Neitar að hafa tekið þátt í mannráni

Kvikmyndagerðamaðurinn Juan Jose Lopez Ordonez sakar Álvarez um að hafa lagt á ráðin um að ræna sér í Mexíkó í nóvember 2024. Ordonez segir tvö menn hafa rænt sér, hótað sér, bundið fyrir augu sín, verið vopnuð og sprautað hann í hálsinn.

Ordonez segist eiga inni 3,5 milljónir pesóa hjá Álvarez eftir að hafa unnið með mexíkóska fyrirliðanum að heimildamynd. Hann segist hafa óskað greiðslu árið 2024 en hafi einnig átt í útistöðum við fjölskyldu Álvarez um húseignir sem Odronez kveðst eiga. Hann greindi frá þessu í viðtali við mexíkóska fréttamiðilin TVNotas.

Álvarez hafnar ásökunum Ordonez algjörlega og segir lagateymi sitt muni taka fast á rógburði gegn sér.

Álvarez birti langa yfirlýsingu á Instagram-síðu sinni þar sem hann segir nafn sitt hafa verið bendlað við allskyns hluti í gegnum tíðina en komið hafi að þolmörkum við viðtal Ordonez.

„Ég hafna alfarið tengingu minni og ásökunum um átök sem snerta mig ekki neitt,“ segir Álvarez meðal annars. „Telji einhver að hann hafi sannanir um ólögmæta hegðun mína eru til staðar yfirvöld sem taka á slíku. Alvarlegar ásakanir þarf að styðja með sönnunargögnum sem koma skal til viðeigandi yfirvalda en ekki í gegnum yfirlýsingar í fjölmiðlum sem blása hluti upp og setja athygli ofar staðreyndum og sannleik“ segir einnig í yfirlýsingunni.

Álvarez er leikmaður West Ham United sem féll í vor í ensku B-deildina. Hann var keyptur frá Ajax í Hollandi á 35 milljónir punda árið 2023. Hann lék sem lánsmaður hjá Fenerbahce í Tyrklandi á síðustu leiktíð eftir að hafa lent upp á kant við þáverandi þjálfara Graham Potter.

Búist var við brottför hans frá Hömrunum í sumar en honum tókst ekki að tryggja sér samning annars staðar.

Hann hefur leikið 102 landsleiki fyrir Mexíkó og lék fjóra leiki með liðinu á HM í sumar, sem fyrirliði landsliðsins.

West Ham rústaði Hollywood-liði Wrexham 6-0 í ensku B-deildinni fyrr í kvöld. Álvarez var ekki í leikmannahópi West Ham í leiknum.