Vilja aðstoð við útflutning og losna við þvinganir áður en þeir hætta árásum Samúel Karl Ólason skrifar 25. mars 2025 18:16 Vólódímír Selenskí, forseti Úkraínu, segir það hafa verið rétta ákvörðun að samþykkja tillögu Bandaríkjamanna og að enginn geti nú sakað Úkraínumenn um að vilja ekki koma á friði. EPA Ríkisstjórn Donalds Trump, forseta Bandaríkjanna, hefur gert samkomulag við ráðamenn í Rússlandi og Úkraínu um vopnahlé á Svartahafi. Einnig á samkomulagið að fela í sér að árásum á orkuinnviði í Úkraínu og í Rússlandi verði hætt og í staðinn ætla Bandaríkjamenn að hjálpa Rússum við að auka útflutning. Samkomulag þetta náðist í viðræðum í Sádi-Arabíu í gær en það var ekki fyrr en í dag sem opinberað var um hvað samkomulagið snýst um. Samkvæmt yfirlýsingu frá Hvíta húsinu felur samkomulagið milli Bandaríkjamanna og Rússa í sér að frjálsar siglingar verði tryggðar um Svartahafið og að skip í eigu almennra borgara verði ekki notuð í hernaðarskyni. Rússar vilja fá að skoða skip sem siglt er til Úkraínu. Í staðinn segjast Bandaríkjamenn ætla að hjálpa Rússum við það að fá aðgang að mörkuðum heimsins fyrir landbúnaðarvörur og áburð á nýjan leik, lækka tryggingakostnað Rússa við skipaflutninga og auðvelda aðgengi þeirra að höfnum heimsins og greiðslukerfum. Hvíta húsið og Kreml virðast þó ósammála um hvað samkomulagið felur í sér og segja Rússar að það muni ekki taka gildi fyrr en búið sé að fella niður þó nokkrar refsiaðgerðir gegn Rússlandi. Í yfirlýsingu Kreml segir að Rússar og Bandaríkjamenn hafi samþykkt að vinna að því að stöðva árásir að orkuinnviði í þrjátíu daga. Þar segir þó að þegar komi að samkomulagi um frið á Svartahafi muni samkomulag ekki taka gildi fyrr en búið sé að fella niður refsiaðgerðir sem komið hafa niður á útflutningi Rússa á landbúnaðarafurðum, fiskafurðum og áburði og eru nefndar fleiri aðgerðir sem Bandaríkjamenn nefna ekki, eins og fram kemur í viðtali Wall Street Journal við sérfræðing. Útflutningur Rússa á landbúnaðarvörum hefur ekki verið stöðvaður beint með refsiaðgerðum en Rússar segja aðrar aðgerðir ríkja Evrópu varðandi aðgang að höfnum í heimsálfunni hafa komið verulega niður á honum. Blaðamaður Economist hefur eftir heimildarmanni sínum í Kænugarði að Pútín hafi spilað með Bandaríkjamenn. Reyndir rússneskir samningamenn hafi nýtt sér örvæntingu bandarískra erindreka í að ná fram einhverskonar táknrænum sigri. Feels like a bit of a mugging. The talks were trailed as technical, agreeing no-strike list of infrastructure targets. In the end, seasoned Russian negotiators spent 12 hours wearing the Americans down. Sanctions relief the minimum. Who knows what else was agreed. https://t.co/swfbeeVJRB— Oliver Carroll (@olliecarroll) March 25, 2025 Vilja aftur aðgang að SWIFT Einnig verði að fella niður refsiaðgerðir varðandi tryggingar flutningaskipa og fella niður aðgerðir gegn Rosselkhozbankanum í Rússlandi og opna á aðgang annarra fjármálastofnana að SWIFT-greiðslukerfinu, sem notað er til að miðla greiðslum milli alþjóðlegra banka. Flestum rússneskum bönkum var meinaður aðgangur að kerfinu eftir innrásina í febrúar 2022. Leiðtogar Evrópusambandsins munu væntanlega þurfa að taka ákvörðun um það að fella niður refsiaðgerðir gegn rússneskum bönkum og veita þeim aftur aðgang að Swift. Úkraínumenn hafa þegar sagst ætla að hætta árásum sínum á orkuinnviði í Rússlandi og hernaðarskotmörk á og við Svarthaf. Erindrekar