Ástarvikan sett í þriðja sinn

Ástareldurinn mun loga í hjónaherbergjum Bolvíkinga næstu dagana en ástarvikan var sett í þriðja sinn í dag. Eins og áður er markmið bæjarhátíðarinnar meðal annars að hvetja bæjarbúa til frekari barneigna til að fjölga íbúum Bolungavíkur.

Lagði árar í bát

Sjósundkappinn og listamaðurinn Benedikt Lafleur lagði árar í bát í sjósundi sínu í gærkvöldi þegar myrkur og skyggni var farið að hamla för. Að sögn Benedikts sögðust björgunarsveitarmenn ekki lengur geta tryggt öryggi hans í myrkrinu.

Vegleg gjöf

Forsætisráðherra afhenti Hóladómkirkju á Hólahátíð í dag rita- og bókasafn sr. Ragnars Fjalars Lárussonar prófasts til varðveislu og sýningar. Þetta er gjöf íslenska ríkisins í tilefni af 900 ára afmæli biskupsstóls og skóla að Hólum í Hjaltadal. Í safninu eru 486 guðfræðirit auk ýmissa annarra merkra rita og bóka, margar hverjar prentaðar í Hólaprentsmiðju við upphaf prentlistar á Íslandi.

Halda áfram að sprengja

Ísraelsstjórn segist geta haldið áfram að varpa sprengjum á hisbolla skæruliða í suðurhluta Líbanons, þrátt fyrir vopnahléð sem Öryggisráð Sameinuðu þjóðanna hefur samþykkt og stjórnin sjálf féllst á í hádeginu í dag.

Stríðinu ekki lokið

Bretar munu líklega búa við langvarandi og alvarlega hryðjuverkaógn að sögn innanríkisráðherranum. Hann segir að þó orrustan hafi líklega unnist þá sé stríðið ekki á enda.

Fundnir hraktir í morgun

Tveir menn sem björgunarsveitir leituðu í gærkvöldi og í nótt fundust kaldir og hraktir, en heilir á húfi, um klukkan half fimm í morgun. Nokkkur viðbúnaður var við leitina en sex björgunarsveitir tóku þátt auk þess sem leitarhundar voru á leið á svæðið sem og þyrla Landhelgisgæslunnar þegar mennirnir fundust.

Fluttur á slysadeild með lausar framtennur

Flytja þurfti mann á slysadeild eftir að nokkrar framtennur hans losnuðu í slagsmálum á skemmtistað í miðborginni í nótt. Nokkur ölvun var í miðbænum og þurfti lögreglan að hafa afskipti nokkrum.

Grunaður um að vera undir áhrifum lyfja

Tveir fólksbílar lentu saman á Bústaðarveginum í gærkvöldi. Ökumaður annars fólksbílsins er grunaður um að hafa verið undir áhrifum lyfja. Bílstjórarnir voru einir í bílunum og þurfti annar þeirra að leita á slysadeild vegna eymsla.

Eltu ökumann og farþega á hlaupum

Lögrelgan í Reykjavík reyndist sneggri í gær en ökumenn og farþegar bíls sem reyndu að stinga hana af. Eltingaleikurinn hófst í miðbænum nótt þar sem lögreglan mældi bíl fólksins á nítíu og níu kílómetra hraða, þar er hámarkshraði 60 kílómetrar.

Hætti sjósundinu í myrkri og lélegu skyggni

Sjósundkappinn og listamaðurinn Benedikt Lafleur lagði árar í bát í sjósundi sínu í gærkvöldi þegar myrkur og skyggni var farið að hamla för. Að sögn Benedikts sögðust björgunarsveitarmenn ekki lengur geta tryggt öryggi hans í myrkrinu. Hann segist þó sáttur við sundið og mjög dýrmæta reynslu að nú hafi hann náð tökum á að nærast á sundi án óþæginda.

Slökkvilið kallað að Alþingishúsinu

Sjúkrabílar, slökkvilið og lögregla voru kölluð að Alþingishúsinu á níunda tímanum í morgun. Ástæðan var tilkynningu um reyk sem barst frá Alþingi og kom í ljós að rafmagnsspennar höfðu brunnið yfir.

