Gísli og Hlynur skoruðu báðir

Gísli Eyjólfsson skoraði seinna mark Halmstad í 0-2 útisigri á Haga. Þetta var annað mark hans fyrir Halmstad en þau hafa bæði komið í bikarkeppninni.

Hlynur Freyr Karlsson skoraði sitt fyrsta mark fyrir Brommapojkarna sem rúllaði yfir Östersund, 0-5.

Þorri Mar Þórisson lék allan leikinn fyrir Öster sem sigraði Götaholm, 1-3.

Norrköping sigraði Piteå, 1-3. Ísak Andri Sigurgeirsson sat allan tímann á varamannabekk liðsins en Arnór Ingvi Traustason var hvíldur í leiknum.

Adam Ingi Benediktsson stóð á milli stanganna hjá Östersunds sem tapaði fyrir Karlsberg eftir framlengingu, 2-1.