Íslenskar konur sóttu fjölskyldu frá Gasa: „Drengirnir voru þreyttir og sögðu lítið“ Jón Þór Stefánsson skrifar 6. febrúar 2024 22:23 Bergþóra Snæbjörnsdóttir, segir það mikla gjöf að hjálpa börnum og jafnvel bjarga lífi þeirra. „Þetta er ekki svona flókið, og ef þetta er svona flókið, hvernig fórum við þá að þessu? Þetta er enginn ómöguleiki,“ segir rithöfundurinn Bergþóra Snæbjörnsdóttir, sem er nú stödd í Kaíró, höfuðborg Egyptalands, þar sem hún tók á móti fjögurra manna fjölskyldu frá Gasa í dag. „Þetta er mesta gjöf sem hægt er að fá, að taka á móti börnum sem eru að koma úr svona stórkostlegu áfalli, og geta hjálpað þeim og jafnvel bjargað lífi þeirra.“ Bergþóra, sem er í Egyptalandi ásamt fjölmiðlakonunni Maríu Lilju Þrastardóttur og Kristínu Eiríksdóttur rithöfundi, fór út í síðustu viku, og á fjórum dögum tókst þeim að koma fjölskyldunni, konu og þremur börnum frá Gasa. Hún gagnrýnir stjórnvöld harðlega fyrir að standa ekki sjálf í að koma fólkinu frá átakasvæðinu. Um er að ræða fjölskyldu manns, sem er vinur kvennanna, sem hefur dvalið á Íslandi á síðustu árum. „Hann hefur aldrei fengið að taka utan um yngsta son sinn,“ segir Bergþóra um manninn, sem fékk kennitölu hér á landi í byrjun síðasta árs eftir nokkurra ára vinnu og sótti um fjölskyldusameiningu í aprílmánuði sama árs. Fengu langþráðan hamborgara Þegar fréttastofa náði tali af Bergþóru voru um það bil tvær klukkustundir frá því að fjölskyldan komst til Kaíró. „Drengirnir voru þreyttir og sögðu lítið. Þeir höfðu beðið um að fá hamborgara að borða, sem þeir fengu. Ég hef aldrei séð hamborgara hverfa jafnhratt ofan í jafn litla kroppa. Móðirin hafði enga matarlyst. Hún var mjög dofin og þreytt. Þau eru að koma úr aðstæðum sem við getum ekki ímyndað okkur,“ segir Bergþóra. „Þetta er búið að vera ofboðslegt áfall. Þau eru fyrst núna að snerta örugga jörð.“ Hún útskýrir að þau hafi verið flutt yfir landamærum með rútu á vegum egypskra stjórnvalda. Næsta skref sé síðan að fara til Íslands. Bergþóra segir að það eigi ekki að vera mikið vandamál, en að fjölskyldan muni líklega þurfa að bíða í Kaíró í tvo til þrjá daga. Heimilið orðið að ryki Fjölskyldan er heimilislaus að sögn Bergþóru, þar sem að hús þeirra er í dag rústir einar. „Þau eru frá norðurhluta Gasaborgar. Þau lögðu á flótta snemma því heimili þeirra er bara ryk og rústir í dag.“ segir Bergþóra. „Þaðan fóru þau til ættingja, þar sem þau höfðust við í húsi með engum gluggum, rúðum, eða dyrum. Þetta var svona hálfopið hús í Deir al-Balah.“ Það var síðan á föstudaginn síðastliðinn sem þau fóru að Rafah-landamærunum, milli Palestínu og Egyptalands. Svæðið er ekki öruggt, en stofnun á vegum Sameinuðu þjóðanna sagði að minnsta kosti tuttugu Palestínumenn hafa fallið um helgina í loftárásum Ísraelshers á Rafah. „Þar voru þau í herbergi hjá ættingja, þau voru tuttugu saman þar. Og allir hinir eru enn þá þarna úti,“ segir Bergþóra sem fullyrðir að fólkið á Rafah þurfi að komast af svæðinu á allra næstu dögum. Bjuggust ekki við þessum árangri Að sögn Bergþóru bjuggust þær ekki endilega við því að verkið myndi takast þegar þær héldu út, en hún segir að þær hafi mætt miklum samstarfsvilja úti. Þá segir Bergþóra að palestínska samfélagið á Íslandi hafi hjálpað mikið til, til að mynda með því að verða þeim úti um túlkaaðstoð. Hún segir að hópurinn ætli sér að reyna að koma fleira fólki til bjargar frá Gasa-svæðinu. „Við ætlum okkur að koma þessu fólki út ef íslensk stjórnvöld ætla sér ekki að gera það. Það tekur okkur bara miklu lengri tíma. Þau geta komið þeim öllum út í einu,“ segir hún. „Vonandi verður einhver komin hingað á morgun frá utanríkisráðuneytinu og getur tekið við af okkur.