Kvótakerfið að rústa byggðum landsins

Guðjón Arnar Kristjánsson, formaður Frjálslynda flokksins segir lokun Kambs á Flateyri sönnun þess að ekki sé hægt að starfa innan kvótakerfisins. Hann segir kerfið á góðri leið með að rústa byggðum landsins. Flateyringar hafa notið góðs af kerfinu fram til þessa segir sjávarútvegsráðherra.

Gestum gefið færi á að komast nær ísbjörnum

Dýrgarðurinn í Pittsburg í Bandaríkjunum hefur hleypt af stokkunum nýrri ísbjarnarsýningu. Sérstakt búr var tekið í notkun fyrir sýninguna sem á að gefa gestum færi á að komast nær ísbjörnum en áður.

Saka lækna um mistök við meðferð brunasára

Foreldrar rúmlega tvítugrar stúlku hafa kært starfsfólk bruna- og lýtalækningadeildar Landspítala-háskólasjúkrahúss til lögreglu. Þau segja að mistök, við meðferð brunasára stúlkunnar, hafi valdið henni varanlegum skaða.

Kominn til Ástralíu eftir rúm fimm ár í fangabúðunum á Kúbu

Eftir rúmlega fimm ára dvöl í fangabúðum Bandaríkjamanna í Guantanamo á Kúbu fékk Ástralinn David Hicks að snúa aftur til síns heima í dag. Hicks var handsamaður árið 2001 af herliði bandamanna í Afganistan og sakaður um að hafa aðstoðað við hryðjuverk.

Felldi lögregluþjón og faldi sig svo í kirkju

Lögreglan í bænum Moskvu í Idaho í Bandaríkjunum umkringdi í dag kirkju eftir að byssumaður lokaði sig þar inni. Maðurinn faldi sig í kirkjunni eftir að hafa fellt lögregluþjón.

Ein blóðugustu innanlandsátök í áratugi

Um fimmtíu manns hafa látist í átökum líbanska hersins og sveita herskárra uppreisnarmanna í Líbanon í dag. Átökin eru ein blóðugustu innanlandsátök í landinu í áratugi.

Háar stunur á svölunum

Hjón í Middelfart á Fjóni í Danmörku vöknuðu við einhvern undarlegan hávaða síðastliðna nótt. Eftir að hafa hlustað nokkra stund fóru þau framúr til þess að kanna hvaða hljóð þetta væru og hvaðan þau kæmu. Þau gengu á hljóðið og sú ganga leiddi þau að svaladyrunum. Þau kíktu út.

Ný ríkisstjórn sögð vera að smella saman

Stjórnarmyndunarviðræðurnar á Þingvöllum standa enn yfir og er því haldið fram að ný ríkisstjórn sé að smella saman. Bæði Geir Haarde og Ingibjörg Sólrún Gísladóttir sögðu við fréttamenn síðdegis að viðræðurnar gengju vel, en vildu ekki tjá sig frekar.

Flestir hálendisvegir lokaðir

Ófært er yfir Hellisheiði eystri. Á Austurlandi er mikið um að Hreindýr séu við vegi og eru vegfarendur beðnir um að aka þar með gát. Annars eru helstu vegir landsins greiðfærir. Vegna aurbleytu og hættu á vegaskemmdum er allur akstur bannaður á flestöllum hálendisvegum sem að jafnaði eru ekki færir nema að sumarlagi.

Ísraelskir skriðdrekar komnir inn á Gaza

Ísraelska ríkisstjórnin ákvað í dag að herða hernaðaraðgerðir á Gaza ströndinni til þess að stöðva eldflaugaárásir Hamas liða á Ísrael. Palestínumenn óttast að þetta þýði að ísraelski herinn ráðist inn á svæðið, með fyrirsjáanlegum afleiðingum.

Stuðningur vex við Álver á Húsavík

Nýleg skoðanakönnun, sem Capacent Gallup hefur gert á Norðausturlandi, leiðir í ljós að 69,5% íbúa eru hlynnt byggingu álvers á Bakka við Húsavík. Yfir 80% telja að bygging álvers myndi hafa jákvæð áhrif á búsetuskilyrði til lengri tíma á Norðurlandi. Niðurstaðan er byggð á svörum rúmlega 1500 manns á aldrinum 16-75 ára.

Elskar ennþá górilluna

Fimmtíu og sjö ára gömul hollensk kona sem górilla beit í dýragarðinum í Rotterdam í gær, segir að hún elski ennþá górilluna Bokito. Konan segir í viðtali við hollenska dagblaðið Telegraaf að hún fari nær daglega í dýragarðinn ásamt eiginmanni sínum. Þau hafi tekið ástfóstri við Bokito og eigi meira að segja myndir af honum frá því hann var fjögurra mánaða gamall.

