Erlendir fjárfestar eiga tæp fimm prósent í Icelandair Group

Erlendir fagfjárfestar eiga nú tæplega fimm prósenta hlut í Icelandair Group Holding en hlutafjárútboði félagsins lauk í gær. Fram kemur í tilkynningu frá félaginu að í boði hafi verði hlutir að söluvirði nærri fimm milljarðar króna en alls óskuðu fjárfestar eftir að kaupa hluti fyrir rúmlega helmingi hærri upphæð og því var mikil umframeftirspurn eftir bréfum í félaginu.

Ók ölvaður inn á flugvélaplanið á Keflavíkurflugvelli

Ölvaður ökumaður, sem var seinn fyrir í flug til útlanda í morgun, ók á fullri ferð í gegnum háa girðingu við Leifsstöð og inni á flugvélaplanið með fjóra lögreglubíla á hælunum. Þar stökk hann úr úr bílnum og ætlaði að hlaupa um borð í næstu vél þegar lögreglumenn hlupu hann uppi og handtóku hann umsvifalaust.

Höggva sitt eigið jólatré

Sífellt fleiri höggva sitt eigið jólatré hér á landi. Skógræktarfélag Reykjavíkur býður í ár líkt og fyrri ár fólki að koma í Heiðmörk fyrir jólin og höggva jólatré gegn hóflegu gjaldi.

Jólafrí setja strik í reikninginn

Varautanríkisráðherra Rússlands, Alexander Alexeyev, sagði í dag að sexveldahópurinn svokallaði myndi sennilega ekki hittast fyrr en árið 2007. Sagði hann það vera vegna væntanlegra jólafría embættismanna.

Segja vinnubrögð ekki hafa verið óeðlileg

Bæjarfulltrúar Sjálfstæðisflokksins í Árborg hafna þeim fullyrðingum tveggja bæjarfulltrúa Samfylkingarinnar og Framsóknarflokksins í bæjarfélaginu að óeðlileg vinnubrögð hafi átt sér stað við þá beiðni Eðalhúsa að fá auglýsta tillögu sína um deiliskipulag svokallaðs Sigtúnsreits. Þetta kemur fram í yfirlýsingu frá bæjarfulltrúunum í kjölfar fréttar á Stöð 2 í gærkvöld.

Durian kominn til Víetnam

Hitabeltisstormurinn Durian lenti á suðurströnd Víetnam í dag. Að minnsta kosti 46 manns létu lífið vegna hans og talið er að fleiri en 300 hafi slasast. Þúsundir húsa eru einnig talin ónýt eftir storminn. Þrír sjómenn eru einnig taldir af eftir að bát þeirra hvolfdi í aðdragand stormsins.

180 þúsund króna sekt fyrir vörslu og sölu fíkniefna

Karlmaður hefur í Héraðsdómi Norðurlands eystra verið dæmdur til að greiða 180 þúsund króna sekt og til upptöku á nærri átta grömmum af amfetamíni fyrir sölu og vörslu fíkniefna. Þá var kona dæmd til greiðslu 30 þúsund króna vegna vörslu amfetamíns í sama máli.

Töluvert um þjófnaði í borginni um helgina

Töluvert var um þjófnaði í borginni um helgina en lögreglunni í Reykjavík bárust allmargar tilkynningar þess efnis eftir því sem segir á vef hennar. Voru það ekki síst verslunareigendur sem urðu fyrir barðinu á fingralöngum. L

Klessti á ljósastaur grunaður um ölvun

Ökumaður fólksbíls missti stjórn á farartækinu á Nýbýlavegi á níunda tímanum og klessti á ljósastaur. Hann er grunaður um ölvun við akstur en enginn slasaðist. Engin hálka var á veginum en malbikið var blautt að sögn lögreglu.

Hrósar Venesúela en minnist ekki einu orði á Chavez

Fulltrúi Hvíta hússins hrósaði í dag venesúelsku þjóðinni fyrir að taka þátt í lýðræðislegum forsetakosningum en minntist ekki einu orði á Hugo Chavez, forseta Venesúela, sem var endurkjörinn með yfirgnæfandi meirihluta. Chavez er svarinn óvinur Bandaríkjamanna og líkti Bush Bandaríkjaforseta við djöfulinn í frægri ræðu í fyrra.

Pólonrannsóknir í breska sendiráðinu í Moskvu

Breskir geislunarsérfræðingar munu rannsaka hvort einhver merki um geislavirka efnið pólon 210 finnist í sendiráði Breta í Moskvu á næstu dögum. Þetta er hluti af rannsókn bresku leyniþjónustunnar á morðinu á Alexander Litvinenko sem eitrað var fyrir með geislavirku póloni.