Herþoturnar farnar fyrir fullt og allt

Ísland varð frá og með gærdeginum án sýnilegra loftvarna, í fyrsta sinn í rúma hálfa öld. Síðustu þrjár herþotur varnarliðsins flugu af landi brott í gær.

Mikil stemming í Gleðigöngunni

Yfir þrjátíu þúsund manns flykktust niður í miðbæ Reykjavíkur í dag til að fylgjast með Gleðigöngu samkynhneigðra. Litadýrðin, tónlistin og dansarnir mynduðu sannkallaða karnivalstemningu.

Sjósundgarpur býr sig undir Ermarsundið

Sjósundkappinn og listamaðurinn Benedikt Lafleur lauk fyrsta hluta af þreksundi sínu í kringum Reykjavík í dag. Hann synti frá Bryggjuhverfinu í morgun og kom í land í Örfirisey um hádegisbil.

Fanginn fundinn

Lögreglan í Reykjavík fann fyrr í dag strokufangann af Litla Hrauni sem leitað hefur verið. Hann strauk með því að smeygja sér útum glugga á meðan hann var í læknisheimsókn í Reykjavík. Samkvæmt upplýsingum frá lögreglu hafði hann aflitað hár sitt og klippt það stutt. Maðurinn fannst í heimahúsi í Hlíðahverfi og veitti ekki mótþróa þegar lögrögla kom á staðinn.

Kveikt í tveimur strætóskýlum

Kveikt var í tveimur strætóskýlum í nótt og eru þau mikið skemmd. Slökkviliðsmenn fá reglulega útköll þar sem kveikt hefur verið í strætóskýlum.

Strokufanga leitað

Lögregla leitar enn fanga sem strauk úr læknisheimsókn á þriðjudag. Fanginn, sem var vistaður á Litla Hrauni, heitir Hilmar Ragnarsson og er 43 ára. Hann komst undan lögreglu með því að smeygja sér út um glugga á salerni. Hilmar er dökkhærður og grannvaxinn og var klæddur í dökka úlpu, dökkar buxur og ljósa skó. Þeir sem verða varir við hann eru beðnir að hringja í lögregluna í Reykjavík.

Verðbólga mælist 8,1%

Vísitala neysluverðs nú í ágúst er 264 stig og hækkaði um 0,34 prósent frá því í júlí.

Með bitsár á hálsinum

Tvítug stúlka varð fyrir óhugnanlegri líkamsárás á illa upplýstum göngustíg í Breiðholtinu. Árásar­maðurinn réðst aftan að stúlkunni, reyndi að nauðga henni og beit hana í hálsinn.

Barist um sætin á þingi Framsóknar

Fleiri en eitt framboð hefur borist til allra þriggja æðstu embætta Framsóknarflokksins, sem kosið verður í á flokksþinginu 19. ágúst. Barátta var um sæti á þinginu að sögn formanns framsóknarfélagsins í syðra Reykjavíkurkjördæmi.

Það á enginn neitt í pólitík

Jónína Bjartmarz umhverfisráðherra segist leggja áherslu á mikla varfærni í umgengni við náttúruna og vill ná víðtækri sátt um hvaða landsvæði verði friðlýst og hvaða auðlindir eigi að nýta. Hún útilokar ekki að tekið verði upp annað skattþrep til að sporna við vaxandi misskiptingu tekna í samfélaginu. Jónína býður sig fram til embættis varaformanns Framsóknar­flokksins á flokksþinginu um aðra helgi.

Ofurlaun

Það er staðreynd, sem stundum er vanmetin, að sumir hafa meiri áhuga á peningum en aðrir. Margt fólk leitar annars í lífinu en að eiga ofsalega mikið fé, þótt flestir vilji jú eiga nóg að bíta og brenna. Sumir telja veraldlegan auð mikinn hégóma. Aðrir eru kapítalistar. Kapítalisti er samkvæmt minni skilgreiningu manneskja sem á nóga peninga, en vill samt alltaf meira. Þannig eru sumir kapítalistar, en aðrir ekki. Nákvæmlega eins og sumir eru alkóhólistar, en aðrir ekki. Alkóhólisti drekkur alltaf meira en hann þarf.

