Fjórtán ár fyrir árás á föður sinn

Þorvarður Davíð Ólafsson hefur verið dæmdur í fjórtán ára fangelsi fyrir tilraun til manndráps. Hann réðst á föður sinn, Ólaf Þórðarson, og veitti honum lífshættulega áverka. Ólafur hlaut alvarlegan heilaskaða og hefur dvalið á Grensásdeild. Ákæruvaldið segist ekki vita til þess að þyngri dómur hafi fallið fyrir tilraun til manndráps. Slíkir dómar hafa verið í kringum fimm ár.

Talið að áhorfsmet falli

Nú styttist óðum í hið konunglega brúðkaup Vilhjálms Bretaprins og Kate Middleton. Talið er að allt að tveir milljarðar manna um allan heim muni fylgjast með brúðkaupinu í beinni útsendingu í sjónvarpi eða á netinu. Þetta sagði talsmaður breska forsætisráðuneytisins í samtali við Reuters-fréttastofuna í dag. Um 750 milljónir manna fylgdust með brúðkaupi Díönu og Karls Bretaprins árið 1981, en talið er að áhorfsmet verði slegið.

Vigdís greinir frá ákvörðun sinni á meðal framsóknarmanna

"Ég er búinn að taka ákvörðun og hún verður kynnt í ræðu minni á flokksþinginu á morgun,“ segir Vigdís Hauksdóttir, þingmaður Framsóknarflokksins. Hún hefur að undanförnu íhugað að bjóða sig fram gegn Birki Jóni Jónssyni varaformanni flokksins á flokksþingi framsóknarmanna sem hefst formlega á morgun og stendur til sunnudags. Á laugardaginn fer fram kosning í embætti formanns, varaformanns og ritara.

Neita að hafa haldið stúlku í kynlífsþrælkun í 18 ár

Hjón á sextugsaldri í Kaliforníu neita að hafa rænt 11 ára stúlku árið 1991 og haldið henni í kynlífsþrælkun í 18 ár. Maðurinn, sem er dæmdur kynferðisbrotamaður, mun hafa nauðgað stúlkunni sem ól honum tvö börn.

Ekkert ferðaveður á Mýrdalssandi

Ekkert ferðaveður er á Mýrdalssandi en þar er óveður og mikið sandfok, að því er fram kemur í tilkynningu frá Vegagerðinni.

Mikið spurt um lóðir í Kópavogi

Formaður bæjarráðs Kópavogs segir mikið spurt um lóðir í bæjarfélaginu. Frá áramótum hafa Kópavogsbæ borist 11 umsóknir um lóðir fyrir sérbýli og átta umsóknir um fjölbýlishúsalóðir.

Reiði í Brasilíu vegna siðblinds kvikindis

Að minnsta kosti 13 eru látnir eftir að maður hóf skothríð í grunnskóla í Ríó De Janeiro. Árásarmaðurinn er einn hinna látnu. Talið er hann sé fyrrverandi nemandi við skólann sem tekur nemendur frá 10 til 15 ára aldurs.

Á annan tug innherjasvikamála til rannsóknar

Á annan tug innherjasvikamála eru til rannsóknar hjá sérstökum saksóknara. Brot Baldurs Guðlaugssonar, fyrrverandi ráðuneytisstjóra, eru stórfelld að mati Héraðsdóms, en hann var dæmdur í tveggja ára fangelsi fyrir innherjasvik þegar fyrsti dómurinn í málum sérstaks saksóknara féll í dag.

Fylgishrun kemur formanni VG ekki á óvart

Steingrímur J. Sigfússon, fjármálaráðherra, segir að fylgishrun ríkisstjórnarflokkanna komi ekki á óvart. Hann segir að niðurstaðan í Icesave muni ekki hafa áhrif ríkisstjórnarsamstarfið.

Gætu beitt sér gegn Íslandi innan EES

Bjarni Benediktsson, formaður Sjálfstæðisflokks, telur að Bretar og Hollendingar muni beita sér gegn Íslandi innan Evrópska efnahagssvæðisins verði Icesave samningarnir felldir í Þjóðaratkvæðagreiðslu.

