Var Samúel Kári keyptur fyrir árshátíðarpeninga?

Stjarnan sprengdi einvígið gegn Tindastóli í loft upp í gær með því að sækja sigur á Króknum. Þeir sem voru búnir að afskrifa Stjörnuna vegna meiðsla þurfa að endurskoða sín mál.

Hin rimman er á milli Grindavíkur og Vals. Grindavík búið að fá fína hvíld en Valur spilaði síðast á sunnudag. Þeir hefðu fengið eins dags lengri hvíld ef Valsmenn hefðu ekki leigt húsið sitt fyrir árshátíð Bláa lónsins.

Slíkir viðburðir gefa vel af sér og var því velt upp hvort hagnaður þess viðburðar hefði verið notaður til þess að kaupa Samúel Kára Friðjónsson sem samdi við Valsmenn í dag. Hann kostaði skildinginn.

Það er innanhúsbolti á Skaganum í kvöld er KA kemur í heimsókn í Bestu deild karla. Fyrsti grasleikurinn sumarsins er aftur á móti í Keflavík þar sem Blikar mæta í heimsókn.

Svo búast allir við því að Man. City fari á topp ensku úrvalsdeildarinnar í kvöld og vinni stóran sigur á Burnley.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.