Belju á svelli bjargað af þyrlu

Lítill kálfur fékk að kynnast því hvernig það er að vera bókstaflega eins og belja á svelli þegar hann gekk út á ísilagða tjörn í Oklahómafylki Bandaríkjanna skömmu fyrir áramótin. Kálfurinn fór nokkuð inn á ísbreiðuna en var ómögulegt að komast þaðan aftur enda klaufir ekki gerðar til að ganga á ís.

Fór í rusl þegar hann ætlaði að fremja sjálfsmorð

Hinn 26 ára gamli Vangelis Icapatos varð einstaklega heppinn, eða óheppinn - fer reyndar eftir því hvernig á málið er litið - þegar hann stökk niður af níundu hæð fjölbýlishúss í New York og lenti ofan á hrúgu af ruslapokum.

Schwarzenegger hættur sem ríkisstjóri

Arnold Schwarzenegger hætti í dag sem ríkisstjóri Kalíforníu. Hans síðasta verkefni var að takmarka refsingu sem sonur vinar hans fékk fyrir manndráp.

Grikkir vilja girða Tyrkland af

Grikkir eru að íhuga að reisa girðingu meðfram landamærunum að Tyrklandi til þess að stöðva straum ólöglegra innflytjenda yfir landamærin. Fljótið Evros aðskilur löndin tvö nema á rúmlega tólf kílómetra lengju. Það er þar sem Grikkir vilja reisa girðinguna.

Neyðarástand vegna Fokker vélar FÍ

Neyðarárstand skapaðist á Flesland flugvelli í Bergen í Noregi þegar að reykur gaus upp úr flugvél Flugfélags Íslands sem var við það að lenda á vellinum. Slökkvilið, lögregla og sjúkralið var ræst út vegna reyksins.

Svindlar með því að senda út frá Íslandi

Alræmdur sjónvarpsprédikari kemst undan breska fjölmiðlaeftirlitinu með því að senda þátt sinn út frá Íslandi. Reiðir Bretar hafa kvartað til útvarpsréttarnefndar vegna prédikarans, sem meðal annars sendir fólki vígt vatn án endurgjalds.

Fimm króna eldsneytishækkun hefur áhrif á neyslu

Hið opinbera gerir ráð fyrir tæpri tveggja prósenta söluaukningu á bensíni þrátt fyrir auknar álögur. Forstjóri Enn eins reiknar hins vegar með eins komma fimm prósents samdrætti, en gjöld á eldsneyti hækkuðu um tæpar fimm krónur á lítrann nú um áramótin.

Á fjórða tug lést í vinnuslysum á Íslandi

Alls bárust 15.686 tilkynningar um vinnuslys til Vinnueftirlitsins á liðnum áratug, eða á tímabilinu 1. janúar 2001 til 31. desember 2010.

Bílvelta við Landvegamót

Bílvelta varð á Suðurlandsvegi skammt vestan við Landvegamót í morgun. Ökumaður slapp að talið er án meiðsla, en hann var einn í bílnum, samkvæmt upplýsingum frá lögreglunni á Hvolsvelli. Hálkublettur hafði valdið þessu óhappi.

Aino Freyja Jarvela ráðin forstöðumaður Salarins

Stjórn Salarins, tónlistarhúss Kópavogs, hefur ráðið Aino Freyju Jarvela sem forstöðumann Salarins. Hún hefur störf nú í janúar.

Íslendingar drukku 359 þúsund lítra af áfengi um áramótin

Sala á áfengi í desember var 4 % minni en sama mánuð í fyrra samkvæmt upplýsingum frá Vínbúðinni. Sala á rauðvíni dróst saman um 4,8 % og hvítvíni um 2,6 %.

Bensín gæti farið í 250 krónur á lítrann áður en árið er liðið

„Væntingarnar, svona innan gæsalappa, og spá um að heimsmarkaðsverð haldi áfram að stíga, þá getur það gert að lítrinn fari upp í 250 krónur,“ segir Runólfur Ólafsson, framkvæmdastjóri FÍB, en bensínverð hefur farið ört hækkandi síðustu mánuði. Nú er svo komið að algengt bensínverð á mannlausum bensínstöðvum er komið upp í rúmar 209 krónur fyrir lítrann og dísilolían upp í 211 krónur.