Hæstiréttur sýknaði afann

Hæstiréttur sýknaði í dag karlmann sem héraðsdómur hafði dæmt í 10 mánaða fangelsi fyrir kynferðisbrot gegn barnabarni sínu. Hæstiréttur telur að frásögn stúlkunnar hafi verið á reiki og tekið talsverðum breytingum frá einni skýrslu til annarrar. Að auki hafi framburður hennar ekki verið stöðugur innbyrðis í skýrslutökunum, einkum við aðalmeðferð málsins, enda hafi hún verið þráspurð um atvik og í sumum tilvikum hafi spurningarnar verið leiðandi. Þá telur Hæstiréttur að framburður bræðra stúlkunnar hafi að nokkru sama marki brenndur og af þeim sökum var maðurinn sýknaður. Einn dómari, Garðar Gíslason, af fimm skilaði sératkvæði og vildi staðfesta dóm héraðsóms.

Ný könnun: 52% segja nei

52% prósent þeirra sem tóku afstöðu í skoðanakönnun Gallup ætla að greiða atkvæði gegn Icesave-lögunum á laugardaginn en 48% ætla að segja já. Þetta kemur fram í nýjum þjóðarpúlsi Gallup sem greint var frá í kvöldfréttum Ríkisútvarpsins.

Pabbinn og frændinn áfram í gæsluvarðhaldi

Mennirnir tveir, sem setið hafa í gæsluvarðhaldi vegna gruns um gróft kynferðislegt ofbeldi gagnvart dreng á áttunda ári voru í dag í Héraðsdómi Reykjaness úrskurðaðir í áframhaldandi gæsluvarðhald til 14. apríl að kröfu lögreglunnar á höfuðborgarsvæðinu og er það gert á grundvelli rannsóknarhagsmuna.

Landsdómur kostar 113 milljónir

Áætlaður kostnaður við landsdóm á þessu ári er 113,4 milljónir króna. Þetta kemur fram í svari Ögmundar Jónassonar, innanríkisráðherra, við fyrirspurn Guðlaugs Þórs Þórðarsonar, þingmanns Sjálfstæðisflokksins. Meirihluti Alþingis ákvað á síðasta ári að kalla landsdóm saman sem sækir nú mál á hendur Geir H. Haarde, fyrrverandi forsætisráðherra og formanni Sjálfstæðisflokksins. Í svari Ögmundar kemur einnig fram að ef meðferð málsins verður ekki lokið á þessu ári gæti einhver kostnaður lagst til á næsta ári.

Þriggja ára fangelsi fyrir gróf kynferðisbrot

Hæstiréttur Íslands dæmdi í dag karlmann í þriggja ára fangelsi fyrir brot gegn fötluðum bróðurbörnum sínum, dreng og stelpu. Þar með mildaði hann dóm Héraðsdóms Norðurlands eystra um eitt ár.

Ari Teitsson varaformaður stjórnlagaráðs

Ari Teitsson fulltrúi í stjórnlagaráði var í dag kjörinn varaformaður ráðsins. Áður hafði Salvör Nordal verið kosin formaður. Annar fundur ráðsins var haldinn í dag og má fylgjast með honum í beinni útsendingu á netinu.

Salvör kjörin formaður stjórnlagaráðs

Salvör Nordal var í dag kjörin formaður stjórnlagaráðs en ráðið hittist á sínum öðrum fundi í dag. Kosið var á milli hennar og Þorvaldar Gylfasonar en þau fengu flest atkvæði þeirra átta sem tilnefnd voru til embættisins. Fór svo að Salvör sigraði.

Harður árekstur á Nýbýlavegi

Hörð aftanákeyrsla varð um þrjúleytið á gatnamótum Nýbýlavegar og Þverbrekku. Nýbýlavegur var lokaður á tímabili til austurs vegna þessa.

