Sameinast verði um samgöngubætur

Kjartan Magnússon, borgarfulltrúi sjálfstæðismanna í Reykjavík, segir að landsmenn eigi að sameinast um samgöngubætur í nágrenni höfuðborgarsvæðisins. Kjördæmapot komi í veg fyrir að ráðist sé í átak sem dragi verulega úr banaslysum.

Bændur langeygir eftir rigningu

Þurrt er víða á landinu og er úrkoma síðasta mánuðinn langt undir meðaltali. Bændur á Norðurlandi og víðar eru orðir langeygir eftir rigningu.

20 Írakar teknir af lífi

Lögregla í Bagdad greindi frá því í dag að hún hefði fundið lík af 20 mönnum sem teknir höfðu verið af lífi á skotæfingasvæði hersins í austurhluta borgarinnar. Líkin fundust á föstudag og samkvæmt lögreglunni virðast þau hafa verið í nokkurn tíma á staðnum þar sem þau fundust. Ekki er ljóst hverjir hinir látnu voru en fólkið hafði verið bundið og skotið í höfuðið af stuttu færi.

Kona skipuð ráðherra í Kúveit

Kona var í fyrsta sinn skipuð ráðherra í ríkisstjórn Kúveits í dag. Massouma al-Moubarak var skipuð ráðherra skipulagsmála en hún mun einnig stjórna þróunarmálum í stjórnsýslu Kúveits. Moubarak er stjórnmálafræðiprófessor við Kúveitháskóla en hún hefur lengi barist fyrir réttindum kvenna í landinu. Kúveit verður með þessu þriðja landið á Persaflóasvæðinu til að skipa konu í ríkisstjórn.

Sprengjutilræði í Suðvestur-Íran

Að minnsta kosti átta létust og 36 særðust, þar á meðal konur og börn, þegar fjórar sprengjur sprungu við stjórnarbyggingar í olíubænum Ahvaz í suðvesturhluta Írans í dag. Sprengjurnar sprungu á tveggja klukkustunda tímabili og mistókst sprengjusérfræðingum að aftengja fjórðu sprengjuna eftir að hinar þrjár höfðu sprungið.

Ástralir bestu rúningsmennirnir

Ástralar eru bestu rúningsmenn í heimi. Þetta varð ljóst eftir alþjóðlega rúningskeppni sem fram fór í Ástralíu í dag. Heimakonan Shannon Warness hafði þar betur en keppendur frá sextán öðrum löndum og hlaut í annað sinn hin eftirsóttu verðlaun gullni rúningsmaðurinn. Alls tóku 230 keppendur þátt í mótinu en þar skiptir hraðinn ekki einungis máli heldur einnig hversu vel verkið er unnið.

Taka aftur upp dauðarefsingar

Palestínumenn hafa tekið upp dauðarefsingar aftur en þeim hefur ekki verið beitt frá árinu 2002. Fjórir menn, sem dæmdir höfðu verið fyrir morð á Gasaströndinni, voru í dag teknir af lífi, þrír þeirra voru hengdir en einni leiddur fyrir aftökusveit. Palestínsk yfirvöld segja aftökurnar hluta af nýrri stefnu stjórnvalda sem reyni að koma í veg fyrir upplausn á sjálfsstæðurnarsvæðum Palestínumanna.

Gengið gegn fátækt í 90 löndum

Gengið er í dag í 90 löndum í heiminum til þess að safna fé til skólamáltíða í fátækustu ríkjum heims. Það er Matvælahjálp Sameinuðu þjóðanna sem stendur fyrir átakinu en það ber yfirskriftina Gangan um heiminn. Sjálfboðaliðar munu ganga um 5 kílómetra í löndunum 90 en um er að ræða árvissan viðburð.