Hýrir skrýðast

Opnunarhátíð Hinsegin daga fór fram í gærkvöldi. Hátíðin er haldin hér á landi í áttunda sinn. Hátíðin, sem nefnist Gay Pride á ensku, er ein af stærstu útihátíðum borgarinnar á hverju ári.

Eimskip hafði fengið viðvörun

Meðal efnis í kæru Samskipa til samkeppnisyfirvalda í ágúst 2002 var að Eimskip stundaði undirboð og að verðskrár fyrir­tækisins væru óskýrar. Nú hillir undir lok rannsóknar yfirvalda og greindi Fréttablaðið frá því í gær að fyrstu niðurstöður gerðu ráð fyrir að Eimskip greiddi einn milljarð króna í sekt. Félagið hefur niðurstöðurnar til skoðunar og á eftir að koma að athugasemdum.

Útilokar ekki hátekjuskatt

Jónína Bjartmarz umhverfisráðherra útilokar ekki að taka verði upp hátekjuskatt að nýju til að sporna gegn vaxandi misskiptingu tekna í samfélaginu, auk þess sem endurskoða verði skattlagningu á fyrirtæki og fjármagnstekjur.

Engan vökva í handfarangri

Á Keflavíkurflugvelli er enn strangt eftirlit með farþegum á leið til Bandaríkjanna. Leitað er í handfarangri allra farþega, en blátt bann við handfarangri er ekki í gildi. Stranglega bannað er að ferðast með vökva í handfarangri á leið til Bandaríkjanna, en enn er heimilt að ferðast með rafeindabúnað til dægrastyttingar.

Seinustu F-15 þoturnar farnar

Síðustu þrjár F-15 þotur varnarliðsins í Keflavík fóru af landi brott í gærmorgun.

745 öryrkjar fá engan lífeyri

Öryrkjabandalag Íslands fer fram á að fallið verði frá þeirri ákvörðun lífeyrissjóða að skerða eða fella niður lífeyrisgreiðslur til öryrkja 1. nóvember.

Til skoðunar að heimila hvalveiðar

Sjávarútvegsráðuneytið kannar möguleika á því að hefja hvalveiðar í atvinnuskyni. Íslendingar eru ekki lengur skuldbundnir til þess að banna hvalveiðar. Málið verður líklega rætt innan ríkisstjórnarinnar á næstunni.

Fleiri eru grunaðir um aðild

Par um tvítugt var handtekið í Flugstöð Leifs Eiríkssonar, rétt fyrir miðnætti á miðvikudagskvöldið, með um tvö kíló af kókaíni í fórum sínum.

Selja helmingi minna af kjöti

Útflutningur Norðlenska á dilkakjöti til Bandaríkjanna verður helmingi minni í ár en í fyrra vegna aukinnar neyslu innanlands og lágs gengis Bandaríkjadals. Norðlenska er eini aðilinn sem flytur út lambakjöt til Bandaríkjanna og því er fyrirséð að ekki verði hægt að fullnægja eftirspurn þar, en mikið hefur verið lagt í uppbyggingu markaðar­ins undanfarin ár.

Ófremdarástand í dagvistun barna

Dagforeldrum fer fækkandi og segja dagmæður að ófremdarástand ríki í dagvistarmálum í Vesturbæ Reykjavíkur. Foreldrar þurfa að leita í önnur hverfi.

Heiðarlega löggan sem vill breyta rétt

Óskar Bjartmarz, yfirlögregluþjónn á Egilsstöðum, komst í hann krappann í vikunni þegar það kom í hans hlut að verja aðgerðir lögreglunnar, sem þótti ganga full vasklega fram í aðgerðum sínum gegn mótmælendum við Kárahnjúka. Mótmælendur vönduðu Óskari og hans mönnum ekki kveðjurnar í fjölmiðlum og sökuðu lögregluna um að hafa beitt friðsamlega mótmælendur ofbeldi og einn úr hópi Íslandsvina fullyrti að Óskar hefði ekið á sig við fjölskyldubúðir nálægt Kárahnjúkavirkjun.