Bandaríkjanna hafa áður reynt að fá Vladimír Pútín, forseta Rússlands, til að samþykkja almennt þrjátíu daga vopnahlé í Úkraínu en það hefur hann ekki viljað gera. Ekkert um árásir Rússa á úkraínskar hafnir Úkraínumönnum hefur á undanförnum árum tekist að sökkva þó nokkrum rússneskum herskipum á Svartahafi en Rússar hafa ekki getað sent liðsauka þangað þar sem Tyrkir hafa lokað Bosforsundi fyrir herskipum. Sumarið 2023 sögðu Rússar sig frá samkomulagi sem átti að tryggja kornúflutning frá Úkraínu. Sjá einnig: Brotthvarf Rússa frá kornsamkomulagi fordæmt um allan heim Síðan þá hafa Rússar flutt öll sín herskip á Svartahafi í skjól frá úkraínskum drónum og eldflaugum og umfang útflutnings Úkraínumanna hefur nálgast sömu stöðu og hann var í fyrir innrásina, þrátt fyrir dróna- og eldflaugaárásir Rússa á höfnina í Odessa og skip sem siglt er þar um. Ekkert stendur í samkomulaginu um að tryggja útflutning Úkraínumanna eða það að Rússar hætti árásum á úkraínska hafnir en Úkraínumenn eiga engan flota til að tala um. Blaðamaður Wall Street Journal segir að við fyrstu sýn virðist sem Rússar eigi að fá að losna við refsiaðgerðir og fá að sigla frjálsir sinna ferða um Svartahaf í skiptum fyrir lítið sem ekkert fyrir Úkraínumenn. So basically Russia gets sanctions relief under the Black Sea ceasefire deal negotiated by the Trump administration, and Ukraine gets the status quo or worse.— Yaroslav Trofimov (@yarotrof) March 25, 2025 Vólódímír Selenskí, forseti Úkraínu, sagði við blaðamenn í dag að ef Rússar brjóti gegn samkomulaginu muni hann strax biðja Trump um hertar refsiaðgerðir gegn Rússlandi og frekari hernaðaraðstoð. Selenskí sagði of snemmt að segja til um hvort samkomulagið myndi bera árangur en það hefði verið rétt að samþykkja það. „Enginn getur sakað Úkraínu um að vilja ekki koma á friði eftir þetta.“ Þá hefur Reuters eftir Sergei Lavrov, utanríkisráðherra Rússlands, að þar á bæ sé talið að Úkraínumönnum sé ekki treystandi og að Bandaríkjamenn muni þurfa að tryggja að þeir fylgi samkomulaginu eftir. Úkraína Innrás Rússa í Úkraínu Rússland Vladimír Pútín Bandaríkin Donald Trump Hernaður Tengdar fréttir Óvíst að greint verði frá niðurstöðum viðræðna í Sádi Arabíu Nokkur óvissa er uppi með það hvort uppljóstrað verður um niðurstöður viðræðna Bandaríkjamanna og Rússa í Ríad í Sádi Arabíu, þar sem staðan í Úkraínu var til umræðu og möglegt samkomulag um sjóumferð á Svartahafi. 25. mars 2025 13:12 Misstu útlimi í árásum en vilja halda áfram að hjálpa Fyrir flesta er lítið mál að kveikja ljós, opna hurð og skrúfa frá krana án umhugsunar. Í Týtanóví endurhæfingarmiðstöðinni í höfuðborg Úkraínu er það aftur á móti meðal þess sem hópur særðra hermanna þarf að æfa upp á nýtt. Særðir Úkraínumenn sem vinna að því að ná bata segjast þrá fátt heitar en að stríðinu ljúki og vilja halda áfram að berjast fyrir landið sitt svo lengi sem þess sé þörf. Það sé sárt til þess að hugsa ef samið yrði um falskan frið á forsendum Rússa. 24. mars 2025 21:01 Bættu blaðamanni óvart í Signal-hóp um árásir á Húta Svo virðist sem Mike Waltz, þjóðaröryggisráðgjafi Donalds Trump, forseta Bandaríkjanna, hafi fyrir mistök bætt blaðamanni inn í spjallhóp þar sem hann, JD Vance varaforseti, Pete Hegseth varnarmálaráðherra og fleiri töluðu um hvort Bandaríkin ættu að hefja umfangsmiklar árásir á Húta í Jemen og hvernig. 