NASA byggir á tunglinu

Geimferðastofnun Bandaríkjamanna, NASA, sagðist í dag ætla að byggja varanlega geimstöð á tunglinu, að öllum líkindum á norðurpóli tunglsins. Stöðin verður miðstöð rannsókna á tunglinu auk þess að leggja grunninn að ferðalögum til Mars. Byggingin mun hefjast árið 2020, og munu þá tunglferðir verða tíðari, til þess að flytja megi byggingarefni til tunglsins.

Rússneskur templaraprestur brenndur inni

Rússneskur rétttrúnaðarprestur var brenndur inni ásamt þremur börnum sínum á laugardag og telja rússneskir fjölmiðlar að íkveikjan hafi verið skipulögð til að þagga niður í prestinum, sem barðist ötullega gegn ofdrykkju áfengis. Nokkrir íbúar þorpsins þar sem presturinn bjó sögðu alkóhólista hafa stolið íkonum og öðrum gripum úr kirkjunni til að eiga fyrir næsta sopa.

Flutningaskipin seglum búin

Vindknúin flutningaskip verða tíð sjón í framtíðinni samkvæmt framtíðarsýn fallhlífaframleiðandans Skysails. Þar á bæ segja menn að segl með formi fallhlífar geti sparað flutningaskipum allt að 70 þúsund krónur á dag ef vindáttin er hagstæð. Seglin eru allt að 320 fermetrar að stærð og verða sett í sölu á næsta ári.

Atvinnuauglýsingu dansks klámframleiðanda hafnað

Atvinnumiðlun danska ríkisins ákvað í dag að klámmyndaframleiðanda væri ekki heimilt að auglýsa eftir starfskröftum á netinu, jafnvel þó að vefstjórastaðan sem fyrirtækið vildi auglýsa feldi ekki í sér neinn hlut í klámmyndatökum. Vinnumálastofnun Dana sagði að auglýsingin gæti virkað stuðandi á vinnuleitendur.

43% segjast ekki hafa fengið lögbundnar launahækkanir

Stór hluti verkafólks, 43%, segist svikinn um lögbundnar launahækkanir sem samið var um og áttu að ganga í gegn þann 1. júlí síðastliðinn, samkvæmt nýrri könnun. Atvinnurekendur draga niðurstöðurnar í efa

Ekvador hallast til vinstri með nýjum forseta

Ekvador bættist í fylkingu vinstrisinnaðra Suður-Ameríkuríkja í dag þegar talningu lauk upp úr kjörkössum forsetakosninganna. Hagfræðingurinn Rafael Correa, vinur hins alræmda Hugo Chavez, forseta Venesúela, hlaut tæp 56,7% gildra atkvæða og vann óvéfengjanlegan sigur á bananakónginum hægrisinnaða Alvaro Noboa.

Sprenging í flugeldaverksmiðju kostar tvo lífið

Tveir slökkviliðsmenn týndu lífi og 12 brenndust illa þegar eldur kviknaði í flugeldaverksmiðju í suðurhluta Englands í gærkvöldi.

Valdarán virðist í uppsiglingu

Svo virðist sem valdarán sé í uppsiglingu á Fiji-eyjum. Herinn afvopnaði í dag viðbragðssveitir lögreglu og einangraði höfuðborgina. Herforingi, sem hefur hótað því að ræna völdum, segir þetta aðeins gert til að koma í veg fyrir vopnuð átök á eyjunum.

Fríverslunarviðræður eftir áramótin

Viljayfirlýsing um upphaf fríverslunarviðræðna milli Íslands og Kína var undirrituð í Peking í dag. Í gær var fyrsti áfangi íslenskrar hitaveitu tekinn í notkun í Kína. Miklar vonir eru bundnar við hitaveituna og er stefnt að því að hún verði sú stærsta í heimi.

Verra en borgarastyrjöld í Írak

Fráfarandi framkvæmdastjóri Sameinuðu þjóðanna segir ástandið í Írak mun verra en borgarastyrjöld og telur líf almennra Íraka verra nú en þegar Saddam Hússein réð ríkjum í landinu. Hann segir innrásina í Írak hafa verið mikið áfall fyrir Sameinuðu þjóðirnar.

Tvöföldun Suðurlands- og Vesturlandsvega kostar 20 milljarða

Tvöföldun Suðurlandsvegar að Selfossi og Vesturlandsvegar að Hvalfjarðargöngum myndi kosta um 20 milljarða - helmingi meira heldur en svokölluð tveir plús einn leið með vegriði. Sveitarstjórnarmenn í Ölfusi eru hins vegar ekki til viðræðu um annað en tvöföldun.

