Katla skoraði jöfnunar­markið í endurkomusigri

Heimakonur Brommapojkarna komust yfir á 14. mínútu með marki frá miðjumanninum Fanny Rönnlund.

Katla jafnaði metin fyrir Kristianstad snemma í seinni hálfleik. Tilda Persson kom þeim svo yfir á 72. mínútu, fimm mínútum áður en Katla fór af velli.

Hlín Eiríksdóttir og Guðný Árnadóttir voru einnig í byrjunarliði Kristianstad og spiluðu allan leikinn. Hlín komst ekki á blað en Guðný fékk gult spjald á 90. mínútu.

Kristianstad vann sig upp í þriðja sæti deildarinnar með þessum sigri og hafa safnað sér 18 stigum úr 8 leikjum.

Allar þrjár ofan nefndar verða í landsliðshópi Íslands í leikjunum tveimur gegn Austurríki í undanspili EM. 

Samtímis fór fram leikur Örebro og AIK. Áslaug Dóra Sigurbjörnsdóttir stóð vaktina í vörn Örebro, sem tapaði leiknum 1-0. Katla María Þórðardóttir byrjaði leikinn en vék af velli á 72. mínútu fyrir Bergþóru Sól Ásmundsdóttur.

Örebro er enn án sigur og situr í næstneðsta sæti deildarinnar með 1 stig eftir 8 leiki.