24. mars 2025 18:53 Mest lesið Birgir Guðjónsson er látinn Innlent Börnum haldið innilokuðum í „hryllingshúsi“ í fleiri ár Erlent Tilkynnt um mann vopnaðan skotvopni og einn handtekinn Innlent Mun sjá eftir árásinni alla ævi Innlent Kaffistofa leigubílstjóra orðin „nyrsta moska í heimi“ Innlent Yfirgefa Svíþjóð til að hraða þróun rafmagnsflugvélar Erlent Verkalýðsdagurinn haldinn í skugga sjálftöku forystumanna Innlent Var svo „þreyttur á öllu“ að hann ákvað að aka inn í þvögu barna Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent Fleiri fréttir Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Rafmagnsleysið „fordæmalaust“ en engar vísbendingar um tölvuárás Sjá meira
Samkomulag þetta náðist í viðræðum í Sádi-Arabíu í gær en það var ekki fyrr en í dag sem opinberað var um hvað samkomulagið snýst um. Samkvæmt yfirlýsingu frá Hvíta húsinu felur samkomulagið milli Bandaríkjamanna og Rússa í sér að frjálsar siglingar verði tryggðar um Svartahafið og að skip í eigu almennra borgara verði ekki notuð í hernaðarskyni. Rússar vilja fá að skoða skip sem siglt er til Úkraínu. Í staðinn segjast Bandaríkjamenn ætla að hjálpa Rússum við það að fá aðgang að mörkuðum heimsins fyrir landbúnaðarvörur og áburð á nýjan leik, lækka tryggingakostnað Rússa við skipaflutninga og auðvelda aðgengi þeirra að höfnum heimsins og greiðslukerfum. Hvíta húsið og Kreml virðast þó ósammála um hvað samkomulagið felur í sér og segja Rússar að það muni ekki taka gildi fyrr en búið sé að fella niður þó nokkrar refsiaðgerðir gegn Rússlandi. Í yfirlýsingu Kreml segir að Rússar og Bandaríkjamenn hafi samþykkt að vinna að því að stöðva árásir að orkuinnviði í þrjátíu daga. Þar segir þó að þegar komi að samkomulagi um frið á Svartahafi muni samkomulag ekki taka gildi fyrr en búið sé að fella niður refsiaðgerðir sem komið hafa niður á útflutningi Rússa á landbúnaðarafurðum, fiskafurðum og áburði og eru nefndar fleiri aðgerðir sem Bandaríkjamenn nefna ekki, eins og fram kemur í viðtali Wall Street Journal við sérfræðing. Útflutningur Rússa á landbúnaðarvörum hefur ekki verið stöðvaður beint með refsiaðgerðum en Rússar segja aðrar aðgerðir ríkja Evrópu varðandi aðgang að höfnum í heimsálfunni hafa komið verulega niður á honum. Blaðamaður Economist hefur eftir heimildarmanni sínum í Kænugarði að Pútín hafi spilað með Bandaríkjamenn. Reyndir rússneskir samningamenn hafi nýtt sér örvæntingu bandarískra erindreka í að ná fram einhverskonar táknrænum sigri. Feels like a bit of a mugging. The talks were trailed as technical, agreeing no-strike list of infrastructure targets. In the end, seasoned Russian negotiators spent 12 hours wearing the Americans down. Sanctions relief the minimum. Who knows what else was agreed. https://t.co/swfbeeVJRB— Oliver Carroll (@olliecarroll) March 25, 2025 Vilja aftur aðgang að SWIFT Einnig verði að fella niður refsiaðgerðir varðandi tryggingar flutningaskipa og fella niður aðgerðir gegn Rosselkhozbankanum í Rússlandi og opna á aðgang annarra fjármálastofnana að SWIFT-greiðslukerfinu, sem notað er til að miðla greiðslum milli alþjóðlegra banka. Flestum rússneskum bönkum var meinaður aðgangur að kerfinu eftir innrásina í febrúar 2022. Leiðtogar Evrópusambandsins munu væntanlega þurfa að taka ákvörðun um það að fella niður refsiaðgerðir gegn rússneskum bönkum og veita þeim aftur aðgang að Swift. Úkraínumenn hafa þegar sagst ætla að hætta árásum sínum á orkuinnviði í Rússlandi og hernaðarskotmörk