Verða að störfum við Hellisheiðarvirkjun fram eftir degi

Starfmenn slökkviliðs höfuðborgarsvæðisins verða að störfum í Hellisheiðarvirkjun fram eftir degi en þangað voru þeir kallaðir laust eftir klukkan þrjú nótt eftir að um það bil eitt tonn af baneitraðri saltpéturssýru lak úr gaslögn við suðuhreinsun í virkjuninni.

Fráfarandi forsætisráðherra Japans boðið til Taívans

Forseti Taívans hefur boðið Junichiro Koizumi, sem lét af embætti forsætisráðherra Japans í vikunni, í opinbera heimsókn til eylandsins. Þiggi hann boðið reiðast kínversk yfirvöld, sem þegar hafa varað Japani við því að hafa of mikil samskipti við taívönsk stjórnvöld.

Vill óháða rannsóknarnefnd vegna leyniþjónustustarfsemi

Ágúst Ólafur Ágústsson, varaformaður Samfylkingarinnar, vill að skipuð verði óháð rannsóknarnefnd til að kanna umfang leyniþjónustustarfsemi hér á tímum kalda stríðsins. Kemur sú krafa í framhaldi af uppljóstrunum Þórs Whitehead sagnfræðings sem greindi frá í því í grein í ritinu Þjóðmál að slík starfsemi hefði verið á vegum stjórnvalda á tímabilinu.

Viðskiptahalli 11,6 milljarðar í ágúst

Viðskiptahallinn við útlönd í ágústmánuði nam 11,6 milljörðum króna samkvæmt tölum Hagstofu Íslands. Fluttar voru út vörur fyrirr 16,6 milljarða króna og inn fyrir 28,2 milljarða króna.

Reiðir út af heimboði

Fons seldi allan hlut sinn í FlyMe

Eignarhaldsfélagið Fons, sem er í eigu Pálma Haraldssonar og Jóhannesar Kristinssonar, hefur selt allan hlut sinn í sænska lággjaldaflugfélaginu Fly Me til norska hlutafélagsins Cognation. Morgunblaðið greinir frá þessu og að Fons hafi átt 20% í Fly Me og verið stærsti einstaki hluthafinn í félaginu. Söluverð er ekki gefið upp en Pálmi segist ekki hafa tapað á viðskiptunum.

Ráðstefna um mikilvægi vetnistækni í Reykjavík

Valgerður Sverrisdóttir utanríkisráðherra setti í dag ráðstefnu um mikilvægi vetnistækni fyrir sjálfbæra þróun. Ráðstefnan er haldin í Reykjavík.

Rafrænar kosningar í frumskógum Amasón

Brasilíumenn eru að læra á nýtt rafrænt kosningakerfi fyrir kosningar í landinu eftir fjóra daga. Kerfið er sagt einfalt í notkun og umfram allt er hvers kyns kosningasvindl sagt nær ómögulegt með þessu lagi. Gríðarstórt verkefni er hins vegar að koma kjörtækjum í allar afskekktar byggðir Brasilíu inni í Amasón-regnskóginum.

Misvafasöm landkynning

Blaðamaðurinn Poul Severn, sem nýverið var hér á landi, fer lofsamlegum orðum um íslenska golfvelli, í nýjast hefti tímaritsins Golf International. Önnur landkynning af allt öðrum toga birtist svo í vinsælum þætti í Fox sjónvarpsstöðinni í Bandaríkjunum í fyrrakvöld þar sem fjallað var um 16 ára samræðisaldur í Bandaríkjunum.

Segja Frelsisher Drottins brjóta friðarsamkomulag

Heryfirvöld í Úganda segja skæruliðahreyfinguna Frelsisher Drottins hafa brotið vopnahléssamkomulag sem undirritað var í síðasta mánuði. Samkomulagið kvað á um að liðsmenn Frelsishersins skyldu safnast saman á fyrirfram ákveðnum stað í Suður-Súdan, gegn því að þeir yrðu ekki sóttir til saka.

Atlantshafsbandalagið tekur við í Afganistan

Atlantshafsbandalagið hefur samþykkt að taka við stjórn herliðs í austurhluta Afganistans. NATO tekur þar við stjórn um 10.000 hermanna liðs sem er að mestu leyti bandarískt. Breytingin gengur í gegn eins fljótt og auðið er, þrátt fyrir vaxandi ofbeldi.