16 þúsund erlendir ríkisborgarar í starfi hérlendis

Um 16 þúsund erlendir ríkisborgarar starfa hér á landi um þessar mundir, eftir því sem fram kemur í svari félagsmálaráðherra við fyrirspurn Magnúsar Þórs Hafsteinssonar, þingmanns frjálslyndra. Pólverjar eru langfjölmennastir í hópi þeirra sem komið hafa til landsins á þessu ári og meirihluti þeirra atvinnuleyfa sem veitt voru í ár voru vegna byggingariðnaðar.

Gegn anda samkeppnislaga

Páll Gunnar Pálsson, forstöðumaður Samkeppniseftirlitsins, segir að þær breytingar sem hafi verið gerðar á frumvarpi um Ríkisútvarpið ohf, breyti engu um að það stríði gegn markmiðum samkeppnislaga.

Bretar endurnýja kjarnavopnabúr sitt

Bretar ætla að endurnýja allt kjarnavopnabúr sitt á næstunni, þar á meðal allan kjarnorkukafbátaflotann. Tony Blair, forsætisráðherra, sagði í dag að hinir bandarísku Trident kjarnaoddar verði áfram í vopnabúrinu en hins vegar verði kjarnaoddum fækkað um 20% og verði færri en 160 talsins og hugsanlega verði ekki keyptir nema þrír kafbátar í stað fjögurra.

Ekki öruggara að nota handfrjálsan búnað

Hættan á umferðarslysum eykst þegar fólk talar í farsíma við akstur, óháð því hvort notaður er handfrjáls búnaður eða ekki. Þetta leiðir ný rannsókn á vegum rannsóknarseturs Danmerkur í samgöngumálum í ljós en greint er frá henni á vef Jótlandspóstsins.

Dýrt spaug að kasta tertu í ráðherra

Karlmaður á þrítugsaldri var dæmdur í eins mánaðar fangelsi í Osló í dag fyrir að kasta rjómatertu í Kristinu Halvorsen, fjármálaráðherra Noregs, í október í fyrra þar sem hún var að ganga inn í ráðuneyti sitt.

Einkaframkvæmd komi til greina ef hún flýti fyrir framkvæmdum

Sturla Böðvarsson samgönguráðherra sagði á Alþingi í dag að hann teldi koma til greina að fela einkaaðilum að tvöfalda Suðurlandsveg ef það yrði til að flýta framkvæmdum við hann. Þetta kom fram í svari hans til Björgvins G. Sigurðssonar, þingmanns Samfylkingarinnar, sem spurðist fyrir um stefnu stjórnvalda í málefnum Suðurlandsvegar.

Íslendingur fer til Filippseyja vegna hamfara

Sólveig Þorvaldsdóttir heldur til Filippseyja í dag til neyðarstarfa á vegum Rauða krossins vegna fellibylsins Durians sem gekk yfir landið aðfaranótt föstudagsins 30. nóvember.

Heppilegra hefði verið að hafa meira samráð við utanríkismálanefnd

Geir H. Haarde forsætisráðherra segir að betra og heppilegra hefði verið að hafa meira samráð við utanríkismálanefnd þegar ákveðið var að styðja innrásina í Írak árið 2003 en hins vegar telur hann að ákvörðunin hafi verið rétt miðað við þær upplýsingar sem lágu fyrir á þeim tíma.

Dæmdir fyrir peningafölsun

Þrír karlmenn voru í dag dæmdir í Héraðsdómi Norðurlands eystara fyrir peningafölsun. Einn mannanna var einnig dæmdur fyrir þjófnað og annar fyrir vörslu fíkniefna. Þeir notuðu falsaðan fimm þúsund króna seðil í Bónusvídeó á Akureyri. Mennirnir eru á aldrinum sextán til tuttugu og eins árs.

Maður á níræðisaldri handtekinn fyrir akstur undir áhrifum

Lögreglan í Reykjavík hafði afskipti af tólf ökumönnum vegna ölvunaraksturs og eins vegna aksturs undir áhrifum lyfja um helgina. Flestir hinna teknu voru á þrítugs- og fertugsaldri en sá elsti er á tíræðisaldri.

Bónus styrkir Hjálparstarfi kirkjunnar og Mæðrastyrksnefnd

Bónus færði í dag Hjálparstarfi kirkjunnar og Mæðrastyrksnefnd Reykjavíkur 21 milljón króna að gjöf. Þessar tvær stofnanir taka sameinast um að veita jólaaðstoð nú í desember. Aðstoðin er veitt bæði í Reykjavík og á landsbyggðinni þeim sem búa við bág kjör.