á og við Svarthaf. Erindrekar Bandaríkjanna hafa áður reynt að fá Vladimír Pútín, forseta Rússlands, til að samþykkja almennt þrjátíu daga vopnahlé í Úkraínu en það hefur hann ekki viljað gera. Ekkert um árásir Rússa á úkraínskar hafnir Úkraínumönnum hefur á undanförnum árum tekist að sökkva þó nokkrum rússneskum herskipum á Svartahafi en Rússar hafa ekki getað sent liðsauka þangað þar sem Tyrkir hafa lokað Bosforsundi fyrir herskipum. Sumarið 2023 sögðu Rússar sig frá samkomulagi sem átti að tryggja kornúflutning frá Úkraínu. Sjá einnig: Brotthvarf Rússa frá kornsamkomulagi fordæmt um allan heim Síðan þá hafa Rússar flutt öll sín herskip á Svartahafi í skjól frá úkraínskum drónum og eldflaugum og umfang útflutnings Úkraínumanna hefur nálgast sömu stöðu og hann var í fyrir innrásina, þrátt fyrir dróna- og eldflaugaárásir Rússa á höfnina í Odessa og skip sem siglt er þar um. Ekkert stendur í samkomulaginu um að tryggja útflutning Úkraínumanna eða það að Rússar hætti árásum á úkraínska hafnir en Úkraínumenn eiga engan flota til að tala um. Blaðamaður Wall Street Journal segir að við fyrstu sýn virðist sem Rússar eigi að fá að losna við refsiaðgerðir og fá að sigla frjálsir sinna ferða um Svartahaf í skiptum fyrir lítið sem ekkert fyrir Úkraínumenn. So basically Russia gets sanctions relief under the Black Sea ceasefire deal negotiated by the Trump administration, and Ukraine gets the status quo or worse.— Yaroslav Trofimov (@yarotrof) March 25, 2025 Vólódímír Selenskí, forseti Úkraínu, sagði við blaðamenn í dag að ef Rússar brjóti gegn samkomulaginu muni hann strax biðja Trump um hertar refsiaðgerðir gegn Rússlandi og frekari hernaðaraðstoð. Selenskí sagði of snemmt að segja til um hvort samkomulagið myndi bera árangur en það hefði verið rétt að samþykkja það. „Enginn getur sakað Úkraínu um að vilja ekki koma á friði eftir þetta.“ Þá hefur Reuters eftir Sergei Lavrov, utanríkisráðherra Rússlands, að þar á bæ sé talið að Úkraínumönnum sé ekki treystandi og að Bandaríkjamenn muni þurfa að tryggja að þeir fylgi samkomulaginu eftir.
Úkraína Innrás Rússa í Úkraínu Rússland Vladimír Pútín Bandaríkin Donald Trump Hernaður Tengdar fréttir Óvíst að greint verði frá niðurstöðum viðræðna í Sádi Arabíu Nokkur óvissa er uppi með það hvort uppljóstrað verður um niðurstöður viðræðna Bandaríkjamanna og Rússa í Ríad í Sádi Arabíu, þar sem staðan í Úkraínu var til umræðu og möglegt samkomulag um sjóumferð á Svartahafi. 25. mars 2025 13:12 Misstu útlimi í árásum en vilja halda áfram að hjálpa Fyrir flesta er lítið mál að kveikja ljós, opna hurð og skrúfa frá krana án umhugsunar. Í Týtanóví endurhæfingarmiðstöðinni í höfuðborg Úkraínu er það aftur á móti meðal þess sem hópur særðra hermanna þarf að æfa upp á nýtt. Særðir Úkraínumenn sem vinna að því að ná bata segjast þrá fátt heitar en að stríðinu ljúki og vilja halda áfram að berjast fyrir landið sitt svo lengi sem þess sé þörf. Það sé sárt til þess að hugsa ef samið yrði um falskan frið á forsendum Rússa. 24. mars 2025 21:01 Bættu blaðamanni óvart í Signal-hóp um árásir á Húta Svo virðist sem Mike Waltz, þjóðaröryggisráðgjafi Donalds Trump, forseta Bandaríkjanna, hafi fyrir mistök bætt blaðamanni inn í spjallhóp þar sem hann, JD Vance varaforseti, Pete Hegseth varnarmálaráðherra og fleiri töluðu um hvort Bandaríkin ættu að hefja umfangsmiklar árásir á Húta í Jemen og hvernig. 