“ Bjarni gleðst yfir því að þetta geti gerst Í kvöldfréttum Stöðvar 2 í kvöld sagði Bjarni Benediktsson utanríkisráðherra það alrangt að Ísland sæti aðgerðarlaust í málaflokknum. Hann sagðist óttast að innviðir landsins myndu springa með áframhaldi á núverandi fyrirkomulagi. „Ef fólk er að komast út með aðstoð annarra, þá er það bara flott. Ég gleðst yfir því að það geti gerst,“ sagði hann, en bætti við stjórnvöld þyrftu að líta heildstætt á málið, og nú væri slík skipulagning í gangi. Íslensk stjórnvöld þurfa að gera miklu meira að mati Bergþóru, en hún gagnrýnir þau harðlega í samtali við fréttastofu. „Þetta snýst um líf nokkurra barna á hættulegasta stað í heimi,“ segir hún og furðar sig á því að skyndilega sé farið að tala um að innviðir Íslands séu að þrotum komnir. „Það hafa allar þjóðir heims verið hérna og lagst á eitt nema Ísland. Það er staðreynd,“ fullyrðir Bergþóra. „Það er búið að gera samning um að flytja fólkið til Íslands. Það þarf bara að hjálpa þeim yfir landamærin.“ Átök í Ísrael og Palestínu Palestína Ísrael Egyptaland Ríkisstjórn Katrínar Jakobsdóttur Hælisleitendur Innflytjendamál Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Líklegt að það styttist í brotmörk Innlent Harvey Weinstein lagður inn á spítala Erlent Gefur lítið fyrir útskýringar fréttastjórans Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent „Það er enginn sem verndar son okkar“ Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira
„Þetta er mesta gjöf sem hægt er að fá, að taka á móti börnum sem eru að koma úr svona stórkostlegu áfalli, og geta hjálpað þeim og jafnvel bjargað lífi þeirra.“ Bergþóra, sem er í Egyptalandi ásamt fjölmiðlakonunni Maríu Lilju Þrastardóttur og Kristínu Eiríksdóttur rithöfundi, fór út í síðustu viku, og á fjórum dögum tókst þeim að koma fjölskyldunni, konu og þremur börnum frá Gasa. Hún gagnrýnir stjórnvöld harðlega fyrir að standa ekki sjálf í að koma fólkinu frá átakasvæðinu. Um er að ræða fjölskyldu manns, sem er vinur kvennanna, sem hefur dvalið á Íslandi á síðustu árum. „Hann hefur aldrei fengið að taka utan um yngsta son sinn,“ segir Bergþóra um manninn, sem fékk kennitölu hér á landi í byrjun síðasta árs eftir nokkurra ára vinnu og sótti um fjölskyldusameiningu í aprílmánuði sama árs. Fengu langþráðan hamborgara Þegar fréttastofa náði tali af Bergþóru voru um það bil tvær klukkustundir frá því að fjölskyldan komst til Kaíró. „Drengirnir voru þreyttir og sögðu lítið. Þeir höfðu beðið um að fá hamborgara að borða, sem þeir fengu. Ég hef aldrei séð hamborgara hverfa jafnhratt ofan í jafn litla kroppa. Móðirin hafði enga matarlyst. Hún var mjög dofin og þreytt. Þau eru að koma úr aðstæðum sem við getum ekki ímyndað okkur,“ segir Bergþóra. „Þetta er búið að vera ofboðslegt áfall. Þau eru fyrst núna að snerta örugga jörð.“ Hún útskýrir að þau hafi verið flutt yfir landamærum með rútu á vegum egypskra stjórnvalda. Næsta skref sé síðan að fara til Íslands. Bergþóra segir að það eigi ekki að vera mikið vandamál, en að fjölskyldan muni líklega þurfa að bíða í Kaíró í tvo til þrjá daga. Heimilið orðið að ryki Fjölskyldan er heimilislaus að sögn Bergþóru, þar sem að hús þeirra er í dag rústir einar. „Þau eru frá norðurhluta Gasaborgar. Þau lögðu á flótta snemma því heimili þeirra er bara ryk og rústir í dag.“ segir Bergþóra. „Þaðan fóru þau til ættingja, þar sem þau höfðust við í húsi með engum gluggum, rúðum, eða dyrum. Þetta var svona hálfopið hús í Deir al-Balah.