„Er dómarinn bara alltaf í símanum?“ Smári Jökull Jónsson skrifar 27. júní 2025 12:21 Það er alltaf líf og fjör á Orkumótinu í Eyjum. Orkumótið Orkumótið í knattspyrnu er í fullum gangi í Vestmannaeyjum þessa stundina en þar taka þátt ungir knattspyrnumenn frá félögum víðsvegar um land. Mótið er nú haldið í fertugasta og annað sinn en fyrir utan þátttakendur sjálfa heimsækir fjöldi manns Eyjarnar heim í tengslum við mótið. Keppendur mættu til Vestmannaeyja á miðvikudag og þrátt fyrir leiðindaveður þá sagði Sigríður Inga Kristmannasdóttir mótsstjóri að ræst hafi úr veðurspánni. „Við búum að ágætri reynslu með veður hérna í Vestmannaeyjum þannig að við erum alltaf við öllu búin. Það rættist þvílíkt úr veðurspánni, núna er dásamlegt fótboltaveður. Það er skýjað en sólin að reyna að brjótast hérna í gegn. Það er farið að hlýna og þetta er bara æðislegt,“ sagði Sigríður Inga í hádegisfréttum Bylgjunnar. Úrslitaleikir fara fram á morgun en þar verður keppt um bikara í fjórtán úrslitaleikjum. Í kvöld fer síðan fram leikur á milli landsliðs og pressuliðs sem ávallt mikil spenna er í kringum. „Við erum núna að taka við tilnefningum frá öllum félögum, það fá öll félög einn fulltrúa í leiknum. Þetta er landsliðið og pressan sem keppa, það hafa allir einn þátttakanda í leiknum til að hvetja áfram. Það myndast alltaf rosa mikil stemmning, það er mjög skemmtilegt.“ „Skiptir mjög miklu máli fyrir þjónustuaðila í Eyjum“ Tæplega þúsund ungir knattspyrnumenn taka þátt í mótinu frá þrjátíu og sex félögum víðsvegar um land. Þegar fararstjórar og þjálfarar eru taldir með eru þátttakendur um 1150 auk fjölda foreldra og annarra fjölskyldumeðlima sem heimsækja Vestmannaeyjar til að fylgjast með upprennandi stjörnum. „Þetta skiptir gríðarlega miklu mál fyrir bæjarfélagið að við séum að standa fyrir þessum stórviðburðum. Við vorum með TM-mótið um daginn og Orkumótið núna. Þetta skiptir mjög miklu mál fyrir þjónustuaðila í Vestmannaeyjum að fá alla þessa gesti. Það fylgir báðum mótunum gríðarlegur fjöldi foreldra sem eru að sækja þjónustu í bænum. Þetta skiptir mjög miklu máli,“ segir Sigríður Inga og bætir við að fjöldinn allur af sjálfboðaliðum aðstoði ÍBV á mótinu. „Það eru örugglega nokkur hundruð. Ég er hérna útí á Týsvelli og hér eru dómarar að störfum og boltasækjarar. Svo erum við með vaktir í skólunum og matarvaktir. Það kemur fólk og hjálpar okkur að skammta matinn. Þetta er mjög mikið af sjálfboðaliðum.“ „Vonandi tóku allir til sín þessa umræðu“ Eftir TM-mót stúlkna sem fór fram í Eyjum fyrir tveimur vikum spratt um umræða um framkomu foreldra á mótinu. Dæmi voru um foreldra sem hreyttu ókvæðisorðum í leikmenn andstæðinga og í viðtali við Sigríði Ingu eftir mótið kom fram að hegðunin væri oftar en ekki verri á Orkumótinu hjá strákunum. „Það hefur gengið vel, ég hef allavega ekki fengið neinar kvartanir enn sem komið er. Við sjáum bara í mótslok hvernig þetta verður. Vonandi tóku allir til sín þessa umræðu sem var um daginn og séu að halda sig innan marka.“ „Er dómarinn bara alltaf í símanum?