Þriðja umferð kosninga í Líbanon

Þriðji hluti þingkosninga í Líbanon fer fram í dag en kosið er í mið- og austurhluta landsins. Úrslit í þessari umferð gætu ráðið miklu um stjórnarmyndun í landinu þar sem barist er um tæplega helming af 128 sætum á líbanska þinginu. Talið er að baráttan standi aðallega á milli kristinna og drúsa, en báðar fylkingar eru andsnúnar afskiptum Sýrlendinga af stjórnmálum í landinu.

Óánægja með fuck og shit

Höfundar nýjustu útgáfu dönsku orðabókarinnar hafa vakið nokkurt umtal þar í landi, ekki síst meðal málverndunarsinna. Ensku blótsyrðin fuck og shit hafa nefnilega verið tekin inn í bókina í fyrsta sinn og sýnist sitt hverjum.

Snarpur skjálfti í S-Kaliforníu

Snarpur skjálfti upp á 5,6 á Richter varð í Suður-Kaliforníu í dag. Hann átti upptök sín skammt frá Palm Springs og fannst bæði í Los Angeles og norðurhluta Mexíkós, en engar fréttir hafa borist af skemmdum eða slysum á fólki.

Sprengjutilræði í Teheran

Einn lét lífið þegar lítil sprengja sem falin hafði verið í ruslagámi sprakk í fjölfarinni götu í miðborg Teheran, höfuðborgar Írans, í dag. Ekki er ljóst hvort einhverjir hafi slasast en vitni segja sjúkrabíla hafa þust á vettvang. Þetta er annað tilræðið í Íran í dag en í morgun sprungu fjórar sprengjur við stjórnarbyggingar í olíubænum Ahvaz í suðvesturhluta landsins.

Klofin stjórn vegna Guantanamo

Ríkisstjórn Bandaríkjanna er klofin í afstöðu sinni til þess hvort loka eigi fangabúðunum á Guantanamo-flóa við Kúbu. Þetta sagði Duncan Hunter, þingmaður Repúblikanaflokksins, í viðtali við <em>Fox</em>-fréttastofuna í dag.

Fundust í bíl á kafi í skurði

Breska lögreglan fann í morgun lík af fjórum mönnum í bíl sem var á kafi í skurði á leiðinni á milli Cardiff og Newport í Wales. Svo virðist sem bílinn hafi kastast út af veginum og telur lögregla að um slys hafi verið að ræða og að það hafi orðið í gærkvöld.

Vongóð um að leysa deilu

Björg Thorarensen, nýr stjórnarformaður Landakotsskóla, er vongóð um að hægt verði að leysa deiluna sem staðið hefur um skólastarfið að undanförnu. Hún hefur þegar rætt við deilendur og mun eiga fund með stjórn skólans í vikunni. Uppstokkun í stjórn skólans varð þó ekki til að lægja öldurnar.

Kröfðust lausnar Khodorkovskís

Um tvö þúsund manns mótmæltu við skrifstofur rússnesku öryggislögreglunnar í Moskvu í dag og kröfðust þess að olíujöfurinn Míkhaíl Khodorkovskí yrði látinn laus. Að þeirra mati er hann pólitískur fangi. Mikil hátíðarhöld fóru fram í Rússlandi í dag þar sem falli kommúnistastjórnarinnar árið 1991 var fagnað.

Teknir með hass

Fjórir menn voru handteknir á Ísafirði laust fyrir klukkan 23.00 á laugardagskvöldið með lítilræði af fíkniefnum í fórum sínum.

Veifaði kynfærum sínum

Stúlku var hrint fyrir utan skemmtistaðinn Traffic í Hafnargötu í Keflavík rétt upp úr fjögur í gærnótt og var óskað eftir aðstoð lögreglunnar í Keflavík þar eð stúlkan meiddist lítillega.

Beltin björguðu

Ökumaður missti stjórn á bíl sínum og keyrði út af á Norðfjarðarvegi um miðnætti aðfaranótt sunnudags.

Of greitt ekið

Mikil umferð var í umdæmi lögreglunnar í Keflavík aðfaranótt sunnudags og talsvert um umferðarlagabrot.