Forseti í megrunarleiðangur

Jalal Talabani forseti Íraks er farinn til Bandaríkjanna í nokkurra vikna megrunarkúr. Forsetinn sem losar sjötugt ætlar að nota tækifærið til þess að hvíla sig. Talabani lagði áherslu á að hann væri ekki haldinn neinum sjúkdómi. Heilsa hans væri góð, en hann væri of feitur. Ef Guð lofaði myndi hann ráða bót á því í ferðinni.

Mogginn óttast að Ingibjörg Sólrún sprengi ríkisstjórnina

Morgunblaðinu er í dag hugleikin sú hætta að Ingibjörg Sólrún Gísladótir geti búið til ágreining við Sjálfstæðisflokkinn á miðju kjörtímabilinu og myndað vinstri stjórn. Blaðið varar við því að þetta sé mesta hættan sem Geir H. Haarde standi frammi fyrir.

Jóhannes í Bónus á ekki von á sáttum

Jóhannes Jónsson, oftast kenndur við Bónus, segir ekki miklar líkur á að hann og Björn Bjarnason sættist á næstunni þrátt fyrir að hann sé að eðlisfari sáttfús maður. Hann segir Hannes Hólmstein Gissurarson ekki hafa umboð frá sér til sáttamiðlunar.

Aftur hafinn fundur á Þingvöllum

Fulltrúar Sjálfstæðisflokksins og Samfylkingarinnar eru aftur komnir til Þingvalla til þess að halda áfram stjórnarmyndunarviðræðum. Þau Geir Haarde forsætisráðherra og Ingibjörg Sólrún Gísladóttir komu í þjóðgarðinn klukkan tólf, ásamt sínum fylgismönnum.

Búast við að Brown kalli herlið Breta heim frá Írak

Búist er við að Gordon Brown, nýr leiðtogi breska Verkamannaflokksins, kalli herlið Breta heim frá Írak þegar hann tekur við forsætisráðherraembættinu í næsta mánuði. Bandaríkjaforseti hefur verið varaður við því að svo geti farið að hann missi sinn helsta bandamann.

Harry fer til Afganistans

Harry bretaprins verður sendur til herþjónustu í Afganistans, að sögn breska blaðsins News of The World. Breska herstjórnin tók í síðustu viku þá ákvörðun að senda hann ekki til Íraks, eins og til stóð. Áhættan var talin of mikil þar sem fjölmörg samtök hryðjuverkamanna höfðu lýst því yfir að það yrði forgangsverkefni að ræna honum og myrða.

Brotnaði á báðum fótum í eins metra falli

Maður slasaðist á fótum eftir að árbakki sem hann stóð á gaf sig rétt ofan við hjólahýsahverfið á Laugarvatni í gærkvöldi. Hann var fluttur slysadeild Landsspítalans og reyndist með opið beinbrot á öðrum fæti og öklabrot á hinum.

Áfram þingað um stjórnarmyndun

Fundað var á Þingvöllum um myndun ríkisstjórnar Samfylkingar og Sjálfstæðisflokks fram á kvöld í gær og er ekki búist við öðru en að viðræðum verði framhaldið í dag. Formenn og varaformenn flokkana, ásamt framkvæmdastjórum leiddu viðræðurnar en ásamt þeim voru Árni Matthiesen, fjármálaráðherra og Össur Skarphéðinsson á Þingvöllum.

Sex létu lífið í sjálfsmorðssprengjuárás í Afganistan

Að minnsta kosti sex létu lífið og þrjátíu og fimm særðust í sjálfsmorðssprengjuárás í suðurhluta Afganistan í morgun. Talibanar hafa undanfarið aukið á ný árásir sínar í landinu og segjast vera búnir að þjálfa upp hundruð sjálfsmorðssprengjumanna.

Forseti Rúmeníu fékk stuðning þjóðarinnar

Rúmenar höfnuðu í gær tillögu þingsins um að Traian Basescu, forseti Rúmeníu, færi frá völdum. Þjóðaratkvæðagreiðsla fór fram um tillöguna í gær en hún gerði ráð fyrir að forsetinn yrði rekinn frá völdum og kærður fyrir valdníðslu.

Loftárásir á Gaza

Ísraelsher gerði loftárásir á Gazasvæðið í nótt. Ehud Olmert, forsætisráðherra Ísraels, hótaði hertari aðgerðum á svæðinu láti Hamsasliðar ekki af eldflaugaárásum sínum.

