Staðfesti símafund

Björn Ingi Hrafnsson, aðstoðarmaður Halldórs Ásgrímssonar forsætisráðherra, staðfesti í viðtali í morgunþætti Talstöðvarinnar í gær að Halldór hefði átt samtal við fulltrúa S-hópsins og Kaldbaks um það hvort þeir gætu sameinast um kaupin á Búnaðarbankanum haustið 2002.

Litla sælgætismálið

Kærður fyrir “smygl” á gotteríi - Litla sælgætismálið fyrir dómi á Héraði.

Tveir látnir úr hermannaveiki

Tveir hafa látist úr hermannaveiki hér á landi á þessu ári. Þetta kemur fram í <em>Morgunblaðinu </em>í dag. Þá liggur karlmaður á gjörgæsludeild Landspítalans með hermannaveiki en hann smitaðist á Ítalíu fyrir nokkrum dögum.

Auglýsingarnar náðu til almennings

Bannaðar auglýsingar Umferðarstofu náðu vel til almennings samkvæmt athugun IMG Gallups. Auglýsingaherferðin kallaðist „Umferðin snýst um líf“ og taldi Samkeppnisstofnun þær þess eðlis að banna bæri birtingu þeirra.

Framkvæmdir við Hlemm langt komnar

Í fyrsta sinn um áratuga skeið er hægt að keyra Laugaveginn frá upphafi til enda án þess að villast inn á Hverfisgötuna á leiðinni. Vegaframkvæmdir við Hlemm eru það langt komnar að umferð hefur verið hleypt á nýjan vegakafla þar.

Kærulausir ökumenn í Keflavík

Lögreglan í Keflavík hafði afskipti af nokkrum kærulausum ökumönnum í gærkvöldi og í nótt. Þeir höfðu ýmist sleppt því að setja sumardekkin undir bíla sína, sleppt því að nota öryggisbelti eða voru að tala í gsm-síma án þess að nota handfrjálsan búnað.

Hæstiréttur staðfesti úrskurðinn

Hæstiréttur staðfesti í gær úrskurð héraðsdóms í deilu Iceland Seafood og nokkurra fyrrverandi starfsmanna þess. Nokkrir lykilstarfsmenn Iceland Seafood hættu hjá fyrirtækinu og réðu sig til Seafood Union sem er í sama geira.

Landlæknir harðorður í garð DV

Sigurður Guðmundsson landlæknir segir DV hafa fari langt yfir þau mörk sem flestir virði um sjúklinga og einkamál þeirra. Þetta kemur fram í bréfi sem hann skrifar ritstjóra blaðsins vegna frétta þess af Íslendingi sem liggur þungt haldinn af hermannaveiki.

Ráðherra óskar eftir upplýsingum

Sigríður Anna Þórðardóttir umhverfisráðherra hefur óskað eftir nákvæmum skriflegum upplýsingum frá breskum stjórnvöldum um atvikið sem átti sér stað þegar rúmlega áttatíu þúsund rúmlítrar af geislavirkum vökva láku úr skemmdu röri í endurvinnslustöðinni í Sellafield.

Hótaði aldrei stjórnarslitum

Halldór Ásgrímsson forsætisráðherra segist aldrei hafa hótað stjórnarslitum í kringum sölu bankanna. Hann segir úttekt <em>Fréttablaðsins</em> á sölu ríkisbankanna innihalda rangfærslur sem hefði mátt leiðrétta með einu símtali en aldrei hafi verið leitað eftir upplýsingum úr ráðuneytinu.

Hluti Viðeyjar látið á sjá

"Ég hef fylgst gaumgæfilega með þessu um langa hríð og það er engum vafa undirorpið í mínum huga að framkvæmdirnar við Sundahöfn spila stórt hlutverk í þeirri landeyðingu sem orðið hefur á eynni," segir Örlygur Hálfdánarson, fyrrverandi bókaútgefandi.

Eldur í íbúðarhúsi í Breiðholti

Allt tiltækt lið slökkviliðsins á höfuðborgarsvæðinu var kallað út fyrir stundu þegar eldur kom upp í íbúðarhúsi að Rangárseli 20 í Breiðholti. Húsið er tveggja hæða parhús og að sögn vaktstjóra hjá slökkviliðinu logaði mikill eldur út úr húsinu.