Farið yfir stöðu mála

Þingflokkur Sjálfstæðis­flokksins fundaði á Húsavík á fimmtudag þar sem farið var yfir stöðu mála, að sögn Arnbjargar Sveinsdóttur, þingflokksformanns Sjálfstæðisflokksins.

Stálheppinn að enda ekki í gili

Litlu mátti muna að alvarlegt slys yrði þegar erlendur ferðamaður sofnaði undir stýri og velti bíl sínum skammt frá Húsafelli síðdegis í gær.

Vantar fleiri Sæluvikur

Fréttavefurinn Skagafjörður.com stóð fyrir könnun þar sem Skagfirðingar voru spurðir að því hvað hefði verið best við nýafstaðinn júlímánuð. Af niðurstöðunum má hæglega álykta sem svo að lífið hafi verið heldur lítilfjörlegt í Skagafirðinum þann mánuðinn því tæpum 39 prósentum svarenda þótti best að hann væri liðinn. Zinedine Zidane kryddaði þó aðeins tilveruna því tæpum 29 prósentum þótti það mesta gleðiefni mánaðarins þegar hann skallaði Marco Materazzi.

Norskir dagar í tíunda sinn

Fimm teknir með fíkniefni

Fimm menn voru handteknir í Kópavogi á þriðjudagskvöld og aðfaranótt miðvikudags vegna þriggja fíkniefnamála. Öll málin komu upp við reglu­bundið umferðareftirlit.

Velti, fótbrotnaði og olli slysi

Hlaut meiðsl á höfði í bílveltu

Erlend kona á fertugsaldri slasaðist á höfði þegar hún velti bíl sínum á Landvegi norðan við Búrfell um tvöleytið í gær. Konan, sem var á ferð ásamt eiginmanni sínum, ók bílaleigubíl og missti stjórn á honum með fyrrgreindum afleiðingum. Eiginmaðurinn slasaðist minna

Strokufangi gengur laus

Lögreglan í Reykjavík lýsir eftir Hilmari Ragnarssyni, 43 ára gömlum fanga af Litla-Hrauni sem strauk af læknastofu í Lágmúla á þriðjudaginn. Hilmar er dökkhærður og grannvaxinn og var klæddur í dökka úlpu, dökkar buxur og ljósa skó. Þeir sem geta gefið upplýsingar um ferðir hans eru beðnir að hafa upplýsingar við lögregluna í Reykjavík.

Þoturnar farnar

Síðustu herþotur Bandaríkjamanna yfirgáfu Keflavíkurflugvöll í morgun og koma ekki aftur. Friðþór Eydal, upplýsingafulltrúi Varnarliðsins, staðfesti þetta í samtali við Víkurfréttir nú í kvöld. Tvær herþyrlur eru enn staðsettar á Keflavíkurflugvelli en þær koma einnig til með að yfirgefa landið í september.

Ræða um vopnahlé

Öryggisráð Sameinuðu þjóðanna hefur setið á fundi frá því fyrir klukkan níu í kvöld þar sem rædd verða drög að ályktun um vopnahlé í Líbanon. Á sama tíma hefur Ísraelsher hafið stóraukinn landhernað eins og tilkynnt var fyrr í kvöld.

Penguin kaupir Forðist okkur

Hin virta bókaútgáfa Penguin hefur gengið frá samningi við JPV um útgáfu á bókinni Forðist okkur eftir Hugleik Dagsson. Penguin kaupir útgáfurétt fyrir bókina á ensku fyrir allan heiminn að Íslandi undanskildu. Forðist okkur kom út á síðasta ári, sett var upp leikrit eftir bókinni sem Hugleikur hlaut Grímuverðlaunin fyrir.

Sjófuglar taldir á næstu árum

Engar óyggjandi rannsóknir eru til um það hvort sjófugli hafi fækkað hér á landi undanfarin ár. Helstu rannsóknarstofnanir landsins í náttúrufræði ætla að ráða bót á því og hafa hafið talningu í stærstu sjófuglabjörgum landsins sem ekki hefur farið fram í 20 ár.