“ Eins og áður segir er verið að halda Orkumótið í fertugasta og annað sinn. Knattspyrnufélagið Týr hélt mótið á árunum 1984-1996 en ári seinna fór fram fyrsta mótið undir merkjum ÍBV eftir að Týr og Þór sameinuðust. Eftir samtalið við fréttastofu var Sigríður Inga á leið í hádegismat með nokkrum af upphafsmönnum mótsins sem voru í mótsstjórninni allt til ársins 2017. Hún sagðist hlakka til að segja þeim frá breytingum sem hafa átt sér stað síðustu árin. Meðal annars skrá dómarar á mótinu úrslitin í leikjum beint í símann sinn í stað þess að skrá mörk á dómaraspjöld eins og áður var gert. „Þú getur í raun fylgst með stöðu í leikjum beint á heimasíðunni. Þú sérð að leikurinn er í gangi og mörkin koma um leið og er skorað,“ sagði Sigríður Inga og bætti við að þetta hefði skapað misskilning í byrjun. „Fyrst var verið að spyrja: „Er dómarinn bara alltaf í símanum á meðan leikurinn er í gangi?“ sagði Sigríður Inga að lokum og gat því leiðrétt þann misskilning. Vestmannaeyjar ÍBV Íþróttir barna Mest lesið Grafalvarleg staða: „Þurfum að fara í sársaukafullar aðgerðir“ Handbolti Ógeðslega erfitt og ógeðslega vont en brosir oft í viku á eftir Sport Fram þvertekur fyrir metnaðarleysi og leitar að nýjum þjálfurum Íslenski boltinn „Nú er nóg komið“ Fótbolti Nefna greinar Íslandsmótsins í CrossFit í höfuðið á íslenskum íþróttakonum Sport Arnór Snær snýr aftur heim Handbolti Gísli semur við Skagamenn Íslenski boltinn Skortir Liverpool breidd þrátt fyrir gríðarleg fjárútlát síðasta sumar? Enski boltinn Besta handboltadeild heims missir aðalstyrktaraðila sinn Handbolti Félagið í greiðslustöðvun en borgaði öll laun degi fyrr Enski boltinn Fleiri fréttir Halda HM á hlaupabretti í fyrsta sinn Barcelona skuldar mest en Tottenham er númer tvö Tölur úr Bestu: Bjartur Bjarmi fór í flestar tæklingar af öllum Andri kallaður inn í hópinn fyrir meiddan Hauk Gísli semur við Skagamenn Óskar Smári tekur við Stjörnunni „Við þurfum að vera betri varnarlega“ Mikilvægt fyrir United að hamra járnið meðan það er heitt Félagið í greiðslustöðvun en borgaði öll laun degi fyrr Íslenski körfuboltinn og Grindavík verðlaunuð Arnór Snær snýr aftur heim Besta handboltadeild heims missir aðalstyrktaraðila sinn Grafalvarleg staða: „Þurfum að fara í sársaukafullar aðgerðir“ Bretinn ráðinn tæknilegur ráðgjafi hjá Val Nefna greinar Íslandsmótsins í CrossFit í höfuðið á íslenskum íþróttakonum Fram þvertekur fyrir metnaðarleysi og leitar að nýjum þjálfurum Nýr þjálfari Juventus er með Napoli-húðflúr Eldgos og brjósklos skapa óvissu: „Vonum bara að móðir náttúra leyfi þetta“ Ógeðslega erfitt og ógeðslega vont en brosir oft í viku á eftir „Nú er nóg komið“ NBA-leikmaður með krabbamein Skortir Liverpool breidd þrátt fyrir gríðarleg fjárútlát síðasta sumar? Sádar eru ekki að fara að byggja HM-leikvang ofan á skýjakljúfi Dagskráin í dag: Meistararnir á Króknum, Körfuboltakvöld og allskonar Hetja Englands á EM sleit krossband Lofar frekari fjárfestingum Haukur Helgi: Höfum ekki verið að spila góðan körfubolta „Getum verið fjandi góðir“ Uppgjörið: Álftanes-Njarðvík 93-92 | Heitur Haukur var hetjan á Álftanesinu Uppgjörið: Keflavík - Þór Þ. 86-82 | Þarf ekki alltaf að vera fallegt ef það virkar Sjá meira