Mögulega kveikt í á Eiðsvallagötu

Lögreglan á Akureyri leitar að vitnum að eldsvoðanum að Eiðsvallagötu 5 á Akureyri að morgni annars janúar. Ekki er talið útilokað að um íkveikju hai verið að ræða að sögn Lögreglu.

Vill fund vegna metanólverksmiðju

Þingmaður Samfylkingarinnar, Sigmundur Ernir Rúnarsson, hefur óskað eftir fundi í iðnaðarnefnd vegna frétta síðustu daga um Metanólverksmiðju sem mögulegt er að rísi í Suður-Þingeyjarsýslu.

Rarik hefur hækkað um 8,3 prósent

Nú um áramótin hækkuðu Rarik, Orkubú Vestfjarða (OV) og HS Veitur gjaldskrá fyrir dreifingu og flutning á raforku. Þann 1. nóvember síðastliðinn hækkuðu OR og Norðurorka sínar gjaldskrár og sú síðasta, Rafveita Reyðarfjarðar, hefur tilkynnt hækkun frá 1. febrúar næstkomandi samkvæmt upplýsingum frá Orkustofnun. Hafa þá allar dreifiveitur á landinu hækkað gjaldskrár sínar. Þetta kemur fram á vef Orkuvaktarinnar.

Dulmálsskeyti þýtt eftir 147 ár

Dulmálssérfræðingur bandarísku leyniþjónustunnar hjálpaði safnstjóra í Richmond í Virginíu að þýða dulmálsskeyti sem hershöfðingi nokkur sendi starfsbróður sínum árið 1863 í bandaríska borgarastríðinu.

Einn á slysadeild eftir árekstur

Einn var fluttur á slysadeild eftir árekstur sem varð á Vífilstaðavegi við Reykjanesbraut um klukkan eitt. Svo virðist sem fjórir bílar hafi lent í árekstrinum en nánari upplýsingar um orsök slyssins er ekki að hafa að svo stöddu.

Björn heldur áfram sem sérstakur ríkissaksóknari

Björn L. Bergsson hrl. hefur verið settur til að fara áfram með hlutverk og valdheimildir ríkissaksóknara í öllum málum sem sérstakur saksóknari hefur til meðferðar frá og með 1. janúar 2011 og til 1. maí 2011. Ríkissaksóknari hefur áfram sagt sig tímabundið frá þeim málaflokki til þess tíma.

Ólína vill fund vegna mengunarinnar frá Funa

Ólína Þorvarðardóttir, þingmaður Samfylkingarinnar í Norðvestur-kjördæmi, hefur ritað umhverfisnefnd Alþingis bréf þar sem hún óskar eftir fundi vegna díoxíðmengunar frá Sorpbrennslustöðinni Funa í Skutulsfirði.

Fékk sér plokkfisk og var færður til skýrslutöku

„Við vorum saman í mat þegar óeinkennisklæddir lögreglumenn komu að okkur," segir Jón P. Líndal, samstarfsmaður Ástþórs Magnússonar, sem var færður til skýrslutöku fyrir utan Byko í Kópavoginum í hádeginu.

Ung kona brenndist við að kveikja á handblysi

Talsverður erill var hjá lögreglunni á Vestfjörðum á gamlárskvöld og aðfaranótt nýjársdags. Ung kona brenndist á hendi þegar hún var að kveikja í handblysi, var hún flutt á sjúkrahúsið til skoðunar og aðhlynningar.

UNIFEM verður UN Women

Þann 1. janúar sameinaðist UNIFEM þremurm systrafélögum sínum innan Sameinuðu þjóðanna og hlaut hin sameinaða stofnun nafnið Jafnréttisstofnun Sþ eða UN Women (United Nations Entity for Gender Equality and the Empowerment of Women). Þetta er stórt skref fyrir stofnunina og tíðindi innan alþjóðasamfélagsins en með breytingunni fá málefni kvenna aukið vægi innan Sameinuðu þjóðanna.