12 slökkviliðsmenn að störfum við Hellisheiðarvirkjun

Slökkviliðsmenn eru enn að störfum við að hreinsa upp saltpéturssýru sem lak niður í stöðvarhúsi Hellisheiðarvirkjunar í morgun, enda er magnið mikið: um 1 tonn, að því er áætlað er. Búist er við að þeir verði þar í allan dag. Ekki er vitað hvað gerðist en það verður rannsakað þegar allt hefur verið hreinsað upp. Ekki er hætta á ferðum fyrir almenna vegfarendur.

Lögregla með viðbúnað vegna myrkvunar

Lögreglan í Reykjavík verður með aukinn viðbúnað í kvöld þegar Reykjavíkurborg verður myrkvuð frá klukkan 22 til 22:30. Þá verður slökkt á allri götulýsingu. Myrkvunin hefur þó ekki áhrif á öryggiskerfi og umferðarljós verða áfram virk. Myrkvunin er í tilefni af setningu Alþjóðlegu kvikmyndahátíðarinnar í Reykjavík.

Georgíumenn saka Rússa um njósnir

Georgískir hermenn handtóku í gær fjóra rússneska hershöfðingja og 12 til viðbótar, þar af 10 Georgíumenn, vegna gruns um njósnir og að hópurinn hafi lagt á ráðin um umfangsmiklar aðgerðir sem hafi getað ógnað öryggi ríkisins. Einnig sitja öryggissveitir um rússneska herstöð í Tblisi, höfuðborg Georgíu, og krefjast framsals eins hershöfðingja til viðbótar.

Engin fangaskipti fyrr en ísraelski hermaðurinn kemur heim

Ehud Olmert, forsætisráðherra Ísraels, sagði í morgun að ekki kæmi til greina að sleppa úr haldi neinum palestínskum föngum fyrr en ísraelski hermaðurinn Gilad Shalit fær að snúa heim aftur. Shalit var rænt af Palestínumönnum í lok júní og hefur hann verið í haldi á Gaza.

Fyrirfór sér eftir að hafa skotið gísl

Gíslatökumaðurinn í skóla í Colorado í Bandaríkjunum fyrirfór sér eftir að hafa skotið stúlku sem hann hélt í gíslingu. Stúlkan, sem er nemandi í skólanum, lifði árásina af en er þó alvarlega slösuð.

Kornþresking víða komin langt

Kornþresking er víða langt komin að því fram kemur á fréttavef Landssambands kúabænda og er uppskera í góðu meðallagi að sögn Ingvars Björnssonar, ráðunautar hjá Búgarði. Þroski kornsins er hins vegar undir meðallagi.

Einbreiðum brúm fækkað um átta á næsta ári

Fækka á einbreiðum brúm á Hringveginum um átta á næsta ári samkvæmt Vegaáætlun. Einbreiðum eða einnar akgreinar brúm á Hringveginum hefur fækkað jafnt og þétt síðustu árin. Mest hefur verið fækkað um tíu brýr en það var árið 2003. Fjórar af einnar akgreinar brúnum sem hverfa á næsta ári eru í Norðurárdal í Skagafirði.

Logaði í útikamri

Slökkvilið höfuðborgarsvæðisins var kallað að Eiðistorgi á Seltjarnarnesi á sjöttatímanum í dag þar sem kveikt hafði verið í útikamri. Þegar komið var á staðinn logaði í ruslafötu sem troðið hafði verið ofan í innkaupaköfu og innkaupakörfunni svo troðið inn í kamarinn.

Umsátri við framhaldsskóla lokið

Umsátri lögreglu við framhaldsskóla í Bailey í Colarado í Bandaríkjunum er lokið. Fréttavefurinn CNN greinir frá því að byssumaður, sem hélt tveimur stúlkum í gíslingu, sé látinn. Maðurinn réðst inn í skólann fyrr í dag, hóf skothríð og tók sex manns í gíslingu.

Árekstur við Bústaðaveg

Ökumaður var fluttur á slysadeild Landspítala-Háskólasjúkrahús eftir árekstur við Bústaðaveg á fimmta tímanum í dag. Meiðsl hans eru þó ekki talin alvarleg.