Mótið er nú haldið í fertugasta og annað sinn en fyrir utan þátttakendur sjálfa heimsækir fjöldi manns Eyjarnar heim í tengslum við mótið. Keppendur mættu til Vestmannaeyja á miðvikudag og þrátt fyrir leiðindaveður þá sagði Sigríður Inga Kristmannasdóttir mótsstjóri að ræst hafi úr veðurspánni. „Við búum að ágætri reynslu með veður hérna í Vestmannaeyjum þannig að við erum alltaf við öllu búin. Það rættist þvílíkt úr veðurspánni, núna er dásamlegt fótboltaveður. Það er skýjað en sólin að reyna að brjótast hérna í gegn. Það er farið að hlýna og þetta er bara æðislegt,“ sagði Sigríður Inga í hádegisfréttum Bylgjunnar. Úrslitaleikir fara fram á morgun en þar verður keppt um bikara í fjórtán úrslitaleikjum. Í kvöld fer síðan fram leikur á milli landsliðs og pressuliðs sem ávallt mikil spenna er í kringum. „Við erum núna að taka við tilnefningum frá öllum félögum, það fá öll félög einn fulltrúa í leiknum. Þetta er landsliðið og pressan sem keppa, það hafa allir einn þátttakanda í leiknum til að hvetja áfram. Það myndast alltaf rosa mikil stemmning, það er mjög skemmtilegt.“ „Skiptir mjög miklu máli fyrir þjónustuaðila í Eyjum“ Tæplega þúsund ungir knattspyrnumenn taka þátt í mótinu frá þrjátíu og sex félögum víðsvegar um land. Þegar fararstjórar og þjálfarar eru taldir með eru þátttakendur um 1150 auk fjölda foreldra og annarra fjölskyldumeðlima sem heimsækja Vestmannaeyjar til að fylgjast með upprennandi stjörnum. „Þetta skiptir gríðarlega miklu mál fyrir bæjarfélagið að við séum að standa fyrir þessum stórviðburðum. Við vorum með TM-mótið um daginn og Orkumótið núna. Þetta skiptir mjög miklu mál fyrir þjónustuaðila í Vestmannaeyjum að fá alla þessa gesti. Það fylgir báðum mótunum gríðarlegur fjöldi foreldra sem eru að sækja þjónustu í bænum. Þetta skiptir mjög miklu máli,“ segir Sigríður Inga og bætir við að fjöldinn allur af sjálfboðaliðum aðstoði ÍBV á mótinu. „Það eru örugglega nokkur hundruð. Ég er hérna útí á Týsvelli og hér eru dómarar að störfum og boltasækjarar. Svo erum við með vaktir í skólunum og matarvaktir. Það kemur fólk og hjálpar okkur að skammta matinn. Þetta er mjög mikið af sjálfboðaliðum.“ „Vonandi tóku allir til sín þessa umræðu“ Eftir TM-mót stúlkna sem fór fram í Eyjum fyrir tveimur vikum spratt um umræða um framkomu foreldra á mótinu. Dæmi voru um foreldra sem hreyttu ókvæðisorðum í leikmenn andstæðinga og í viðtali við Sigríði Ingu eftir mótið kom fram að hegðunin væri oftar en ekki verri á Orkumótinu hjá strákunum. „Það hefur gengið vel, ég hef allavega ekki fengið neinar kvartanir enn sem komið er. Við sjáum bara í mótslok hvernig þetta verður. Vonandi tóku allir til sín þessa umræðu sem var um daginn og séu að halda sig innan marka.“ „Er dómarinn bara alltaf í símanum?