Skutu niður njósnavélar

Yfirvöld í Íran segjast hafa skotið niður tvær ómannaðar njósnavélar á undanförnum dögum Þær hafi báðar verið vestrænar.

Ný íslensk kvikmyndaverðlaun

Í lok janúar verða ný íslensk kvikmyndaverðlaun afhent í fyrsta sinn. Eru þau samstarfsverkefni tímaritsins Mynda mánaðarins og vefjarins kvikmyndir.is.

Gæsluvarðhald yfir meintum skotmönnum rennur út á morgun

Gæsluvarðhald yfir fjórum karlmönnum, sem eru grunaðir um að hafa skotið á hurð heimilis í Háaleitishverfinu á aðfangadag, rennur út á morgun, 4. janúar.

Sjóvá endurskoðar uppgjör slysabótanna

Uppgjör til mannsins sem fékk aðeins um þriðjung skaðabóta sem honum voru ætlaðar frá Sjóvá vegna skuldar BM Vallár við tryggingarfélagið verður endurskoðað. Þetta fullyrðir Lárus Ásgeirsson forstjóri Sjóvár sem segir mál hans verða tekið fyrir á næstu dögum.

Húsvíkingar biðja um heilindi frá Landsvirkjun

Byggðaráð Norðurþings harmar að Landsvirkjun skyldi ekki upplýsa samstarfsaðila um orkunýtingu í Þingeyjarsýslum um áform um metanólverksmiðju við Kröflu og krefst þess að fyrirtækið upplýsi hvaða áhrif þetta geti haft á álver á Bakka.

Hirða jólatré í Kópavogi og Hafnarfirði en ekki í Reykjavík

Mánudaginn 10. janúar og þriðjudaginn 11. janúar munu starfsmenn Kópavogsbæjar annast hirðingu jólatrjáa í bænum. Bæjarbúar sem vilja nýta sér þessa þjónustu eru vinsamlegast beðnir um að setja jólatrén út fyrir lóðamörk og ganga þannig frá þeim að þau geti ekki fokið.

Kveikt í blaðagámi á Holtavegi

Slökkvilið höfuðborgarsvæðisins var kallað út í morgun þar sem eldur hafði verið borinn að blaðagámi á Holtavegi. Vel gekk að slökkva eldinn en brunar af þessu tagi hafa verið tíðir dagana í kringum áramót.

Í fangelsi fyrir að stela kjúklingabitum og golfkylfu

Tvítugur maður var dæmdur í 6 mánaða óskilorðsbundið fangelsi á fimmtudaginn í síðustu viku í Héraðsdómi Norðurlands eystra fyrir fjölmörg brot.

Hópárás á Selfossi

Rúmlega tvítugur karlmaður kom á lögreglustöðina á Selfossi um hádegi á nýársdag og sagðist hafa orðið fyrir líkamsárás á milli klukkan hálf eitt og eitt á nýársnótt.

Aðkomumönnum forðað frá æstum múg í Grundarfirði

Tveir menn hafa verið kærðir fyrir að lemja tvo aðkomumenn fyrir utan veitingastaðinn Kaffi59 í Grundarfirði samkvæmt fréttavefnum Skessuhorn.is. Þar kemur fram að talsverður hópur fólks hafi safnast fyrir utan staðinn aðfaranótt mánudagsins 27. desember.

Pete Postlethwaite er látinn

Breski leikarinn Pete Postlethwaite er látinn, 64 ára að aldri. Postlethwaite, sem tilnefndur var til óskarsverðlauna árið 1994 fyrir hlutverk sitt í The Name og the Father, lést á sjúkrahúsi eftir langvinn veikindi.

Herða reglur um nýtingu hvala

Stjórnvöld í Suður-Kóreu hafa hert reglur til þess að koma í veg fyrir ólöglegar hvalveiðar. Landið hætti hvalveiðum eftir samþykkt Alþjóða hvalveiðiráðsins árið 1986.

