Lífið

Garðar Gunn­laugs og Fann­ey Sandra flytja á Sel­foss

Svava Marín Óskarsdóttir skrifar
Garðar og Fanney eiga saman tvo drengi.
Garðar og Fanney eiga saman tvo drengi. Instagram/Fanney Sandra

Fyrrverandi knattspyrnumaðurinn Garðar Gunnlaugsson og eiginkona hans, Fanney Sandra Albertsdóttir, flugfreyja og förðunarfræðingur, hafa fest kaup á parhúsi við Birkihóla á Selfossi. Kaupverðið nam 99,3 milljónum króna.

„Við vorum að kaupa okkur hús,“ skrifar Fanney Sandra og birti mynd af þeim hjúum á Instagram á dögunum, með kaupsamningninn í höndunum.

Hjónin seldu nýverið 117 fermetra íbúð við Gerplustræti í Mosfellsbæ fyrir 90 milljónir.

Umrædd fasteign er 178 fermetra parhús á einni hæð með fallegum garði. Eignin samanstendur af rúmgóðu alrými með stofu, borðstofu og eldhúsi, þremur svefnherbergjum með fataskápum, endurnýjuðu baðherbergi, þvottahúsi og bílskúr með aðgengi innan frá. Útgengt er úr hjónaherbergi í bakgarðinn sem er afgirtur.

Fastinn.is
Fastinn.is
Fastinn.is
Fastinn.is

Garðar og Fanney kynntust sumarið 2016 og giftu sig hjá Sýslumanninum í Kópavogi í júlí í fyrra. Saman eiga þau tvo drengi. Garðar á fjögur börn úr fyrri samböndum.


Tengdar fréttir

Garðar málari og kvæntur yngstu ömmu landsins

Fyrrverandi knattspyrnumaðurinn Garðar Gunnlaugsson útskrifaðist sem málari frá Byggingatækniskólanum þann 18. desember síðastliðinn. Nýverið stofnaði hann málarafyrirtækið GG9 Málun og virðist blómstra í faginu.






Fleiri fréttir

Sjá meira


×


Tarot dagsins

Dragðu spil og sjáðu hvaða spádóm það geymir.