Maður á svörtum skutbíl reyndi að lokka barn við Sæmundarskóla

Nemanda í Sæmundarskóla í Grafarholti var boðið upp í svartan skutbíl af ókunnugum manni í dag. Umræddur nemandi var að bíða eftir því að vera sóttur í skólann og beið á gangstéttinni við Gvendargeisla. Í bréfi sem skólastjóri Sæmundarskóla hefur sent til foreldra og forráðamanna barna í skólanum segir að barnið hafi brugðist hárrétt við, hlaupið í burtu og sagt starfsmanni skólans frá atvikinu. Haft var samband við lögreglu og málið unnið í samstarfi við hana. Talað var við alla nemendur áður en þeir fóru heim úr skólanum og brýnt fyrir þeim að fara ekki undir neinum kringumstæðum uppí ókunnuga bíla Undanfarnar vikur hafa borist fjölda tilkynninga um að maður eða menn á svörtum eða dökkum bíl hafi boðið börnum upp í bíl hjá sér. Lögregla hefur vegna þessa aukið eftirlit við skóla, og er þar með bæði merkta og ómerkta lögreglubíla.

Umboðsmaður Alþingis snuprar biskup fyrir stöðuveitingu

Umboðsmaður Alþingis telur að annmarkar hafi verið á skipan prests við Garðaprestakall á dögunum. Hann telur þó ólíklegt að annmarkarnir leiði til ógildingar á ákvörðuninni og að það sé dómstóla að fjalla um hugsanlega bótaábyrgð.

Huðnan Snotra bar tveimur höfrum

Huðnan Snotra varð fyrst huðna að bera í Fjölskyldu- og húsdýragarðinum þetta árið. Hún bar tveimur gráflekkóttum höfrum 5. apríl. Snotra sinnir móðuhlutverkinu vel en hafurinn Klettur sem er faðir kiðlinganna fylgist með úr hæfilegri fjarlægð. Nemendur í 6. bekk Korpuskóla voru staddir í vinnumorgni í garðinum þegar Snotra bar. Krakkarnir fylgdust spennt með milli þess sem þau sinntu morgunverkum í útihúsunum af stakri prýði. Burðurinn gekk vel og Snotra kom kiðlingunum í heiminn án aðstoðar.

Umferðin hefur dregist mikið saman

Umferð í mars var 15,5 prósentum minni en í sama mánuði í fyrra. Mælingar Vegagerðarinnar sýna þetta. Þá dróst akstur saman um 18,1 prósent. Akstur er reiknaður sem umferð á dag margfaldað með lengd vegkafla. Vegagerðin segir að svo mikill samdráttur í umferð og akstri sé fáséður og einsdæmi frá því að byrjað var að taka saman tölurnar árið 2005.

Stór skjálfti í Japan - varað við flóðbylgju

Stór jarðskjálfti, 7,4 stig á Ricther reið yfir Japan í dag. Skjálftinn átti upptök sín undan ströndum Miyagi héraðs að því er fram kemur hjá CNN fréttastofunni. Flóðbylgjuviðvörun hefur verið gefin út og er talið að bylgjan gæti orðið um meter á hæð. Því eru íbúar hvattir til að færa sig frá ströndinni. Tæpur mánuður er liðinn frá því risaskjálfti, níu stig, reið yfir sama svæði með skelfilegum afleiðingum.

Þrettán létust í skotárás í brasilískum skóla

Að minnsta kosti þrettán liggja í valnum eftir að byssumaður hóf skothríð í skóla í Rio De Janeiro í Brasilíu í dag. Árásarmaðurinn er á meðal hinna látnu en óljóst er hvort hann hafi fallið fyrir kúlum lögreglunnar eða hvort hann hafi framið sjálfsmorð að ódæðinu loknu.

Kynferðisafbrot fararstjórans misfórst hjá félagsþjónustunni

Fararstjórinn sem var dæmdur í sex mánaða skilorðsbundið fangelsi fyrir að áreita 16 ára stúlku kynferðislega, hafði áður beitt hana kynferðislegri misneytingu. Þá var málið tilkynnt til félagsyfirvalda bæjarfélagsins en samkvæmt dómi Héraðsdóms Reykjavíkur hlaut kæran ekki frekari framgang vegna misskilnings starfsmanna félagsþjónustunnar.