“ Eins og áður segir er verið að halda Orkumótið í fertugasta og annað sinn. Knattspyrnufélagið Týr hélt mótið á árunum 1984-1996 en ári seinna fór fram fyrsta mótið undir merkjum ÍBV eftir að Týr og Þór sameinuðust. Eftir samtalið við fréttastofu var Sigríður Inga á leið í hádegismat með nokkrum af upphafsmönnum mótsins sem voru í mótsstjórninni allt til ársins 2017. Hún sagðist hlakka til að segja þeim frá breytingum sem hafa átt sér stað síðustu árin. Meðal annars skrá dómarar á mótinu úrslitin í leikjum beint í símann sinn í stað þess að skrá mörk á dómaraspjöld eins og áður var gert. „Þú getur í raun fylgst með stöðu í leikjum beint á heimasíðunni. Þú sérð að leikurinn er í gangi og mörkin koma um leið og er skorað,“ sagði Sigríður Inga og bætti við að þetta hefði skapað misskilning í byrjun. „Fyrst var verið að spyrja: „Er dómarinn bara alltaf í símanum á meðan leikurinn er í gangi?“ sagði Sigríður Inga að lokum og gat því leiðrétt þann misskilning.
Vestmannaeyjar ÍBV Íþróttir barna Mest lesið Grafalvarleg staða: „Þurfum að fara í sársaukafullar aðgerðir“ Handbolti Ógeðslega erfitt og ógeðslega vont en brosir oft í viku á eftir Sport Fram þvertekur fyrir metnaðarleysi og leitar að nýjum þjálfurum Íslenski boltinn „Nú er nóg komið“ Fótbolti Nefna greinar Íslandsmótsins í CrossFit í höfuðið á íslenskum íþróttakonum Sport Arnór Snær snýr aftur heim Handbolti Gísli semur við Skagamenn Íslenski boltinn Skortir Liverpool breidd þrátt fyrir gríðarleg fjárútlát síðasta sumar? Enski boltinn Besta handboltadeild heims missir aðalstyrktaraðila sinn Handbolti Félagið í greiðslustöðvun en borgaði öll laun degi fyrr Enski boltinn Fleiri fréttir Halda HM á hlaupabretti í fyrsta sinn Barcelona skuldar mest en Tottenham er númer tvö Tölur úr Bestu: Bjartur Bjarmi fór í flestar tæklingar af öllum Andri kallaður inn í hópinn fyrir meiddan Hauk Gísli semur við Skagamenn Óskar Smári tekur við Stjörnunni „Við þurfum að vera betri varnarlega“ Mikilvægt fyrir United að hamra járnið meðan það er heitt Félagið í greiðslustöðvun en borgaði öll laun degi fyrr Íslenski körfuboltinn og Grindavík verðlaunuð Arnór Snær snýr aftur heim Besta handboltadeild heims missir aðalstyrktaraðila sinn Grafalvarleg staða: „Þurfum að fara í sársaukafullar aðgerðir“ Bretinn ráðinn tæknilegur ráðgjafi hjá Val Nefna greinar Íslandsmótsins í CrossFit í höfuðið á íslenskum íþróttakonum Fram þvertekur fyrir metnaðarleysi og leitar að nýjum þjálfurum Nýr þjálfari Juventus er með Napoli-húðflúr Eldgos og brjósklos skapa óvissu: „Vonum bara að móðir náttúra leyfi þetta“ Ógeðslega erfitt og ógeðslega vont en brosir oft í viku á eftir „Nú er nóg komið“ NBA-leikmaður með krabbamein Skortir Liverpool breidd þrátt fyrir gríðarleg fjárútlát síðasta sumar? Sádar eru ekki að fara að byggja HM-leikvang ofan á skýjakljúfi Dagskráin í dag: Meistararnir á Króknum, Körfuboltakvöld og allskonar Hetja Englands á EM sleit krossband Lofar frekari fjárfestingum Haukur Helgi: Höfum ekki verið að spila góðan körfubolta „Getum verið fjandi góðir“ Uppgjörið: Álftanes-Njarðvík 93-92 | Heitur Haukur var hetjan á Álftanesinu Uppgjörið: Keflavík - Þór Þ. 86-82 | Þarf ekki alltaf að vera fallegt ef það virkar Sjá meira