Vont tap hjá Alberti í Rómarborg

Albert Guðmundsson kom inn af varamannabekknum á 61. mínútu en athafnaðist lítið, líkt og aðrir leikmenn Fiorentina. 
Albert Guðmundsson kom inn af varamannabekknum á 61. mínútu en athafnaðist lítið, líkt og aðrir leikmenn Fiorentina.  Luis Contreras/Dax Images/NurPhoto via Getty Images

Albert Guðmundsson spilaði síðasta hálftímann fyrir Fiorentina í 1-0 tapi gegn Roma í 35. umferð ítölsku úrvalsdeildarinnar. Fiorentina missti þar af mikilvægum stigum í Evrópubaráttunni.

Artem Dovbyk skoraði eina mark leiksins seint í fyrri hálfleik, eftir stoðsendingu frá hinum framherjanum Eldor Shomurodov.

Alberti var skipt inn á fyrir Nicolo Zaniolo þegar um hálftími var eftir, en honum tókst ekki að setja mark sitt á leikinn. Átti ekki skot að marki og tapaði boltanum tvisvar.

Albert og félagar í Fiorentina eru í áttunda sæti eins og er, þremur til fjórum stigum frá liðunum í fjórða til sjötta sæti deildarinnar.

Þrjár umferðir eru eftir og Fiorentina vill vinna sig ofar. Fjórða sætið fer í Meistaradeildina, fimmta sætið í Evrópudeildina og sjötta sætið í Sambandsdeildina.

Sigurinn fleytti Roma upp í fjórða sæti. Lazio, Juventus, Bologna og Fiorentina eru þar á eftir.

Bein lýsing

Leikirnir






    Fleiri fréttir

    Sjá meira