Þungatakmarkanir á fjórum vegum frá og með morgundeginum

Vegagerðin bendir á að vegna hættu á slitlagaskemmdum verður viðauki 1 felldur úr gildi og ásþungi takmarkaður við 10 tonn á eftirfarandi vegum frá og með kl. 8 í fyrramálið, 5. desember:

Sífellt færri bækur prentaðar hér á landi

Hlutfall þeirra bóka sem er að finna í Bókatíðindum Félags íslenskra bókaútgefenda í ár og prentaður er hér á landi hefur dregist verulega saman frá fyrra ári samkvæmt könnun Bókasambands Íslands.

Nöfn þeirra sem létust í slysinu á Sandskeiði

Stúlkan sem lést í bílslysinu á Sandskeiði á laugardaginn hét Svandís Þula Ásgeirsdóttir. Svandís var fimm ára til heimilis að Sandvaði 1 í Reykjavík. Karlmaður sem einnig lést í slysinu hét Ásgeir Jón Einarsson til heimilis að Fljótaseli 10 í Reykjavík. Ásgeir Jón var 29 ára, einhleypur og barnlaus.

Bolton hættir sem sendiherra Bandaríkjanna hjá SÞ

John Bolton, sendiherrra Bandaríkjanna hjá Sameinuðu þjóðunum, hefur sagt af sér og hættir á næstu dögum. Frá þessu greindu bandarísk stjórnvöld í dag.

Ragnheiður nýr bæjarstjóri í Árborg

Ragnheiður Hergeirsdóttir verður bæjarstjóri nýs meirihluta Samfylkingarinnar, Vinstri-grænna og Framsóknarflokks í Árborg. Gengið hefur verið frá samningi um samstarf flokkanna. Viðræður hafa staðið yfir frá því á föstudagskvöld eftir að það slitnaði upp úr samstarfi Framsóknarflokks og Sjálfstæðisflokks.

Sigríður Björk verður aðstoðarríkislögreglustjóri

Sigríður Björk Guðjónsdóttir, sýslumaður á Ísafirði, hefur verið skipuð aðstoðarríkislögreglustjóri við embætti Ríkislögreglustjóra til fimm ára frá og með næstu áramótum. Þetta kemur fram í tilkynningu frá dóms- og kirkjumálaráðuneytinu.

Tekinn fimm sinnum á bíl án bílprófs

Lögreglan á Akranesi hafði afskipti af ungum ökumanni í liðinni viku þar sem hann reyndist ekki vera með bílpróf. Þetta væri varla í frásögur færandi nema fyrir það að þetta er í fimmta skiptið sem hann er tekinn án bílprófs.

Pinochet látinn laus gegn tryggingu

Dómstóll í Chile hefur úrskurða að Augusto Pinochet, fyrrverandi einræðisherra landsins, verði látinn laus gegn tryggingu en hann var handtekinn í síðustu viku í tengslum við morð á tveimur andstæðingum hans í valdatíð Pinochets. Ákvörðun dómstólsins kemur degi eftir að Pinochet hlaut alvarlegt hjartaáfall.

Verra en borgarastyrjöld

Kofi Annan, fráfarandi framkvæmdastjóri Sameinuðu þjóðanna, segir ástandið í Írak mun verra en borgarastyrjöld. Hann segir jafnframt líf almennra Íraka verra nú en þegar Saddam Hussein stjórnaði landinu.

Fimm fíkniefnamál í Reykjavík um helgina

Fimm fíkniefnamál komu til kasta lögreglunnar í Reykjavík um helgina en í þeim öllum fundust ætluð fíkniefni eins og lögregla kallar það. Á föstudagskvöld voru tveir karlmenn handteknir í miðbænum fyrir áðurnefndar sakir og aðfaranótt laugardags var þriðji karlmaðurinn stöðvaður í miðbænum af sömu ástæðu.

Fiðla verður ekki í eigu RÚV

Tæplega 280 ára gömul fiðla og önnur hljóðfæri sem Ríkisútvarpið hélt eftir við rekstarlegan aðskilnað Ríkisútvarpsins og Sinfóníuhljómsveitar Íslands verður ekki hluti af eignum Ríkisútvarpsins ohf. samkvæmt frumvarpi um breytingu á lögum um Sinfóníuhljómsveitina.

Tveir karlmenn enn á gjörgæsludeild eftir slys

Karlmaður sem slasaðist við æfingu með svokölluðu dráttarsegli fyrir rúmri viku liggur enn á gjörgæsludeild. Þá er maðurinn sem brenndist illa í eldsvoða í Ferjubakka í nóvember enn á gjörgæsludeild þar sem honum er haldið sofandi í öndunarvél.