Aukinn viðbúnaður vegna myrkvunar

Lögreglan í Reykjavík verður með aukinn viðbúnað annað kvöld þegar Reykjavíkurborg verður myrkvuð frá klukkan 22:00-22:30. Þá verður slökkt á allri götulýsingu en myrkvunin hefur þó ekki áhrif á öryggiskerfi og umferðarljós verða áfram virk.

Vill grunnfjarskiptakerfi Símans aftur í eigu þjóðarinnar

Taka á grunnfjarskiptakerfi Símans og setja það aftur í eigu þjóðarinnar aðeins þannig verður þjónustan ódýr og best. Þetta segir Jón Bjarnason, þingmaður Vinstri-grænna, en GSM símakostnaður Íslendinga hefur hækkað undanfarin ár á meðan hann hefur lækkað á Norðurlöndunum.

Tveir gíslar í haldi byssumanns

Rýma þrufti bæði grunn- og framhaldsskóla í Bailey í Colarado í Bandaríkjunum þar sem karlmaður vopnaður byssu hóf skothríð fyrr í dag. Maðurinn segist hafa sprengju meðferðis og hefur í haldi tvo gísla.

Sjúkraliðar vilja tafarlaust nýjan stofnanasamning

Sjúkraliðar í Reykjavík og nágrenni krefjast þess að gengið verði frá nýjum stofnanasamningi við þá án tafar. Á almennum félagsfundi þeirra í kvöld var þess karfist að við gerð stofnanasamninga verði tekið tillit til þeirra breytinga sem hafa nýlega verið gerðar á kjarasamningum annarra stétta inna félags- og heilbrigðisgreina.

Bergvin Oddsson sækist eftir 4.-5. sæti í Suðurkjördæmi

Bergvin Oddsson gefur kost á sér í prófkjöri Samfylkingarinnar í Suðurkjördæmi sem haldið verður 4. nóvermber næstkomandi. Bergvin sækist eftir 4.-5. sæti.

Tappinn verður settur í Kárahnjúkastíflu í fyrramálið

Tappinn verður settur í Kárahnjúkastíflu í fyrramálið og þá mun stærsta fljót Austurlands hætta að renna um farveg sinn, um leið og byrjað verður að safna vatni í Hálslón. Íbúar á Jökuldal segir það út í bláinn og dapurlegt að fólk skuli detta í hug að hætt verði við allt saman.

Tilraun til bleikjueldis mistókst

Tilraun til bleikjueldis í Klettsvík hefur mistekist og það þrátt þrátt fyrir að náttúrulegar aðstæður hafi verið eins og best verður á kosið. Fréttavefurinn Sudurland.is greinir frá þessu en þar segir að þetta sé mat þeirra sem að tilrauninni stóðu. Aðeins um fimmtungur var eftir í kvínni á síðastliðinn laugardag.

Barnaskóli rýmdur í Colarado

Rýma þurfti framhaldsskóla í Bailey í Colarado í Bandaríkjunum á sjöunda tímanum í kvöld eftir að tilkynning barst um skotárás inni í skólanum. Sérstök sprengisveit lögreglunnar er nú að störfum í skólanum. Ekki er vitað til þess að neinn hafi særst í árásunum.

Vopnin kvödd með fánum

Þjóðarhreyfingin hvetur til þess að landsmenn dragi fána að húni á sunnudag, daginn eftir að landið verður formlega herlaust, og boðar jafnframt fagnaðarhátíðina "Vopnin kvödd". Mikið hreinsunarstarf bíður Íslendinga á herstöðvarsvæðinu á Keflavíkurflugvelli.

35 ára loforð endurtekið hjá S.þ.

Í ræðu á allsherjarþingi Sameinuðu þjóðanna í gær hét Valgerður Sverrisdóttir, utanríkisráðherra, því að framlög til þróunaraðstoðar yrðu þrefölduð á næstu þremur árum. Ef það gengur eftir hafa Íslendingar aðeins náð að hálfu því markmiði sem lögfest var af Alþingi árið 1971 eða fyrir þrjátíu og fimm árum.