Lögreglan leitar að tvíburaníðingi

Breskur barnaníðingur sem var á flótta í Evrópu var í gær handtekinn af frönsku lögreglunni. Hann hafði verið látinn laus úr fangelsi en var á skilorði sem bannaði honum að fara úr landi. Hann lagði þá á flótta ásamt tvíburabróður sínum, sem einnig er eftirlýstur fyrir sömu sakir. Lögreglan breska hefur farið fram á að maðurinn verði framseldur til Bretlands en tvíburabróðursins er enn leitað.

Á níunda hundrað kosið í dag

Alls hafa 870 manns kosið utankjörfundar í Reykjavík í dag. Utankjörfundaratkvæðagreiðslan fer fram í Laugardalshöll. Í heild hafa rúmlega 15000 manns kosið utankjörfundar hingað til. Þar af eru um 10 þúsund í Reykjavík.

Banki "hrekkir" Guðmund á Núpum: Þarf að greiða 87 milljónir

Guðmundur A. Birgisson, yfirleitt kenndur við Núpa, var í dag dæmdur til þess að greiða Nýja Landsbankanum 87 milljónir sem hann hafði fengið að láni frá bankanum. Um var að ræða viðskiptasamning um reikningslánalínu sem var gerður árið 2007 en alls fékk hann 95 milljónir lánaðar.

Bjarni segir að ríkisstjórnin verði að boða til kosninga

Bjarni Benediktsson, formaður Sjálfstæðisflokks, segir að fylgishrun Já-hreyfingarinnar í þjóðaratkvæðagreiðslunni um Icesave skýrist fyrst og fremst af óvinsældum ríkisstjórnarinnar. Ríkisstjórnin þurfi að boða til kosninga til að ná fram málefnalegri niðurstöðu í atkvæðagreiðslunni um Icesave.

Aðeins þeir fá póst sem skráðir eru á póstkassa

Næstu daga mun Pósturinn senda bréf á flest heimili landsins fyrir utan fjölbýlishús, eða um 55 þúsund heimili, þar sem tilkynnt verður að frá 15. maí næstkomandi verða aðeins afhentar sendingar sem stílaðar eru á þá sem merktir eru á lúgu eða póstkassa heimilisins. Þessi vinnuregla hefur ávallt verið viðhöfð til íbúa fjölbýlishúsa og verður því engin breyting þar á. Pósturinn vill tryggja að allir landsmenn fái eingöngu þann póst sem þeim er ætlaður. Margir þekkja það áreiti og fyrirhöfn sem hlýst af því að fá annarra manna póst inn á sitt heimili og einnig ef póstur berst ekki til réttra aðila. Því er mikilvægt að allir íbúar heimilisins séu vel merktir til að póstur berist til þeirra og sé ekki endursendur til sendanda. Með þessari bréfasendingu vill Pósturinn tryggja að réttar sendingar berist í réttar hendur en Póstinum berast reglulega kvartanir vegna missendinga. Ein af mörgum ástæðum missendinga er sú að margir fá póst fyrrum húseiganda sem gleymt hefur að tilkynna flutning en sá misskilningur er algengur að nóg sé að tilkynna eingöngu flutning til Þjóðskrár heldur verður einnig að senda tilkynningu til Póstsins. Pósturinn vill með þessu átaki tryggja að landsmenn fái eingöngu þann póst sem þeim er ætlaður.

Þarf sex hárgreiðslumenn

Hin tilvonandi prinsessa Kate Middleton ætlar ekki að ganga með úfið hár inn kirkjugólfið 29. apríl næstkomandi, því hún hefur ráðið heila sex hárgreiðslumenn til að sjá um hárið sitt þennan merkisdag.