30 flóttamenn til landsins

Ríkisstjórnin samþykkti í morgun að taka á móti allt að þrjátíu flóttamönnum á þessu ári. Um er að ræða konur og börn frá Kólumbíu sem hugsanlega verður komið fyrir á höfuðborgarsvæðinu.

Lagabreytingu þarf til

Héraðsdómari segir að breyta verði lögum til að losna við vonda nágranna. Fokið sé í flest skjól hjá þeim sem sæta brotum á húsfriði. Lögmaður Húseigandafélagsins segir löngu tímabært að taka á slíkum málum.

Aðeins opið um helgar

"Þetta var sameiginleg ákvörðun enda umferð fólks í Viðey á virkum dögum mjög lítil," segir Jóhannes Stefánsson, eigandi Múlakaffis, en það fyrirtæki mun reka veitingasölu í Viðeyjarstofu um helgar í sumar.

Deilan um málefni sérskóla leyst

Margra ára deilu ríkisins og borgarinnar um málefni sérskólanna hafa nú verið leystar með samningi sem fjármálaráðherra, menntamálaráðherra og borgarstjóri undirrituðu í dag um húsnæðismál sérskólanna. 

Flug milli Íslands og Indlands

Samkomulag hefur náðst við indversk stjórnvöld um loftferðasamning milli Íslands og Indlands. Bókun um samninginn var undirrituð í Ráðherrabústaðnum í dag að viðstöddum dr. A.P.J. Abdul Kalam, forseta Indlands, og Halldóri Ásgrímssyni forsætisráðherra.

Aðeins mál eins starfsmanns

Hæstiréttur staðfesti í gær úrskurð héraðsdóms í deilu Iceland Seafood og fyrrverandi starfsmanns. Hann var í hópi fimm lykilstarfsmanna Iceland Seafood sem hættu hjá fyrirtækinu og réðu sig til Seafood Union sem er í sama geira. Missagt var í fréttum Bylgjunnar í morgun að mál allra starfsmannanna hafi verið á borði Hæstaréttar í gær. 

Parvó-veikin á skrið aftur

Miklu meira hefur verið um Parvó-veiki í hvolpum í vor heldur en mörg undanfarin ár. Nokkrir hafa drepist af hennar völdum. Hún lýsir sér með blóðuppköstum og niðurgangi. Grunur leikur á að nýtt bóluefni dugi ekki sem skyldi. </font /></b />

Kettlingar fundust í pappakassa

"Þetta er alveg ótrúleg mannvonska gagnvart dýrunum," sagði Ómar Dabney hjá meindýravörnum Reykjavíkurborgar um fund sinn í Heiðmörk fyrir fáeinum dögum.

Um 30 flóttamenn til Reykjavíkur

Allt að þrjátíu flóttamenn frá Kólumbíu eru væntanlegir hingað til lands síðla sumars eða í haust. Þeir munu væntanlega setjast að í Reykjavík, að sögn Bjarkar Vilhelmsdóttur formanns velferðarráðs Reykjavíkurborgar.

Halldór: Hótaði aldrei stjórnarslitum

Halldór Ásgrímsson forsætisráðherra segir ýmislegt sem komið hefur fram í Fréttablaðinu að undanförnu um sölu bankanna ekki eiga sér neina stoð í raunveruleikanum. Í samtali við Talstöðina segir Halldór það vitleysu að hann hafi hótað stjórnarslitum vegna sölu VÍS til Samsonarfélaga. Davíð Oddsson hefði þurft að taka ákvörðun um slíkt.

Húsnæði sérskóla til borgarinnar

Reykjavíkurborg mun yfirtaka eignarhald á Öskjuhlíðarskóla og Safamýrarskóla, þar sem rekin er þjónusta við fötluð grunnskólabörn.

Réttarhöldin handan við hornið?

Jalal Talabani, forseti Íraks, telur að réttarhöld yfir Saddam Hussein, fyrrverandi forseta landsins, geti líklega hafist innan tveggja mánaða. Saddam er ákærður fyrir glæpi gegn mannkyninu. Þetta kom fram í viðtali við Talabani á bandarísku sjónvarpsstöðinni CNN í dag.