Í lauginni undir áhrifum áfengis

"Það eru margir rússneskir og lettneskir togarar í Hafnarfirði þessa dagana og sjómennirnir koma í hópum í laugina til okkar. Þetta eru afskaplega prúðir drengir og eru ekki með nein leiðindi en við höfum ansi oft þurft að vísa þeim frá þar sem þeir hafa verið undir áhrifum áfengis," segir forstöðumaður Suðurbæjarlaugar í Hafnarfirði. 

Mannskæðustu árásir í áratug

Einn lést og fjórir slösuðust í sprengingu í miðborg Teheran í Íran í gær nokkrum klukkustundum eftir að átta létust og 36 særðust í fjórum sprengingum sem ætlaðar voru byggingum ríkisstjórnarinnar í Suðvestur-Íran.

Pink Floyd saman á ný

Skipuleggjendur Live 8 tónleikanna í London sögðu í gær að breska rokksveitin Pink Floyd myndi koma aftur saman til að spila á tónleikunum sem fara fram í Hyde Park júlí.

Fimm mánaða gíslingu lokið

Franska blaðakonan Florence Aubenas kom heim til Frakklands í gær eftir fimm mánaða gíslingu í Írak ásamt aðstoðarmanni sínum.

Veggjatítlur í miðborginni

Veggjatítlur finnast æ oftar í gömlum húsum í miðborginni. Kaupandi íbúðar í Þingholtunum, þar sem veggjatítlur fundust, fer fram á riftun kaupsamnings.

Fundu tundurdufl

Tundurdufl fannst yst í norðanverðum Reyðarfirði um hádegisbil í gær. Það var skipið Sólborg ÞH 270 sem fann tundurduflið við svokallaðan Lagga og tilkynnti lögreglunni á Eskifirði strax um málið.

Bilun í vél Icelandair

Töf varð á vél Icelandair til San Francisco frá Keflavík síðdegis á laugardag vegna bilunar. Vélin lagði ekki af stað á áfangastað fyrr en um miðnætti í gær.

Fjórir teknir af lífi

Palestínsk yfirvöld tóku aftur upp dauðarefsinguna í gær þegar fjórir fangar voru teknir af lífi.

Æfir vegna seinkunar á flugi

Erlendir ferðamenn, sem eru strandaglópar á Keflavíkurflugvelli, eru æfir yfir meira en sólarhringsseinkun á flugi Icelandair til San Francisco. Bilun í hreyfli veldur seinkuninni en ekki reyndist unnt að útvega aðra vél til að fljúga með mannskapinn.

Skiptar skoðanir um afskriftir

Skiptar skoðanir eru um hversu stórt skref var stigið með afskriftum skulda fátækustu þjóða Afríku við ríkustu þjóðir heims. Einnig þurfi að auka fjárframlög því að það verði enginn saddur af niðurfellingu skulda einni og sér.

Fleira komi til en kennslan

Stærðfræðikunnátta stúdenta í háskóla er mjög mismunandi eftir því úr hvaða framhaldsskóla þeir koma. Stærðfræðikennari við Menntaskólann við Sund segir að athuga verði fleiri þætti en bara kennsluna, þegar skýringa er leitað.

Eiturefnaleki í Lagarfossi

Flutningaskipið Lagarfoss fékk að halda áfram siglingunni hingað til lands eftir að komist var fyrir ammóníakleka í gámi í skipinu í fyrradag. Skipið var statt undan ströndum Skotlands þegar lekinn kom upp og taka tíu eiturefnakafarar á móti skipinu þegar það kemur til hafnar snemma dags í dag.</b />

Endurskoðunar þörf

Stofnunin hlýtur að endurskoða stöðu sína í ljósi breyttra aðstæðna," segir Aðalsteinn Þorsteinsson, forstjóri Byggðastofnunar. Valgerður Sverrisdóttir, iðnaðar- og viðskiptaráðherra, ræddi um vanda stofnunarinnar á ársfundi hennar fyrir helgina og sagði núverandi lánastefnu fremur þjóna stöðnuðu atvinnulífi en framsæknum iðnaði.

