Innlent

And­lát barnsins á Nýbýlavegi komið á borð ákærusviðs

Hallgerður Kolbrún E. Jónsdóttir skrifar
Tilkynnt var um andlát barnsins 31. janúar síðastliðinn. Móðir þess hefur setið í gæsluvarðhaldi síðan 1. febrúar.
Tilkynnt var um andlát barnsins 31. janúar síðastliðinn. Móðir þess hefur setið í gæsluvarðhaldi síðan 1. febrúar. Vísir/Sigurjón

Andlát sex ára gamals drengs á Nýbýlavegi í Kópavogi í lok janúarmánaðar er komið á borð ákærusviðs lögreglunnar á höfuðborgarsvæðinu. Gæsluvarðhald yfir móður drengsins, sem er grunuð um að hafa ráðið honum bana, var framlengt í gær.

Þetta staðfestir Eiríkur Valberg lögreglufulltrúi hjá miðlægri rannsóknardeild í samtali við fréttastofu. Hann segir að málið hafi verið sent til ákærusviðs frá rannsóknardeild í gær og að það verði svo líklega sent áfram til Héraðssaksóknara í dag eða allra næstu dögum. mbl.is greindi fyrst frá. 

Kona um fimmtugt, móðir drengsins, var handtekin og úrskurðuð í vikulangt gæsluvarðhald 1. febrúar síðastliðinn en tilkynnt var um andlát drengsins daginn áður. 7. febrúar var gæsluvarðhaldið framlengt um fjórar vikur og þegar það rann út var það framlengt um aðrar fjórar, til 3. apríl. 

Eiríkur segir gæsluvarðhald yfir móðurinni hafa verið framlengt aftur í gær þannig að 12 vikna heimild lögreglu til gæsluvarðhalds verði fullnýtt. Það þýðir að konan er úrskurðuð í gæsluvarðhald til 25. apríl næstkomandi. 

Andlát barns á Nýbýlavegi Lögreglumál Kópavogur

Tengdar fréttir

Gæsluvarðhald yfir móðurinni framlengt um fjórar vikur

Héraðsdómur Reykjaness hefur framlengt gæsluvarðhald yfir konu um fimmtugt, sem grunuð er um að hafa banað sex ára syni sínum, um fjórar vikur. Lögregla telur sig hafa nokkuð skýra mynd af atburðarrásinni.

Gæsluvarðhald vegna atburðanna á Nýbýlavegi framlengt aftur

Gæsluvarðhald yfir konu um fimmtugt, sem grunuð er um að hafa banað sex ára syni sínum í lok janúarmánaðar, hefur verið framlengt aftur um fjórar vikur. Konan hefur setið í gæsluvarðhaldi frá handtöku 1. febrúar síðastliðinn. 

Mest lesið


Fleiri fréttir

Sjá meira


×

Mest lesið