanesbæ sama kvöld og hann er dæmdur fyrir tvær alvarlegar líkamsárásir. Lögfræðingur Lögreglunnar á Suðurnesjum segir að kæra hafi ekki borist frá pólverjanum.

Erfitt að spá um hækkun flugfargjalda

Erfitt er að henda reiður á því hve mikið flugfargjöld hækka nái tillögur Evrópusambandsins, um sérstakan skatt á flugfélög vegna losunar gróðurhúsalofttegunda, fram að ganga. Þetta segir Matthías Imsland, framkvæmdastjóri Iceland Express.

Ítreka beiðni til dómsmálaráðherra um hópmálsóknir

Neytendasamtökin ítreka fyrri beiðni sína frá 12. apríl 2006 í bréfi til Björns Bjarnasonar dómsmálaráðherra að hann beiti sér fyrir því að samið verði frumvarp um hópmálsókn. Þetta kemur fram í bréfi sem Neytendasamtökin hafa sent ráðherra og er birt á heimasíðu samtakanna.

Aldurstakmark á tjaldstæðinu Akureyri

Fólk undir tvítugu má ekki tjalda á tjaldsvæðum á Akureyri í kringum sautjánda júní. Þetta kemur fram í tilkynningu sem að Hamrar, útilífs- og umhverfismiðstöð skáta, sem rekur tjaldsvæði Akureyrarbæjar að Hömrum og Þórunnarstræti sendi frá sér.

Benedikt starfandi stjórnarformaður

Ákveðið hefur verið að Benedikt Jóhannesson, formaður stjórnar sjúkratryggingastofnunar sem tekur til starfa í haust, verði starfandi stjórnarformaður stofnunarinnar uns forstjóri hefur verið skipaður.

Eldur í gámi við 365

Eldur kom upp í ruslagámi við austurenda húsnæðis 365 í Skaftahlíð um klukkan 4:30 í morgun. Það var öryggisvörður frá Securitas sem varð eldsins var.

„Átti ekki von á því að þetta færi svona“

Tryggvi Jónsson fyrrverandi aðstoðarforstjóri Baugs segist fyrst og fremst vera ofboðslega feginn því að Baugsmálinu sé lokið. Hann hlaut þyngsta dóminn í Hæstarétti í dag, 12 mánuða skilorðsbundið fangelsi. „Maður átti samt ekki von á því að þetta færi svona,“ segir Tryggvi sem hefur verið sakborningur í Baugsmálinu í 6 ár.

Ungir Jafnaðarmenn í Hafnarfirði álykta um brettagarð

Ungir Jafnaðarmenn í Hafnarfirði hafa sent frá sér ályktun þar sem þeir harma að brettagarður við Víðistaðartún skuli vera kominn í strand hjá bæjarstjórn Hafnarfjarðar. Vísir fjallaði um málið fyrr í dag.

Hvað á hverinn að heita?

Leitað er eftir tillögum um nafn á nýja leirhverinn ofan Hveragerðis og heitir Garðyrkjuskólinn í Ölfusi blómvendi í verðlaun þeim sem kemur með besta nafnið.

Flugfargjöld gætu hækkað vegna mengunarkvóta

Væntanlegar reglur Evrópusambandsins um mengunarkvóta á flugvélar yrðu mun meira efnahagslegt högg fyrir Íslendinga en aðrar Evrópuþjóðir segir samgönguráðherra. Reglurnar gætu leitt til hækkunar á flugfargjöldum og almennu vöruverði.

Jón Gerald: Þarf að endurskoða réttarkerfið út frá þessum dómi

Jón Gerald Sullenberger var ómyrkur í máli gagnvart íslensku réttarkerfi þegar Vísir hafði samband við hann eftir að dómur í Baugsmálinu var kveðinn upp í Hæstarétti í dag. Þriggja mánaða skilorðsbundin dómur yfir Jóni var staðfestur.

Jóhannes segir Jón Ásgeir hafa tekið dómnum illa

Jóhannes Jónsson kvaðst vonast til þess að Björn Bjarnason dómsmálaráðherra muni einn daginn gefa út af hverju honum væri ,,svona illa við okkur og hvað við höfum gert honum." Hann segist hafa skorað áður á Björn og Harald Johannessen ríkislögreglustjóra að segja af sér og hann væri enn þeirra skoðunar. Sonur hans tók dómnum illa.

Jón Gerald á leið til Strassbourgar

Brynjar Níelsson lögmaður Jóns Geralds Sullenberger var rétt búinn að kíkja á niðurstöðu Hæstaréttar þegar Vísir náði af honum tali fyrir stundu. Hann segir að næst á dagskrá sé að fara með málið til Strassbourgar.

Nauðgunardómur þyngdur - lögregla gagnrýnd fyrir seinagang

Dómur yfir karlmanni sem nauðgaði áfengisdauðri stúlku á heimili fyrrverandi tengdamóður sinnar var þyngdur úr fimmtán mánuðum í átján í Hæstarétti í dag. Maðurinn þarf að greiða konunni 800 þúsund krónur í miskabætur. Lögreglan gagnrýnd fyrir seinagang.

Hæstiréttur sýknar í netbankamáli

Karlamaður sem dæmdur var í skilorðsbundið fangelsi í Héraðsdómi Norðurlands eystra fyrir að misnota aðgang sinn að gjaldeyrisviðskiptakerfi í Netbanka Glitnis var sýknaður af Hæstarétti í dag.

Vonandi líf eftir Baugsmálið

Sigurður Tómas Magnússon, settur saksóknari í Baugsmálinu, vildi lítið tjá sig um lyktir Baugsmálsins þegar hann var spurður út í það á göngum Hæstaréttar. Hann sagðist vilja fá tíma til að fara yfir dóminn áður en hann tjáði sig um hann efnislega. Aðspurður hvort líf væri eftir Baugsmálið svaraði hann á þá leið að það hafi sannarlega verið líf á meðan á því stóð, og að vonandi væri líf að því loknu.

Gestur: Ánægður að málinu er lokið

Gestur Jónsson lögmaður Jóns Ásgeirs Jóhannessonar sagðist í samtali við Vísi vera ánægður með að nú sé loksins búið að leiða Baugsmálið til lykta. ,,Auðvitað hefði maður kosið að Jón hefði verið sýknaður en miðað við það hvernig var lagt af stað í þessu máli þá er ekki annað hægt en að sætta sig við þessi málalok."

Fjallið tók jóðsótt og það fæddist mús

Jakob Möller, verjandi Tryggva Jónssonar í Baugsmálinu, segist ósáttur við niðurstöðuna í málinu er varðar hans umbjóðanda, en Hæstiréttur staðfestir 12 mánaða skilorðsbundið fangelsi yfir honum. Það segir Jakob of þungan dóm miðað við eðli málsins. Að öðru leyti hafi lítið orðið úr málinu. „Fjallið tók jóðsótt og það fæddist mús,“ sagði Jakob við fréttamenn eftir að dómur féll og vísaði til þess hve lítið hafi komið út úr einu stærsta dómsmáli Íslandssögunnar.