Keppa um tilnefningu til Emmy-verðlauna

„Við reiknum með að tugir milljóna muni horfa á frumsýninguna og svo endursýningarnar,“ segir Hinrik Ólafsson hjá kvikmyndafyrirtækinu Pro Film. Í kvöld verður heimildarmyndin Into the Volcano frumsýnd á bandarísku fræðslurásinni National Geographic. Myndin er 50 mínútur að lengd og kryfur íslenska jarðfræði til mergjar. Við sögu koma íslenskir vísindamenn á borð við Harald Sigurðsson og Freystein Sigmundsson, en áhugi á íslenskum eldfjöllum óx gríðarlega þegar Eyjafjallajökull lamaði allar flugsamgöngur í Evrópu.

Sunneva og Snorri Páll sýknuð

Þau Sunneva Ása Weisshappel og Snorri Páll Jónsson voru sýknuð í Héraðsdómi Reykjavíkur í morgun en þau voru ákærð fyrir að óhlýðnast tilmælum lögreglunnar og svo átti Snorri að hafa hrækt á lögreglumann.

Fararstjóri dæmdur fyrir að káfa á unglingsstúlku

Fararstjóri var dæmdur í hálfs árs fangelsi skilorðsbundið til tveggja ára fyrir kynferðislega áreitni gagnvart 16 ára íþróttastúlku. Atvikið átti sér stað erlendis í ágúst árið 2007.

Brot Baldurs eru stórfelld

Brot Baldurs Guðlaugssonar, fyrrverandi ráðuneytisstjóra fjármálaráðuneytisins eru stórfelld samkvæmt niðurstöðu Héraðsdóms Reykjavíkur. Þá segir ennfremur að Baldur hafi misnotað stöðu sína sem opinber starfsmaður og því þyngist refsing hans um helming. Baldur var dæmdur í tveggja ára óskilorðsbundið fangelsi.

Fjórtán ára fangelsi fyrir árásina á Ólaf

Þorvarður Davíð Ólafsson hefur verið dæmdur í fjórtán ára fangelsi fyrir tilraun til manndráps og fyrir fíkniefnabrot. Þorvarður réðst með fólskulegum hætti á föður sinn, Ólaf Þórðarson tónlistarmann, í nóvember á síðasta ári.

Baldur fékk tvö ár óskilorðsbundið

Baldur Guðlaugsson, fyrrverandi ráðuneytisstjóri í fjármálaráðuneytinu var í dag dæmdur í tveggja ára óskilorðsbundið fangelsi og verður söluandvirði hlutabréfa hans í Landsbankanum gert upptækt.

Kostnaðurinn rúmar 300 milljónir

Kostnaður við samninganefnd Íslands vegna Icesave málsins nam ríflega 300 milljónum króna. Þetta kom fram í svari Steingríms J. Sigfússonar, fjármálaráðherra við fyrirspurn Sigmundar Davíðs Gunnlaugssonar.

Um 14 þúsund kosið utankjörfundar

Um það bil 14 þúsund manns hafa kosið utankjörfundar vegna þjóðaratkvæðagreiðslunnar um Icesave málið. Þar af eru um það bil níu þúsund sem kusu utankjörfundar í Reykjavík. Atkvæðagreiðslan um málið fer fram næstkomandi laugardag og lýkur á flestum kjörstöðum um klukkan tíu um kvöldið. Strax að henni lokinni hefst talning atkvæða.