Bensínið hækkaði um áramót og frekari hækkanir í pípunum

Bensínskattur hækkaði um áramótin um eina krónu og áttatíu aura á lítrann og olíuskattur á dísilolíu um tvær og sextíu. Enn frekari hækkanir verða á opinberum gjöldum þegar nýir eldsneytisfarmar berast til landsins.

Miðlægur gagnagrunnur fyrir íslensk gæludýr

Vinna er hafin við að koma á laggirnar miðlægum gagnagrunni fyrir öll örmerkt gæludýr á landinu ásamt veforriti sem heldur utan um gagnagrunninn. Völustallur, hlutafélag í eigu Dýralæknafélags Ísland, undirritaði samning við tölvudeild Bændasamtaka Íslands um að smíði forritsins og gagnagrunnsins nú skömmu fyrir jól. Gert er ráð fyrir að fyrsta útgáfa verði tilbúin 15. mars 2011.

Gaf gjafabréf í ríkið með jakkafötum: Löglegt en siðlaust

„Þeir komu í búðina og athuguðu hvort ég væri með áfengið á bak við búðarborðið," segir Gunnar Már Levísson, eigandi Herra Hafnarfjarðar, en lögreglan kom í búðina til hans rétt fyrir áramót vegna fréttatilkynningar, þar sem fram kom að hann gæfi áfengi með seldum jakkafötum.

Bæjarstjórn Ölfuss mótmælir vegtollum

Bæjarstjórn Ölfuss mótmælir harðlega öllum hugmyndum um vegatolla á Suðurlandsveg. Bæjarstjórnin bókaði um málið á fundi þann 30. desember síðastliðinn þar sem segir að auknar álögur á íbúa og atvinnulíf á Suðurlandi í formi vegatolla muni hafa verulega neikvæð áhrif á búsetu, atvinnustig, fasteignaverð, einstaklinga og fyrirtæki á Suðurlandi.

Máttu ekki auglýsa appelsínið

Vífilfell braut lög með auglýsingum sínum fyrir drykkinn hátíðarappelsín, sem birtust fyrir jól. Þetta er niðurstaða Neytendastofu.

Vinkonur leggja 353 milljónir í sundlaug

Samkomulag hefur náðst milli Skagafjarðar annars vegar og vinkvennanna Lilju Pálmadóttur og Steinunnar Jónsdóttur hins vegar um lokauppgjör vegna sundlaugar á Hofsósi sem Lilja og Steinunn færðu sveitarfélaginu að gjöf.

Ísfirðingum ekki greint frá eiturgufum frá sorpbrennslu

Eiturefnið díoxín mældist 20 sinnum hærra en viðmiðunarmörk gera ráð fyrir í útblæstri frá sorpbrennslunni Funa á Ísafirði árið 2007. Þáverandi bæjarstjóri á Ísafirði segir að allar mælingar hafi verið kynntar opinberlega. umhverfismál Sorpbrennslustöðin Funi á Ísafirði var í sjö ár undanþegin ströngum reglum um losun eiturefnisins díoxín.

Lungnapest greinist í sauðfé í Mýrdal

Lungnapest hefur greinst í sauðfé að bænum Sólheimahjálegu í Mýrdal og hafa nokkrar kindur drepist úr sóttinni að undanförnu.

Flóðin í Queensland í Ástralíu kosta mannslíf

Mikil flóð sem hrjáð hafa íbúa í Queensland í Ástralíu um helgina hafa kostað einn mann lífið og þurft hefur að flytja um 1.000 íbúa á brott frá flóðasvæðinu.

Þúsundum dauðra fugla rigndi niður í Arkansas

Yfirvöld í Akransas í Bandaríkjunum eru nú að rannsaka dularfullan atburð sem átti sér stað í grennd við bæinn Beebe. Þar tók að rigna niður dauðum smáfuglum í þúsunda tali á nýársdag, einkum störrum og þröstum.

Öflugur jarðskjálfti í miðhluta Síle

Öflugur jarðskjálfti upp á 7,1 á Richter reið yfir miðhluta Síle seint í gætkvöldi. Skjálftinn fannst vel í Santiago höfuðborg landsins sem liggur tæplega 600 kílómetra norður af upptökum hans.