Bilun í netkerfi Landspítalans

Bilun kom upp í netkerfi Landspítalans um hádegi í dag og hefur öll þjónusta spítalans á Netinu legið meira og minna niðri eða verið mjög hægvirk. Flest upplýsingakerfi Landspítalans hafa legið niðri en bilunin kom aðallega niður á símkerfinu; spítalinn var meira og minna símasambandslaus.

Heiðarlegasti sendillinn

Stefán Konráðsson sendill vekur athygli hvar sem hann fer. Hann þeysist hverfa á milli með bréf og böggla á silfurgráu hjólinu með aftanívagni. </font /></b />

Öllum í frystihúsinu sagt upp

Öllum þrjátíu og tveimur starfsmönnum í frystihúsi Samherja á Stöðvarfirði verður sagt upp 1. september næstkomandi þegar Samherji hættir landvinnslu í bænum.

Landvinnslu hætt á Stöðvarfirði

"Við reynum að vinna í samstarfi við önnur sjávarútvegsfyrirtæki í bænum og á svæðunum í kring til að flestir fái önnur störf," segir Gestur Geirsson, framkvæmdastjóri landvinnslu Samherja.

140 milljónir í uppbyggingu vestra

Skrifað verður undir vaxtarsamning Vestfjarða á Ísafirði í dag en honum er ætlað að styðja við bakið á uppbyggingu byggðakjarna á svæðinu. Verður það gert með því að styrkja sjálfbæran hagvöxt með markaðstengdum áherslum.

Halldór á móti ljósmyndasýningunum

Halldór Blöndal, forseti Alþingis, hefur sent Steinunni Valdísi Óskarsdóttur borgarstjóra bréf þar sem hann gagnrýnir þá ákvörðun embættisins að heimila að þriðja árið í röð verði stillt upp fyrirferðamiklum og grófum steinstöplum á Austurvelli þar sem ljósmyndum verði komið fyrir.

Vilja minnka kolmunnaveiðar

Sjávarútvegsráðherrar ríkja við norðaustanvert Atlantshaf vilja draga úr kolmunnaveiðum í Norður-Atlantshafi þegar á þessu ári. Þetta kom fram að loknum fundi þeirra í Færeyjum í gær. 

Vildi kynna sér fiskiðnað

Indlandsforseti byrjaði gærdaginn á því að skoða frystitogara í Reykjavíkurhöfn. Einnig fundaði hann með Halldóri Ásgrímssyni, skoðaði Nesjavelli og tók sér far með vetnsisstrætisvagni.

Bæjarstjóraskipti í Kópavogi

Bæjarstjóraskipti verða í Kópavogi í fyrramálið þegar Gunnar I. Birgisson tekur við embættinu af Hansínu Ástu Björgvinsdóttur en hún hefur gegnt starfinu frá því Sigurður Geirdal lést á síðasta ári. Hansína tekur við starfi formanns bæjarráðs sem Gunnar hefur gegnt samfellt frá árinu 1990.

Rökstuðningur ókominn

Stjórn Dvalarheimilisins Höfða á Akranesi er að ganga frá rökstuðningi fyrir ráðningu Guðjóns Guðmundssonar, fyrrverandi þingmanns Sjálfstæðisflokksins, í stöðu framkvæmdastjóra Dvalarheimilisins í byrjun mánaðarins. Guðjón var ráðinn með atkvæðum þriggja sjálfstæðismanna í stjórn dvalarheimilsins.

Áhugi á fríverslun við Indland

Halldór Ásgrímsson forsætisráðherra og dr. Abdul Kamal Indlandsforseti funduðu í gær í ráðherrabústaðnum við Tjarnargötu. Á fundinum ræddu þeir um nauðsyn þess að finna leiðir til að auka viðskipti milli landanna og minntist Halldór á að áhugi væri fyrir því hér á landi að koma á fríverslun við Indland. Einnig var rætt um möguleg samstarfsverkefni í tengslum við lyfjaiðnað og sjávarútveg. Þá ræddu þeir um aukið samstarf milli vísindamanna, einkum jarðvísindamanna.