Skurðaðgerð í þyngdarleysi

Franskir skurðlæknar fjarlægðu í dag æxli úr manni við afar óvenjulegar aðstæður. Aðgerðin var gerð um borð í Airbus-þotu sem með reglulegu millibili lyfti sér upp í þyngdarleysi.

Hvatt til að hætta fiskneyslu

Dýraverndunarsamtökin World Wildlife Fund eru að hefja herferð þar sem Evrópubúar eru hvattir til að borða minni fisk, í einhvers konar mannúðarskyni. Framkvæmdastjóri LÍÚ segir mjög alvarlegt að samtökin geri þetta.

Ætla að funda á ný um afnám tolla

Forystu Bændasamtakanna og Samfylkingunni greinir á um hvernig staðið skuli að lækkun matarverðs. Bændur hafa sagt tillögur Samfylkingarinnar ganga að landbúnaðinum dauðum en fylkingarnar funduðu í dag og stefna að fleiri fundum á næstunni.

Krajisnik fékk 27 ár

Stríðsglæpadómstóll Sameinuðu þjóðanna dæmdi í dag Momcilo Krajisnik fyrrverandi þingforseta Bosníu-Serba, í 27 ára fangelsi fyrir ýmsa stríðsglæpi á tímum Balkanstríðanna.

Hár gsm kostnaður á Íslandi

GSM símakostnaður Íslendinga hefur hækkað undanfarin ár á meðan hann hefur lækkað á Norðurlöndunum. Póst- og fjarskiptastofnunin segir fákeppni einkenna íslenska markaðinn og bindur vonir við að fleiri fyrirtæki komi inn á markaðinn.

Útgáfa krónubréfa heldur áfram

Deutsche bank gaf í dag út skuldabréf í íslenskum krónum fyrir um tvo milljarðar króna. Bréfin eru gefin út til eins árs.

Sýnt frá fyllingu Hálslóns við Kárahnjúkastíflu

NFS verður með beinar útsendingar frá Kárahnjúkum á Stöð 2 og visir.is á morgun. Stefnt er að því að tappinn verði settur í Hálslón og lokað fyrir rennsli Jöklu við Kárahnjúka á milli kl 9 og 10 í fyrramálið.

Gunnar Axel sækist eftir 4.-5. sæti í Kraganum,

Gunnar Axel Axelsson hefur ákveðið að gefa kost á sér í prófkjöri Samfylkingarinnar í Suðvesturkjördæmi þann 4. nóvember næstkomandi. Þar sækist hann eftir eftir stuðningi í 4.-5. sæti.

Máli dagföður vísað frá Mannréttindadómstól

Mannréttindadómstóllinn í Strassborg hefur vísað frá máli íslensks dagföður sem dæmdur var fyrir hrista níu mánaða gamlan dreng með þeim afleiðingum að hann lést.

Bjóða nýja sérhæfða þjónustu fyrir aldraða

Siv Friðleifsdóttir heilbrigðisráðherra hleypti í dag af stokkunum nýrri sérhæfðri heimaþjónusta fyrir veika aldraða. Um er að ræða samstarfsverkefni milli Landspítala - háskólasjúkrahúss og Heilsugæslu höfuðborgarsvæðisins.

Drýgði metamfetamín með mjólkursykri og seldi

Karlmaður hefur verið dæmdur í fjögurra mánaða fangelsi í Héraðsdómi Reykjavíkur fyrir vörslu á metamfetamíni sem ætlað var til sölu og dreifingar og fyrir að hafa í nokkrum tilvikum selt samtals 100 grömm af metamfetamíni fyrir 500.000 krónur.

Gefur út framtalsform og bæklinga til að auðvelda skattskil

Ríkisskattstjóri hefur gefið út bæklinga og framtalsform á sjö tungumálum til þess að auðvelda þeim útlendingum sem hingað koma til tímabundinna starfa að telja fram. Þeim hefur fjölgað mjög á undanförnum árum og við því er ríkisskattstjóri að bregðast.

Telja að efla þurfi sveitarstjórnarstigið

Meirihluti sveitarstjórnarmanna telur að efla þurfi sveitarstjórnarstigið á Íslandi samkvæmt könnun sem Rannsóknamiðstöð Háskólans á Bifröst vann að beiðni félagsmálaráðuneytisins.

Kanslari stappar stálinu í þjóðina