Innlent

Flugumferðarstjórar búnir að semja

Árni Sæberg skrifar
Arnar Hjálmsson er formaður Félags íslenskra flugumferðarstjóra.
Arnar Hjálmsson er formaður Félags íslenskra flugumferðarstjóra. Vísir/Vilhelm

Flugumferðarstjórar og Isavia leiddu kjaradeilu sína til lykta í gærkvöldi, þegar skammtímakjarasamningur var undirritaður.

Þetta staðfestir Arnar Hjálmsson, formaður Félags íslenskra flugumferðarstjóra, í samtali við Vísi. Hann segir að samningurinn hafi verið undirritaður upp úr klukkan 22 í gærkvöldi eftir fundahöld í Karphúsinu.

Hann segir að samningurinn sé afturvirkur til 1. janúar þessa árs og gildi til eins árs. Hann sé í takt við aðra skammtímasamninga sem gerðir hafa verið á almennum vinnumarkaði undanfarið. Vinnuáætlun hafi verið samþykkt fyrir nýjar samningaviðræður, sem áætlað er að hefjist strax í febrúar.

Þá segir hann að flugumferðarstjórar gangi sáttir frá samningaborðinu en samningar séu þó þess eðlis að hvorugur samningsaðila fái sínu framgengt að fullu.

Kjaraviðræður 2023-24 Kjaramál Fréttir af flugi Stéttarfélög Keflavíkurflugvöllur Akureyrarflugvöllur Reykjavíkurflugvöllur Egilsstaðaflugvöllur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið