Sjáðu Arnór Ingva skora glæsi­mark

Norrköping varð að sætta sig við 1-1 jafntefli á útivelli á móti IFK Gautaborg í sænsku deildinni en í augum Norrköping liðsins þá eru þetta töpuð stig.

Arnór kom Norrköping í 1-0 á 33. mínútu með glæsilegu skoti beint úr aukaspyrnu en Gautaborg jafnaði á 40. mínútu. Það má sjá markið hér fyrir neðan.

Gautaborg missti síðan mann af velli á 61. mínútu en Norrköping nýtti sér ekki þá stöðu. Anders Trondsen fékk sitt annað gula spjald og dæmt á sig víti.

Tim Prica klikkaði hins vegar á vítaspyrnunni og staðan var enn jöfn.

Ísak Andri Sigurgeirsson kom inn á sem varamaður tíu mínútum fyrir leikslok. Hann átti skot á mark í uppbótatíma en náði því miður ekki að tryggja sínu liði öll stigin.