“ Það var síðan á föstudaginn síðastliðinn sem þau fóru að Rafah-landamærunum, milli Palestínu og Egyptalands. Svæðið er ekki öruggt, en stofnun á vegum Sameinuðu þjóðanna sagði að minnsta kosti tuttugu Palestínumenn hafa fallið um helgina í loftárásum Ísraelshers á Rafah. „Þar voru þau í herbergi hjá ættingja, þau voru tuttugu saman þar. Og allir hinir eru enn þá þarna úti,“ segir Bergþóra sem fullyrðir að fólkið á Rafah þurfi að komast af svæðinu á allra næstu dögum. Bjuggust ekki við þessum árangri Að sögn Bergþóru bjuggust þær ekki endilega við því að verkið myndi takast þegar þær héldu út, en hún segir að þær hafi mætt miklum samstarfsvilja úti. Þá segir Bergþóra að palestínska samfélagið á Íslandi hafi hjálpað mikið til, til að mynda með því að verða þeim úti um túlkaaðstoð. Hún segir að hópurinn ætli sér að reyna að koma fleira fólki til bjargar frá Gasa-svæðinu. „Við ætlum okkur að koma þessu fólki út ef íslensk stjórnvöld ætla sér ekki að gera það. Það tekur okkur bara miklu lengri tíma. Þau geta komið þeim öllum út í einu,“ segir hún. „Vonandi verður einhver komin hingað á morgun frá utanríkisráðuneytinu og getur tekið við af okkur.“ Bjarni gleðst yfir því að þetta geti gerst Í kvöldfréttum Stöðvar 2 í kvöld sagði Bjarni Benediktsson utanríkisráðherra það alrangt að Ísland sæti aðgerðarlaust í málaflokknum. Hann sagðist óttast að innviðir landsins myndu springa með áframhaldi á núverandi fyrirkomulagi. „Ef fólk er að komast út með aðstoð annarra, þá er það bara flott. Ég gleðst yfir því að það geti gerst,“ sagði hann, en bætti við stjórnvöld þyrftu að líta heildstætt á málið, og nú væri slík skipulagning í gangi. Íslensk stjórnvöld þurfa að gera miklu meira að mati Bergþóru, en hún gagnrýnir þau harðlega í samtali við fréttastofu. „Þetta snýst um líf nokkurra barna á hættulegasta stað í heimi,“ segir hún og furðar sig á því að skyndilega sé farið að tala um að innviðir Íslands séu að þrotum komnir. „Það hafa allar þjóðir heims verið hérna og lagst á eitt nema Ísland. Það er staðreynd,“ fullyrðir Bergþóra. „Það er búið að gera samning um að flytja fólkið til Íslands. Það þarf bara að hjálpa þeim yfir landamærin.“
Átök í Ísrael og Palestínu Palestína Ísrael Egyptaland Ríkisstjórn Katrínar Jakobsdóttur Hælisleitendur Innflytjendamál Íslendingar erlendis Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Svakalegt að sjá fylgisaukningu Höllu Hrundar Innlent Mennirnir tóku annan starfsmannanna hálstaki Innlent Helga lenti einnig í vandræðum Innlent Líklegt að það styttist í brotmörk Innlent Harvey Weinstein lagður inn á spítala Erlent Gefur lítið fyrir útskýringar fréttastjórans Innlent Minni lyfjanotkun og meiri vellíðan í sérstöku heilabilunarþorpi Innlent Uppgangur Höllu Hrundar fari fyrir brjóstið á „valdastéttinni“ Innlent Forsetavaktin 2024: Hver verður sjöundi forseti lýðveldisins? Innlent „Það er enginn sem verndar son okkar“ Innlent Fleiri fréttir Svakalegt að sjá fylgisaukningu Höllu Hrundar Minni lyfjanotkun og meiri vellíðan í sérstöku heilabilunarþorpi Mennirnir tóku annan starfsmannanna hálstaki Líklegt að það styttist í brotmörk Helga lenti einnig í vandræðum Eiríkur og Ástþór fá frest til að bæta við undirskriftum Hættuástand í Grindavík og æsispennandi forsetakosningar Gefur lítið fyrir útskýringar fréttastjórans Handteknir á hlaupum eftir vopnað rán í Reykjavíkurapóteki Björk varar við frumvarpi um sjókvíeldi Uppgangur Höllu Hrundar fari fyrir brjóstið á „valdastéttinni“ Mikil gleði þegar Bergur komst í mark Segir engin annarleg sjónarmið að baki ákvörðun RÚV Hraun mjakast yfir varnargarð Ný gossprunga geti opnast fyrirvaralaust á næstunni Allt að gerast í Vík í Mýrdal um helgina Stór gossprunga gæti opnast fyrirvaralaust Fylgi Höllu Hrundar ekki fast í hendi Tíu kílómetrar eftir af hundrað: Gangan miklu erfiðari en hann óraði fyrir 800 milljóna króna hreinsistöð byggð á Selfossi Sveddi sagður með tengsl við ítölsku mafíuna Vara við því að fara gangandi að gosinu Kastaði glerflösku í höfuð manns og gisti í fangaklefa „Það er enginn sem verndar son okkar“ Krefjast skýringa á brotthvarfi Maríu Sigrúnar Veisluhöld forseta séu barns síns tíma Húsráðendum tókst að ráða niðurlögum elds í þakskyggni Landsréttur komi fram við ákæruvaldið eins og lítið barn Mannasættir sem óttist ekki að standa í fæturnar Mótmælendur fengu óvæntan liðstyrk frá Hollywood Sjá meira