Hittast í dag og ræða álver

Fulltrúar sveitarfélaga á Norðurlandi og iðnaðarráðuneytisins hittast í dag að máli til þess að ræða möguleika á álveri á Norðurlandi. Tilgangur fundarins er að reyna að ná samstöðu Norðlendinga um undirbúning álversins.  

Hópnauðgun á Tjörninni

Stokkandarsteggir ráðast mjög harkalega að kollum á Tjörninni í Reykjavík. Sjónarvottar standa á öndinni og líkja þessu við hópnauðgun sem óhugnanlegt sé að horfa upp á.

Kotbýli kuklarans í Bjarnarfirði

Kotbýli kuklarans verður ímyndaður bústaður galdramanns á sautjándu öld. Galdrasafnið á Hólmavík reisir það í Bjarnarfirði þar sem gestir geta kynnt sér kukl og aðra óáran.

Við eggjatöku í Drangey

Her manns fór á dögunum í eggjatöku í Drangey - og gekk bara vel. Sigflokkur kom í eyna fyrir viku í blíðskaparveðri eins og á hverju ári um ómunatíð og á móti honum tók sjófuglinn, langvían, sem orpið hefur hinum eftirsóttu eggjum í bjarginu. Eftir hressingu í Drangeyjarskála var haldið út á bjargbrún.

Fyrsti kvenráðherrann í Kúveit

Kona hefur í fyrsta sinn í sögu Kúveit verið skipuð ráðherra í ríkisstjórn landsins, mánuði eftir að kúveiska þingið samþykkti að veita konum kosningarétt og kjörgengi í þingkosningum.

Wolfowitz fagnar skuldasamningi

Paul Wolfowitz, forstjóri Alþjóðabankans, bar í gær lof á sögulegt samkomulag sem náðst hefur um niðurfellingu skulda nokkurra fátækustu ríkja heims. Hann sagðist jafnframt vongóður um að samkomulag myndi takast bráðlega um að létta skuldabyrði Nígeríu, skuldugasta lands Afríku.

Hljómgrunnur fyrir þjóðaratkvæði

Að forsetaembættið verði lagt niður, bannað verði að stofna íslenskan her og að vatn verði lýst almannaeign voru meðal tillagna um breytingar á stjórnarskrá íslenska lýðveldisins sem fram komu á ráðstefnu sem stjórnarskrárnefnd hélt á Hótel Loftleiðum á laugardag.

Eldur í íbúð

Eldur kviknaði í viftu í eldhúsi í íbúð á fjórðu hæð í fjölbýlishúsi í Vesturbergi 138 í Breiðholti um miðjan dag í gær.

Hlé á R-listaviðræðum

Viðræðunefnd flokkanna þriggja sem standa að R-listanum ákvað á síðasta fundi sínum á fimmtudag að gera hlé á viðræðum sín á milli. Næsti fundur flokkanna verður haldinn mánudaginn 27. júní.

Lögmaður kennir endurskoðanda um

Mistök endurskoðunarfyrirtækis urðu til þess að fjölskyldufyrirtækis forsætisráðherra var ekki getið í upplýsingagjöf S-hópsins til framkvæmdanefndar um einkavæðingu. Lögmaður S-hópsins segir mistökin ekki hafa neina þýðingu.

Meta íslensku þjóðvegina

Rannsóknir verða gerðar á íslenska vegakerfinu í sumar út frá alþjóðlegum vegaöryggisstaðli EuroRAP.

Hvetja fólk til að hjóla

Hundruð naktra hjólreiðamanna mótmæltu á götum London, höfuðborgar Englands, á laugardag og hvöttu fólk til að nota hjól.