Margir staðir komu til greina

"Þarna varð að líta til margra þátta og margir aðrir staðir en Selfoss komu vel til greina," segir Guðni Ágústsson, landbúnaðarráðherra, en hann hefur ákveðið að fyrirhuguð Landbúnaðarstofnun, sem tekur til starfa á næsta ári, verði staðsett á Selfossi.

Loftferðasamningur við Indland

Samkomulag hefur náðst milli íslenskra og indverskra stjórnvalda um efni loftferðasamnings milli ríkjanna.

Halldór andvígur ljósmyndasýningu

Halldór Blöndal, forseti Alþingis, sendi Steinunni V. Óskarsdóttir borgarstjóra í Reykjavík, í gær bréf þar sem hann mótmælir því að Reykjavíkurborg noti Austurvöll undir ljósmyndasýningu á. Halldór setti álíka mótmæli fram í fyrra.

Alvarlega bilun í tölvukerfi LSH

Alvarleg bilun kom upp í tölvukerfi Landsspítalans í dag og lágu öll boðskipti spítalans niðri í fjóra til fimm klukkutíma. Jóhannes Gunnarsson lækningaforstjóri segir bilunina hafa haft víðtæk áhrif á starfsemi sjúkrahússins en símakerfi og innra og ytra net lágu niðri. Hann segir bilunina hafa verið í netþjóni sem sendi frá sér boð eins og tölvuhakkarar væru á ferð.

Hrókurinn fær styrk

Samþykkt var á síðasta ríkisstjórnarfundi að veita skákfélaginu Hróknum þrjár milljónir króna í styrk vegna unglingastarfs. Samkvæmt upplýsingum frá forsætisráðuneytinu þótti eðlilegt að styðja við bakið á því góða starfi sem skákfélagið hefur haldið uppi undanfarin ár.

Réttarmeinafræðingur fær styrk

Eva Klonowski, íslenskur réttarmeinafræðingur af pólskum uppruna, hefur fengið tveggja milljóna króna styrk frá ríkisstjórninni vegna starfa sinna í Bosníu. Þar vinnur hún við að bera kennsl á lík fólks sem féll í styrjöldinni á tímabilinu 1992 til 1995.

365 og RÚV buðu í UHF-rásir

Tvö fyrirtæki, 365 ljósvakamiðlar og Ríkisútvarpið, sendu Póst- og fjarskiptastofnun tilboð í UHF-rásir fyrir dreifingu á stafrænu sjónvarpi út um allt land. Í útboði voru gerðar þær kröfur að dreifinet bjóðenda næðu að lágmarki til 40 sveitarfélaga innan árs frá úthlutun réttinda og til 98 prósenta heimila í landinu innan tveggja ára.

Ræddi ekki átök og hótaði engu

Halldór Ásgrímsson forsætisráðherra kveðst aldrei hafa hótað stjórnarslitum vegna deilna um eignarhald á Vátryggingafélagi Íslands. S-hópurinn svonefndi átti helminginn í VÍS á móti Landsbankanum en keypti hlut bankans í fyllingu tímans. S-hópurinn og VÍS urðu síðar annar af tveimur bjóðendum í hlut ríkisins í Búnaðarbankanum.

Sparkað í vitni

Sparkað var í Reyni Traustason, fyrrverandi ritstjóra DV, þegar hann kom í Héraðsdóm Reykjavíkur í gær til þess að bera vitni í máli sem höfðað er gegn Jóni Trausta Lútherssyni, fyrir ógnanir og líkamsmeiðingar sem áttu sér stað í höfuðstöðvum DV í Skaftahlíð í fyrra.

Fær góða einkunn fyrir laxeldi

Ísland fær góða einkunn hjá World Wildlife Fund og regnhlífasamtökum laxveiðifélaga fyrir hvernig er staðið að ræktun á eldislaxi. Í nýrri skýrslu þessara tveggja samtaka fær Ísland 9,6 stig af tíu mögulegum fyrir það sem gert er til að koma í veg fyrir að eldislax blandist villtum laxi og mengi stofninn. Meðal annars er minnst á að bannað sé að stunda laxeldi í fjörðum og ám þar sem villtur lax gengur.