Mér leið hræðilega og ég hafði ekkert að borða

"Ég kom með ömmu minni í síðustu viku þegar bardagamennirnir komu. Þeir sögðu konum og börnum að fara til kaþólsku trúboðsstöðvarinnar. Við höldum að þeir hafi haldið karlmönnunum eftir til að drepa þá. Mér leið hræðilega og ég hafði ekkert að borða. Ég varð að sofa úti. Ég hef engin föt, bara einar buxur. Þar sem Barnaheill - Save the Children gáfu okkur hrísgrjón í vikunni, hef ég eitthvað að borða núna," segir 14 ára drengur í Duekoué á Fílabeinsströndinni. Hættuástand breiðist nú út á Fílabeinsströndinni og staða barna versnar með degi hverjum. Stórfelldur flótti almennings gerir það að verkum að tugir þúsunda svelta og smithætta eykst. Barnaheill - Save the Children segja að ef ekki komi til stórfelld mannúðaraðstoð, geti sjúkdómar lagt af velli berskjölduð og vannærð börn. Í bænum Duekoué í vestri, þar sem meint fjöldamorð á hundruðum manna á að hafa átt sér stað, hafa að minnsta kosti 27 þúsund manns þurft að flýja, margir af þeim börn. Þau, og fjölskyldur þeirra, hafa leitað skjóls í og í kringum opinberar byggingar, eins og kirkjur. Þetta kemur fram í tilkynningu frá Barnaheill. Hvarvetna í landinu er brýn þörf fyrir mannúðaraðstoð. Í verslunarborginni Abidjan, hafa hatrömm átökin leitt til skorts á vatni, matvælum og lyfjum. Mörgum sjúkrahúsum og heilsugæslustöðvum hefur verið lokað, eða hafa einangrast vegna átakanna, þar sem lyfjabirgðir eru litlar. Þegar áður en síðustu átök hófust í Abidjan, höfðu fjölskyldur ekki þau lyf sem þær þurftu eða aðgang að læknum til að hjálpa veikum börnum sínum. Móðir ein, sem flúði frá Abobo í Abidjan, sagði starfsfólki Barnaheilla - Save the Children að lyktin af líkum ylli henni enn, mörgum vikum eftir flóttann, höfuðverk en hún hefði engin lyf til að bæta úr því. Dóttir hennar var með hita og móðirin óttaðist að um malaríu væri að ræða en gat ekki fullvissað sig um það þar sem þær komust ekki á heilsugæslustöð. Í Bouaké í norðri, hefur flóð flóttamanna frá átökunum í Abidjan, leitt til þess að allt upp í 80 manns hafa þurft að deila einu húsi. Barnaheill - Save the Children segja að ef ekki komi til stórfelld mannúðaraðstoð, geti sjúkdómar lagt af velli berskjölduð og vannærð börn. Jafnvel áður en átökin hófust, lést eitt af hverjum tíu börnum á Fílabeinsströndinni fyrir fimm ára afmælið sitt, flest úr sjúkdómum sem auðveldlega má koma í veg fyrir, svo sem niðurgangur og malaría.

Aðalfundur sauðfjárbænda haldinn í Harvard

Aðalfundur Landssamtaka sauðfjárbænda verður settur í dag klukkan 13.00 í fundarsalnum Harvard á 2. hæð Hótels Sögu. Fundinn sækja um 50 fulltrúar aðildarfélaga samtakanna allstaðar að af landinu.

Kabbalah kemur til Íslands

„Við stefnum á að opna miðstöð í Reykjavík í sumar,“ segir Hermann Ingi Hermannsson, einn forsvarsmanna Kabbalah-samtakanna á Íslandi. Hermann hefur stofnað fyrirtæki í kringum Kabbalah, þessa þekktu og umdeildu dulhyggju

Persónuvernd kærir Miðlun til lögreglunnar

Persónuvernd hefur kært varðveislu Miðlun ehf., á persónuupplýsingum, sem safnað var við gerð könnunar á einelti ríkisstarfsmanna, til lögreglunnar. Þetta kemur fram í úrskurði Persónuverndar.

Viðræður geta hafist í lok júní

Eiginlegar aðildarviðræður Íslands og Evrópusambandsins geta hafist í lok júní, að því er Stefan Füle, stækkunarstjóri ESB, sagði í yfirlýsingu í gær. „Þetta er metnaðarfull en framkvæmanleg tímaáætlun þegar allir aðilar eru staðráðnir í að halda áfram,“ segir í yfirlýsingunni.

Enn er unnið að öflun gagna um öryggissveit

Rannsókn á hvort öryggissveit bandaríska sendiráðsins í Reykjavík hafi brotið lög með eftirliti sínu með mannaferðum í og við sendiráðið stendur enn. Hjá embætti ríkissaksóknara er unnið að öflun gagna.