Tugþúsundir mótmæla Chavez

Tugþúsundir manna mótmæltu því í dag á götum úti að Hugo Chavez forseti Venesúela ætlar að loka elstu einareknu sjónvarpsstöð landsins. Chavez telur stöðina ekki holla sér og sakar hana um að hafa átt þátt í að reyna að steypa sér af stóli árið 2000. Chavez hefur löngum átt í útistöðum við einkareknar sjónvarpsstöðvar.

Carter úthúðar Blair

Jimmy Carter fyrrverandi forseti Bandaríkjanna gagnrýndi Tony Blair óvægilega í viðtali við BBC útvarpsstöðina í dag. Carter sagði að óbilandi stuðningur Blairs við innrásina í Írak hefði verið harmleikur. Carter var frá upphafi á móti innrásinni og hefur alla tíð talað gegn stríðsrekstrinum í Írak.

Hver tekur við af Wolfowitz ?

Ólíklegt er að Evrópuríki sem tóku höndum saman um að hrekja Paul Wolfowitz úr starfi bankastjóra Alþjóðabankans leggi í átök við Bandaríkin um hver verður næsti bankastjóri. Hefð er fyrir því að bankastjórinn sé Bandaríkjamaður þar sem Bandaríkin leggja langmest fé til bankans.

Mannskæð sprenging í Perú

Ráðist á þýska hermenn í Afganistan

Þrír þýskir hermenn og sex óbreyttir borgarar féllu í sprengjuárás í Afganistan í dag. Hermennirnir höfðu stigið út úr jeppa sínum og voru að fara inn í verslun þegar sprengjan sprakk. Talibanar hafa lýst tilræðinu á hendur sér. Talibanar eru nú óðum að skríða úr vetrarhíði sínu og segjast hafa þjálfað hundruð

Svíar leystir úr prísund

Þrem Svíum hefur verið sleppt úr haldi í Eþíópíu. Þeir höfðu verið þar í haldi síðan í janúar. Svíarnir voru meðal tuga manna sem voru handteknir þegar þeir flúðu bardagana í Sómalíu. Sænska ríkisstjórnin hafði krafist þess að mönnunum yrði sleppt, nema stjórnvöld í Eþíópíu tilgreindu lagaleg rök fyrir að halda þeim.

Górilla beit konu í dýragarði í Hollandi

Flytja þurfti tvo á spítala eftir að górilla gekk berserkgang í dýragarði í Hollandi í gær. Górillan réðst á konu sem stödd var í garðinum, dró hana um svæðið og beit hana.

Metaðsókn í garðinn

Aðsóknarmet var slegið í fjölskyldu og húsdýragarðinum í dag þegar hátt í 30 þúsund manns komu saman á fjölskyldudegi Stöðvar 2. Boðið var upp á grillaðar pylsur, Skotta og Skrítla kíktu í heimsókn og frítt var í öll leiktæki á svæðinu. Börn og fullorðnir skemmtu sér ljómandi vel í blíðskaparveðri, ýmist renndi það sér á stærstu rennibraut landsins, hoppuðu og skoppuðu í þar til gerðum kastala eða reyndu við risa þrautabraut.

Braust inn og barði húsráðanda

Karlmaður á þrítugsaldri var í gær úrskurðaður í viku gæsluvarðhald vegna alvarlegrar líkamsárásar á uppstigningardag. Maðurinn er grunaður um að hafa brotist sér leið inn á heimili við Skólavörðustíg og gengið í skrokk á húsráðanda sem var þar í fasta svefni.

Bæjarbúar dofnir

Íbúar Flateyrar eru dofnir yfir tíðndum gærdagsins og vonlitlir um áframhaldandi rekstur í bænum. Engin ríkisstjórn hvorki sú sem er að fara frá völdum, né sú sem tekur við getur horft aðgerðarlaus á, segir sjávarútvegsráðherra.

Fullvissaði Íraka um stuðning

Tony Blair, forsætisráðherra Bretlands, fullvissaði í morgun Íraka um að stuðningur Breta við írösk stjórnvöld verði áfram til staðar þó nýr maður taki forsætisráðherrastólnum í júní.

Ísrael verður ekki þurrkað út af landakaortinu -Íran

Utanríkisráðherra Írans sagði í dag að ekki sé hægt að þurrka neitt land út af landakortinu. Manouchehr Mottaki sagði að ekki ætti að skilja orð forseta Írans í þá veru sem hótun gagnvart Ísrael. Mottaki lét þessi orð falla á blaðamannafundi í Jórdaníu.

