Innlent

Unnið að við­gerð og vega­gerð í alla nótt

Hólmfríður Gísladóttir og Gunnar Reynir Valþórsson skrifa
Íbúar verða látnir vita um leið og ber til tíðinda af viðgerðum.
Íbúar verða látnir vita um leið og ber til tíðinda af viðgerðum. Vísir/RAX

„Þetta gekk vel. Það var tíðindalítið þegar kemur að eldgosinu en það hefur mikil vinna farið fram í nótt,“ segir Hjördís Guðmundsdóttir, samskiptastjóri Almannavarna, um fregnir næturinnar.

„Það var bæði verið að reyna að tengja heitavatnslögnina og svo hefur einnig verið í gangi vinna við vegagerð, það er að segja flóttaveg þarna við hraunið. Þannig að það hafa margir verið að störfum í nótt þrátt fyrir að þetta hafi verið ísköld nótt, má segja.“

Hjördís segist ekki vita til þess að viðbragðsaðilar hafi þurft að aðstoða íbúa á Reykjanesi vegna kulda í húsum.

„Ég hef ekki heyrt af því en það hefur án efa verið ískalt,“ segir hún. 

„Við vonum að þetta taki enda og við vitum að þetta tekur enda. Þetta er bara spurning um ákveðna tímalínu og um leið og við vitum meira um það hvernig viðgerðin gekk og hvað er framundan næstu klukkutímana þá látum við íbúa vita. Um leið.“

Eldgos og jarðhræringar Eldgos á Reykjanesskaga Vegagerð Orkumál Grindavík Almannavarnir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið