Bein út­sending: Bingó Blökastsins

Þeir lofa mikilli skemmtun og veglegum vinningum, sérstakir gestir kíkja við og halda uppi stuðinu. Enda ekkert betra að gera á sunnudagshaustkvöldi en að njóta stundarinnar saman og spila skemmtilegasta bingó landsins.

Horfa má á útsendinguna í spilaranum hér fyrir neðan:

Útsendingin hefst klukkan 19:00 hér á Vísi og Stöð 2 Vísi. Nálgast má Stöð 2 Vísi á rás 5 hjá Vodafone og rás 8 hjá Símanum.

Meðal vinninga eru:

• Fartölva frá Lenovo
• 100.000 kr. gjafabréf frá PLAY
• Ársbirgðir af Gull Lite
• Playstation 5
• Árskort i ræktina frá Sporthúsinu, app þjálfun frá Fjarþjálfun.is og ársbirgðir af Happy Hydrate
• Rúm frá Dorma
• Úlpa frá 66°Norður

Hvernig tekur þú þátt?

Allir geta horft á útsendinguna en til þess að fá bingóspjöld þarf að gerast áskrifandi að hlaðvarpi þeirra félaga, Blökastinu. Það er gert með því að fara á fm95blo.is og gerast áskrifandi. Á bingó deginum skráiru þig svo inn og smellir á rauða bingótakkann sem birtist efst á síðunni og færð þrjú spjöld.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Ýttu á Bingó-takkann

Síðan er um að gera að fylgjast vandlega með því þegar strákarnir draga út tölurnar. Ef þú skyldir fá bingó áttu að ýta á Bingó-takkann neðst á spjaldinu um leið. Ef þú ert í stuði er gott að kalla líka „BINGÓ!“

Hægt er að gerast áskrifandi á vef Tals.