Fótbolti

Sjáðu magnað mark Martínez gegn Bayern

Ingvi Þór Sæmundsson skrifar
Lautaro Martínez er markahæsti leikmaður Inter á tímabilinu.
Lautaro Martínez er markahæsti leikmaður Inter á tímabilinu. getty/Mattia Ozbot

Inter vann 1-2 sigur á Bayern München á Allianz Arena í fyrri leik liðanna í átta liða úrslitum Meistaradeildar Evrópu í gær.

Lautaro Martínez, fyrirliði Inter, kom sínum mönnum yfir á 38. mínútu með glæsilegu marki. Marcus Thuram, félagi Martínez í framlínu Inter, lagði boltann þá með hælnum á Argentínumanninn sem skoraði með laglegu utanfótarskoti.

Thomas Müller jafnaði fyrir Bayern á 85. mínútu en þremur mínútum síðar skoraði Davide Frattesi sigurmark Inter eftir vel útfærða skyndisókn. Mörkin úr leiknum má sjá í spilaranum hér fyrir neðan.

Klippa: Bayern 1-2 Inter

Inter hefur aðeins tapað einum af ellefu leikjum sínum í Meistaradeildinni á tímabilinu og einungis fengið á sig þrjú mörk.

Inter komst í úrslit Meistaradeildarinnar 2023 en féll úr leik fyrir Atlético Madrid í sextán liða úrslitum á síðasta tímabili.

Seinni leikur Inter og Bayern fer fram á San Siro eftir viku.

Meistaradeild Evrópu í fótbolta karla

Tengdar fréttir

Mest lesið


Fleiri fréttir

Sjá meira


×

Mest lesið