Lífið

Afi snýr aftur á litla sviði Þjóð­leik­hússins

Lovísa Arnardóttir skrifar
Örn Árnason og Agnes Wild.
Örn Árnason og Agnes Wild. Þjóðleikhúsið

Örn Árnason leikari snýr aftur sem afi í nýrri leiksýningu á litla sviði Þjóðleikhússins næsta vetur. Afi, sem birtist sjónvarpsáhorfendum fyrir réttum 40 árum á Stöð 2, snýr þannig aftur í nýju verki sem er skrifað af Agnesi Wild.

„Þessi ástsæla persóna sem Örn Árnason skapaði hefur heillað margar kynslóðir íslenskra barna og mun í þessari fallegu sýningu segja spennandi sögur með töfrum og tónlist og lenda í ýmsum ævintýrum,“ segir í tilkynningu frá Þjóðleikhúsinu.

Þar kemur einnig fram að nýjustu sýningar Agnesar Wild í Þjóðleikhúsinu, Lína Langsokkur og Blómin á þakinu, hafi hrifið börn á öllum aldri en Örn leikur einmitt í þeirri seinni.

Afi var á Stöð 2 allar helgar um árabil en var svo tekinn af dagskrá í níu ár og sneri svo aftur árið 2015. Árið 2022 gaf Örn svo út hlaðvarpsseríu á Storytel þar sem hann lék afa á ný.

Leikhús Börn og uppeldi Þjóðleikhúsið

Tengdar fréttir

Afi snýr aftur á Stöð 2

Afa snýr aftur á Stöð 2 í haust og mun hann sjá um barnatíma Stöðvar 2 alla laugardaga.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.