24. mars 2025 18:53 Mest lesið Birgir Guðjónsson er látinn Innlent Börnum haldið innilokuðum í „hryllingshúsi“ í fleiri ár Erlent Tilkynnt um mann vopnaðan skotvopni og einn handtekinn Innlent Mun sjá eftir árásinni alla ævi Innlent Kaffistofa leigubílstjóra orðin „nyrsta moska í heimi“ Innlent Yfirgefa Svíþjóð til að hraða þróun rafmagnsflugvélar Erlent Verkalýðsdagurinn haldinn í skugga sjálftöku forystumanna Innlent Var svo „þreyttur á öllu“ að hann ákvað að aka inn í þvögu barna Erlent Pilturinn muni líklega afplána þriðjung átta ára dóms fyrir manndráp Innlent Getur frelsað El Salvador-fangann en vill það ekki Erlent Fleiri fréttir Var svo „þreyttur á öllu“ að hann ákvað að aka inn í þvögu barna Börnum haldið innilokuðum í „hryllingshúsi“ í fleiri ár Yfirgefa Svíþjóð til að hraða þróun rafmagnsflugvélar Getur frelsað El Salvador-fangann en vill það ekki Skrifa nú undir samninginn sem féll af borðinu eftir hitafundinn Sænskur blaðamaður dæmdur fyrir að móðga Erdogan Ellefu slasaðir og þrír alvarlega í Kaupmannahöfn Segja 4.700 Kimdáta hafa fallið eða særst Danakonungur til Grænlands í annað sinn á skömmum tíma Ungi morðinginn flúði nýverið af vistheimili Segir sveppaeitrunina hafa verið „hörmulegt óhapp“ Rýnt í stöðuna í Úkraínu: Rússar ítreka umfangsmiklar kröfur og Trump hótar að fara í fússi Ungur maður handtekinn vegna morðanna í Uppsölum Fagnaði fyrstu hundrað dögunum í Hvíta húsinu Pakistan segir Indland mögulega gera árás á næstu klukkustundum Árásarmannsins enn leitað Þrír látnir eftir skotárás í Uppsölum Fella niður hluta ákæru á hendur meintum sveppamorðingja Íhuga að loka Everest öðrum en reyndu göngufólki Bannað að selja auðmönnum evrópskan ríkisborgararétt Orsakir rafmagnsleysisins sögulega enn óþekktar Fjórir létust þegar bíl var ekið í gegnum frístundaheimili Allt að komast í samt lag á Spáni og í Portúgal Carney og Frjálslyndir fóru með sigur af hólmi Rafmagn að koma aftur á: Íslendingar lýsa mikilli óvissu Spennan eykst milli Indlands og Pakistan Allt í rugli á Rauðahafi Hvetur Kanadamenn að kjósa sig Lýsir yfir einhliða vopnahléi vegna sigurhátíðar í næstu viku Rafmagnsleysið „fordæmalaust“ en engar vísbendingar um tölvuárás Sjá meira
Óvíst að greint verði frá niðurstöðum viðræðna í Sádi Arabíu Nokkur óvissa er uppi með það hvort uppljóstrað verður um niðurstöður viðræðna Bandaríkjamanna og Rússa í Ríad í Sádi Arabíu, þar sem staðan í Úkraínu var til umræðu og möglegt samkomulag um sjóumferð á Svartahafi. 25. mars 2025 13:12
Misstu útlimi í árásum en vilja halda áfram að hjálpa Fyrir flesta er lítið mál að kveikja ljós, opna hurð og skrúfa frá krana án umhugsunar. Í Týtanóví endurhæfingarmiðstöðinni í höfuðborg Úkraínu er það aftur á móti meðal þess sem hópur særðra hermanna þarf að æfa upp á nýtt. Særðir Úkraínumenn sem vinna að því að ná bata segjast þrá fátt heitar en að stríðinu ljúki og vilja halda áfram að berjast fyrir landið sitt svo lengi sem þess sé þörf. Það sé sárt til þess að hugsa ef samið yrði um falskan frið á forsendum Rússa. 24. mars 2025 21:01
Bættu blaðamanni óvart í Signal-hóp um árásir á Húta Svo virðist sem Mike Waltz, þjóðaröryggisráðgjafi Donalds Trump, forseta Bandaríkjanna, hafi fyrir mistök bætt blaðamanni inn í spjallhóp þar sem hann, JD Vance varaforseti, Pete Hegseth varnarmálaráðherra og fleiri töluðu um hvort Bandaríkin ættu að hefja umfangsmiklar árásir á Húta í Jemen og hvernig. 24. mars 2025 18:53