Fiðla verður ekki í eigu RÚV

Tæplega 280 gömul fiðla og önnur hljóðfæri sem Ríkisútvarpið hélt eftir við rekstarlegan aðskilnað Ríkisútvarpsins og Sinfóníuhljómsveitar Íslands verður ekki hluti af eignum Ríkisútvarpsins ohf. samkvæmt frumvarpi um breytingu á lögum um Sinfóníuhljómsveitina.

Frumvarpið er lagt fram samhliða frumvarpi til laga um Ríkisútvarpið ohf. og felur í sér að RÚV hætti að taka þátt í kostnaði við rekstur Sinfóníuhljómsveitarinnar. Samkvæmt skýrslu matsnefndar vegna stofnefnahagsreiknings Sinfóníuhljómsveitarinnar verður fiðlan, sem er af gerðinni Guarnerius del Gesu fiðlunnar og frá 1728, í eign ríkissjóðs og verður gerður samningur milli ríkisins og Sinfóníuhljómsveitarinnar um afnot hennar og tveggja annarra hljóðfæra sem Ríkisútvarpið hélt eftir viðskilnaðinn.

Fyrr á árinu deildu Ríkisútvarpið og Sinfóníuhljómsveitin um fiðluna og fram kom þá að hún væri metin á nærri 150 milljónir króna.