Vilja að Hæsti­réttur taki af­stöðu

Donald Trump Bandaríkjaforseti undirritaði tilskipunina í mars síðastliðnum. Hún felur meðal annars í sér að heimavarnaráðuneytið myndi halda kjörskrár fyrir öll ríkin og að Póstmálastofnunin yrði skikkuð til að senda aðeins út kjörseðla samkvæmt skránum.

Tilskipuninni var harðlega mótmælt af Demókrötum, meðal annars á þeim grundvelli að hún fæli í sér brot gegn nokkrum ákvæðum stjórnarskrárinnar. Þá væru þessi mál á forræði ríkjanna og þingsins, ekki framkvæmdavaldsins.

Alríkisdómstóll komst, eins og fyrr segir, að þeirri niðurstöðu í júní að það væri ekki á valdi forsetans að tilhlutast um framkvæmd kosninga. Dómurinn var staðfestur af áfrýjunardómstól.

Hæstiréttur hefur áður hindrað Trump í tilraunum hans til að þrengja að utankjörfundaratkvæðagreiðslum og staðfesti meðal annars lög í Mississippi sem kveða á um að telja beri utankjörfundaratkvæði ef þau voru póstlögð á kjördag.

Utankjörfundaratkvæðagreiðslur eru nokkuð mikilvægar vestanhafs, þar sem þær gera fjölda fólks að kleift að nýta sér kosningarétt sinn sem komast ekki úr vinnu á kjördag.