Þegar Emma varð reið

Það hafa verið sagðar sögur af konum sem hafa farið með skærin í fataskáp eiginmannsins í skilnaðardeilum. Ekki hún Emma Thomason. Hún gerði gott betur. Emma býr í Whitehaven í Bretlandi. Hún var að fara að ganga að eiga Jason Wilson, kærastann sinn til margra ára. Þau eru bæði rúmlega tvítug og voru farin að búa saman.

Michael Moore sló í gegn í Cannes

Hinum dáða og hataða kvikmyndagerðarmanni Michael Moore var fagnað gríðarlega eftir að kvikmynd hans "Sicko" hafði verið frumsýnd í Cannes í dag. Í þessari nýjustu mynd sinni tekur hann fyrir heilbrigðiskerfið í Bandaríkjunum. Þar finnst honum ýmsu ábótavant. Svo ekki sé meira sagt.

Guðfríður Lilja hlaut rússneska kosningu

Guðfríður Lilja Grétarsdóttir var einróma endurkjörin forseti Skáksambandsins á aðalfundi þess í dag. Þá gerðist það í fyrsta skipti í sögu sambandsins, að konur voru kjörnar í meirihluta í stjórn þess.

37 milljónir til atvinnulausra ungmenna

Tilkynnt var um stofnun Fjölsmiðju á Akureyri á aðalfundi Rauða kross Íslands í dag. Fjölsmiðja er atvinnutengt úrræði fyrir ungt fólk á krossgötum sem hefur flosnað upp úr námi eða vinnu þar sem ungmennum er hjálpað við að finna sér stað í vinnu eða námi.

Risavaxnar öldur fletja út hús í Indónesíu

Risavaxnar öldur hafa eyðilagt hundruð húsa meðfram ströndum Indónesíu í dag. Baðströndum hefur verið lokað fyrir ferðamönnum og fiskimenn halda sig heima. Veðurfræðingar segja að þetta séu hvorki flóðbylgjur vegna jarðskjálfta né árlegra veðurfarsbreytinga. Líklegast sé þetta vegna mikilla vinda á hafi úti.

Handteknir fyrir að grýta unglingsstúlku í hel

Fjórir menn hafa verið handteknir vegna morðsins á hinni 17 ára gömlu Dú'u Khalil Aswad sem var grýtt í hel í norðurhluta Íraks í byrjun apríl. Ástæðan fyrir morðinu var sú að Dú'a hafði orðið ástfangin af pilti af öðrum trúflokki. Dú'a tilheyrði trúflokknum Yezidi. Þeir tala kúrdisku en líta ekki á sig sem Kúrda. Þegar múgur hóf að leita hennar leitaði hún hælis hjá trúarleiðtoga. Þaðan var hún dregin út á götu.

Reyna að halda kvótanum innan svæðisins

Birna Lárusdóttir, forseti bæjarstjórnar á Ísafirði segir mikilvægt að kvótinn sem Kambur átti haldist í byggðarlaginu. Bæjarstjórn Ísafjarðar hefur sett sig í samband við útgerðarmenn á svæðinu í von um að þeir geti komið að málinu.

Braust inn og réðist á húsráðanda

Maður á þrítugsaldri varð fyrir alvarlegri líkamsárás á uppstigningardag. Það varð honum til happs að nágranni hans hringdi eftir aðstoð. Það var um hádegisbil á uppstigningardag sem árásin átti sér stað. Fórnarlambið, sem er karlmaður, var sofandi á heimili sínu þegar árásarmaðurinn braust þar inn og tók til við að berja á manninum.

Strumpar á leið til Reykjavíkur

Sextán Strumpar eru nú að þramma frá Þorlákshöfn til Reykjavíkur. Um hádegisbilið voru þeir í Þrengslunum og sóttist ferðin vel. Strumpar þessir tilheyra unglingadeild björgunarsveitarinnar Mannbjörg, í Þorlákshöfn. Þeir kusu sér strumpanafnið sjálfir.

Stjórn Sjálfstæðisflokks og Samfylkingar góð fyrir efnahagslífið

Greining Glitnis telur að ríkisstjórn Sjálfstæðisflokks og Samfylkingar muni reynast fjármálamörkuðum nokkuð hagfelld. Slík stjórn myndi trúlega halda áfram þeirri þróun til markaðs- og alþjóðavæðingar sem einkennt hafi íslenskt efnahagslíf frá upphafi tíunda áratugarins.